على رضا الله

37 0 0
                                    

حياتك مليانة مشاكل؟!
وأنت لسة في مكانك مابتعملش حاجة ؟!

يا شباب احنا اتعلمنا إن الزنا حرام و إن السرقة حرام ⁦
بس ما اتعلمناش إن الهروب و عدم الإحساس حرام ⁦👌

عشان كدة الكورة لعبة بترفه بيها عن نفسك ما فيش مشكلة
لكن اوعى تحول الكورة لمخدر
يخدرك  عن إحساس الواقع اللي أنت عايش فيه⁦⁩ 
يخدرك عن مشاكلك و عن أحلامك⁩

أنت عارف تفاصيل حياة اللعيبة
لكن مش عارف تفاصيل سيرة النبي عليه الصلاة و السلام 👊 ‎

أنت عارف أسماء اللعيبة لاعب لاعب
لكن مش عارف أسماء العشرة المبشرين بالجنة ❌

ما يبقاش الشاب مبهور باللعيب اللي جاب الجون في المقص 
ومش مبهور بالصحابة اللي غيروا العالم في 25 سنة ✊️

🔰 في الوقت اللي أنتم مخنوقين فيه يا شباب
و المجتمع كله تعبان ... و الناس همومها كتير

ربنا سبحانه و تعالى بيقول :
" قَدْ جَعَلَ اللَّهُ لِكُلِّ شَيْءٍ قَدْرًا "

يبقى افرح بالمباراة ⬅️ على قد المباراة
و افر ح إن المسجد الأقصى رجع ⬅️ على قد المسجد الأقصى 💪

ازعل إن فريقك خسر ماتش ⬅️ على قد الماتش
و ازعل إن 150 طفل و طفلة و راجل و امرأة
اتقتلوا في قصف اليهود في غزة⬅️على قد قضية  فلسطين 👌

كلنا بنلعب كورة في الحدود بتاعة اللعبة اللي أنا برفه فيها عن نفسي⁦
لكن ما ينفعش إننا نحولها لقضية حياة أو موت ✋️

لو الآذان أذن و أنت بتتفرج على مباراة  و ما قمتش تصلي ⤵️
ده هيسقطنا من نظر الله 
و ممكن يجيب غضب ربنا سبحانه و تعالى

محدش قال إن الكورة و لعبها حرام و الفرجة على الماتش حرام
و لكن قدوتك مين ؟
لاعب كورة 👈 خليه قدوة كلاعب كورة في المهارات اللي عنده وبس

💥اجعل قدوتك في الحياة و في أحلامك و في أخلاقك و في معاملاتك و في  أهدافك العليا في الحياة 👇
هو النبي عليه الصلاة و السلام بس وأصحابه رضوان الله عليهم 💫

🔗اعمل اللي أنت عايزه لكن لا تنس قول  الله سبحانه و تعالى:
" رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ ۙ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ "

📌عايزين الشباب يستمتعوا و يفرحوا و يعيشوا حياتهم 
و لكن على رضا الله و على مراد الله

افتحي قلبك حيث تعيش القصص. اكتشف الآن