متابعيني ... واصدقائي ... واحبابي
السلام عليكم
القصه تخص اخوات ثلاثه
والبارحه ونتيجة الاستعجال ذكرت بالخطا خطوبة ملاك
وهيه بهذي الاحداث مكانت مخطوبه
لذلك بارت اليوم راح يكون عن خطوبة ملاك وبقية الابطال
#نوارس_مهاجره28
#زينب_الموسوي
—————————-
ملاك
باحد الايام العاديه.... بحياتي نزلت للاسواق ويايه ماما ...نشتري حاجات الاسبوع
وكل جهدي احاول مااناقشها باي شي ...اخاف تغضب عليه
واحنا نفتر... لمحت واثق ديتسوك
اني صح شلت الحضر عنه ... لكن عزيته برساله من تلفون ماما ... وباسم ماما
وهو. رد على الرساله بشكر ل ماما
شفته تحركت بسرعه
حاولت ابتعد عنه.. واغير مكاني بسرعه ..
ماما كانت بقسم الاجبان وصاحت عليه
: وين رايحه مو دنتسوك بقسم الاجبان
: ماما بعدين نرجع اهنا ...
هذا واثق ليشوفنا ويلزك النا
اهوووو ياحظي شافنا
ترك عربة التسوق الي بايده ...واتجه بسرعه علينا
وهو مبتسم... اضطريت ابتسم
ادري ماما راح تفتحله مجال ...
وصل يمنا
لابس قميص اسود ... وشايل النظارات
واني لابسه نظاره
شلتها
سلم علينا
: السلام عليكم شلونج حجيه
: وعليكم السلام يمه شلونك خاله
: بخير ونعمه
توجه اليه بالسلام
: شلونج انسه ملاك
: الحمد لله شلونك
شعجب اهنا اليوم... مدينتكم مابيها اسواق عربيه ليش
؛ لا والله مابيها ...وايضا جاي بعمل
بدون ماسأله شنو العمل ظل يشرح
؛ عندي نوع من النباتات نجحت زراعتها بمزرعتي ...واتفقت مع هذي الاسواق تشتريه
: الله يوفقك شنو النبات هذا يمه
: اسمه البطنج اكيد تعرفيه حجيه
ردت اضحك من سمعته لكن ماما تولت المهمه بدل عني
وضحكت وهيه تجاوبه
: اي يمه اعرفه... وكلنا نززعه بحدايقنا اهنا
انحرج ولبس النظارات وشرح قصده
؛ اي انتم تزرعوه بذور من العراق
اني زرعته من بذور امريكيه... وبكميات تجاريه
: انشاالله تنجح زراعته ونشتري منك
كنا واگفين بطريق المتسوقين
والعربه ساده الطريق
صار لازم افتح الطريق واتحرك فهو راسا اتصور اريد انهي الحديث وياه
حجى ويه ماما
: حجيه اني من زمان حاب اشوفج ...واحجي وياج ياريت تحدديلي وقت
وماما شجعته بردها
أنت تقرأ
نوارس مهاجره
Romanceقصه حقيقيه تتحدث عن ثلاث مغتربات عراقيات يقررن الهرب من المعاناة داخل الوطن الام فيجدن المعاناة الاكبر في الغربه
