خاتم سليمان ...للكاتبة علياء رسلان

الفصل الرابع عشر :- (( هيروين ))

  الفصل الرابع عشر :- (( هيروين ))

اتجه هو لشركته الذي ما ان دلف للمكتب حتي وجد

صديقه ينتظره وعلي وجهه علانات التوتر والغضب

نهض من موضعه ما ان رآه قائلا بغضب : داغر في مصيبة

في الشحنة الجديدة بتاعت المستلزمات الطبية

جلس هو علي مقعده بعد ان وضع الجاكيت علي ظهر

الكرسي ليهتف بتساؤل : اهدي اهدي مصيبة ايه علي الصبح اقعد براحة واحكي ربنا يستر ايه اللي حصل

سيف بغضب : امبارح كنت بشوف محتويات الصفقة واكتشف ان في 300 صندوق من المستلزمات الطبية جاية

داغر بتساؤل : تمام ايه المصيبة في كده الكمية دي زي ما طالبين

سيف بغضب : المصيبة ان ولاد ****** حاطين 250 صندوق هيروين يا داغر

نزلت عليه جملته كالصاعقة ليهتف بصدمة : ازاي يعني

سيف بغضب : يعني ان اللي باعت الشحنة دي من برة متفق مع *** من هنا وحاطين 50 كرتونة وال ***** اللي هنا هياخدوا واحد من 50 دول ويحللوهم وبحيث كده تبقي المواد تمام وال 250 صندوق هيروين

داغر بدهشة : وانت عرفت منين

سيف بشرح : بقولك كنت بقلب ف محتوايات الصفقة ولاقيت واحد باعتلي رسالة بيقولي الكلام اللي قولتهولك وبيقولي ف صور الشحنة اللي هتيجي هتلاقي في خمسين صندوق عليهم علامة وبالفعل اما شوفت صور الشحنة لقيت كذا صندوق عليهم علامة ومعني كده ان دول المستلزمات الطبية والباقي هيروين

ضرب هو بقبضة يده علي سطح المكتب بقوة قائلا : ومين بقا ال ******* اللي متفقين هنا وليهم مصلحة ان المستلزمات الطبية تتبدل بهيروين وبالذات من شركتنا هنا

سيف بحيرة : للاسف معرفش

ارجع هو رأسه للوراء بغضب جامح

لينهض بعدها فجأة قائلا بعجلة : سيف تعالي معايا حالا
ومن دون كلمة اتجها معا للعربة لينطلق هو بها كالسهم للمنزل

@@@@@@@@@@@@@@@@@@@@@@

وصلا الي المنزل ليدلفا للداخل

داغر بأمر : سيف اقعد هنا عارف لو نطقت كلمة مع اراميس هنفخك

وصعد بخطوات واسعة الي غرفته ليجدها تجلس وكأنها تنتظره علي الفراش وتنظر له بترقب علم من نظراتها انها تعرف

داغر بتمهل : كنتي عارفة صح !!

اومات له بهدوء قائلة بابتسامة : ومستنياك

نظر لها بغضب قائلا : يعني عارفة ان ده هيحصل وماقولتيش صح

رفعت هي كتفيها للاعلي بتبرم قائلة : مش المفروض ان انا اللي اعرفك كل حاجة اعرف انت لوحدك و الصفقة لازم تحلها قبل المعاد يا داغر هتوصلك لحاجة كبيرة اووووي وهتحل كل اللي احنا فيه ده الصفقة بحياتنا لازم تحل لغزها ومن غير مساعدتي فهمت يا داغر