الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت الخامس

البارت الخامس

:
&
:
&

بسم الله .. لا الا الا الله..الله اكبر..استغفرالله..سبحان الله...صلو على من بكى شوقآ لرؤيتكم
_____
نزلت من سيارة السواق وهي تدخل من باب المطبخ كلعاده تتفاده اي تصادم مع اهله
دخلت لغرفتها وبدلت ثيابها تمددت وهي تناظر السقف بتعب:اووف هذا وهو اول يوم هه
سرحت تفكر باللي بتسوي وكل تفكيرها لبعييد لحتى نامت بتعب من التفكير
بعد مده دخل رعد للجناح وهو مستغرب من الهدوء:نايمه بلهوقت؟
توجه لغرفتها ضرب علباب بس ماكان في رد فتح الباب بشويش وناظر لها ومثل ماتوقع نايمه همس :ذي كل ماجيت القاها نايمه هه؟
طلع لغرفته وغير ملابسه واخذ اللاب والملفات وجلس بصاله يراجع فيهم لحتى جات الساعه ٧
سكر اللاب وطلع برى جناحه نازل لتحت ابتسم بهدوء وهو يسلم على جده جلس بجنبه وهو يحي ويرحب فيه
الجد:شلونك عساك بخير
رعد:الحمدالله نسأل عنك
الجد :عسى دوم
رعد بهدوء:اللهم امين اجمعيآ
الجد:ايي ماقلت لي
رعد بهدوء:وش؟
الجد:مابتسافر مع حرمتك؟؟
ابتسم رعد بهدو"اوف نسيت موضوع السفره هه هذي وجه وحده تسافر شهر عسل اساسآ نروح شنسوي نقابل بعض وكل واحد منفس والله حاله":احمم والله ياجدي مثل ما انت عارف انا عندي شغلي بشركه والجامعه وهي تدرس بلجامعه فما عندنا وقت
الجد بتفهم:اييي خير ان شاءالله ماعلي اول اجازه تجي لها تاخذ انت اجازه من الشركه والجامعه وتسافرون
رعد بقهر:بس يا جدي ان...
الجد:لا بس ولا شي ياولدي لاتفشلنا مع اهلها البنت متعوده تروح وتجي تجلسها بدون سفره وهي تو متزوجه وش بتفكر فيه ها؟؟
ابتسم رعد بتسليك"هه ذي جني ماتفكر الا براحتها لو تبي سفره كان سافرت ولا ردت علي":ان شاءالله اول اجازه لها تلقانه بطياره جالسين(قالها وهو ماسك الضحكه)
الجد وهو يعطي نظره:تضحك معي انت ووجهك
ابتسم لجده بتسليك:افا وراك ياجدي عصبت ماقلت شي قلت ان شاءالله بنسافر باول اجازه لها
ناظره الجد بهدوء:اي خير ان شاءالله
قام رعد بهدوء:يالله تامر على شي بروح انام وراي قومه من الصباح
ناظره بهدوء:مايامر عليك عدو وجعله نوم العافيه
ابتسم له بهدوء وطلع لفوق وهو يفكر بسالفة السفره اللي جات لهم
____
الساعه ١١ م
شموخ وهي شبه نايمه فزت بسرعه وعينها عساعه قامت متوجها للحمام وطلعت بعد ماتوضت وهي تستغفر لصلاة اللي فاتتها:ياربي استغفرالله شنوو لهدرجه مافي احد قال اصحيها تصلي اوفف الله ياخذ البليس بس
صلة فروضها وهي تستغفر ربها لتقصيرها فيهم
وبس خلصت رمت نفسها عسرير وردت نامت برهاق
___
عبير:امل
امل:...
عبير:ادري صاحيه فا سريع سريع بقول لك شي
امل:...
