افتحي قلبك

كارت احمر

جاهز تموت ولا مش جاهز للموت ؟!

عشان ننتقل إلى الدار الآخرة  لازم تكون جاهز ليها 👌

كل واحد مننا هياخد كارت أحمر في يوم من  الأيام من ملك الموت
 
الإنسان اللي مش مستعد ومش جاهز وعايش ورا (شهواته.....ورغباته)

وكانت الشياطين تسول له طرق المعصية وطرق الشهوة لحد ما تاه في الدنيا كلها ونسي إن الموت جاي  ⤵️

" حَتَّىٰ إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ "

" لَعَلِّي أَعْمَلُ صَالِحًا فِيمَا تَرَكْتُ ۚ "

أنا هتغير يا رب ... أنا يارب كان معايا فرص كتير وأنا ضيعتها

" ۚ كَلَّا ۚ إِنَّهَا كَلِمَةٌ هُوَ قَائِلُهَا ۖ "
‎
لحد امتى هتخلي علاقتك بربنا  كلام  و أماني..و أحلام ؟!
امتى هييجي التنفيذ  ؟!

"وَمِن وَرَائِهِم بَرْزَخٌ إِلَىٰ يَوْمِ يُبْعَثُونَ"
‎
خلاص انتهت بقى محبوس... مينفعش يرجع الدنيا

"فَإِذَا نُفِخَ فِي الصُّورِ فَلَا أَنسَابَ بَيْنَهُمْ يَوْمَئِذٍ وَلَا يَتَسَاءَلُونَ"

مافيش حد بيسأل في حد

"فَأَمَّا مَن ثَقُلَتْ مَوَازِينُهُ (6) فَهُوَ فِي عِيشَةٍ رَّاضِيَةٍ(7) وَأَمَّا مَنْ خَفَّتْ مَوَازِينُهُ (8) فَأُمُّهُ هَاوِيَةٌ (9)" 

فجأه بقى على الميزان .... فجأه تلفح وجوههم النار
وكل واحد فجأة هيلاقي نفسه يا في الجنة يا في النار

"فَأَمَّا مَن ثَقُلَتْ مَوَازِينُهُ" [القارعة : 6]
"وَأَمَّا مَنْ خَفَّتْ مَوَازِينُهُ" [القارعة : 8]

عملك هيتوزن .. قلبك .. جوارحك .. لسانك.. رجليك ..إيديكي .. أعمالك هتتوزن وهتتجسد
ساعتها هتعرفي وزنك عند ربنا شكله إيه 👌

"فَأُولَٰئِكَ الَّذِينَ خَسِرُوا أَنفُسَهُمْ فِي جَهَنَّمَ خَالِدُونَ"(103)
"تَلْفَحُ وُجُوهَهُمُ النَّارُ وَهُمْ فِيهَا كَالِحُونَ "(104)     
   
حواسك كانت مع مين؟ 

"قَالُوا رَبَّنَا غَلَبَتْ عَلَيْنَا شِقْوَتُنَا وَكُنَّا قَوْمًا ضَالِّينَ" (106)
"رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُون"

يا رب إنت كنت كتبت علينا الشقاء من قبل ما تخلقنا أصلا؟
ولا دخلنا النار قضاء وقدر؟!
يا رب البلد كلها كانت ضالة يارب  و الشباب كلهم ضالين

" إِنَّهُ كَانَ فَرِيقٌ مِّنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ"
قدر يعمل لحظه فارقة في حياته
قدر  يبقى عنده قدره إنه يفرق عن المجتمع كله لما المجتمع كله يبعد عن ربنا

✔️كل واحد ملتزم حجة على كل واحد غير ملتزم في المجتمع  
✔️كل بنت متدينة حجة على كل بنت غير متدينة في المجتمع  
  
" إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ}"

اللي عايز الجنة لازم يتعب ويضحي

هنفوق امتى يا شباب ؟ هنتغير امتى ؟

ربنا بعث لك رسائل ربانية علشان تتغير.. بنقاوم التغيير ليه؟!

⭕️لازم نبعد عن أي ذنب من الذنوب  يخليك تاخد كارت أحمر في علاقتك مع ربنا

⭕️ لازم نستعد للانتقال للدار الآخرة