جاسر: عمي هو من طلگهة سيد خلصنه منه بعد ميربطهة شي بس عقد المحكمة نسوي گعده ونطلگهة
ابو شمس: ما ادري وين راح تصفة اني صوچي ما سمعت كلام امهة ما قبلت اني توقعت يطلع خوش ادمي
امين: هسة احسن شي نسوي لازم نجتمع كلنه بيت واحد حتى ميگدر يسوي شي وخابوا فهد خل يجي عسى ولعل يلگالنه حل
جاسر: شنو خايفين منه نختل
شمس: جاسر انت متعرف ذولة شنو من بشر كتلت بنت ابنهة گبال عيني حباب تعال هو يهدد بيكم
جاسر: والله احس انتي تخبلتي وتحچين هيچ وين اكو هيچ شي
شمس؛ اي تخبلت اخذني على گد عقلي وتعال ويانا
ام شمس: ضليت ابچي على بنتي لا هاي مرتاحة ولا ذيچ يوميه واگعه
شمس؛ طلعنه كلنه لبيت امين هناك ارتاح بنات وسوالف احسن من وحدي اضل خايفه
نور: اسيل تدرين امين وين
اسيل: جاسر خابرة وطلع هو وعمي
نور: گلبي يمه ضلينه گاعدين انتضرنا رجع وياه اهل اسيل واهل جاسر وشمس اخت اسيل گال فرشولهم خل ينامون اسيل نامت يم اهلهة تريد تفتهم شكو
امين: صعدي حضريلي ملابسي
نور: صعدت ركض حضرت ملابسه نزلت لگيت اسيل غافيه يم اختهة همزين بيتنه چبير توزعوا ع الغرف فتت من يم غرفه البنات لگيت ذكريات تقره ردت اصعد شفت حسنين طب للبيت :: وك وين چنت
حسنين: چنت نايم بالاستقبال يم جاسر گعدت البيت اضلم ومقفلين البوب اني طفرت واجيت
نور: يلا اركض نام هسة ينزل عمك يلزمك تحقيق صعدت يم امين مرغت جسمه مبين عليه التعب
امين: تعاي نامي
نور: حضنته هو دارني فتح شعري حط خشمه بين خصلات شعري
امين؛ شگد احب ريحة شعرچ لا تغيرين الشامبو ابد
نور: صار حبيبي
امين: حضرتي ملابسي لباچر حتى ما اگعدچ
نور: هياتهن موجودات انت بس ارتاح
امين: حضنيني حيل ارتاح
نور؛ ترى اليوم يوم اسيل خاف تصعد روح بغرفتهة
امين: لا متصعد وباچر انزل غرفتهة جوة بعد مترهم مو مال تصعد وتنزل
نور: حضنته ونمت فزيت ب 4 على صوت الباب تندگ بالسويچ نزلت شفت جاسر طلع هو وذكريات وشمس واگفه صافنه ع الباب شكو شبيكم
جاسر: ما ادري هاي معيشتني فلم رعب لا تفتح ولا تفتح منوووووو
فهد: اني يوول جبتوني مناك لهنا وصار ساعه ادگ الباب
جاسر: خلص المسلسل يلا روحي انخمدي فتحت الباب
فهد: طبيت شايل الجنطة شفت ذكريات گبالي صافنه مي اريد
ذكريات: انطيته مي رفع رجله ع الكرسي تعبان وهدومة بيهة تراب والعطر مله الغرفه
فهد: اي ذكريات افندي شعندچ گاعدة
ذكريات؛ اقرة
فهد: مو عطله
ذكريات؛ اخذت الملازم من طالبه من العام وگاعد اقره عليهن
فهد: جوعان اريد لفه
ذكريات؛ هسة اسويلك صحت نور طلعنه كبه وبورگ سوينه زلاطة سريعه وديتهن هو حاط ايده على عيونه من طبيت گعد عدل
فهد: ما اريد زلاطة چاي ولو تعبتچ
ذكريات؛ لا عادي هسة اسويلك سويت چاي حطيته گبالة احس اكو رجفه بجسمي خاف يضربني لو ماعجبه ردت اطلع صاحني