قربت عبير لها وهي تهمس:اوف من جدها نامت ذي اوففف
قامت وهي تنزل للمطبخ اخذت لها عصير بملل:يالله ملل مايصير كذا يعني اول لانه عطله كنه جالسين ببيت جدي وفله ومعاي سوسن وكذا الحين رجعنه للبيت وامل ذي ساحبه علي بس تنام وتناظر بجوالها يقال بتستثمر اخر ايام عطلتها بمسلسلاتها هه طيب وانااا من يجلس معيي يوه
طلعت من المطبخ بملل وهي تناظر الساعه:وااو الساعه ١١ ونص ههه جات لي فكره حلوه
مشت عسريع لمجلس الرجال وكان هادئ ومافي احد همست بحماس:واخيرا صار فاضي ههههه
توجهة لشاشة البلازمه الكبيره اللي بجنبها وهي تشغل على اليوتيوب من عليها كتبت عسريع اسم فرقة بنات كوريه وتحديدا على رقصتهم
ابتسمت وهي تشوفها تحمل سريع همست بضحك:احلا وقت لشبكه بليل ههههه
شغلة على الرقصه وهي تفكر ترقص مثلهم:خلينا نصير شوي رياضيات ومنها نتعلم الرقص بعد على الاقل استثمر العطله بشي مفيد مو تبطح ومسلسلات
طول الوقت اللي كانت تتكلم فيه وتنتظر الاغنيه تحمل فيه كان في شخص جالس بزوايه منصدم ويفكر وش يسوي الحين خاصه لما شاف الفرقه اللي بليوتيوب ادرك انها بترقص "اوفف فهدد فكر سرييع لوو الحين يجي عمي عادل ويشوفني كذا معاها والله بنجلد صحح":احمم
عبير اللي كانت تلحن بصوت واطي تيبست بمكانها وهي تسمع صوت اللي وراها عمضت عيونها وهي تهمس:خيال خيال انتي تخيلين مافي احد بس انتي ياربييي
لفت بشويش وهي مسكره عين وفاتحه عين صرخت بخوف لما شافت فهد:اااااااااهه
وبحركه لا أراديه رمت عليه جهاز البلازما وركضت عسريع لداخل وجزمه برجلها وجزمه لا من قوة الركضه(يكرمك)
حط يده على بطنه بألم وهو مسكر عين من الضربه :اخخ بطني صخره مو جهاز(عدل جلسته بحماس) اقسم بالله نفس صوت صرخة البنت الي بدرج شكلها هي هه والله وكبرتي عاد يله الحين اشوف هي امل ولا عبير بس اذكر ماكان بينهم شبه قوي
تقدم عسريع للبلازمه وسكره ناظر تحته لشي اللي داس عليه وكانت جزمتها ابتسم وهو ماسك ضحكته على الموقف اللي صار
نزل واخذ الجزمه وهو يناظر الساعه وكانت ١٢ ضبط همس بضحك:كاني اشوف قصة سندريلا ولا اتخيل؟شكلي يبيلي ادور عليها هه يزينني رايح لعمي اقول جيب بناتك بلبسهم الجزمه واللي تدخل عليها هي اللي شفتها هههههه
>>>>
عند عبير اللي وقفت عند الدرج بتعب وهي تاخذ نفس من قوة الركض جلست على عتبت الدرج بتعب:اووه قلبي يمهه الله ياخذ بليسه اووه تعبت كاني راكضه بلماراثون مو من المجلس لي الدرج وهذا وانا اقول بسوي رياضه هه مالت علي انا ورياضه بس
قامت لفوق وهي تهمس بحراج:يووه فشلههه اخخ بس كنسل رياضه تسجيل دخول نووم يمكن يخف الاحراج شويي
____
الساعه ٣ الفجر
