نوارس مهاجره

نوارس مهاجره ٤٢

السلام عليكم 
ختام رحلتنا مع النوارس في هذا البارت
البطله ممتنه منكم. ..
وانا الكاتبه ممتنه منكم
وشكرا لو قتكم الثمين

#نوارس_مهاجره42

#زينب_الموسوي
الجزء الثاني .... النهايه

ايه
كل المصاعب الي شفتها بحياتي ..  كل هذي السنين
بمرارتها  وتعبها
لحد هذا اليوم.. ماعاصرت صعوبه مثل صعوبة  عمى طلال

. سلبني 
الشعور بالحياة ... وحولتني الى كائن حي كل مابداخله هم ..
ومع ذلك متشبثه بالامل واحاول  ازرعه بداخله  قبل العمليه ...
وصلنا المستشفى الساعه عشره
كلنا اهناك اكبار ... واطفال

اخذوه  الممرضات ... يحلقون شعره  ... وهنه ياخذنه  على كرسي ... كل مابيه عجز  ... وكأني كبرت  مية سنه
وعروق الحياة جفت من كثر الهم
اقتربت من الزجاج ... وهنه يذبن خصل شعره بالمكينه للارض
وعيوني اتابع. نزول شعره  ... وگع حيلي مع كل شعره من راسه .. ودموعي ماعادت توفي
خوفي ...وحزني

جهزوا لغرفة العمليات .. وسدوا الباب ..،
باوعت الباب  واني اتذكر كم باب غرفة عمليات خذلني  بحياتي ... دعيت الله ( يارب كون معاه )
انداريت على اهلي
ملاك يمها نوارس وحسن وتدعي
واثق لازم سبحه ويسبح
وماما تقرا قران ...
واني واگفه ... وانتظر. واتصور
العمليه ... وافكاري تزاحم افكار
ماما تگلي اگعدي .. واثق يلح عليه استريحي

مااگدرت حتى ارد عليهم

اربع ساعات اني واگفه ... وعيني على الباب ...
انفتحت وطلعت ممرضه والدكتور ...
ضاع الحجي مني وبقيت واگفه بلا حركه

الدكتور افتهم وضعنا .. وشرح

: زرعنا الاورده بنجاح ...
ومثل ما فهمتكم تحتاج وقت حتى تظهر النتائج ...

النتائج. كانت ... انعزاله عن الناس والعمل ... عصبيه  مالها حدود  ... وجزع  قاتل

وعدت ٣ اشهر  وهو بقى ميشوف
يگعد الصبح يوميه يردد نفس الجمله

: ايه هم مااشوف

: اصبر شويه حبيبي  ربك فرجه على لحظه

: مليت من الصبر. وانتي هم مليتي ..، لشوكت تخبين

: ياعيني هالعصبيه هيه الي تاذيك  .. اهدء  وارتاح

: لج شرتاح.. واني اعمى.. وتاركج بين عمال المحطه وعمال البيت  ورعايتي ورعايه نوارس وعلى وجه ولاده

: حبيبي اني ماشكيت. وهذي حياتنا .لازم  نمشيها  للاخير

: والله  برود  الاعصاب  هذا عندج  راح  يموتني

: مو برود  اعصاب  حبيبي
هذا  حب
اني حبيبتك  وانت بالعشرين
وزوجتك  بالتلاثين
وراح اكون ام  ومربيه ل اولادك   بالاربعين
وبالخمسين اكون رفيقتك
وبالستين  ممرضتك
وبالسبعين  عكازك
وبالثمانين