سلام قلبي

بارت 2

سلام: شبيچ شايفتلچ جني ادري ما مسشور بس ما اخوف لهدرجة
نور: عفته ومشيت بسرعه لو مو عيونه سود اگول هذا زوجي الله يرحمه وصلت للمدرسة مثل المخبله گعدت اتذكر اخر يوم شحچيت ويه محمد
محمد: ليش تحرميني من حضنچ مو شلعتي گلبي المفروض هسة احنه منطلع من الغرفة
نور: محمد حباب ما اريد توني سشورت
محمد: من نخلص اني اسشورلچ
نور؛ اذا نمت بحضنك متروح
محمد: ديري بالچ تساوميني على الطلعه لان لو يصبوچ ذهب علمود ما اطلع هم اطلع
نور: حباب محمد خلي يمر كم شهر على زواجنه واطلع
محمد: الله الحافظ گليبي بس اريد حظنچ شوية
نور: بس حضن
محمد: شوكت تتعودين على الحياة الزوجية الي حقوق وعليچ وجبات
نور: انت توجعني
محمد: ذيچ چانت اول مرة عادي تتوجعين بس هسة لو وجعتچ گولي وخر اعوفچ
نور: اوك بس لو جعتني ادفرك
محمد: هلا هلا شبيهة الي راح تدفر ولزمت ايدهة قيدتهم صرت فوگاهة يلا دفري
نور: محمد حباب لا تخوفني ضل يضحك عليه ضل يقترب سحب شفتي وضل يحجي ويايه منا من خلصنه
محمد: ها وجعتج
نور: لا
نور : اسالك سؤال
محمد: اسألي
نور :محمد انت ليش تحبني
محمد: تتذكرين من چنت اوگفلج يم باب المدرسة
نور: اي
محمد: شگد چنت احچي وياچ بس انتي تصفنين ومرات دموعچ على خدچ وتركضين
نور: اي چنت اخاف منك ومرات تگولي مصيرچ بحضني اموت خوف عبالي تخطفني
محمد: اووووف لو اهلچ ما انطونياچ چان خطفتچ لسة اتذكر من احجي الغاز وانتي مثل الثولة صافنه
نور: تدري چنت ارجع اسال اخوية ويضربني ويگولي هذا فشار اموت خجل واكله سمعت من البنات
محمد: دتعاي خل اشبع من حضنچ
نور: نمت مرتاحة اول مرة هيچ ارتاح بحضن محمد چنت احسة غريب عني لان الخطوبة والزواج ما طولن بس 5 ايام خله اهلي واهلة مثل المخابيل بحيث يوم الزفه الصبح احنه بالمحكمة وبالف يا علي خلصنه العقد و رحت للصالون بالگوة خلصت واول يوم العرس الكل يسمع طكطكة سنوني ويضحكون عليه چنت زغيرة بس محمد خوش ولد و بنضر اهلي چان يستاهل ينطوا بتهم وان كانت زغيرة ولمن فهموني شيصير بيوم العرس ضليت ابچي مچلبه بايد امي ::ماما حبابه ما اريد شنو هاي يشوف جسمي معليه ما
ام ميس: عادي يمه كل البنات هيچ هسة تتعودين وتگومين انتي تريدي يقربلچ
نور: ماما حتى انتي وبابا هيچ تسون؟؟
ام ميس: ماما كل البنات وكافي تسالين هيچ عيب
نور: ضليت ابچي حتى الكحله نزلت اجت اختي عدلت المكياج وسمعت صوت المزيقه برة والنسوان اجه اجه متت من الخوف گلبي راح والطلق اريد اوگف ما اگدر وطب محمد شلون هيبه وجمال كلش حلو البنات كلهم حاسديني عليه واني ميته خوف منه زفونه واني گلبي يرعد وبيومهة اجاني بلهفه :: حباب ما اريد تسوي ويايه مثل ما گالوا
محمد: ليش شنو گالوا
نور: كل عقلي محمد ميعرف گتله مگالوا شي وضحكت رحت للحمام سبحت وغسلت المكياج لبست سيت نوم ابيض ستن مستور كلش ورحت للچربايه نمت طب محمد للحمام يسبح طلع طفه الضوة دقيقتين ومحمد صار فوگاية واني اقلص بجسمي من الخوف تم زواجنه اني بس ابچي فزيت ع صوت المدرسة
المدرسة: نور شبيچ صافنه ووجهچ اصفر
نور: خانتني دموعي ضليت ابچي همة اتصلوا على اهلي اجو اخذوني
