لا شيء يعود كالسابق
كن حذراً قبل أن تكسر شيئاً جميلاً .
شمس: انصدمت هذا شيحچي شنو كامرة خفيه هاي
عامر: لا كامرة ولا شي الآمر يدللچ فلوس وسفر وهي كلهة شهر تحملي وارجعي
شمس: لا حچيت ولا باوعت بعينه لان مبين حچيه صدوگ طلعت من الغرفه لباب المطبخ اريد اروح لاهلي
عامر: هي وين موليه
شمس: لزمت باب المطبخ احاچي شوف اني بنت شيوخ خاف انت زايعتك الگاع ما ينعرف اصلك من فصلك اني اهلي يمردوك مرد من يسمعون حچيك ركض عليه لزمني موتني كتل حلگي منا ومنا مشگوگ وجسمي صار ازرگ ورگع راسي باب المطبخ اريد اشرد البدله شكبرهة اخر شي عيوني غوشت ووگعت گعدت بالمستشفى ودكتورة تخيط راسي ضليت ابچي هو اجه
عامر: دكتورة عوفينه وحدنه شويه
الدكتورة: گاعد اخيط الجرح مدتشوف
عامر: تطلعين لو تحتاجين سحله لخ طلعت عفيه بالسبعه تسمع كلام :: شوفي ولج شمس مدري شسمچ اي شي حچيناه تحچي لاهلچ اخوتچ مهند وعلي موتهم على ايدي وتدرين اني ضهري مسنود عاد الگواد مالتهم يصير بي شي يموتون قسم بالله ههههههه
شمس: هذا شنو من بشر يگول هيچ على روحة وفرحان اني اجه ابالي هذا ديختبرني اكيد وحتى لو مو اختبار اروح لاهلي شگول بيوم عرسي ابن خالتي يريد يبيعني سكتت رجعت الدكتورة كملت خياط انطتني مسكنات
الدكتورة: ذني بلعيهن بوقتهن وديري بالچ امي لو گدرتي تحچين لاهلچ احچي والله هذا مختل يروح يموتچ
شمس: مو اگدر اشتكي عليه
الدكتورة؛ شوف هاي المن تشتكين هم كلهم جماعتة يسجنوچ وميسجنوا
شمس: ضليت ابچي الوجع كتلني شگد چان ابويه يهدد اخوية اشگ حلگك ما توقعت هيچ شگت الحلگ توجع اريد اشرب مي ما اگدر هو خابر اهلي يگلهم صديقي حجزلنا لايران راح نسافر ودعهم ويگلهم شموسه نايمه نامت عليك طابوكه گعدت الصبح اريد اكل ما اگدر بس ابچي گعدت قررت احچي وياه شبي هذا :: انت چنت تختبرني البارحة مو ضل يضحك مثل المخبل راح جاب البوم صور واجه
عامر: شوفي وتاكدي
شمس: البوم صور كله هو وبصفه عروس كل ما اگلب تطلع وحده جديدة تسعه اي حسبتهن وحدة وحده تسعه صفنت بوجهة شنو هاي
عامر: ذني الي چانن قبلچ
شمس: شلون الك نفس تزوجهة بيدك
عامر؛ ولچ تستشرفين براسي هسة شلونهم اهلچ الله يا الله
شمس: سكتت مرن 3 ايام وهو يوميه يطلع يجي نص الليل ينام بالصاله بهدومه حتى ميبدل يوم الرابع وگفت كومة سيارات حمل بالباب غراض ينزلوهن طبت خالتي ورجلهة ومرت ابنهة طببوا الغراض كلمن اختارت غرفه صفنت هذا بيتي شعدهم اجو فهمت من كلامهم باعوا بيتهم اجت خالتي تطگ علچ وتحچي
ام عامر: اجينه وياچ ونس لان عامر يبات برة البيت باچر اگعدي من وكت سوي ريوگ
شمس: هاي شبيهة مستخفه نوب مسويه تاتو شيطاني وصابغه شعرهة احمر واضافير گبر
شمس؛ رحت نمت گعدت الصبح سويت سفرة گعدوا اجت خالتي شغلت التلفزيون على قناه اسمهة غنوة فرقه ترگص واغنيه من الصبح بدل دعاء الصباح يعني شبيهة هاي
ام عامر: سلگي بيض وگلي الباقي وطلعي جبن وگيمر
شمس: منو راح يتريگ عامر وعمار طلعوا بس اني وياچ وعمي ومرت عمار
ام عامر؛ انچبي لچ ساق...ة انتي منو وتجاوبين بنت الفگر
