الفصل الثالث والثلاثون :- (( إختياري أم إجباري ))
رفعت كتفيها للأعلي ببساطة قائلة : الميعاد الأخير ،، أنتو خلاص تجاوزتوا كل حاجة جه معادكم الأساسي ،، أنكم تتجوزوا ودي مش مرحلة طبيعية ،، حتي دي كان متحددلها ميعاد!!
ولعلمكوا مش انتو الاتنين بس اللي هتتجوزوا لا ،، سيف واراميس ،، وعلي ولقي ،، ويوسف ورضوي!!
التف بسرعة البرق ينظر لها بغضب وكاد أن يتحدث لكنها قاطعته بطريقة مضحكة : ورحمة أمي ما أعرف حاجة عن الميعاد ده!!
نظر لها بشك ومن ثم نظر لوالدته ليجدها تهتف بابتسامة : دي الحاجة اللي فعلا محدش يقدر يعرفها غيري أنا يا داغر ،، والميعااد بعد أسبوع ..
نظر الأثنين لبعضهما بدهشة قائلين معاً : ميعاد ايه!!
هتفت تغريد بجدية : ميعاد جوازكوا!!
ثم وجهت نظرها لورح قائلة بجدية تامة وغموض : بس روح لازم تختار قبل اي حاجة ،، ها يا روح هتختاري ايه!!
نظر لهم داغر بعدم فهم وكانت الاخري تنظر لهم بتوتر وهي تفرك اصابعها وتتحاشي النظر بوجه داغر ...
هتف داغر بحدة : ايه اللي انا لسة معرفوش يا روح!!
تعلثمت حروفها وهي تقول : آاااا ..
قاطعتها تغريد قائلة بجدية : الحاجة الوحيدة اللي ماتعرفهاش أن روح يا داغر هتفقد كامل قواها بمجرد الزواج منك ،، لأن قواك أنت وهي ممكن تضروا بعض ،، زي ما كنتوا بتعملوا!!
نظرت بجهة أخري وهي تحاول كبح دموعها التي تهدد بالتساقط!!
ها قد جاء ثاني شئ كانت تخشاه ...
وهو الأختيار ،، لا تعرف هل سيكون إختياري ام إجباري!!
اوما داغر بجمود قائلا بحدة : هتختار اللي هي عيزاه وده اللي هيمشي .. ثم أكمل بقوة : هتختاري إيه!!
سقطت دمعة علي وجنتها وهي تلتفت له قائلة بهدوء : هختارك أنت يا داغر ...
لتكمل حديثها قائلة بصوت مختنق : هختارك عشان أنا ماليش غيرك ،، هختارك عشان أنت كل حاجة بالنسبالي ،، هختارك عشان القوة مش هتحميني طول عمري ،، هختارك عشان هتبقي حمايا ،، لو مش واثقى أنك هتحميني كنت أخترت القوة ،، لكن أنا هختارك أنت يا داغر ،، أنت وبس ..
شعر وكأنها مجبرة علي التخلي عن قواها ليهتف بهدوء : روح ،، محدش هيجبرك تختاريني او تختاري قواكي ،، خدي بالك أن الخطوة اللي هتاخديها مفيش منها رجعة!!
اومات له قائلة بجمود : انا محدش يقدر يجبرني علي حاجة وأنت عارف كده كويس ...
ابتسمت تغريد بفرح قائلة بابتسامة حنونة : روح شوف هتعمل ايه يا عريس وروح هتيجي معايا انا ..
نظر لها بابتسامة وقبل أن يرحل كانت يده تهبط علي ظهر روح بقوة قائلا بتوعد : يومك جه!!
أنت تقرأ
خاتم سليمان ...للكاتبة علياء رسلان
Fantasiخاتم سليمان يعطي لمن يرتديه قواه تظل بجسده مادام يرتديه ، هي الوحيدة التي تورثت قواه حتي اذا نذعته لا تذهب قواه ، تظل بجسدها توارثته عن اجدادها تلبسته بأول ثانية ولدت بها ، لا يعطي قواه لغيرها حتي ان تركته وذهب لغيرها فهي تحكمت بقواه وصارت ملكها...