سلام: ثاني يوم العقد رحت اخذ هوية ست ميس علمود عقد المحكمة ولاگيت ام اللسان بس شنو جسمهة صاروخ بنت القندرة شايلة دگة حنچ تجيب التايه دگيت باب بيت عمي طلعت ميس بشورت قصير احمر وبدي بس اسقيات يمه متت هي ثلج بس شلون جريئة بعدنه البارحة عقدنه وهاي كانت اول نقطة ضد ميس خلتني اعيد النضر باخلاقهة :: باچر اجي عليچ اخذچ نغير جو
ميس: اگول لبابا واشوف
نور؛ اجت الامتحانات وخلصن اني وميس خامس لان تركت بسبب وفاة محمد سجلنه معهد تقوية للسادس اشوف اختي دائما تتسحب من المحاضرة گلت يجوز علمود خطيبهة علاقتي ويه ميس مو كلش اهم شي مصلحتهة ابتعدت عنها اخذت النتيجة ناجحة وميس هم ناجحة اني علمي هي ادبي صادف بعد 3 عيد ميلادي حجزنه بمطعم صمد بشارع الرواد بس اني وصديقات ميس وگلت لامير وميس عزمت خطيبهة اني رحت للصالون هي وصديقاتهة سبقوني هناك اني ما عندي صديقات بس ايات وبعيدة عني خلصت اتصلت ع امير اجه اخذني وصلنه لباب المطعم گلي خل اغيضهن لزم ايدي وطب يعرف سوالف اختي ويوم المهر سولفتلة طبينه العيون كلهة علينه اني لابسه بنطرون جينز وقميص ابيض عليه يلگ جينز وحذاء زيتوني وجنطة زيتوني وشال زيتوني فاتح امير لابس قميص ابيض وبنطرون اسود هو ابيض عيونه صفر بارزة ملامحة ناعمة وجهة مبين خبيث بس هو كلش حنين
ميس: هاي شنو چنكم عشاق
امير: شعندي غيرهة غير مرتي وام بيتي
ميس؛ ممممم تتهنون انشاء الله تگدر تنسه اخوك ويتم زواجكم
نور: احس روحي راحت من گالت اخوك الله لا يوفقچ يا ميس سكتت دنگت گالت اجه سلام راح اطلع اشوفة وصديقاتهة گامن وياهة اني حطيت راسي على كتف امير هم راح يجي يوم انسه محمد
امير: انشاء الله
نور: تره اختي وصديقاتهة ضحكهن وشقاهن اوفر فغلس حباب
امير؛ لاجل عين الف عين تكرمون
نور؛ وين صاروا واستاذ سلام وينه تدري حسرة اشوفة والله لو مو حلو اضل ابسمر ميس لان الي عرفتة علمود فلوسة ميس قبلت راح اروح للحمام اعدل مكياجي
سلام: هاي شنو كلچن جايات تستقبلني
ميس: حتى اعرفك عليهن براحتي لان اختي وخطيبهة عقدة تحملهم شويه لخاطري
سلام: امشي خل نطب عيب واگفين هنا طبينه حاجزين زاوية من المطعم مزينه لگيت ولد مرتب حلو گاعد بس من شافني تصنم :: سلام عليكم شلونك عديل ما صحلنه فرصة نتعرف
امير: جمدت بمكاني معقولة هالگد يشبه محمد وانوب منو رجل ميس
سلام: دنگت على ميس بهمس اگولچ هذا اطرش لو من كثر جمالي راح يبچي
ميس: امير شبيك
امير: صافحتة وبوسته وگعدت عيني على باب الحمام منتضر نور
نور: طلعت من الحمام لگيتهم واگفين وضهر واحد طويل ومعضل عليه رحت يمهم وامير يباوعلي بنضرات معرفت افسرها وصلت يمهم
ميس؛ وهاي اختي نور
سلام؛ درت وجهي وشفت ام لسان ورة دقيقه هي نزلت دمعه هي وگعت مغمي عليهة شبيهة هاي هي وخطيبهة خطيه تخبل عليهة غسل وجهة هي گعدت بس شنو بس صافنه بوجهي وميس هي وصديقاتهة بس يضحكن بصوت عالي حتى احترام للعباية الي لابستهة ما خلت تضايقت وهاي اختهة ساكتة جابوا الكيكة ميس لاهية ويه صديقاتهة ونور هي وخطيبهة قطعوا الكيك ووزعوا كانوا كيكة بالبيت مسويهة مال عصرونية على گولت امي گعدت توكل خطيبهة وراه اجه اتصال مهم
امير: حبيبي لازم اروح
نور: اخذني وياك فدوة
امير: يلا تعاي
نور: ردت اطلع بس قبلهة لازم اتاكد هذا حقيقي لو تخيل رحت يمه حطيت اصابيعي بين شعرة هو غمض ورفع جفنه بثقل وراهة همس شبيچ
نور: دموعي ضلت وحدة تسبق الخ امير جرني دفعنه الحساب وطلعنه همة ضلوا يتغدون
امير: كافي موتي روحچ
