Working Student
Gising sa umaga , gising sa gabi
ang kolerete sa mukha ay eyebugs na malaki
ang puhunan ay hirap sa buhay
kaya sinuong ang pagsubok upang magtagumpay
Di siya si magdalena
na nagsasayaw para sa pera
siya'y isang dalaga
na nagpupuyat para may panghulog sa alkansya
Pera na ibibigay sa magulang
Ihahati para sa paaralan
Walang ninanais kundi para sa pamilya lamang
At para makapag aral at madagdagan ng kaalaman
Nag aaral sa umaga para makapasa
nagsusunog ng kilay para magtagumpay
Nagtatrabaho sa gabi para makakita ng marami
naglalampaso ng sahig kahit wala ng nadidinig kundi ang mga kuliglig
Walang magarang suot para sa pang gala
may malaking salamin dahil lumalabo na ang mata
Di makaporma dahil kapos sa pera
kaya't nagtatrabaho para sa pamilya
walang buhay na mahirap
kapag ang isang estudyante ay nagsisikap
makakamtan ang sarap
kapag marunong mangarap
Wag ikahiya kung yan ang estado
ng kapwa estudyante, kapwa pilipino
Gising man sa umaga pati sa gabi
Ngunit alam natin na sa dulo nito may ngiting kukubli
