سلام قلبي

بارت9

شمس؛ امي خابرت خالتي. ام عامر  على العرس وهي گالت لبتهة تجي اول مرة اشوفهة بس احقر من عامر قاطات طبت لغرفتي اخذت فستان مني وحطت من مكياجي اني تخبلت كلش ضجت متت بچي ملابسي من اهلي حتى مو همة جابوهن كل فستان ورقتين واكثر تجي هاي العوبة تاخذهن اني لبست فستان اسود ويه بياض جسمي وشعري اصفر ذهب مكياج خفيف طلعت كلش حلوة نزلت اخت عامر فرقان اسمهة رجلهة اول ما شافها گلهة شما تضوي المگبرة تضل مگبرة ويضحك لبست عبايه ونزلت صفن بوجهي رجل فرقان اسمه حسين
حسين: ولك عامر هاي منين حصلتهة
عامر: ليش لابسه عباية حسين من اهل البيت
عمار: هي حتى مني اني ونبراس تلبس
حسين: احلى شي بالبنيه الحشمه
شمس: عامر صعد وصاحلي نزعني العبايه شاف هدومي راح للكنتور طلع فستان احمر الضهر مكشوف والصدر هم
عامر: هذا اللون لا تلبسين غيرة
شمس: عامر ليش ساعات احسك تحبني وراهة تكرهني باوعتلة بتوسل نزلن دموعه رحت حضنته حيل
عامر: شمس لا تحاولين ما ابقيچ اكثر من سنه كلش كلش سنه ونص
شمس: زين ليش متريد جهال
عامر: هو اني اشرب عرگ وابيع نسوان شيطلعون جهالي بناتي كح..ب وولدي يدورون فروخة
شمس: صفنت بوجهة زين شلون شسوي حتى ترتاح ليش دتبچي
عامر: قبلي اوديچ للآمر شهر ونبقه كم شهر وترجعين لاهلچ
شمس: عامر تعرف شنو يعني رجال يبيع مرته

عامر: ششششششش طلعي برة
شمس: اخذنه رجل فرقان وصلت ضليت ابوس بامي وابچي امي حاضنتني وتبچي نزعت العبايه كلهم صفنوا عليه صح فرق چبير بين فستاني الاسود وهذا لان هذا كلش حلو عليه بس مو هيچ واختي اسيل حاضنتني وتبچي هي تموت على امين وهي تربيه انكلش سنه ثالثه مريضه عدهة قلب وكل الاطباء گالوا متضل عشر سنين وتموت وهي هسة 25 سنه ومقهورة كلش لان امين تزوج هي حلوة كلش شعرهة بني وعيونهة خضر بس زغار وبيضه كلش اليشوفهة ميحبهة مو مثلي صح حلوة بس وجهي طفولي هي عكسي اليشوفهة يتوقع اكبر من عمرهة هواي نزل امين لابس دشداشة والهلاهل علت بس هو ضايج وعصبي نزل وراه جاسر اوووف لو معارضه ابويه وقابله بي يمكن اني هسة حامل ومدلله اوووف يا بويه ضلمتني ضليت صافنه بوجهة هو انتبه راسا طلع

جاسر: هاي شبيهة چانت بنيه متباوع هيچ وهسة ع ذمت رجال هيچ تباوع 
شمس: ضليت اشكي لامي معاملت خالتي وبتهة شلون اخذت مكياجي تگولي همة العيال هيچ تحملي شتحمل يا يمه حتى باب الغرفه شالوهة استغفرت وسكتت نزلت مرت امين سمرة بس سمار خمري كلش حلو وتنحب بس عيونهة حمر دم وهاي اسيل كتلت روحهة ونوب هي انتبهت عليهة عافت الكرسي واجت گعدت يمنه
نور: انتي اسيل
اسيل: اي
نور: ليش تبچين
اسيل؛ سكتت شگولهة احب رجلچ
نور: تريدين تتزوجين امين
اسيل: فكيت حلگلي كولة شنووو
نور: احچي صدوگ تريدي
اسيل: حتى لو تتشاقى عسى ولعل يصير صدوگ گبل كتلهة اي
نور: اسكتي حبيبتي لا تبچين محد يستاهل دموعچ تعاي گعدي يمي لان ما اگدر اگعد البدلة اذتني
اسيل: اي گمت رحت يمهة ضلت تحچي وتضحك وتقلد على امين
نور: اضحك واحچي واحس گلبي نار من اتذكر شسوة بيه من بعد موقف العبايه ما شفته شهرين ولا سمعت صوته اجه يوم 14/11 چان الجو بارد اخذني عقدنه محكمه وحدد موعد العرس الخميس هو خوش ولد واني حبيت افتح صفحة جديدة والبعد مابيني وبين سلام كان كفيل يخليني انساه هو ومحمد  سويت حفله كلش بسيط حتى لبست كوستم چان مجرد اشهار لزواجي مو حفله وشي هو گال هناك الزفه ودعت اهلي وطلعت وياه  طول الطريق ابچي اخر شي نمت على چتف امين غفيت ما حسيت الا واحنه بالبصرة يم باب بيتهم او بستانهم چان عبارة بستان چبير بالوسط بيت چبير كلش حلو مرتب فصاله ملكي بس اثاثه بسيط نزلت تلگتني امه تصيح وتعيط
ام امين: جبتهة واجيت لبت عادل عساهة لا تهنت
نور: ابنهة ولا كانوا سمع تعداهة وطب صاحلي
امين: التصيح امي وهاي مرت ابوية خالة سعاد خواتي ايات وبركات و تقات ذكريات ومناجات مرت اخوية خالد سماح ومرت اخوية عادل ملاك هذولة اهل البيت الاحترام مفروض والستر مريود مناجات تعالي اخذيهة لغرفتي
مناجات؛ حلت علينه البركة انشاء الله تتهنين بهالزيجة خيه
نور؛ عزة هاي شلون تحچي
مناجات: شمالچ صافنه فوتي اليوم زفتچ لازم تكونين فرحانه
نور؛ اي فرحانه كلش سمعت امه تعيط وتصيح بغرفته تعديت من يمهة وراهة اشرت لمناجات تسكت لان چانت تحچي عليه
ام امين: وفوگ القهر ارمله وصارلهة هواي الله يعلم ويامن لاعبه وطالعه الله لا يوفقك يا عادل لا انت ولا بنتك شمرهة علينه اكيد يريد يخلص من عارهة لو ما فاضحتة چان ما شمرهة هالشمرة اكيد طمعان بالفلوس العندك وك اسيل من سمعت بزواجك لسه تبچي چنهة حور العين وانت جايبلي هاي الزرگة

