الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت الثاني عشر

البارت الثاني عشر

:
&
:
&

بسم الله...لا اله إلا الله..الله اكبر..استغفرالله..سبحان الله..صلو على من بكى شوقآ لرؤيتكم
_______
طلعت من الحمام وهي تنشف شعرها عقدة حواجبها بستغراب:طلع؟
كملت متجه لصوب كريماتها وجلست وهي تحط على يدها وبتفكير:يالله هانت بس اخلص اختبارات وافضى بسافر لبريطانيا واوري هل جين قدره
قامت وهي تعدل شكلها وطلعت حاطه الطرحه على كتفها احتياط دخلت للمطبخ وهي تسوي لها كروسان  واخذت عصير من البراد وجلست تاكلهم بهدوء وتفكير بشي ببالها ناويه عليه ابتسمت بين اكلها بخبث وهي تهمس:اربع ايام اربع بس وبيتزعزه امنكم عشان تعرفون شلون تفكرون تقربون لصوبي
قامت بعد ماخلصت اكل
واتجهة لصوب اصوات الحريم دخلت وهي تسلم بهمس وتجلس وهي تاخد فنجال القهوه من الجده وهي ماودها بس احسن من انها تردها ارشفت منها وهي تحس بنظراتهم لها نزلت الفنجال لبين الارض والهوا(يعني ظلت ماسكته لارفعته ولا نزلته)
تكلمت الجده وهي تقطع الصمت:اقول يمه شموخ جهزتي اغراضك انتي وزوجك؟ ترى بنمشي شوي
شموخ"هه انا اجهز له حلوه والله خل يجهز لروحه هو":ان شاءالله اقوم واجهزهم الحين
ابتسمت ام شذى بخبث وصلت لصوب اللي تبيه من خيط الكلام:لي وينك الصباح ماجهزتي شغلك هااه؟
شموخ ناظرتها بهدوء ياليل ابو لمبه:نايمه ويني بعد؟
ام شذى وهي تكمل بلعانه:ورعد وينه ماصحاك تعدلي اغراضه هاه؟
شموخ ناظرتها بهدوء وهي تكمل معاها :نايم هو بعد
ام شذى وبتشفي:نايمين لهلحزه؟ ليش ناقصين نوم ولا بكم مرض نوم القهري هاه
شموخ ناظرتها وهي تبتسم بستهزاء:نلعب سوني انا وهو ودك تلعبي؟ هه يعني اثنين ومتزوجين ونايمين اللين قريب العصر وش يسون ضنتك؟ولا ودك اقول ترى ياعمه مابي مستحه بهلامور افصله لو ودك كان هذا الي تبينه اشيل الحياه وابو لجل اسمعك اللي ودك فيه كانك ناقصه منه وودك على مسامعه
شهقت ام نور بصدمه من جرائتها والبنات اللي شرقت واللي كاتمه الضحكه
كملت شموخ ترشف من فنجانها ولا كانها قالت شي وتسولف مع الجده وتسألها اذا كانت بتروح معاها هي ورعد ولا مع واحد من عيالها
ودقايق قامت مستئذنه انها بتروح تجهز اغراضهم وعيون الكل عليها المنصدمه والفرحانه والمنقهره والحاقده
________
بمجلس الرجال
تقدم رعد للجد:يبه تمشي معنا انت وجدتي؟
الجد ناظره وبتفكير وهو يحرك الفنجال:لا يابوك روح انت وحرمتك انا وجدتك بنروح مع فهد
رعد بستغراب:اجل انا ماشي الحين تبي شي؟
الجد:لا يابوك ونتبه بدربك
رعد وهو طالع:ان شاءالله
طلع متوجه لسيارته بعد مارسل لشموخ انها تطلع
وصحيح كلها دقايق طلعت والشغاله شايله اغراضها ركبت وجلست بجنبه بهدوء:سلام
ناظرها بستغراب:وعليكم السلام اغراضي وين؟؟
لفت له شموخ وهي ترفع حاجب وبحده:مالي شغل روح جيبهم بنفسك
ناظرها بصدمه:احلفي
شموخ وهي تسفهه وتناظر لقدام
رعد :اجل هذا ردك حلو(شغل السياره بهدوء)اجل جهزي نفسك بنمر لعند البقر ان ماربطتك بنصهم ماكون رعد
لفت له بصدمه وهي تشوفه يمشي من جد مسكته من يده بتوتر:هيي امزح والله سويتهم الحين رايحه تجيبهم الشغاله