قامت شموخ بتعب وهي تحس راسها مصدع وبرهاق:اخخ راسي
قامت متوجها للحمام وبس طلعت توجهة للمطبخ وهي تسوي لها كوفي لعل شوي يخفف من الصداع
جلست ترشف من الكوفي وهي تفكر بلجامعه:الحين ليش مايخلونه نختار بكيفنه الوقت يعني عشاننه مستجدين واول سنه يجون يختارو الوقت اخ بس بعرف في احد يداوم٧ عشان محاضرته ولا لازم كل يوم اقوم ٦ عشان اجهز لحضرت الدكتور وهو محاضرته ذي يعني ليش مايخلونها ٨ على الاقل نصحصح شوي اوفف والله حاله
جلست تكمل بلكوفي حقها وشوي تسرح وشوي تكمل اللين جات الساعه ٤ نزلة الكوب بملل
دخلت للحمام خذت لها شور طلعت وهي تنشف شعرها وتعدل تيشيرتها جلست وهي ترفع الجينز من تحت (تكفس الجينز من عند الرجل عساس يجي شوي قصير)لبسة خلخال برجلها اليمين بدون ليكون له صوت(ابتسمت لشكله):كنت عارفه انه بيجي شكله حلوو
قامت جهزت عبايتها على الجنب وتوجهة لكتبها ودخلتهم بشنطه سوده صغيره للجامعه همست بقهر وهي تدور:اوفف وين اقلاميي امس حاطتهم هنا اوفف
عضت على شفتها بتفكير همست:ماليي غير هذا شي
طلعت من غرفتها بهدوء وهي تدخل غرفته بشويش وبدون لايحس فيها
صارت تدور بمكتبه عن اي اقلام ومالقت همست بقهر وهي تناظره نايم ويده على وجها:شدكتور اللي ماعنده ولا قلم اوف
تقدمت بشويش لعند الكوميدينا اللي بجنبه(الدرج او الكبت اللي بجنب السرير)فتحت اول درج ومالقت شي جلست على طرف السرير وهي تنزل لدرج الثاني ونفس الشي جات بتنزل من طرف السرير لثالث بس انصدمت بليد اللي لتفت حول خصرها وبهمس:وين خلك جالسه حرام بعد ماجلستي بأتكيت مضبوط وبدون لا احس تقومي كملي شغلك وانتي مرتاحه
حست الدم تجمد بعروقها "اوح قامم اوف شقول شقولل دقييقه انا مسويت شي غلط صح..وبعدين فاضي ذا يطقطق"لفت له برتباك وشوي عصبيه:نعمم حضرتك تطقطق على راسي؟؟
رفع حاجب لها وهو مستغرب:سلامات الاخت داخله غرفتي وتتشرط بعد ومعصبه ؟!
ناظرته بهدوء وتوتر:اسمع من الاخر انا جيت ابي اقلام لاني مالقيت اقلامي اوكيي
نزلت تحت وبنفس الوقت ابعد يده عن خصرها فتحت اخر درج عسريع ولقت شنطه صغيره ابتسمت"اكيد ذي شنطة الاقلام "خذتها عسريع وهي طالعه وسافهته:برجعهم لك لما القى اقلامي
طلعت على صوته:طيب انا ماوافقت تاخذيينهم
مشت عسريع تلبس لانها تاخرت مره
لبست عباتها ودخلت شنطة الاقلام بشنطتها شالت اغراضها وطلعت للمطبخ اكلت الكروسان اللي كانت مجهزته بوقت الكوفي وخلته بلمايكرويف
جلست تاكله وترشف من العصير اللي طلعته من الثلاجه
وبس خلصت عدلت شكلها وطلعت برى الجناح ساحبه على ام ام اللي داخله
مشت عسريع وحمدت ربها وهي تشوف مافي احد بصاله همست بضحك:هه منو بيقوم٦ الصباح مااقول غير خرا علي وعلى دكتور مادتي الدجاجه
