شمس: شمس رجعنه من العرس عامر گاعد ياكل وبطل گباله ومزة وصافن ع التلفزيون عيونه حمر اجه حضني گبال امه
عامر: امشي نصعد اشتاقيتلچ
شمس: امه خزرتني ما اعاجبهة
ام عامر: امهات السحورة بعد على امچ شترجه منچ
عامر: شششششش يمه اني مكيف وناسي الدنيا لا تضلين تلغين وتخربين مودي يلا شموسة لبسيلي كله احمر
شمس: صعدنه لبست دشداشه ردن طويله
عامر: شنو هاي امشي لبسي ملابس نوم
شمس: باب ماكو واليوم نبراس هنا خاف تطير البرده
عامر: امشي لبسي لو تنضربين بالحزام اخليچ حتى الداخليات تزعيهن
شمس: رحت غيرت ملابسي ونفس السالفه مرات تلعب روحي منه ضل يبوس برگبتي وصدري وراهة فز عدل ملابسة وطلع رجع نص الليل قميصه متروس حمرة وملابسة مخربطة نام على وجهة مر اسبوع هو على هاي الحالة اني بديت اسمن بشكل مو طبيعي قللت اكل والعب رياضه وماكو احس روحي نفاخة وديترسوها هوة ثاني اسوع چان عرس اسيل حضرت ساعه ورجعت رجعني ميقبل اكثر شكيت لامي كله تكلي لبسي وعدلي يصير محبس بيدچ
نور: گعدت ثاني يوم امين ماكو بدلت ملابسي ونزلت باركولي وعمي كل شويه يگولي خجلان منچ ومن ابوچ منورة سوايه امين اجت اسيل باركتلي هي وامهة امهة حبابه كلش رحت للمطبخ اساعدهم لاحظت ايات خوافه كلش بركات شخصيه وعاقله تقات تسمع كلام امهة حتى لو خطاء ذكريات شخصيه قوية كلش وتمشي الي براسهة مناجات فطيرة وبس تضحك كلهم مياذون الا ام امين يبوووو بساميرها ميخلصن اجه امين الضهر گعدنه نتغدة
امين: الخميس اخذ اسيل
سعاد: يمه تخبلت هاي البنيه اليوم صباحيتها وانت تفكر تتزوج
امين: يمه اني هذا العندي الخميس عرسي
سعاد: اجل عرسك ع الاسبوع الثاني خل نسوي سبعه للبنيه حرام عليك
ام امين: على اساس ما مسويه سبعه هي مو زين سوينالها عرس
ضرار: امين اكسر الشر واجل العرس لا تخليني اهينك گبال البنبه
امين: اني هيچ تحچي ويايه علمود هاي العرس الخميس وما ااجل
نور: عمو والله ما اضوج شوكت ميريد خلي يتزوج
سعاد: امين لا تخلي مرتك علچ بحلگ الناس وانت تدري حچيهم ميرحم
امين: مو هذا الخميس الخميس الوراه
نور: لميت السفرة وياهم
ام امين؛ غسلي المواعين ورتبي المطبخ مو تصعدين قبل متغسليهن
نور؛ اي عمه هسة اغسلهن الله ياخذچ كون واشوف بيچ يوم احچي ويه روحي ضايجة
امين: سوي چاي ثگيل وصعدي للغرفه
نور: سويت چاي وصعدتله چان مبين عليه متاذي راد يوگف وگع ركضت اساعده خزرني
امين: حطي الچاي وولي من يمي
نور: حطيت الچاي وطلعت مرت الايام شغل وركض والبنات كلهن كليات ومدارس كله واگع براسي وامه ميعجبهة العجب تحاسبني ع النفس خالة سعاد شگد حچت ويه امه علمود السبعه ما قبلت تگلهة چنتي وبكيفي ما اريد اسويلها وامين يطلع الصبح يرجع بالليل عنده شغل قبل عرسة بيوم اجه.بس يتعارك على اقل شي
امين: امشي جيبيلي مي
نور: رحت جبت مي واجيت گتله تحتاج شي بعد
امين: حضريلي الدشداشة البيضه اكويها والغترة هم
نور: ما اعرف اكوي خاف احرگها
امين؛ تعلمي بيهة ولو حرگتيها انيم الحزام بضهرچ
نور: ضليت صافنه شلون اكويها رحت بللت خاولي حطيتة عليهة وبلشت اكوي خلصت علگتها ونزلت سويت العشى غسلت المواعين ورتبت كلشي وطبيت سبحت ركضت للغرفه طلعت ثوب اسود مخصر ع الجسم كلشي ما بي وياه مكياج يصير شي مرتب وحضرت بدله قصيرة فوگ الركبه خاف اكو حنه من فوگ قصيفه ومن جوة عريضه كلش نازكة لونهة كريمي على وردي حضرت اكسسواراتي حطيت راسي ع المخدة اريد انام حتى عشة ما اريد كلش تعبت بعدني اسبوع وشبعت قهر البيت كنس وتنضيف ومواعين مرات حتى طبخ البنات بس يقرن ما شاء الله كلهن واصلات انفتحت الباب
امين: نور
نور: عيوني
امين: حچتها متعودة عليها بس احس برد.گلبي وراحت العصبيه كلهة هنة شلون عيون يدوخن:: ليش ما نزلتي تعشيتي
نور: والله تعبانه وبعدين خاف يطلعلي كرش وباچر الثوب يطلع مو حلو عليه
امين: ثبت العقل والدين ربي محمود ومشكور على هالقسمه لچ يابه الكرش اسبوع يومين يصير على العشة تكرشين والثوب يطلع مو حلو واكو وحدة تكشخ بعرس رجلها.