فهد؛ تعاي گعدي اضوج اكل وحدي
ذكريات؛ گعدت من كثر الخوف من ابلع ريگي يطلع صوت
فهد؛ شبيچ لازم ساطور
ذكريات: لا ما بيه شي
فهد: ما متعود انام الا اسبح اكو مي بالصخان
ذكريات: اي اكو بس عندك ملابس نضيفه
فهد: اي عندي طلعت ملابسي رحت سبحت طلعت لگيتهة دتفرشلي حطيت راسي ع المخدة غفيت منا لباچر اشوف شسالفه شمس
ذكريات: رجعت نمت حاطة ايدي على گلبي من الخوف نمت حسيت الصبح ع صوته يتعارك
فهد: شگد كتلك عمي لا تنطيهة مبين نغل انت عاندت
ابو شمس: اذا انت تگول احس اني امشي ورة احساسك
فهد: عمي اني المصايب المرت على راسي مو قليلة بگد شعر راسي ويجوز اكثر اعرف الواحد من عيونه هسة لو بنتك مو حلوة انطيك عذر لو عانس بيهة مجال گمر وبعدهة طفله اصلا
ذكريات: شفته عصبي رحت ويه نور اسوي الريوگ گعدن خواتي كلمن على شغله بس شمس ضلت غافيه خطيه
فهد: اليوم اروح لشيخ عشيرتهم اذا ما هدروا دمه اني اعرف شلون اتصرف
نور: عزززة اني خايفه على امين خاف يصيرله شي
ذكريات؛ الله يستر وتعدي على خير
امين؛ يابه اني طالع لشغلي وانت فهد ضل يم البنات ما عندك شي منا من اجي خل نتعاون على حراسه البيت
فهد: والشيخ منو يروحله
ضرار: اني وابو شمس وابوك
فهد: يصير خير رحت ركض للجنطه همزين جبت سلاحي طلعت رصاص من الجيب احط بي اجت ذكريات صارت گبالي
ذكريات: بلعت ريگ شتسوي بي
فهد: مو شغلچ
ذكريات: ركضت شردت سمعت صوت طبه جسم شفت ابويه واگع ركضت يمه ضليت اصيح وابچي اجه فهد يركض ع صوتي اخذوا للمستشفى دخلنه انذار كلهة تبچي ورة ساعتين جابوا گالوا ضغطة نازل مبي شي
نور: من شفت عمو ضرار وگع صار ابويه گبال عيني لو صارله شي اني هنا شلون بيه ضليت ادور امين چان يم ابو دايخ عمو حاط راسه على رجل امين وامين يشربه لبن منضر صدوگ يبچي اول مرة اشوف امين يبچي وگدام الكل
امين؛ يابه مالي حمل الدنيا بعدك شد حيلك وگوم كون بيه ولا بيك
فهد: كافي امين لا تروح توگع انت ونضل حايرين وانتي شبيچ بومه
ذكريات: ضليت ابچي وخواتي هم كلش خفنه على ابويه صعبه تشوفين سندچ يوگع وكلشي متگدرين تسوين وهذا يحچي هيچ خزرته وطبيت لغرفتي
نور: صعد امين للغرفه اشرلي بيده تعاي رحت يمه حضني حيل ضل حاضني اخر شي غفى ربع ساعه فز
امين: اني طالع للشغل ديري بالج ع ابويه وخلي ذكريات تقيس ضغطة كل ساعتين
نور؛ صار حبيبي طلعوا الولد كلهم ضلوا مهند وفهد
مهند؛ اني طالع اشتري جكاير تردون شي
ذكريات العزوف💔💔
نجاة محمد
أنت تقرأ
سلام قلبي
ChickLitعند كل حب لا امل في استمراره يجب على احد الطرفين الانسحاب مهما كانت قوة الحب سيزهر غيره لا تتخلوا عن شي من اجل اي شخص ذكريات العزوف💔💔
