نور: رجعتلي حياتي الهادئة اميرة انام شوكت ما اريد اگعد بالوقت اليعجبني ماكو شغل وناس طابه طالعه مثلهم كل خميس مطعم شكل ميس متجي هواي كل اسبوعين من الصبح للعصر سلام ميقبل عرضوا بيت بصف بيتنه حايط ع حايط اشتريته وبديت اشتري اثاث مر ع غياب امين ٤ شهور اني مرتاحة كلش اسيل وصلت لشهر السادس ومبيهة شي فرحت خطيه متستاهل تتاذة هو رجلي يفرق هي شكو ذكريات مكيفة بخطيبهة مناجات حايرة بالسادس وبس تبچي لان صعب حسنين بدة يراسلني ويحچي ع طموحة يريد يصير مثل فهد اراسل البيت كله حتى عمتي بس امين صفحة وطويتها انتقلت لبيتي ورجعت للمدرسة فرحانه كلش بحياتي حطيت مدرسين بكل المواد رحت شفت ام محمد مريضه انطيتهة فلوس تسوي عمليه ورحنه زرنه قبر محمد ضليت صافنه ساعه بصورته تذكرت مرة گلي لو اموت بيوم القيامه اختاريني نعيش هناك حياه ثانيه واني هم اختارچ بنينه مسجد باسمه ومدرسه صدقه جاريه وكل شهر نعزل اني وامه مرة براد مرة كتب قران رجعت علاقتي بامه وبدت تحبني مرت امير حامل بشهر ٩ وهو متخبل يخاف عليهة لو تمشي يگلهة گلبتي الولد راح مات ونضل نضحك عليه ورة شهر اسيل جابت ولد سبيعي سمته امين استغربت شنو امين هو مو ابو امين البنات كلهن نجحن ايات تخرجت وبركات ناجحة وحامل ورجلهة يموت عليهة من عرسهم ميخليهة تبات يم اهلهة بس من صارت حامل ميرفضلها طلب
امين: غياب نور اخذ من حيلي هوووواي ادور عليهة بكل وجه بالبيت اصعد لغرفتهة اشم بهدومهة اني لو كل يوم اجي ابوسهة واشمهة هيچ مچان راحت بس خوفي ع اسيل مخلة عقل براسي علاقتي باسيل مو حب ابد بس اخاف تموت ووراهة احس بروحي مقصر خصوصا هي چانت تحبني يوم يومين صار شهر والشهر اربع شهور ونور ماكو حاضرتني يوميه اخذ دوريه ع الموبايلات اگلب بالمحادثات التخصهة بلكي ذاكرتني بس ابد متتنازل ام راس اليابس اسيل جابت ولد. بشهر السابع فرحتي متنوصف فرحت كلش ضليت حاير بي لان بعدة زغير اسيل تعبانه كله نايمه واني حرت بالطفل خواتي ميعرفن خالة سعاد مريضه وامي مرة چبيرة
شمس: احلى شي الله نطانياه جاسر حنين ويحبني وكل شويه يبوس بيه رجعت ضعفت رجع جسمي حلو ناقصنه بس طفل وعمتي تلح تريد طفل بس جاسر عادي يگول شوكت ميصير هلا بي
ذكريات: فهد خل ناجل العرس والله ما الحگ
فهد: كلشي يمچ فلوس ومحلات بيهن ملابس شنو متلحگين واذا تردين اني اشتريهن
ذكريات: لا شكرا مثل الذهب جايبلي نص المحل
فهد: چا المن اشتغل غير لخاطر عيونچ
ذكريات: فهد رجعنا للچا
فهد: شبيهة عيني
ذكريات: يلا حروح( لان ادري حيزعل) جهزنة كلشي للعرس توسلت بنور تجي يلا قبلت قبل العرس بيومين انتشر فيديو ع فيس ومسوين تاك لفهد فيديو فهد يضرب بواحد واضافيرة مقلعه اني تخبلت نزعت الحلقه والذهب وگتلهم ما اريد اتزوج ساعتين انحذف الفيديو وسدوا صفحة الناشر اختفت من الفيس اصلا اني عاندت ابوية يحچي ويايه عمتي ام فهد تتوسل بيه امين تخبل لان عازمين الناس كلهة هو اجه ضل يعيط ويصيح
فهد: لو يرجع بيه الوگت هم اضربه وخل ينشرون طززززز وخاف عبالچ اتوسل بيچ لا انتي بطلي وشوفي الحچي ع ابوچ واخوچ وخواتچ منو يگلبهن بعد عفتهة وطلعت احس حبهة ملزوگ بعلچ وبالگوة مرهمي
أنت تقرأ
سلام قلبي
ChickLitعند كل حب لا امل في استمراره يجب على احد الطرفين الانسحاب مهما كانت قوة الحب سيزهر غيره لا تتخلوا عن شي من اجل اي شخص ذكريات العزوف💔💔
