افتحي قلبك

ريمونتادا الجزء الخامس

👈أنتَ عايز تُحشر مع مين يوم القيامة ؟
  مع الدعاة... ولا الحكام الظلمة و أهل معاصي السر ولا مع مين ؟
   
📌لازم تخطط من دلوقتي أنتَ هتقف مع مين على أرض المحشر

"وَإِذَا النُّفُوسُ زُوِّجَت"...التكويرْ (7)
التفويج المبدئي ⤵️
اللي زنوا مع بعض ... و الحكام الظلمة مع بعض
الدعاة إلى الله مع بعض ....و الصوامات القوامات مع بعض
اللي جاهدوا في سبيل الله مع بعض
أهل العلم مع بعض ...و أهل معاصي السر مع بعض

عبادتك وجهدك في الدعوة وجهادك في سبيل الله وطلبك للعلم ...   
هيوقفك مع مين يوم القيامة ؟
 
هتقف 50 ألف سنة تعب والشمس على بعد ميل من راسك والأدمغة بتغلي من الحر   

ياترى هتقف في المقصورة الملكية في ظل عرش الرحمن
وتشرب من إيد النبي علشان كنت دايما بتقرب من ربنا !!

🔗اللي عايز تقف معاه .. اتبعه وقلده 👌

ممكن بحبك لرسول الله واتباعك لسنته تلاقي نفسك معاه 👇

((جاء رجُلٌ إلى النَّبيِّ صلَّى اللهُ عليه وسلَّم فقال :
يا رسولَ اللهِ متى قيامُ السَّاعةِ ؟ فقام النَّبيُّ صلَّى اللهُ عليه وسلَّم إلى الصَّلاةِ فلمَّا قضى الصَّلاةَ قال : ( أين السَّائلُ عن ساعتِه ؟ ) فقال الرَّجُلُ : أنا يا رسولَ اللهِ قال : ( ما أعدَدْتَ لها ) قال : ما أعدَدْتُ لها كبيرَ شيءٍ ولا صلاةٍ ولا صيامٍ أو قال : ما أعدَدْتُ لها كبيرَ عمَلٍ إلَّا أنِّي أُحِبُّ اللهَ ورسولَه فقال النَّبيُّ صلَّى اللهُ عليه وسلَّم : ( المرءُ مع مَن أحَبَّ ) أو قال : ( أنتَ مع مَن أحبَبْتَ ) قال أنسٌ : فما رأَيْتُ المسلِمينَ فرِحوا بشيءٍ بعدَ الإسلامِ مِثْلَ فرَحِهم بهذا ))
صحيح ابن حبان - صحيح على شرط البخاري

يوم القيامة الصحف هتتطاير وهتتحط في إيد صاحبها 👇

"اقْرَأْ كِتَابَكَ كَفَىٰ بِنَفْسِكَ الْيَوْمَ عَلَيْكَ حَسِيبًا " ....الإسراء  (14)
هتتفرج صوت وصورة على حياتك ...

"يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَابًا" ...النبأ(40)

⛔️اوعى تتفرج على حاجة تندم عليها ،
ولحم وجهك يسقط من الخجل

شوف تخصص تدخل بيه مع أهله الجنة 👇

ركز في العبادة، أو في العمل الخيري ،
أو في حفظ القرآن وتجويده ،
أو في طلب العلم ،
أو في النزول للشباب ، أو في الدعوة على النت
أو  في تربية الأولاد أو التفوق الدنيوي ...
مع حضور الدروس وحفظ القرآن

⭕️و خلي بالك أهم عمل في حياتك 👈 هو آخر عمل مت عليه
((إنَّما الأعمالُ بالخواتيمِ ))  ... صحيح البخاري

📎اللي عايز تموت عليه عيش عليه .

من درس : -
#روح_الفانلة_الحمراء
سلسلة : -
#ريمونتادا
#الشيخ_حازم_شومان