الفصل السادس والعشرون :- (( الكتاب ))
يجلس امامه بهدوء وهو ينظر له بشرود ومن ثم تسنر موضعه عندما وجده يهتف بصوت متقطع يشوبه الألم : اا..ر..ا..م..ي..س!!
انتفض داغر من موضعه وهو يقترب نحوه بعدم تصديق ليجده يجاهد في فتح عيناه فصرخ مناديا الطبيب...
هتف الطبيب بأسف : للأسف مفيش تحسن كأنه بيفوق ويغيب عن الوعي تاني انا مستغرب من حالته ،، ايه اللي يخليه كاره الحياة للدرجة دي!!
ثم اكمل بتساؤل : هو اتكلم قال ايه؟!
هتف داغر بشرود : اراميس
اوما الطبيب قائلا بجدية : ياريت تجيبوها وخلوها تنفرد بيه لوحدهم هو اكيد هيحس بيها وهيبقا عايز يفوق ،، اكيد دي حبيبته ،، ماقدرش اوعدك انه يفوق غير بحضور البنت دي ،، البنت دي هي اللي هتبقا الأمل الأكبر انه يفوق ويرجع للحياة...
نظر له بألم عاجزاً عن تلبية طلبه قائلا بصوت مبحوح : للأسف في حاجات مقدرش انفذها لأنها مش بأيدي...
@@@@@@@@@@@@@@@@@@@@@@
كان يقف ينظر حوله بتمني وهو ينتظرها بلهفة قاتلة!!
حتي ظهرت له والأبتسامة الهادئة تكسو وجهها قائلة بهدوء : المرة الجاية هترجع..
هتف بحزن وإشتياق : عمري ما هرجع غير لما ترجعي ،، انا مش عايز ارجع ولا قادر ،، كاره الحياة من غيرك ،، لو انتي رجعتيلي انا هرجع!!
هبطت دمعة منكسرة علي وجنتها قائلة بعجز : مش بأيدي إني ارجع ،، ماقدرش وعمري ما هقدر ،، عشان خاطري ماتضعفش واتمسك بالحياة ،، لو انت فعلا بتحبني..
نظر لها بأسي قائلا بحزم : عمري ما هرجع غير لما ترجعي ،، افضل متعلق اهو من إني ارجع للدنيا وماتبقيش معايا ،، حتي لو فضلت لا طايل سما ولا أرض!!
@@@@@@@@@@@@@@@@@@@@@@
كانت تنظر له قائلة بسرعة : يلا عشان لازم نبدأ نجهز نفسنا
هتف الآخر بجدية : انا جهزت الأسلحة كلها وخلاص قاعد مجرد ساعات وتيجي لحظة المعاد...
هتفت عهد بقلق : انا مرعووبة يا جاسر ،، حاسة ان كل حاجة هتبوظ...
احتضنها جاسر قائلا برزانة : طول ما ربنا معانا مفيش حاجة هتضرنا!!
@@@@@@@@@@@@@@@@@@@@@@
هتفت وهي تنظر له بتمعن : يمكن!!
ضحك قائلا بسخرية : هو ايه اللي يمكن؟!
هتفت بهدوء : بمكن بتحبني ويمكن انا بحبك ،، او هحبك!!
هتف هو بإمتعاض : أنتي غبية يا بت أنتي يعني ايه يمكن بتحبيني او هتحبيني؟!
رفعت كتفيها لأعلي قائلة بملل : معرفش!!
رفع احد حاجبيه لأعلي قائلا بغيظ : طب من هنا بقا لحد ما تحبيني او ماحبتنيش هتفضلي بتاعتي وملكي انا وبس وليا انتي بتاااعتي اناااا!!
أنت تقرأ
خاتم سليمان ...للكاتبة علياء رسلان
Fantasiaخاتم سليمان يعطي لمن يرتديه قواه تظل بجسده مادام يرتديه ، هي الوحيدة التي تورثت قواه حتي اذا نذعته لا تذهب قواه ، تظل بجسدها توارثته عن اجدادها تلبسته بأول ثانية ولدت بها ، لا يعطي قواه لغيرها حتي ان تركته وذهب لغيرها فهي تحكمت بقواه وصارت ملكها...