___
ركبت مع السواق وقالت له يمشي للجامعه
بعد مده نزلت وهي تمشي داخل الجامعه بملل:يالله الحين افتك من المدرسه عشان قومت الصباح وبلاخير اقوم كذا على الاقل ايام المدرسه كنت اقوم ٦ واروح ٧  الحين لازم اقوم٥ ماقول غير الله يعين بس اوفف
دخلت لمحاضرتها اللي كانت من ٧ اللين ٩
جلست وهي تشوف الطالبات وكل وحده ومشغوله بشغله اللي بجوالها قبل يجي الدكتور واللي بشكلها واللي وللي الخخ
دخل الدكتور وبدا يلقي محاضرته وشموخ حاطه بجنبها مسجله تسجل فيها المحاضره
طلعت دفترها وفتحت شنطة الاقلام ناظرت لشنطه بقهر همست:لاا ماتفقنه كذا اوفف
كان الشنطه داخلها فلاشات (فلاش اللي يحفظ الشغل اللي نسوي عشان نعرضه علكمبيوتر او الشاشه)
ناظرت للبنت اللي جنبها همست بحراج:لو سمحتي ممكن تعطيني قلم بلغلط جبت الشنطه الغلط
ابتسمت البنت بهدوء:ولو عادي
اخذت قلم من البنت وهي تسب برعد اللي ماله اي ذنب
بعد ماخلصت المحاضره اعطت البنت القلم وشكرتها
طلعت من القاعه تدور على مكتب رعد ترجع له الشنطه
وقفت عند المكتب وهي تشوف تجمع البنات :هه والله حاله
وقفت قريب وهي تشوف البنات يكلمو الدكتور عادل عساس مو فاهمين شي همست بضحك:اقص يدي اذا كانو جد مو فاهمين ههههههههه
دخلت من بينهم :شوي ..شويي ياا هييي وخري اوفف...عمى عباتييي بشويش عليهاا
طلعت على قدام وهي تاخذ نفس وبهمس:اعوذ بالله وش ذا
دخلت للمكتب وناظرت حولها همست:وينه ذا بعد ليكون مو مداوم؟؟
عادل اللي كان يشرح للبنات بملل من نظراتهم لفتت انتباهه البنت اللي واقفه قريب من مكتب رعد تكلم بهدوء وستغراب:نعم اختي تبين شي من الدكتور رعد؟؟
ناظرت للبنات اللي ناظروها وردت ناظرته وهي تعدل نقابها:ايي وينه؟
ناظرها بستغراب:مو موجود عنده محاضره قولي شنو تبين يمكن اقدر اساعدك
ناظرته بهدوء"ياليل النشبه يعني لو سبيته بروح فيها لانه دكتوري واكيد بيعرفني بعدين اوف ":ايي بعطيه شنطة فلاشاته
ناظر عادل لشنطه اللي معها بستغراب"شتسوي معها مستحيل نساها امس طلع وهي معه واليوم اول محاضره تو راح لها مستحيل يكون ناسيها بقاعه او شي؟":اها طيب من وين لقيتيها انتي؟؟
شموخ"شنو هو سين وجيم استغفرالله":بغرفته بعد وين؟
ناظرها بصدمه:هاا
شموخ اللي كانت ماسكه الضحكه على وجها ونظرات البنات المنصدمه
عادل:غرفته؟دقيقه غرفه قصدك القاعه
شموخ وهي تناظر الساعه اللي على الجدار"يالله انا تأخرت عندي محاضره بعد نص ساعه وفوق ذا مااكلت شي اوففف"ناظرت لدكتور عادل:دكتور الله يعافيك انا حدي مشغوله فا عطني من الاخر احط الشنطه هنا وامشي ولا هو يحتاجها؟؟!