وقف رعد وهو يناظرها بحده:حريم مايجون الا بلعين الحمره
ناظرته شموخ بقهره:هه والله لو مو البقر كان تحلم تشوفهم هه
رعد بخبث:شكلك جد ودك علبقر ها نمشي لهم؟
شموخ ناظرته بقهر:رعدد
ابتسم بهدوء وبانت غمازته:مدري عنك
قطع عليهم الشغاله اللي دخلت شنطت رعد وسكرت الباب
حرك رعد وعينه عطريق:الاختبارات بعد اسبوع جهزتي نفسك؟
شموخ بهدوء:اي الحمدالله وان شاءالله بعدها بنسافر لبريطانيا
رعد:اي بنسافر اكيد بس هاه والله لو حركه مني ولا مناك ان تحلمي تشمي ريحتها
ناظرته شموخ بقهره:وانت بس كذا تمشي وتذل
ابتسم بخبث:اي مو انتي اللي كل دقيقه وثانيه مطلعه لنا طول جديد للسانك ذا قلنه نذلك شوي مايضر
ناظرت شموخ قدام بقهر وهي تقلد كلامه بهمس
ناظرها بطرف عين:قلتي شي
شموخ بنرفزه:لااا ليش سمعت شي انت؟؟؟
رعد وهو ماسك ضحكته:بشويش لايطق لك عرق
لفت بقهر تناظر لطريق وتنطر بس متى يوصلون
______
بسيارة فهد
كان بجنبه الجد واخته سوسن ورا وبجنبها الجده وبلاخير الشغاله
الجد:الا اقول فهد
فهد وعينه على الطريق:سم يبه
الجد:سم الله عدوك بس ابوك وينه فيه هاه؟
فهد:والله يا الغالي مسافر لرياض
الجد:الرياض؟ وش عنده هناك
فهد:علمي علمك يا جدي بس الوكاد عنده شغل ويرجع
الجد وعينه على الطريق وبسرحان:ان شاءالله ..ان شاءالله
الجده :الا اقول يمه فهد قاصركم شي انت وختك
ابتسم سوسن بهدوء:يمه الحمدالله كل شي تمام
الجده وهي تمسك يدها:اي يمه لاتستحين انا ماني بس جدتك انا حسبت امك الله يرحمها ويغفر لها
سوسن بهدو وبهمس:الله يرحمها(وببتسامه)ان شاءالله
وظل الهدوء سيد الموقف
_____
بسيارة ابو عادل
ام عادل بجنبه
وراهم عبير وامل وعادل
والشغاله
عبير:يبه
ابو عادل:هلا يبه
عبير برجا:يبه الاسبوع الجاي عندي اختبار رياضيات وتصلت على كذا مدرسه خصوصيه وكلهم مشغولين فا جيب لي مدرس وانت اقعد عندي وهو يشرح لي لانه ضروري لو ماجبت بحمل الماده
ابو عادل بتفكير:ان شاءالله اشوف لك مدرس بس انتي متى تبينه؟
عبير:امم كذا بعد خمس ايام من اليوم
ابو عادل:يعني يوم الاربعاء
عبير:اي لانه الخميس بيجمعنه جدي والجمعه والسبت بدرس لاختباري والاحد الاختبار
ابو عادل:ابشري اجل بشوف وقول لك
ابتسمت عبير برتياح:الله يخليك لنه
ابتسمت ام عادل لزوجها وكملت تسولف معه
اما عبير فا تنغز بامل اللي نايمه على كتفها وبهمس:كسرتي كتفي يابزر اوفف
_______
مر اليوم عسريع
والكل لاهي يرتب اغراضه واللي خذه شور واللي يراجع لجامعته بكرا ونام الكل منهوك من التعب
الصباح الساعه٨
نزلت عسريع وبيدها كوفي طلعت برا وبقهر:الله ياخذك ياكومار
مسكت الكوفي بيدها الثانيه والشنطه ضامتها عشان ماتطيح وهي تطلع جوالها اتصلت على كومار وتكلمت بقهر:جب ولا كلمه...لاتبرر..انا كم مره قايله لك لاتتاخر انا بروحي متاخر وينك هاا؟؟؟؟؟....الله يوريني فيك يوم اصبر علي بس..اقول لك جب ولا كلمه يله
سكرت شموخ منه بنرفزه وهي تهمس:الحين شلون اروح للجامعه المحاضره كلها خمس دقايق وتبدا اوفف
قطع عليها رعد اللي مر من جنبها ووقف وبيده شاي:يالله صباح خير وبعدين كم مره قايل لك لسانك هذا ان طولتي سفره مافي؟