امين؛ يمه والله مجبور ابويه فرضهة عليه راح يرجع ذكريات للكليه ويفك نهوتهة من ابن عمي وخل يمر چم يوم والله واخذ الي ترديهة چنت احاول اقنع امي لا بهالشهرين صار عدهة ذبحة واخاف عليهة شتحچي اسكت

ام امين: تاخذ اسيل چا هذا تعبك وركضك لهاي العوبة جاية تلغف الكو والماكو وتولي

نور: فتحت الباب انصدموا بوجودي :: شوفي خالة صح اني ما اعرفچ بس الحچي الحچيتي عليه ما مقبول ومو اني الي اطمع بفلوس لا اني فلوسي تعيشچ انتي وعشيرتچ منا لمن تموتين وميخلصن فلوسي وحتى لو ما عندي اني ابويه تارس عيني الحمد لله وبيمن اطمع بابنچ تك رجل واني ولد بغداد يتمنوني ميزته عنهم عبالي عنده غيرة طلع يگولون على عرضه  عار وهو ساكت  امين من هذا اليوم ما اصيرلك مرة لو تبقه اخر رجال بهاي الدنيا
امين: تريد تطلع سحبتهة ضربتهة راجدي شوفي ابو تك رجل شراح يسوي بيچ
نور: لو تتزوج اليوم هم ميهمني خليت وطلعت صعدت ركضت ورايه مناجات طببتني لغرفتي طبيت سبحت وره شويه اجت ام الصالون مكياجهم يركزون على العين مثل الخليج خلصت مكياج لبست البدلة ونزلت بس هلكت من البچي احس روحي نعست وتلعب نفسي لان ما ماخذة دوة الضغط يمكن صعد وشفت اسيل هي حلوة بس مسطرة ضعيفه كلش وعيونهة زغار ضليت احچي وياهة تخيلت روحي بمكانهة صعبه كلش التحبه ينام بحضن غيرك صار الليل اتعشوا وراهة صاحوا اجه السيد يعقد اني صفنت احنه عاقدين وراهة امه اجت حضنت اسيل وتگلهة تحقق التردي ونلتي مرادچ امين راح يعقد عليچ امه گلتلهم جيبوا وصله بيضه علمود نحطهة ع راسهة من تعقد نضرات الكل الي بشفقه اني ما اريد هاي النضرات بعد بحياتي رفعت ايدي  سحبت الماشات وانطيتهة البرگع
اسيل: نور ادري راح تكرهيني بس هذا حب حياتي
نور؛ الله يسهلچ منچ المال ومنه العيال خالة سعاد ضلت تبچي
امين؛ قهرتني من عيرتني بوجهي رحت لعمي حچيت وياه اني وجاسر على زواجي من اسيل استغرب لان اليوم زواجي طلعت ميت سالفه الى ان وافق بس العرفته لازم اتقرب لاسيل مرة اذا ما تحملت معناهة ميصير بعد منورة گلبهة وجاسر بس يتصفن جبنه سيد نريد نعقد ضلوا يدورون على وصله بيضه جاسر نزع غترته سمعت خالة سعاد گالت العروس انطتهة برگعهة ما حاجة
جاسر: شماخذ انت هاي مهرة خشمهة عالي راح اتعبك
امين: وداعتك اكسر خشمهة
جاسر: بس انت هسة كسرتهة بهذا تصرفك تخيل وحدة من خواتك بمكانهة
امين: لو اختي جسرة مثلهة بالجير 
جاسر: شگد عمرهة
امين؛ يمكن 18
جاسر؛ زغيرة خطيه هاي شوكت تزوجت شوكت ترملت وانوب اخذتهة زودت الطين بله
امين: عقدت ع اسيل واجو الزفافه اخذت نور  وطبيت للغرفه اختنگت هي نزعت وبدلت واجت نامت وكلسا خشمهة ينزل منه دم تمسحة وتنام وراهة خرخشت طلعت دوة اخذت ونامت اباوع لوجهة شبي حضي المفروض اني هسة فوگاهة اوووف منچ يمه شحچي عليچ بس شگد كرهتهة محد گلي ابو تك رجل من يوم الحادث تجي هاي تعيرني بس طلع الصبح طلعت للبستان موسم حصاد وطالعه روحي وما اريد اشوف نور

ذكريات العزوف💔💔
نجاة محمد