نوارس مهاجره

نوارس مهاجره ١٧و ١٨

# نوارس_مهاجر17
#زينب-الموسوي

روان

العلاج المناعي اصبح نقمه عليه ....
اسبوعين صار ممداومه
الدكتور خبر ملاك. ان جسمي ينمو وخايفين ....
ان ميتقبل العلاج
ضربوني ابره كيمياوي
المها مينوصف. مثل نار مشتعله داخل شراييني هاده حيلي
وكل يوم الصبح اركض على المرايه.... اخاف شعري يوگع
او رموشي..،
ورغم تطمينات الاطباء وحجي ملاك ويايه الرعب داخلي باقي واني اتفحص ...شعري.... ورموشي

: بطلي هلوسه الابره صار اسبوعين من ضربتيها
لو تاثر على شعرج جان وگع من زمان

: خايفه ملاك
مو بس على شعري ...مااريد اموت
وبابا بالحلم ...يگلي تعالي ارتاحي يمي ..

ركضت من سمعت كلامي
وحضنتني

: اسم الله روان حبيبتي ...
هذي احلام من هالگد متفكرين بابا

: الله يخليج ملاك گوليلي الدكتوره گالت مااموت

: متومتين الا بعد سبعين سنه ...ويجوز ثمانين.. او ميه

: صدوك تحجين لو تكذبين عليه

: لج اكذب شنو شوكت كذبت عليج
گومي بدلي وتطلعين ويانا نشتري اثاث

: جسمي مكسر مااگدر اكوم

: كومي ياعيني ...خطيه ماما من تشوفج تطلعين... ترتاح كومي لخاطرها

روان :
وبعدها توديني لبيت مروه مشتاقتلها حيل

: تدللين

واني ابدل ثيابي شفت الموبايل ...فتحته ....
كم مره متصل رعد... واكيد ملاك مجاوبته
فكرت اكتب رساله اله ...
وخفت يرد عليه... وملاك تشوف الرساله

اريد اگوله... افتقدك ...واخاف تفقدني بالموت

تركت فكره ادز رساله ....وطلعت طلعت وياهم

افترينا بالمحلات...
ملاك وايه عدهن نفس الذوق بالاثاث ...
يحبون الالوان الفاتحه .... الي تنطي للبيت انطباع بالهدوء ....
والنقاء ....
اختاروا الاثاث بينهم ومسالوني
شيتصورون اني طفله ؟
ماافتهم
ولمن وصلوا ل اختيار اثاثي.... كان لازم اعترض ...
وخاصة لمن ملاك حددت حتى غرفتي

: روان تاخذ الاتك ....كله الها ...واثثه كله وردي ...

: مااريد وردي اني موصغيره
وحتى القنفات معاجبانتي

ايه فضت النقاش وهيه تشكي من الم رجليها

: يابه خليها هيه تختار... وفضوني... ترى تعبت من الفرى مو كافي وگفة المطعم
تحول النقاش بينهن. وهنا يجربن الجلوس على كراسي الطعام.... قبل ليشتروه... واني ناسياتني

: صدوك ايه اتركي الشغل بالمطعم وابقي بشغل واحد

: ابو المطعم ميقبل... يكول اعزل المطعم اذا تبطلين عندي ...اقترحت عليه اشتغل وياه تلث ايام... والمحل يومين ...ونهايه الاسبوع ادرس