ناظرته شموخ بقهر:وانت بس هذا اللي شاطر فيه تمشي وتذل؟
تعداها رعد بدون مبالات وهو يشغل السياره اشر لها:شكلك ماتبين تروحين الجامعه امشي عنك يعني؟
ناظرته لثواني وهي تستوعب:هاا..(نزلت لعنده وهي تفتح الباب)خلص علي تاخرت
ركب بجنبها وهو يضحك:هه والله حاله طرار ويتشرط
حط شموخ رجل على رجل:ماغيرك والله تراني زوجتك غصب عنك توديني
رعد وهو يحرر السياره ويحرك:زين اعترفتي بعد خفت قلت
ناظرته بكره:هه في احد ينسى وهلوجه كل صباح مصبح فيه
رعد وهو يناظرها بطرف عين:ياحظك يوم انك تصبحي فيه
شموخ بقرف:وع الا ياشينه من حظ
رعد:لا شكلنه بنكنسل سفره
ناظرته شموخ بقهر ونرفزه:رعدد
ناظر لقدام وهو مستمتع
كمل طريقه للجامعه
كلها دقايق ووصل ناظرت شموخ لطريق اللي يروح له وهي مسافط الخاصه للدكاتره
ابتسمت بستهزاء:حركاات مسافطكم كشخه وكل واحد له مسفطين مو واحد بس
ناظرها رعد بضحك:هههه اقول قولي ماشاءالله لاتطيح فوقنه بس
شموخ ناطرته بغرور:ماشاءالله ماقلنه شي بعدين انا عيني بارده
سفط سيارته ونزل وهي تنزل معاه
مشت بجنبه بهدوء:انزين الحين ادخل معاك لادارة الجامعه عادي لانه الباب عند الاداره
رعد:شرايك اكيد عند الاداره لاننه لازم نبصم
شموخ:انزين واذا شافوني معاك شنو بتقول
ناظرها رعد:خاطفها وانا جاي
ناظرته شموخ بفهاوه:هاا
رعد بضحك:ههههههه شنو بقول يعني اكيد زوجتي
شموخ :احمم ايي عبالي بعد
رعد حرك راسه بقلة حيله:والله حاله ههههه
ضربته بكتفه بقهر:يوو خلاص عاد انت ماتصدق تمسك شي علي تقعد تفصفصه وتضحك
رعد وهو يغمز لها:مو هذا اللي يعجبني فيك
ناظرته شموخ لثواني بحراج ولفت تناظر قدامها وهي تهمس:نننننن
دخلت معه وهي تناظر الدكاتره وبعضهم اللي كان بيسلم على رعد بس استغرب وجودها وقفت بجنبه وهو ياخذ بصمه همست:ها خلصت
ناظرها رعد:اي يله امشي نطلع وكلن يروح بطريقه
مشت بجنبه بستغراب:نعم نعم شنو اللي كلن يمشي بطريقه يابا انا تاخرت على محاضرتي طافت منها الحين اكثر من ربع ساعه وابيك تدخلني
رعد ناظرها:ادخلك انا شكو؟
شموخ:والله سواقكم هو اللي اخرني فعشان كذا وبصفتك زوجي تدخلني
رعد:واذا قلت لا شنو بتسوين يعني؟
ناظرته وبقهر:اوف عادي امسكك وربطك بنص البقر
ناظرها رعد بصدمه وضحك:هههههههههههه استغفرالله احلفي بس؟ بزر انتي؟؟
شموخ بقهر:اي بزر كيفي طيب
رعد وهو مبتسم على قهرها:طيب طيب بدخلك لاتاكلينه بس بشرط
شموخ وقفت عند باب قاعتها وهي تناظر بحذر:واللي هو؟
رعد:انتي اللي تسوين الغدا اليوم وابيه كبسه بعد
شموخ بتفكير:حلو اجل اوك موافقه
اشر لها رعد لباب:اجل تفضلي ادخلي
ابتسمت شموخ بضحك:هههه احب الواسطات انا
حرك راسه بضحك:هههه هبله
ضربت شموخ الباب ودخلت بهدوء وهي تناظر الدكتوره:سلام عليكم
بدون لاتناظر لها اشرت انها تطلع:تفضلي برا بدون تبرير
استغربو البنات حركة شموخ لما ظلت واقفه بس معطتهم ظهرها
عند شموخ ناظرت رعد بقلق:هاه طردتني
رعد ناظر لها كيف خايفه كانها بزر:انزين ادخلي خلادخل
دخلت شموخ
والدكتوره ناظرتها بستغراب بس ابتسمت بهدوء وهي تشوف رعد:اهلا دكتور رعد بغيت شي؟
