امين: هههههههه ولا تگعد راحة انت
فهد: يلا يوم امشييييي
امين: وجع شبيك
فهد: اريد التحق شغلي واصل لهامتي بيتنه مهجور صار اربع ايام مگابليكم هسة غير تحس وتجي لازمة خالتي سعاد وما خلن واحد ما حچن عليه
امين: اسكت تره مننطيك مرة
فهد: والله اني حاچيت عمي ما اريد منك اريد من عمي
امين؛ ايا صگط الا اخليها ترفض
فهد: غير اموتك صارلي سنتين اقنع تالي تخربهة عليه
امين: والله مخبل انت هاي ثولة لا تشوفهة طب طلعت تره بس بوخة الطفل متعرف شلون يصير
فهد: اني اعلمهة
امين: يا سگط يا چلب اكل خرة ونچب
فهد: هههههههه لك شنو هالدودة مو خواتك راح يتزوجن لو جاي بس على فهد المگرود
امين: ما ادري بس تقات وذكريات ذني بناتي صح تقات تغلط هواي بس روحي بيهة لو تنام وما اشوفهة اضل كل اليوم افكر ليش نامت خاف ضايجة معتازة شي مو مثل بركات وكحة وايات هاشم ادري بي عاقل الا انت مخبل وهاي تعاند
فهد: ما تاكل خرة عوزي بس ابني مزار لاختك واطوف اي مو شگتني وكلما احچي تگولي اخاف منك
امين: الله يهديكم ثاني يوم زفيت خواتي الاثنين ما حسيت بعرس بس اخذتهن من الصالون للقاعه بس من سلمت كل وحدة لرجلهة احس انطي وصله من گلبي ابويه واگف يبچي اول شي زفوا بركات بعدين ايات طلعت من القاعة للبيت ضايج كلش اسيل نامت حضنتهة ونمت يمهة كلش خايف عليهة بس تتحرك تلهث غفيت گعدت ثاني يوم ب٨ اخذنه ريوگ لخواتي ورجعت شغل بالبستان وراهة شغل المكتب شگد صار عندي فلوس بس روحي بتگليب التربة والزرع وكل يوم ازگيهن الحمد لله يا ربي ع نعمتك
ذكريات: من سالوني تريدين فهد سكتت
ضرار: بابا احچي هاي حياتچ
ذكريات: بابا اخاف منه خاف يضربني انت
تعرفه شگد عصبي والله اخاف
ضرار: على شنو يضربچ لو تسمعين كلامه
ذكريات: حولت نضراتي لامين بلكي يرفض
امين: لا تباوعيلي هيچ حياتچ وانتي حرة الولد شاريچ ويريدچ
ذكريات: كيفكم رحت لغرفتي لگيت رساله من فهد ( گولي لاهلي مراح اجي منا لأسبوعين ديري بالچ ع روحچ وخاف يتصلون ما اجاوب طالع واجب وشبكة ماكو ) ضل بالي يمه ثاني يوم العصر صار انفجار بمنطقه من مناطق بغداد
وقريبه على مركز فهد متنه خوف عليه وهو لا حس ولا خبر وميجاوب ضلينه نبچي والولد يسالون عليه بس ماكو خبر ورة اسبوعين رن جهازي ساعه 2 بالليل چنت نايمه گعدت شفته رقم فهد رديت بسرعه الووو
فهد: الو هلو شلونچ
ذكريات: فهد انت وين امك انتهت ليش هيچ تسوي
فهد: اني يم بابكم اهلي قافلين الباب مگدرت افوت
ذكريات: جاسر وشمس سافروا اول ما رحت وعمو وعمه يمنه لان امك اتخربطت احچي وانزل الدرج وصلت للباب فتحتهة ايدة معلگه برگبتة وراسه مضمد حضني حيل توجعت من الحضن ايدك لا تتاذة
فهد: ذكريات باچر نعقد ولا تگولين لا خاف اموت وما شابع من هالحضن
ذكريات: طب گعد بالصاله ع القنفه مدد بحضني جر ايدي حطهة ع شعرة ضليت العب بشعرة غفة بسرعه رحت فرشتله بالاستقبال بالگوة قبل يروح للفراش سحبني لحضنه ونام بوقتهة حسيت بامان واستقرار بس دائما افكر شنو المرة تحتاج من الرجال وليش لازم تتزوج تحتاج جسمه لو روحه والبوسة شنو تاثيرهة ليش ينام وياهة لو علمود الاطفال من يصير طفل ليش يضل يسوي هالشي سنه ثانيه طب لسه ما لگيت جواب لأسئلتي دائما امين يگولي كلشي بوقته تحسين بلذته لا تضلين تفكرين باشياء مصيرها تصير فكري بالحاضر واني افكر بمستقبلچ غفيت بحضنه فزيت ع صوت عمتي تبچي وحاضنه فهد وامي يمهة وعمي كلش فشلت لا بيه اروح للغرفة ولا ابقه هو سحب راسي لصدرة وضحك همس باذني روحي لا يگعد اخوچ فشله اني ركضت للغرفه اضحك وابچي من الفشله سمعت صوت الاذان عرفت گعدوا يصلون ركضت توضيت وصليت بس ما نمت ضليت گاعدة اجت امي رزلتني انقهرت ضليت ابچي والصبح عمي فتح موضوع زواجنه كلهم قبلوا ماكو مشيه ابويه ضل يتعارك ويه عمي من فتح الموضوع گله احنه مو غربه اتفقوا ع كلشي وباچر العقد اني خايف بس امنت من ناحيه فهد اتفقوا العصر يجيبون سيد نعقد والزواج من اخلص امتحانات العصر عقدنه ونهاية الاسبوع حفله العقد فهد انطاني فلوس الصالون والملابس الذهب هو يشتري حچة ويه امين