عادل:ومن الادب تجاوبي على سؤالي بعدين تسألي ولا انا غلطان؟؟
البنات اللي كانو بلمكتب كانو مره متحمسين للي يصير واللي برى ماقدرو يشوفو شيي
شموخ همست بغثه:اوفف ياليل مطولكك(بصوت طبيعي)يعني دكتور بالله بلمخ انا قلت لقيتها بغرفته معنى غرفه يعني اللي يعيش فيها وانا بالله شلي بيدخلني لغرفته بدون لا اكون بيني وبينه صله قرابه ولا اللي هوو؟؟!!
عادل:اوكك قصدك تصيري له! بنت عمه؟
شموخ اللي خلاص طفح فيها الكيل من الغباء اللي براسه"بلا دكتوري بلاا بطيخ بلا ادب بلا هم يحزنون"ناظرته بعصبيه:سؤال انت شلون صرت دكتور هاا؟؟؟!!! يعني والله لو اخذ نسبت ذكائي مع ذكائك اطلع انا اذكى منك وقسم يعني بالله عليك لو بنت عمه شنو بسوي بغرفته؟؟ شلميانه هذي اللي تخليني ادخل لغرفته النوم همم؟!
عادل اللي كان مصدع راسه من لوية البنات وجات ذي كملت وهو مصرر يعرفف وابدد ماكان متوقع انه زوجته تدرس بلجامعه نفسها لانه ماكان يدري:اجل اخته
شموخ"يستغبي ولا يستغبي ولا بعد يستغبي":لا مب اخته انا زوجته وزوجي العزيز نسى شنطت فلاشاته فا قلت اصير حرمه سنعه واجيبها له الحين ممكن تتكرم وتقول لي ويينه؟؟؟؟؟؟؟
البنات كلهم انصدمو وصارو يهمسو بينهم بصدمه
عادل:هاا
شموخ:دكتور انا عندي محاضره اخليها ولا شلون
ناظرها وهو تو يستوعب:اي ايي
شموخ:شنوو اي ايي
عادل بفشله:احمم تلقينها بقاعه٥ اكيد بيحتاج الفلاش فا الحين تودين له الشنطه
شموخ وهي تعطيه ظهرها طالعه وسافهه الكل:اوكك شكراا
صارو البنات يطلعون من المكتب وكل وحده متحمسه تقول لصديقاتها اللي شافت
ناظر عادل للمكتب الفاضي بصدمه:صدق بنات اجل مو فاهمين شي هه انتشرو تقل خليت نحل بس سمعو الموضوع
عدل جلسته وهو يفكر:اجل ذي زوجة رعد  والله شخصيتها ههههههه مااقول الا الله يعين رعد اكلتني بلسانها بسم الله منها بس والله تونس ماينمل معها ودك بس تقعد وترادد معها وتسمع ردودها هههههههههههههههه
______
عند شموخ
وقفت عند القاعه خمسه وهي تفكر:ادخل ولا لا المشكله اكيد قاعد يعطي محاضره وكذا بس شكله بيحتاج الفلاش ويمكن حتى الحين مبتلش مايقدر يعرض بدونه اوفف انا بدخل واللي فيها فيها
فتحت الباب بهدوء وهي تناظر الكل اللي ناظرها وااللي يحسبون انها طالبه متأخره
اشر لها رعد بدون لايناظر انها تطلع وهو يفكر انها طالبه متأخره:اطلعي وسكري الباب وراك
مرت ثواني وماسمع صوت تسكيرت الباب
