في الحرب زمان لما جيش يتهزم هزيمة ساحقة ويقدر يعمل انتفاضة في نهاية المعركة وينتصر كانوا يقولوا عليها ريمونتادا 🔄
ريمونتادا كلمة قتالية أصلا 👌
ريمونتادا مش بتيجي إلا لما يكون في صراع بين طرفين واحد يكسب جامد في الأول والطرف التاني يقدر يعوض في الآخر
احنا كلنا محتاجين ريمونتادا
نقدر يا شباب نعوض كل اللي فات مننا ونعمل ريمونتادا على الشيطان
شعارنا راجعين يارب لطريقك ...
على بابك يارب مكملين هنعوض اللي راح مننا 💚
💫 الآية الأساس في السلسلة دي كلها في سورة الزمر
وربنا سبحانه وتعالى بيقول :
" قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53)"
كأن اللي ماشي لربنا بيقول له يا عبادي وهو بيعبده
واللي بعيد عن ربنا بيقول له وإنت كمان عبدي
أنا لسة فاتح لك الباب
ربنا بيفتح لنا ب سورة الزمر أمل للحياة ...
أمل لكل واحد وقع في كبيرة من الكبائر وانتهك كل حرمات الله سبحانه وتعالى
الانتفاضة اللي إنت عايزها لازم تسيب الأرض اللي الشيطان قطع شبكتك أجوان فيها وتروح لأرض صالحة و تروح لصحبة صالحة 👌
ضمرة بن جندب صحابي من أصحاب النبي صلى الله عليه وسلم
بيموت اتأخر في الهجرة ولم يهاجر إلى النبي صلى الله عليه وسلم
قرر إنه يهاجر وهو في الطريق مات فنزل قول الله تعالى:
" وَمَن يُهَاجِرْ فِي سَبِيلِ اللَّهِ يَجِدْ فِي الْأَرْضِ مُرَاغَمًا كَثِيرًا وَسَعَةً ۚ وَمَن يَخْرُجْ مِن بَيْتِهِ مُهَاجِرًا إِلَى اللَّهِ وَرَسُولِهِ ثُمَّ يُدْرِكْهُ الْمَوْتُ فَقَدْ وَقَعَ أَجْرُهُ عَلَى اللَّهِ ۗ وَكَانَ اللَّهُ غَفُورًا رَّحِيمًا"
ربنا سبحانه أثبت ليه التوبة والهجرة بتاعته ووقع أجره على الله
عمر بن الخطاب قدر إنه يعمل انتفاضة
وقدر يدوس برجله على رقبة الشيطان
وقدر إنه يبقى فاروق الأمة رضي الله عنه
📌كلمة الريمونتادا الجبارة بتاعت عكرمة بن أبي جهل
ما عصيت الله في موطن إلا وأطعت الله فيه
وما أنفقت نفقة لأصد عن سبيل الله إلا وأنفقت ضعفها في سبيل الله
ريمونتادا كاملة بكل الأركان بتاعتها
الروشتة االعملية⤵️
ضربة البدء ⬅️ هي الفرائض
قال رسول الله صلى الله عليه وسلم فيما يروي عن ربه تبارك وتعالى أنه قال:
((وما تقرب إلى عبدى بشئ أحب إلي مما افترضت عليه، وما يزال عبدى يتقرب إلى بالنوافل حتى أحبه فإذا أحببته كنت سمعه الذى يسمع به وبصره الذى يبصر به ويده......ولئن استعاذنى لأعيذنه)) البخاري
👈الفرائض الفرائض يا شباب هي أكتر حاجة تقربك لربنا
👈يبقى أول حاجة نصلحها إنك أول ما تسمع الآذان تقوم تصلي فورا
👈ولو قدرنا نصلح سنن الفرائض
هدف السلسلة دي إن إحنا نقول إن في أمل حتى آخر لحظة ✨
انتفاضة يا شباب علشان نتوب لربنا ⚡️
#الحلقة_الأولى
سلسلة: -
#ريمونتادا
#الدكتور_حازم_شومان
أنت تقرأ
افتحي قلبك
Spiritualلكل واحدة حبا أن هي تقرب من ربنا وكل أما تقرب تحس انها تايها تحس بالضياع مش عارفة توصل لربنا الشيطان بيتغلب عليها هنا أن شاء الله هتكوني قويه وتتغلبي على الشيطان لأن الكلام ده كلام الشيخ حازم شومان ربنا يبارك فيه بجد الكلام ده غير ناس كتير ومنهم أنا...