بدو البنات يهمسون مابينهم بصوت خافت بستغراب
رعد:ياهلا دكتوره هيا بس بغيت استئذنك تدخلين الطالبه كانت عندي وانا اللي مأخرها
دكتوره هيا:اي اكيد(اشرت لشموخ)تفضلي ادخلي
ناظرتها شموخ وهمست لرعد بستهزاء:هه والله حاله من جدها ذي تدخل على مزاجها
همس لها رعد:اقول ادخلي احسن ماتطردني انا وياك
شموخ:هه تسويها والله عادي يله باي
دخلت وطلع رعد
توجهة لمكانها المعتاد اخر شي والبنات يهمسون من حولها
"هه وذول مايخلصون حش الحمدالله وشكر بس"
______
عند امل
طلعت من الجامعه
وهي تكلم كوماري:كومار يله سريع بيت
كومار:مادام انا في يبي ياخذ مادام شموخ هوا صباح في يعصب مره(مدام انا بروح اخذ مدام شموخ من الجامعه لانها الصباح عصبت حيل)
امل وهي تتذكر:يوو صح نسيت اقول لها انه سايقنه سافر بعد اوف اجل يله امش روح اخذها ومره ثانيه دايم صباح توديني انا وعبير وشموخ للجامعه
كومار وهو يتحلطم:انا يودي انتو كلو ليش هاه انتو واجد واجد واجد انا في عيون روح فوق(انا اوديكم كلهم ليش هاه انتو اكثر من حياتي وشكلي بنعمي منكم)
امل:اقول بلا بربره وخلص علي
اتصلت على عبير:الوو عبور
عبير:هلا امول؟
امل:اسمعي بنمر شموخ ناخذها من الجامعه تبين نمرك
عبير:اي ياليت
امل:اوك اجل جهزي نفسك لانه قسمك قريب من قسم شموخ
عبير:اوكي
سكرت امل منها وهي تتصل بشموخ :اوفف ماترد
كومار:ماما يله انا في يوصل
امل:اووفف لجيت راسي وبعدين انت مره مدام ومره ماما؟ مره مزوجني ومره مولدني لا أله إلا الله بس اوف انا بنزل اروح اشوف شموخ وانت روح مر مدام عبير على قولتك وتصل عليها تطلع لك وترجع لنه سريع سريع فاهم
كومار بتحلطم:فاهم فاهمم
نزلت امل متوجه لداخل وهي تتصل على شموخ بهمس:اوف ردي شموخ سري...ايي عما بعينك يا(ناظرت بصدمه لسامي وهي تبلع ريقها )احمم سوري ماشفتك
سامي بهدوء:حصل خير
مرت من جنبه عسريع وقلبها يدق طبول وبهمس:يمه بسم الله ماعرفني الحمدالله وبعدين والله ماعرفتني تو اصرخ علمسكين كومارو والحين اوو سوري ماشفتك يمه منيي بعدين هذا وش جابه هنا
شموخ:الووو هيي انتي منو قاعد تكلمين الووووو..املوووو
امل ناظرت لجوالها برتباك:هلا سوري نسيتك
شموخ:كان مارديتي بعد
امل بضحك:ههههه شسوي بعد المهم انا عندك بلجامعه
شموخ:عندي ليش؟
امل:مو الله يسلمك سايقنه سافر وحاليا كومار بيودينه ويجيبنا ثلاثتنه انا وانتي وعبير وجينه ناخذك بس دقيت عليك ومارديتي فا نزلت ادورك
شموخ:احلفيي بس وانا اقول وين ذلف كومارو من صباح الله خير
امل:احم ههههه عديها هلمره وبعدين تعودي بعد بنحشرك اللين نخلص جامعه
شموخ:احلا حشره والله هههههه
امل:وبعدين ليش ماتروحين مع زوجك صح؟؟
شموخ:مو ياعمري هو دكتور وانا طالبه يعني محاضراته غير عن محاضراتي فا اتوقع وضحت
امل:مره مثل الشمس بعد خههههه
شموخ:هههههه انزين تعالي انا عند الكافتيريه بشرب لي كوفي بطلب لك تعالي نروق بعدها نمشي
امل:اوكي
بعد دقايق جلست امل قدام شموخ:هلا بلحب
شموخ وهي ترمش بعيونها:هلا حبيبي
امل بستهبال:اشتقت لك
شموخ:مو اكثر مني حبي
امل بضحك:احبك