نور: هسة انت شكو محروگ روح حضر روحك لباچر عوفني انام
امين: عفتهة ونزلت تعشيت رجعت صعدت شغلت الضوة اشوف مصفطة الملابس والاكسسوارات والمكياج ذكرتني من چنت طفل قبل بليلة العيد هيچ اسوي معقولة زواجي عيد بالنسبه الهة واني شكو مهتم طبهة مرض طفيت الاضوية نزعت الطرف ذبيته هم رجع الوجع يا ربي رحمتك احس الوجع يشل حتى الرجل الخ
نور: فزيت ع صوته ركضت شغلت الضوة شبيك
امين: طفي الضوة وانخمدي
نور: رحت يمه انتبهت رجله مثل المورمه منضرهة يخوف يمكن اني ما متعودة حطيت ايدي عليهة ضليت افركله هو ذب جسمه ع الچربايه مرتاح ضليت افركله
امين: كافي راح الوجع طفي الضوة وتعاي نامي
نور: طفيت الضوة وطبيت جوة البطانيه بارده ثلج نمت ما حسيت الا ثاني يوم على هلاهل عمتي اني لبست ثوبي الاسود ما اريد احد يجي يبارك ويشوفني مكسورة لو ضايجة لبست عبايه خليجي وشال ونزلت شافتني سماح گالت كلهم طلعوا الولد بس رجلچ هنا نزعي اني ما عولت هيچ گالت گبل نزعت
امين: نزلت امي ضلت تصفگ وتهلهل فرحانه اني صافن اني ردت بس استقر وهسة راح اخذ ثنين وثنينهن ماكو استقرار يمهن اسيل گلبهة ونور عنادهة وراسهة اليابس فزيت من الصفنه على صوت كعب التفت شفت نور لابسه ثوب اسود مفصل على جسمهة وهي جسمهة وحدة فتنه وحاطة حمرة لونهة غريب كلش طوخ وشعرها طويل نازل على جسمهة اجت خالتي سعاد تهلهل وتغني لنور وهي خجلانه كلش
ام امين: من هسة لابسه منو يكف الشغل يالمسعده
نور: عمه اني البارحة سويت كلشي ونمت حتى اليوم ارتاح كلشي ما عدنه وامين گال نسوي غده مو عشة للعرس يعني حتى ميحتاج اطبخ
ام امين: والمواعين منو يغسلهن
نور: عمه.وقت المواعين انزع واجي اغسلهن لا تضوجين
امين: ليش البنات شبيهن ميغسلن هنة
ام امين؛ عرس اخوهن ويريد يفرحن راحن للصالون
امين: نور لا تطلعين خاف يجون اخوتي رجعي للغرفه
نور: لابسه عبايه من گالوا ماكو احد نزعتهة
امين: اني حروح اگعد بالديوان مالي خلگ اطلع ويه الولد نور سويلي چاي ثگيل
نور: رحت سويت چاي بس خفت افوت خاف احد يمه اكو باب مشتركة بين الاستقبال والديوان دگيتهة هو فتحلي الباب بس هو گاعد
امين: شبيچ متصنمه متطبين
نور: خفت اكو احد يمك
امين: فوتي الچاي واطلعي وخففي حمرتچ
نور؛ اي هسة اخففهة بس اريد اروح لاهلي
امين؛ ليش
نور: اريد اشوفهم اشتاقيت لابوية
امين: الطريق بعيد تعودي كل شهرين روحي 10 ايام
نور: طلعت رحت يم خالة سعاد ضحك وسوالف بس مختنگة حتى لو ما احبه حتى لو هو اذاني اسمه رجلي واليوم عرسة
سعاد: وين صافنه بنيتي
نور: خالة سولفيلي ليش عمو تزوج عليچ اشوفه كلش يحبچ
سعاد: اسولفلچ نلهي روحنه بسالفه منا للغدة
ابو امين من چان عمرة سبع سنوات گالوا ياخذ رحمه بنت عمه الي هي ام امين هسة وهاي السالفه ضلت حتى من كبروا الى ان اجه ابوچ للبصرة دراسه مدري شنو بالضبط تعرف على ضرار وصاروا اصدقاء من يجي ضرار لبغداد يروح يم ابوچ وابوج يجي يم ضرار مرة من المرات سيرت لبيت عمي بيت اهل ابوچ شافني هناك.وبدت نضرات بيناتنه وتحول لحب بس رحمه تحب ابن عمهة من زغرهة تريده من كثر حچي الكبار گبالهة بس ضرار اصر يجي يخطبني وقنع اهلة واجو خطبوني اني قبلت رغم اهلي ما مقتنعين بس قنعت امي توقعت قصه حبي نجحت وحققت احلامي اول سنه زواج صار عندي عادل على اسم ابوچ وشالولي الرحم لان صار عندي نزيف حاد بوقتهة انقهرت وكلما اشوف عادل يلعب وحدة والجهال تضربه ومحد يفزعله روحي تشوغ واتخيل من يكبر ماله سند ضليت الح على ضرار يتزوج اريد اخوان لعادل وامه وابو هم قنعوا راح خطب رحمه عادل ابني صار عمره 5 سنين توفه بحادث چانت رحمه عدهة امين وحامل بعادل الثاني الي هسة رجل ملاك اني شغلني امين كله يمي ونساني همي وهاي هي السالفه
ذكريات العزوف💔💔
نجاة محمد
أنت تقرأ
سلام قلبي
ChickLitعند كل حب لا امل في استمراره يجب على احد الطرفين الانسحاب مهما كانت قوة الحب سيزهر غيره لا تتخلوا عن شي من اجل اي شخص ذكريات العزوف💔💔
