افتحي قلبك

ريمونتادا. الجزء الثالث

موقف أهل الأعراف يوم القيامة
وهما واقفين على جبل الأعراف منتظرين مصيرهم 
إما جنة.... أو نار🔥

كل الناس أخدت الصحف إما بيمينهم أو بيسارهم 
إلا هو ...مالوش صحيفة

كل الناس وقفت في أرض المحشر وعرفت مصيرها
يا إما جنة... يا إما نار
لحد ما أرض المحشر فضيت وهو لسه واقف على الجبل مايعرفش مصيره

♦️ ربنا أعطاهم درس مذهل ...
وقفهم بين الجنة والنار يبصوا  على أهل الجنة
ويتقطعوا من الحسرة على النعيم اللي هما مش فيه 

ويبصوا على أهل النار ...
مرعوبين ومفزوعين  إنهم يلاقوا نفس مصيرهم ويعانوا العذاب
يقولوا يااارب احنا مش متخيلين إننا هندخل النار مع دول

وقفتوا في النص ليه ؟
ما أخدتوش قرار فاصل لدين ربنا وأنتم في الدنيا ليه ؟

منظر النار والعذاب اللي فيها منظر رهيب 
يخلع القلوب من الفزع ...

💥 وفجأة  صوت يشق كل ده 👇
"ونَادَىٰ أَصْحَابُ الْجَنَّةِ أَصْحَابَ النَّارِ أَن قَدْ وَجَدْنَا مَا وَعَدَنَا رَبُّنَا حَقًّا فَهَلْ وَجَدتُّم مَّا وَعَدَ رَبُّكُمْ حَقًّا ۖ قَالُوا نَعَمْ ۚ فَأَذَّنَ مُؤَذِّنٌ بَيْنَهُمْ أَن لَّعْنَةُ اللَّهِ عَلَى الظَّالِمِينَ (44) "

أهل الجنة بيبصوا على أهل النار لما افتكروا العذاب اللي كانوا بيعذبوهم به في الدنيا

لما افتكروا إنهم كانوا بيصدوا الناس عن دين ربنا
بتزيين المعصية وتصعيب الطاعة وتعسيرها
ومحاربة دين ربنا

لما افتكروا حربهم ضد الدين وضد الدعوة والدعاة إلى الله ....

وجدنا الجنة حق.. والحور حق .. والقصور حق .. والصراط حق .....

فهل وجدتم عذاب القبر وعذاب النار حق ؟
وجدتم زنازين جهنم حق ؟

ردوا رد واحد بس على أهل الجنة👈 قالوا نعم

⭕️أهل الأعراف ما كانوش متخيلين الفجوة الرهيبة بين الجنة والنار

:وعَلَى الْأَعْرَافِ رِجَالٌ يَعْرِفُونَ كُلًّا بِسِيمَاهُمْ "

وهي دي المشكلة  👌
إنهم كانوا بيشوفوا أهل المعاصي ويعجبوا بيهم

بيسمعوا الأغاني وفي نفس الوقت الداعية الفلاني

مصاحبين دول ودول و فاكرين إن هي دي الوسطية ❌

"وَنَادَوْا أَصْحَابَ الْجَنَّةِ أَن سَلَامٌ عَلَيْكُمْ ۚ لَمْ يَدْخُلُوهَا وَهُمْ يَطْمَعُونَ"

ينادوا أهل الجنة
اللي كانوا في الدنيا بيهربوا منهم
ويفروا منهم لما كانوا بيكلموهم عن ربنا

"وإِذَا صُرِفَتْ أَبْصَارُهُمْ تِلْقَاءَ أَصْحَابِ النَّارِ قَالُوا رَبَّنَا لَا تَجْعَلْنَا مَعَ الْقَوْمِ
الظَّالِمِينَ (47) "..

فجأة يسمعوا صراخ أهل النار ... صراخ الفزع الرهييب

✅خد قرار 
اللي بيقف في النص بيخسر في الآخرة
لأنه ما رضيش يبقى له موقف إيجابي مع دين ربنا 

"ادْخُلُوا الْجَنَّةَ" .... هو دا تتويج القصة
ولعل الله ينقذهم ولكن بعد مرارة وطول انتظار  خمسين ألف سنة

لحد امتى هتفضل قاعد على دكة الاحتياطي ؟!

أنت في الدنيا دائما عاوز تزيد وعاوز حياة أفضل ..
طب ليه مش عاوز تزيد في الآخرة ؟!

⛔️اوعى تقعد مع أصحاب الأعراف
خد قرار إنك تغير أوضاع حياتك للأفضل

درس : -
#دكة_الاحتياط
سلسلة : -
#ريمونتادا
#الشيخ_حازم_شومان