ناظر لجهة الباب بعصبيه بس رفع حاجبه بستغراب يعرفها عدل من وقفتها وكيف تناظر له بعيونها :تعالي
تقدمت متجاهله همس البنات واستغرابهم وقفت عنده وهي تمد له الشنطه:شنطتك
ابتسم بهدوء وبصوت قصير:ماشاءالله توك تستوعبي انها مب شنطت اقلام؟
ناظرته بهدوء:تاخذها ولا شلون
اخذ منها الشنطه وقبل تروح ناظرها بهدوء:عشان تعرفي شلون تصيري ملقوفه
ناظرته بقهر وهي رافعه حاجب:اذا انا ملقوفه فااعرف اني طالعه عليك بلقافه ياملقوف
ناظرها بحدا:وش قلتي؟
ناظرته شموخ ببرائه وهي ترمش بعيونها:احمم اقصد ممكن تعطيني قلم عشان اقدر اكتب بلمحاضره ياحضرت زوجي العزيز
ناظرها بصدمه وهو ماسك ضحكته همس بضحك:متزوج هبله استغفرالله
ناظرته بهدوء:وش قلت
مد لها القلم وهو مبتسم:قلت اخذي قلم وروحي لمحاضرتك قبل تتاخري
ناظرت ساعتها وشهقت بصوت خفيف:اوفف تاخرت يويليييي
سحبت عليه وهي تطلع عسريع لمحاضرتها
ابتسم على جنب وهو يشوفها تطلع وتسكر الباب توجه لطاوله وحط الشنطه وهو يطلع الفلاش ويركبه علاب حقه رفع راسه بهدوء:اسف علمقاطعه يله نكمل الشرح بس بشغل لكم مفهوم الدرس بفيديو
على ماهو يشغل اللاب والفلاش صارت حوارات بين الطالبات
_____
...١: منو ذي شفتي كيف قال لها تعالي ولا شلون ابتسم لهاا اخخ قلبييي قااعده امووت
....٢:بالله عليك وش عرفني من هيي اوف منها يمكن هي من طالباته بكلاس ثاني
....١:يمكنن اوف حظها علاقتها مع شكلها قويه
__
..١:يع قهرتني وبعدين ياحظها خذت قلم من اقلامه
...٢:اشش بليز براجع
...١:وجع قاعد اسولف معك عطيني وجه
...٢ناظرتها:اولا زوجي يغار علي لما اتغزل بدكاترتي فا مستحيل بتغزل فيهم او اتكلم عنهم لانه ماابي ازعل زوجي وثانيا بدرس لانه عندي اختبار بليز يعني
...١ناظرتها بقهر:اوف طيب اعصابك مالت عليك انتي وزوجك هههه سوري والله
__
...١: اول مره يبتسم هو دايم معصب ولا حتى مايبتسم كيف كذذااا
..٢:من جدد ابي اعرفف من ذييي
__
..١: بناات شفتووو كيف ابتسم لها ابتسامة تخقق يالبييي بس
...٢:اقول خليك مع نفسك انا انقهرت من ذيي
...٣:بناات تتوقعون زوجته؟؟
...٢ بصدمه: شلون مافكرت اي والله شكلها زوجته اخ بسس شفتي كيف شكلها تذبحح
...١ بقهر:اولا ماتأكدنه اذا كانت زوجته ولا لا وبعدين شنوو تذبح متى شفتيها انتي
...٢جات بترد بس قطع عليهم رعد اللي بدا يكمل الدرس
_____
عند شموخ دخلت عسريع للمحاضره بس وقفت بقهر وهي تشوف الدكتور اللي اشر لها تطلع
شموخ تكلمت بقهر:دكتورر انا كنت م...