امين: باچر حضري روحچ تروحين للنجف ويه فهد
ذكريات: وحدنه
امين: اي بعد صار رجلچ فهد خوش رجال بس انتي سايسي والله لو تقات ومناجات ياخذن شيخ جامع هم مو مثل فهد يخاف الله ويحبچ ووضيفه وفلوس وحلو كل بنيه تتمناه
ذكريات: ضليت صافنه حضنت امين حيل
تتوقع هم راح يحبني ويخاف عليه بگدك مستحيل الگه انسان يخاف عليه اكثر منك
امين: ام لسان كافي تره ابطل واخلي فهد يبچي
ذكريات: هههههههه احبك امين والله رغم اوضاع البيت ومشاكل ماما وخالة سعاد انت احتويتنه اكثر من بابا
امين:، حضنتهة والله لو بيدي ما ازوجچ اخليچ تحمضين وما انطيچ
ذكريات: هههههه شوف نور راح تجي تذبحك
نور: وزع محاضن بعد
امين: انتي شكو ام دودة
ذكريات: ثاني يوم من ٥ طلعنه بسيارة چبيرة ومريحة فهد گاعد يمي لازم ايدي سالته ع ايدة مجاوب گلي لا تفكرين بهيچ اشياء وصلنه ب ١١ للنجف طبينه زرنه اكو قاعه كلشي بيهة كرستال كلش حلوة گعدنة اني وفهد هو صله وقرة قران وزيارة ودعاء وراهة اذن الضهر هم صله وصوته حنين كلش صح يقره بصوت خافت بس اكو كلمات يحچيهن بصوت عالي خلصنه طلعنه افترينه وگعدنه بمطعم وراهة لمدينه الالعاب تونست كلش وراهة رجعنه هو اخذ اهلة وراحوا لبيتهم ثاني يوم اجه ودعنه ورجع لبغداد زين وحفله العقد شلون ضجت بالليل اتصل رديت ضايجة
فهد: شبيچ
ذكريات: شلون رحت وحفله العقد شلون
فهد:ع هاي ضايجة شبيچ ارجع حتى لو بنفس اليوم بس عندي تحقيق لازم اشرف عليه مال الانفجار اني حروح انام حبيت اسمع صوتچ يلا باي
ذكريات: رحت نمت ضلينه نحضر للعقد واشوف نور كلش ضايجة امين كلش هملهة وبس تبچي ومن نجي يمهة تغسل لو تمسح دموعهة احچي وياهة متجاوب
نور:, من يوم عرس البنات لحد عقد ذكريات هو ينام يم اسيل مريضه اني شعليه بيهة كرهت البيت اتصلت ع مؤيد يجي ياخذني گلي باچر اجي حضرت غراضي ونمت ثاني يوم ب 9 امين مو بالبيت رحت ويه اخوية 5 ساعات
وصلنه لبغداد يوووو ريحة الجنه نزعت العبايه شمرتهة وصلنه للبيت سبحت ارتاحيت ساعتين اخذني بابا للزوراء ارتاحيت عليش دافنه روحي وياه هو وامه هسة اني ششفت منه كله يم ذيچ تعشينه ورجعنه شفت الموبايل40 مكالمه چان ع الشحن ناسيته هو وبيدي اتصل جاوبت
امين: انتي وين
نور: يم اهلي
امين: شلون تطلعين ومتگوليلي
نور:, يهمك هذا الشي يعني
امين: لا تضلين تمسلتين شلون رحتي
نور: مؤيد اخذني وما مفكرة ارجع
امين: ومن گلچ اريدچ بعد المرة التطلع بدون علم رجلهة هاي كلشي اتوقع منهة
نور: اي هم صدوگ يجوز بغداد كلهة متونسه وياهة ع گولت امك سديته وحضرته عاندت ويه روحي لو افكر بي اعاقب روحي ما اكل لو ما اشتري الي اريدة تخبلت رسمي
ذكريات: اجه يوم العقد وفهد ماكو اني ضليت ابچي حفله بالقاعه وعازمين كل معارفنه وهو ماكو امه گالت اني البسچ الذهب لا تضوجين بس اني متت مو بس ضجت رحت للصالون من خلصت اجه امين اخذني فرحانين كلهم بس اني كرهت فهد لان هيچ سوة وصلنه للقاعه بيهة غرفه قبل ما ادخل طبيت اعدل روحي دخل فهد بالقاط وورد بيده بچيت وين چنت بالله
فهد: بالشغل غير ليش تبچين كافي حياتي ضليت ابوس بيهة ولچ زين لحگت ابدل چان اجيت بهدوم الدوام
ذكريات: دخلنه والهلاهل صديقاتي تخبلن على فهد حلو وحلو بس يا ترى الجمال كافي لحتى نعيش حياه سعيده الله ينطي الجمال وتمام الخلقه وياخذ غير شي وهذا الشي نلگاه يم شخص يتمنى شي احنه نملكه الحظ بهاي الدنيا مقسم بالتساوي العدهة اب زين ومدللهة امهة عصبيه ومبتعدة عنهة ممكن عدهة ام واب زينين بس ما عدهة اخ ممكن عدهة كلهم بس زوجهة يطلع مو خوش كلمن ماخذ نصيبه بهاي الدنيا وحشى لله يضلم عبدة الحياة عبارة عن معادلة كيميائيه ولازم تكون متوازنه
أنت تقرأ
سلام قلبي
ChickLitعند كل حب لا امل في استمراره يجب على احد الطرفين الانسحاب مهما كانت قوة الحب سيزهر غيره لا تتخلوا عن شي من اجل اي شخص ذكريات العزوف💔💔
