افتحي قلبك

ريمونتادا الجزء السادس

👈عايزة تبقي مع فاطمة و خديجة وسمية
ومع زوجات وبنات النبي عليه الصلاة والسلام ؟ 👇

شيلي قضية الدين وقضية الدعوة الى الله

متبصش حواليك ❌

لو أنت مبدأتش مفيش حد هيبدأ
لوأنتِ مشلتيش الدين ..مفيش حد هيشيله

يا شباب.. الدين عبادة ، وأخلاق ، ودعوة إلى الله

خليك من الناس اللي بيشتغلوا في الدعوة إلى الله
وخد ثواب زي ثواب الناس اللي تعبت وبذلت علشان الدين

كفاية إنك تبقى مع أصحاب النبي عليه الصلاة والسلام في الجنة ✋️

شوف أصحاب النبي عليه الصلاة والسلام  بذلوا أد إيه .. وتعبوا قد إيه ..     واستحملوا جوع قد إيه علشان الإسلام ؟!

وعلشان تبقى  معاهم في الجنة ⤵️
أهم حاجة الإلتزام
و تبقى جندي من جنود ربنا 👌

أنتِ ضحيتي بإيه ؟
كام مرة نزلتي للبنات تتكلمي عن ربنا ؟
كام مرة نزلتي لأصحابك في زيارات تكلميهم عن ربنا ؟
كام مرة شيرت مقطع أو بوست ديني؟
كام مرة وزعت ورق دعوي ؟
كام مرة نزلت في الجامعة بتاعتك ،
أو في النادي أو في منطقتك ..
علشان تنشر الورق اللي بيتكلم عن ربنا سبحانه وتعالى؟

تخيل لو أنت في معسكر من معسكرات المسلمين و النار محاوطة المعسكر من كل ناحية ..قدامك  حل من تلاتة👇

إما إنك تجري وتهرب  وتسيب الناس تولع ...
لكن ده 👆 جبن

وإما إنك تحاول تطفي النار وتبذل مجهود...
لكن دي👆 عنترية خايبة لأن النار أكبر من حجمك

وإما إنك تتعاون مع القلة المستيقظة في إيقاظ النائمين
ونبدأ نطفي النار مع بعض ✅

⭕️ الأمة دلوقتي محاطة  بالنار من كل ناحية

لازم نحط إيدينا في إيد بعض ونبدأ نصحي الأمة كلها ،
و نصحي الشباب و البنات و الفنانين ونصحي جميع أركان الأمة
ونقول لهم يالا نقابل النبي عليه الصلاة والسلام على الحوض مع بعض
هيبقى فرحان بينا إحنا والناس اللي التزموا على إيدينا ✨

النبى عليه الصلاة والسلام كان مع كل آذان يقول :
اللهم رب هذه الدعوة التامة 
يعني الدعوة دي هتم و الدين ده هينتصر ✔️

🔺الدعوة إلى الله فرض وليست فضل

🏮 العبادة مش صلاة وصوم بس ... دي كمان دعوة
و مش صلاح بس ..دي كمان إصلاح 💯

قال تعالى :
"وَالْعَصْرِ * إِنَّ الإِنسَانَ لَفِي خُسْرٍ "  ...كله رايح جهنم
"إِلاَّ الَّذِينَ آمَنُوا وَعَمِلُوا الصَّالِحَاتِ " ... بقوا صالحين
"وَتَوَاصَوْا بِالْحَقِّ وَتَوَاصَوْا بِالصَّبْرِ " ...بقوا مصلحين و دعاة 

يبقى لازم الشروط دي 👆 كلها تتحقق علشان ننجوا من النار

" وَلَيَنصُرَنَّ اللَّهُ مَن يَنصُرُهُ ۗ  "

💥لازم نشيل دين يا شباب .. ولازم نشيل قضية الدعوة إلى الله

اللهم استعملنا ولا تستبدل بنا 💚

من درس : -
#حكاية_فريق_ليستر_سيتي
سلسلة : -
#ريمونتادا
#الشيخ_حازم_شومان