.................................بغداد
نور: عشت مرتاحة بهلايام محد يتدخل بيه اجه عمو ضرار وزوجته عرفتهة بنت عم ابويه تصير مرتبه كلش ومو چبيرة زغيرة ب 40 وهو چبير مبين اكبر عشر سنين او اكثر وابنهم وياهم كلش حلو الولد العرفته امه مريضة هو يصيحلها يوم ومرات خاله امي گالت مرت ابو هاي
ابو رجع فتح الموضوع مال الخطبه ابويه گله گبع واخذ واني وياه واحد خازر الثاني مبين ما راضي هو هم
امين: انوب اخذ وحدة مو من طائفتي هاي شلون اعيش وياهة خزرت ابويه رفع حاجبه ودار وجهة طلعنه للطبيب طلعت حرگتي:: شلون تخطبهة متگولي حتى حجابهة مو تمام
ابو امين: خالتك چانت سفور من اخذتهة
امين: هاي شجابهة على خالة سعاد وانوب ارمله ما اريدها تعرف شنو ما اريدها
ابو امين: ما راح تلگه مثلهة صدگني خوش بنيه
امين: اي مبين من بنطرونها المشگشگ
ابو امين: وين شفته
امين: مشرور
ابو امين: يلا اجه سرانا واذا اخذتهة اخلي ذكريات تخلص كليه
امين: اخذتلي صفنه طبينه للطبيب رجعنه للبيت واني افكر بيهة هي حلوة بس طبعي غيور شلون اخذ وحدة نايمه ويه غيري حتى لو ميت اغار اضوج رجعنه گمت اعرج برجلي من التعب الطرف اذاني كلش رجلي گام تنزف رحت للحمام غسلت ونزعته اريد اوگف انتهيت من الوجع سمعت خطوات على الدرج ولابسه حجل سمعت رنته عرفتهة نور نور
نور: نزلت اشرب مي بالليل سمعت صوت واحد يصيح نور ركضت عليه شبيك ليش واگع انتبهت على رجله منضر صدمني صدمه عمري نزلت لمستوى شبيهة رجلك
امين: مبتورة
نور: ما انتبهت عليهة
امين؛ اي احط طرف وهي بس القدم متبين بس من اتعب اعرج
نور: خفت ضل نضري بس على وجهة اخاف اباوع لرجله اموت يمكن
امين: انتي يا صف
نور؛ هااا سادس
امين؛ علمي لو ادبي
نور؛ علمي
امين؛ شتريد تصيرين
نور؛ دكتورة لو اي شي يتعلق بالهلمجال
امين: اي دكتورة نور وهاي اني اول مريض يمچ اريد شاش وديتول
نور: نصيت برطمت اخاف والله اروح اگعد ابوك لو امك
امين: ابويه امي مريضه
نور؛ رحت طلعت الديتول والشاش وگعدت بابا لان ابو حاضن امه استحيت اگعدهم
ابو ميس: شبيك عمي امين صدوگ چذب شجاك
امين؛ والله صار ست اشهور بس اركض واليوم عثرت عليهة
ابو ميس؛ دتعال تعال سندته واخذته لغرفته
امين: عمي بس انطيني مسكن فدوة الوجع كتلني
ابو ميس: نور جيبي فاليوم من غرفتي
نور؛ ركضت جبته واجيت خطيه يون من الوجع
من شافني سكت اخذ الحبه ونام طلعت اني وبابا ابويه حضني اول مرة يحضني من بعد سالفة ميس
ابو ميس: شبيچ تبچين
نور؛ والله خطيه شلون صار هيچ برجله
ابو ميس: چان بالحشد واعتقلوا وضلو يعذبوا وهيچ صار طلع من الموت الله كتبله عمر
نور: بابا ليش قبلت والله اموت من اشوفه هيچ لو تكررت هاي الحاله
ابو ميس؛ هو لان تموتين اني انطيتچ بابا اني اختاريتلچ محمد هم شفتي شي ما عجبچ منه
نور؛ لا
ابو ميس: وهذا هم نفس محمد
نور؛ الله كريم
ذكريات العزوف 💔💔
نجاه محمد
أنت تقرأ
سلام قلبي
ChickLitعند كل حب لا امل في استمراره يجب على احد الطرفين الانسحاب مهما كانت قوة الحب سيزهر غيره لا تتخلوا عن شي من اجل اي شخص ذكريات العزوف💔💔
