افتحي قلبك

الحجاب حياه

🧕🧕
بناتنا حبيبة 😍 قلب رسول الله صلى الله عليه وسلم ❤️
من المناظر اللي بتزلزل قلب الحي منظر واحد كتب أسماء على سبورة ✍ وبعد كده جه ببشاورة وبدأ يمسح فى الأسماء منظر يزلزل القلب 😔 منظر بيفكر الواحد إن السبورة دى عاملة زي الدنيا وإن أسمائنا دلوقت مكتوبة عليها وإن ملك الموت هييجي في لحظة ويمسح الأسماء دي وهيبقى إسمي وإسمك مش موجود في الدنيا يعني إحنا فرصتنا في الدنيا مؤقتة وماعنديش وماعندكيش غير عمرنا بس⏳  علشان نتقرب به ونوصل لرضا الله سبحانه وتعالى .
لو أخوكي  قالك حاجة انتي بالتأكيد هتقبليها لإنك عارفة أنه أكيد بيحبك وعارفة أنتي قريبة من قلبه أد إيه  👫

ممكن تعتبريني أخوكي ؟
أنا بكلم مين ؟ انا بكلم كل واحدة نفسها تتحجب بس خايفة من الحجاب !
خايفه انها تتحجب وترجع تندم!
عايشة في صراع ما بين رغبتها إنها تبقى جميلة وتعيش حياتها ومابين رغبتها إنها ترضي ربنا وتريح ضميرها .

أنا بكلم كل واحدة اتحجبت بس حست إنها ندمانة ولكن مش قادرة أنها تخلعه خايفة من الضغط اللي هيحصل عليها

وبكلم كل واحدة اتحجبت وعاشت سعيدة وبكلم كل أم نفسها بنتها تتحجب ومش عارفة تقنعها إزاي  ؟؟
وبكلم كل واحد شايف إن الحجاب مش فريضة وشايف إن ( هو اإنتم ليه مصممين إن البنات لازم تحط حتة قماشة على رأسها ومعتبرين إن ده رمز التدين ورمز الإحترام  في حين إن الحجاب مش كده ) 

أنا بكلمكم كلكم 🗣
بكلمك يا دم قلب الإسلام 💟
بكلمك ياحبيبة قلب محمد 💟
سامعك وإنتي بتقولي عليه الصلاة والسلام ☺️
وعارف إن إنتي بتحبي حتى لو إنتي الحجاب مش على رأسك دلوقت عارف إنك بتحبيه 💟
وعارف إنك نفسك تلبسي الحجاب وعارف إن إنتي في صراع رهيييب جواكي😩 ونفسك في الخطوة دي بس مش قادرة على نفسك وخايفة إنك تاخديها وتندمي وبتقدمي 👣خطوة وترجعي خطوة 🤦‍♀
حاسس بيكي والله حاسس بيكي وإنتي بتقفي قدام المراية وتغطي شعرك وتبصي كده وتقولي لا مش هقدر 🙈 حاسس بيكي وإنتي ماشية في الشارع بتبصي 👀 على البنات وبتقولي
قدروا كل دول إزاي يلبسوه وخدوا القرارإزاي و إزاي مش عايشين في صراع  ؟؟
حاسس بالصراع اللي جواكي وعارف إن تاج المرأة هو شعرها 👸 فالقرار الصعب فىي حياتها إنها تغطي شعرها .
ولو إني عارف ان الحجاب حاجة وغطاء الرأس حاجة زي ما هنتكلم دلوقت 
حاسس بالحيرة اللي اإنتى فيها ( هو الحجاب فعلا فرض زي ما بيقول الدعاة ولا مش فرض زي ما بيقول بعض الناس؟؟ )
هو الحجاب يارب جنة ونار ولا الحجاب درجات في الجنة زي ما قالت أحد الفنانات المعتزلات 👈 ( لو  الحجاب درجات في الجنة أنا راضية بالبدروم لكن لو جنة ونار أنا ماقدرش على لسعة من نارك يارب أنا ماأقدرش على نظرة غضب منك يارب 😰  ) ؟؟
أنا ماأقدرش إن حبيبك محمد صلى الله عليه وسلم يعرض عني يوم القيامة علشان أنا مكنتش محجبة زي حجاب أمهات المؤمنين في الدنيا وهو ده اللي أنا عاوز أقول له لك 📢

هتقابليه إزاي ؟؟؟ هتقابليه من غيره إزاي؟؟؟
هتقابلي ربنا يوم العرض من غير الحجاب إزاي؟ ؟؟  لما يسألك أديتك الجمال ماشكرتهوش ليه؟؟؟ لما يسألك إديتك الشباب وقولتلك إتحجبي مرضتيش ليه؟؟؟؟ هتقابلي ربنا من غير الحجاب إزاي؟ ؟؟هتقابلي حبيب الله محمد اللي إنتي بتقولي دلوقت عليه الصلاة والسلام من غير الحجاب إزاي ؟؟

قلبى بيتقطع دلوقت وأنا بكلمك لإني والله لو في حد فعلا خايف عليكي في الدنيا دي هيبقى ( اللى بيكلمك عن ربنا ♥️)
لو في حد في الدنيا حريص عليكي
  ( لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيمٌ  ) هيبقى اللي بيكلمك عن ربنا ..... هتقابلي رسول الله صلى الله عليه وسلم من غيره إزاي؟ ؟ لما ييجي النبي مش عارفك وانتي رايحة عند الحوض وتقوليله يارسول الله أغثني ويلاقي الملائكة بتشيل اللي ماكانتش محجبة والنبي صلى الله عليه وسلم يقول إنها من أمتي تقول الملائكة يارسول الله إنك لا تدري ما أحدثت بعدك
😔
دي كانت بتقول أنا مش مقتنعة بالحجاب ... الحجاب ده حتة قماش مش دليل على إحترام ولا حاجة

دي كانت بتقول أنا مقتنعة لكن مش قادرة على نفسي القرار صعب طيب سيبوني مع نفسي ومحدش يضغط عليا ثم هي بايظة بايظة انا بعمل حاجات كتير غلط جات بقى على الحجاب

كانت بتقول أقنعوني الأول أنا مش مقتنعة
أنا حرة فى جسمي أنا حرة في شكلي أنا حرة في شعري انتوا بتقيدوني بلبس ليه؟ 

كانت بتقول لما أبقى أده هلبسه وأبقى قدوة هلبسه .

كانت بتقول أنا هبقى غريبة وسط المجتمع أنا صحباتي كلهم وقرايبي مش محجبات .. كانت بتقول طيب استنوا عليا شوية أما أكبر شوية وأعيش حياتي وأتمتع بشبابى شوية .. اصبروا عليا أما أتجوز وأخلف وجوزي هيحجبني 

وكانت بتقول إن مين اللي قال إن الحجاب من أركان الإسلام ؟؟ مش أركان الإسلام خمسة جيبت الحجاب ده منين ‼️.. كانت بتقول مين قال بس إن هو فريضة اقنعوني به ؟ ؟
كانت بتقول كلام كتير أوي يارسول الله ...