ناظرها الدكتور بشوي عصبيه:وبعديين اتوقع قلت لك تطلعيي؟؟ ولاا
ناظرته بقهر :انزيين ترى ماكملت كلامييي اسمعني بعدين بكفيك تكلم مو تقاطعني كذااا اوكيي
ناظرته لثواني وهي تستوعب اللي قالته ولمنو لدكتورها اللي ممكن يرسبها بعد كلامها
بدو البنات يضحكون بصوت خافت وهم منصدمين
نزلت راسها بفشله ناظرت لدكتور وبأسف:احمم اسفه دكتور بس تو كنت متهاوشه مع دكتور ثان..(عضت على شفتها بقهر)"اووح جبت العيد شكو اقول له متهاوشه مع دكتور بعد اوففف"احم اقصد هذا تووو وشسمه تهاوشت مع زوجي وكذا فا سوري غلطت عليك من كثر ماكنت منقهره وكذا احمم (ناظرته نظرت برائه)عادي ادخل
ناظرها لثواني ابتسم بضحك على حالها الغبي:احمم تفضلي واخر مره
ابتسممت بفرح:مشكوور دكتور سامي
توجهة لفوق وهي كل مايناظرونها البنات تعطيهم نظرت اللي "نعم؟ خير ودك تتكوفني اليوم لانك ضحكتي علي ولا؟"
جلست بهدوء وبدا يشرح محاضرته وهي تسجل معه بعد ماطلعت القلم اللي اعطاها اياه رعد وهي حالفه تخلص حبر القلم اليوم عناد فيه
_____
بعد كم محاضره
بلمكتب
دخل الدكتور سامي وهو مبتسم طلع اوراق وبدا يشتغل عليهم وهو يلحن
ناظره الدكتور عادل:اوب اوب اليوم الدكتور سامي يبتسم غريبه والله
ناظره سامي ببتسامه:ايي ههههه ابد بس في وحده من الطالبات ضحكتني
جلس عادل بحماس:اما قول شنو صار
ناظره سامي:شكله ودك اعلم عليك نور
ناظره عادل بملل وهو يهمس:ياليل الييل(ناظره بهدوء)تراك ابلشت اميي ياشيخ خلاص درينه انه حرمتي تصير اختك والله بس عاد موو كذاا تحشر فيني كل ماسولفت
ابتسم سامي بضحك:امزحح معك ههههههه وش بك نفست
عادل ناظره بهدوء:مانفست خلص قول شنو الموقف
ابتسم سامي:ماتنسا ابد ههههه خلاص بقول بقول الله يسلمك على بداية المحاضره ج.......الخخ
عادل:اوح دقيقه هي تحس لسانها طويل صح؟؟
ناظره سامي بهدوء:ايي كان لسانها طويل
عادل:احلف لك انها هي نفسها اللي تهاوشت معي اليوم ههههههههه
سامي بحماس:امانه قول قول وش سوت
عادل:الله يسلمك ببداية اليوم ابلشوني البنات يقال مو فاهمين وشوي ال.......الخ
سامي:والله شكلها هي ياشيخ نفس الاسلوب
عادل:ايي ههههه لانها ضحكتني انا بعد تخيل طلعت حرمة رعد
سامي انمحت ابتسامته بتدريج"اوف شفيك مو انت من الاول تدري انها متزوجه مو قالت انها متهاوشه مع زوجها بس.....كان عندي امل انها تكذب عشان تدخل بس"ناظر لعادل اللي يأشر له:هلا
عادل:اي هلا واي مسهلا وين رحت ساعه ااشر لك؟
سامي:معاك معاك
عادل:ايي واضح معي
ابتسم سامي:انزين شرايك تفارق لاني مشغول
قام عادل مضحك:خرا عليك وعلى اللي يقعد معك طيب
طلع عادل وجلس سامي وهو يهمس ببتسامه:ماشاءالله والله انك محظوظ فيها يا رعد الله يوفقكم يارب
__
سامي:العمر ٣٠ اعزب شخصيته متزنه وقليل مايضحك او يبتسم اله مع اصدقائها اللي ميانه معه والكل يسميه نفسيه مافكر بزواج لانه عنده اخته الصغيره ومايفكر يتركها ويتزوج لانه يخاف يلهي عنها يتيم الام والاب وعنده اخت متزوجه
اسمها نور زوجة الدكتور عادل عمرها٢٠ سنه
ساره:اخته الصغيره عمرها٥ سنوات
___
بعد ماخلصت دوام
توجعة لبرى وهي تتصل على السواق بملل:الوو...وين كنت لي ساعه انتظرك برى...نعم نعم؟؟؟ خير ان شااءالله....اوففف لا تدور اعذار خرا عليك وعلى من يركب معك...اقول باي باي بايي خلاص مشكور مانبيي
سكرت منه بعصبيه وهي متنرفزه الف:اوفف وذا وقته بعدد(ناظرت لداخل الجامعه بقهر وهي تهمس)ليش ياربي يجي هليوم ليششش
دخلت لداخل بهدوء وهي متوجها لمكتب رعد ضربت علباب ودخلت غمضت عيونها لثواني بقهر(اخخ قلبي الثلاثه اللي اليوم متهاوشه معهم كلهم بنفس الغرفه ليشششش اوفف)
___
نرجع لورا شوي
بلمكتب كان رعد جالس بعد ماخلص محاضراته يشتغل على ملفات الشركه
وسامي وعادل جالسين يشربو كوفي
ناظر سامي لرعد:ياشيخ خلهم وتعال اسمع سالفه عادل
رعد وهو متعمق بشغل:مشغول حديي بعدين
سامي:ط..