نور؛ لك ليش هيچ حضي يستنسخوا ويجيبوا يمي شكو گمت اشك هاي عداوة من السما ويايه
امير؛ سكتي كافي
نور: يومين افكر اخر شي استسلمت مجرد شبه نزلت حتى اتغدة يومين ما ماكله شي
ابوميس: حضروا روحكم ابو سلام عازمنة على العشه اليوم
نور: يبوووو جاوبت بسرعه اني ما اروح
ابوميس: لا بابا ميصير العقد ما حضرتي حتى العزيمة لا تروحين وتكعدين يمي هم
امج اسرسحهة على اخوج
نور: باوعت لامي متت ضحك الضاهر علا كالتله على حجي امي بيوم العقد بالليل لبست ابسط ملابس عندي بنطرون ابيض وبدي وردي وشال وردي فاتح والجنطة والحذاء هم ورديات مكياج وردي خفيف وطلعت ركبت يم بابا بالصدر ميس ورة وامي يم مؤيد رحنه حاجزين بمطعم فخم ابو وامة مبين عليهم الترافه اخو الجبير كلش رزن واخته لطيفه كلش بس تضحك كعدت كبال سلام
ابو سلام: واللة اشتاقيت لكعداتنه تتذكر ضرار من جان ويانه الله على كعدات قبل
ابو ميس: والله جنه متونسين لو ما السم النشربه
ابو سلام: شوف منو جاي يحجي هو منو علمنه عليه
ابو ميس: دسكت فضحتني كبال جهالي
ابو سلام: شلونج عمو نور ولج صايرة حلوة
نور: التفتت علية تحجي كانوا تعرفني اني اول مرة اشوفك
سلام: خرب حضج فشلته هسة دسكتي احجي ويه روحي و كاتم ضحكتي بالكوة
ابو سلام: شفتج بالفاتحة مال زوجج
نور: هااا والله ما ادري موجود جان رتبت روحي
سلام: اني هنا بعد ما اتحملت متت ضحك خو نزار عيونه دمعت من الضحك
ابو سلام: ولك عادل عندك كلاشنكوف مو بنيه
نور: بابا حروح للحمام واجي رحت للحمام شفت ميس تسوي روحها تبجي وتشهگ وتحجي بالموبايل سدته وتعوج بحلكها وطلعت عدلت الشال والمكياج وطلعت كعدت جابوا المقبلات حسيت واحد يدفرني من جوة الميز دنكت اباوع ماكو لو سلام لو اخته
دنكت اكل حصلت دفرة لخ
سلام: اليوم اشبعج دفرات ولا اخليج تتهنين بنت القندرة خلفية لو مصيبة دلبسي عباية واستري علينه
نور: رفعت عيني على سلام خزرني وعض شفته جابو الاكل واني كلسا محصله دفرة اخته راحت تاخذ كلينس من جنطتهة يم امهة وهم اندفرت اتاكدت هذا سلام فوك القهر ميس بصفه خلصنه اكل جابو حلويات بيتيفور وكيك بقلاوة وبرمة كلهن بصحن جبير ومواعين زغار سلام حط من كل صنف بماعون وانطانياه اخذته طخ ايدي ارتبك وحط لميس وهو هم خلصنه اكل رحت اغسل هو لحكني يصير الحمام ختلة وبي ممرات واحد للرجال وواحد للنساء ومصعد بنص هو راح فتح باب المصعد واجه جرني من ايدي حيل دخلني للمصعد
سلام: بطلي تباوعيلي وملابسج الفاضحة غيريهن مو امج واختج لابسات عبي
نور: وانت منو وتحجي ويايه هيج يبة هدي اللعب لا تنكسرلك ايد
سلام: جريتهة من ايدهة ويامن تحجين
نور: وياك ولا تدفر بعد لان اصيح كبالهم سكتت لخاطر ما اضوج البقيه عفته وطلعت كلش هيلگ
شروق: كلما ادير وجهي اشوف مؤيد يباوع لو يغمز موتني كلش ضجت منه شبي هذا
مؤيد: اووووف اسم على مسمى صدوك شروق بيضه ثلج والحواجب شكر هاي شعرهة وجسمهة يمكن يموتوني من اول نضرة مو لمسة هسة اغمز اضحك ماكو كالبه الوجه كبور طلعنه وماكو متباوعلي
نور: ثاني يوم طلعت للمحاظرة وحدي ميس مقبلت تروح اخذت محاضراتي اتصل على الخط ميجاوب وراهة اتصل گال زوجتي عدهة ولادة ما اگدر اجي خابرت امي تدز احد عليه گالت هسة اگول لاخوچ وره نص ساعه رجعت اتصلت ........

ذكريات العزوف💔💔
نجاه محمد