عشق الفيروز « مكتملة »

# الحلقة التاسعة والعشرون

#الحلقة_التاسعة_والعشرون

#عشق_الفيروز

#بقلمي_ولاء_رفعت_علي

_ نزل خالد من سيارة أجرة خاصة امام البناء التي تقطن فيه زوجة عمه وابنتها فيروز... غادرت السياره وأخرج من جيب بنطاله الورقة المدون فيها العنوان ليتأكد قبل ان يدلف الي الفناء .... وفي نفس التوقيت كانت ليلي تهبط الدرج حتي تذهب لشراء بعض الاغراض ... فأنها منشغله بهاتفها التي تنظر اليه بدون ان تنتبه امامها حيث تصادمت في خالد الذي لم يلحق تفاديها

ليلي تأوهت من ارتطام جسدها بجسد خالد : ااااه مش تفتح يا اخينا ... قالتها وهي ترفع رأسها لتحدق به بذهول وهي تتمتم بداخلها : يخربيت حلاوتك .. ده مين المز ده؟ وجاي عندنا بيعمل اي؟

خالد بقليل من الغضب : والله حضرتك الي غلطانه حد يبقي نازل السلم ومركز ف الموبايل.... قالها ومازالت هي تتأمل ف ملامحه كانها ف عالم أخر... فأردف هو : انتي يا انسه مالك متنحه كده ليه؟

ليلي لم تجيبه حتي استعادت تركيزها وبفضولها المعتاد : انت حضرتك جاي لمين هنا؟

خالد : انا جاي هنا لفيروز سراج الدين

ليلي بصدمه : فيروز؟؟؟؟؟ انت تعرفها منين ؟

خالد : وانتي تعرفيها؟

ليلي : دي صديقتي الانتيخ

ابتسم خالد من اسلوبها المازح بالحديث فاردف : طيب هي فوق؟

ليلي : انا الي كنت لسه هسألك عليها دي من ساعت ماسافرت هي ومامتها معرفش عنهم اي حاجه ومش عارفه اوصلها خالص... وبعدين انت تقربلها اي ؟

خالد : ابقي ابن عمها والمفروض جاي اخدها عشان هنسافر البلد الي هم سافرو ليها

ليلي : امممم بس غريبه انا فيروز اعرفها من ايام ما كنا ف الروضه عمرها ما جابتلي سيره ان ليها قرايب غير لمامتها خاله وعايشه ف اسكندريه

خالد : ده موضوع طويل هي هتحكهولك بعدين ... بس افهم من كلامك كده هي مش فوق

ارادت ليلي ان تطيل الحوار بينهما : اه مش فوق بس ممكن تروح تسأل ف القسم حد ممكن يكون عارف مكانها بس معرفش رجع بقي ولا لسه

خالد بعدم فهم : مين ده ؟ وقسم ليه؟

ليلي وتزكرت ان اليوم هو عطلة علي من عمله ف المخفر عندما ذكرهذا ابيها مرة امامها : طيب عشان نختصر الوقت تعالي نركب توكتوك ونروح للقسم و ف الطريق هفهمك كل حاجه

وافقها الرأي فهو ليس امامه سوي ان يمسك اي طرف خيط يوصله اليها... فأشارت ليلي له بالذهاب امامها وهي خلفه

ليلي : ثواني ... توكتوك .. القسم ياسطا

السائق نظر لها ولخالد الذي يقف بجوارها فأردف : اها بس الاجره بالنفر