قطع عليهم دخول شموخ اللي وقفت لثواني
ناظرها سامي بشبه ابتسامه
عقد رعد حواجبه بستغراب
تقدمت لمكتبه بهدوء وهي تقرب لعنده
همس بستغراب:وش بك
ناظرته بهدوء وهمس:هذا احمم السواق سحب علي ومايقدر يجي ياخذني
ابتسم بهدوء وشبه ضحكه:طيبب؟
ناظرته بهدوء وشوي عصبيه بهمس:وشوو طيبب بعد!!!!
ابتسم لها بهدوء:يعني شلمطلوب؟!
ناظرته بهدوء وهي تهمس له:تستغبي معي ادري انك فاهم مثل ماانا فاهمه بلمختصر قم ودني البيت اوف ابي انام وراي برسينتيشن انا بعد
ناظرها بخبث:طيب بس بشرط
ناظرته بهدوء:بعد تتشرط وشو؟
رعد بهمس:امم شوفي حاليا ماعندي شي بس شرطي انك تنفذي لي شي لما اطلب منك انك تنفذي وعدك بوقت من الاوقات ؟ اوكي
ناظرته بتسليك وهمس:اوكي اوكي الحين يله انا انتظرك برى
طلعت شموخ وقام رعد يرتب اغراضه:يله شباب انا راجع البيت واي تراها من الاهل لاتستغربون يعني
ابتسم عادل بهدوء:ايي ندري
ناظرهم بستغراب لثواني ثم اخذ شنطة اللاب وطلع
عادل ناظر سامي:بتروح البيت؟ ؟
سامي:اي ..انا بروح البيت ببعد وانت؟
عادل:بخلص كم شغله واروح
قام سامي من مكانه:اوكيي
____
تقدمت شموخ وركبت قدام بجنب رعد حطت راسها علزجاج وسوت انها نايمه
ناظرها بهدوء:طيب رجعي قلمي
ناظرته بطرف عينها:بافهم ليش انت كذا هاا؟؟ يعني لازم تحرجني والله مابيطير القلم بعطيك القلم بلبيت والحين بنام بليز
ردت سكرت عيونها بهدوء
ابتسم بستغراب من هبالها وكمل متوجه للبيت
وشموخ مسكره عيونها وهي تفكر بقهر"وش ذا اليوم المنحوسس اوفف صارت في كل المصايب"
________________________________
ومن هنا نوقف لاتنسون توقعاتكم

شنو بيصير مع ابطالنه والملف السريي؟؟

عبير وفهد وقصة سندريلا!؟*_^

الدكتور عادل والبنات ورعد؟؟؟

الدكتور سامي وموقف بلبارت؟؟؟!

وباقي ابطالنه وينهم مختفيين معقوله خلاص؟؟

دمتم بخير
_______
ونزلت لكم البارت الرابع
والبارت الخامس
اذا شفت تعليق واحد بس
بنزل اثنين🤙🏻♥️