شموخ وهي تسبل برموشها:وانا بعد احبك
امل:ههههههههه انتي عسريع احبك لاتصيرين خفيفه
شموخ بضحك:ههههههههه مدري عنك اجل احبك واشتقت لك ومدري وشو
امل:خل اشرب من الكوفي بس
شموخ:ههههه من جد
______
كومار بتوتر:م
عبير بعصبيه:اسكتتتت
ناظرت بجوالها وهي تتصل على امل:انا بفهم هذي مخليتني بلحر كذا ليششش ليششششش شمسويه لها انا هااه
امل بضحك:هلا عبير ش
عبير بقهر:هلا عبير اقوللل وينك انتي هااا؟؟؟ صار لي ساعه انطرك انا وكومارر مت حرررر وانتي قاعده وتضحكين
امل بصدمه:يووو نسيتك هههههه يله جايين
عبير وهي تقلدها بقهر:يووو نسيتك ه ه ه ه ه بله جايين(وبصوتها الطبيعي)اقووول جلدي جلدييي بدون تأخير دقيقه وحده
امل:ههههههه انزين شفيك بسم الله يوه
عبير:يله باي اوفف متت حرر
كلها دقايق ودخلو امل وشموخ لسياره
عبير ناظرتهم بقهر:كان نمتو بع..ههههه حياتي اموول عمريي
امل وهي ماسكه ضحكتها:تفضلي احلا ميلك شيك لأحلا عبور بردي على قلبك ياقلبي
عبير وهي ترشف منه ونست كل شي:كومار يله روح بيت وبقول لبابا يعطي انت معاش زياده
كومار ناظرها مستانس:شووكرا مادام شووكرا(شكرا مدام شكرا)
شموخ وامل ناظرو بعض بصدمه وماتو ضحك:هههههههههههههههههههههههه
_____
بجناح رعد وشموخ
ناظرته شموخ بقهر:يعني بتظل واقف فوق راسي وانا اطبخ؟
رعد وهو واقف بجنبها:اي نشيك ليكون تحرقين شي مني ولا مني
ناظرته شموخ بقهر وهي تحط يدها على خصرها:شلون يعني ها؟؟
ناظرها رعد بستمتاع:هذا شرطي
شموخ بقهر:شرطك اسوي لك كبسه مو توقف فوق راسي
رعد بستمتاع:ترى مافي سفره
شموخ لفت تكمل شغل وهي منقهره منه
اما هو فجلس وهو مستمتع
وبعد مده صفت الصحون وسمو الله وبدو ياكلو
رعد وهو ياكل:لا ماشاءالله طلعتي تعرفين تطبخين
شموخ:هه شرايك يعني انا شموخ
رعد ناظرها:يا المغروره وانا رعد
وقف بعد ماخلصو اكل:يله غسلي مواعين هههههه
ناظرته بقهر وهو يطلع:اي هو ياكل ويخلص وانا المسكينه اللي ابتلش هه هين انا اوريك(ابتسمت بخبث )وهي تقوم تغسل المواعين ووبالها فكره
بس خلصت قعدت تكمل مراجعه على دروسها ناظرت الساعه وكانت ٧ همست: اوف الله يعين الناس تتغدا ١ وانا ارجع٣ وعلى ماسوي الغدا جات ٥ وعلى ماكل على ماغسل على ماذاكر اخخ بس الله يعين
كملت تذاكر اللين ٩ لاختباراتها الجايه
بس خلصت دراسه ملت دلو كله مويه وتجهة عسريع لغرفته ورمته كله على سريره ابتسمت بتشفي:هه يله نشوف شلون بتنام يا انا رعد يا غسلي مواعين يا كبسه
طلعت عسريع لغرفتها وخذت شور وطلعت وهي تعدل شعرها وتعدل بجامتها تمددت براحه عسريرها:اوف واخيرا بن..
قطع عليها رعد اللي دخل لغرفتها وناظرها وهو رافع حاجبه
شموخ: هي ماتعرف تدق الباب اول بالله لو كنت ابدل
ابتسم رعد :لي اخوك وانا مدري عشان ادق الباب؟
شموخ بحراج:احمم المهم وش تبي؟
رعد بهدوء:امد جاي انام
شموخ بستغراب:نعم؟
رعد:ابد من بركات حضرتك اجل ترمي مويه على سريري شلون بنام انا ها؟
شموخ :اييي قصدك المويه احسن تستاهل ويله روح نام بصاله
تقدم للجه الثاني وتمدد بجنبها بدون لايهتم لها
ناظرته بحراج:هي نعم
رعد:اقول اص ونامي احسن لك وبعدين يقال اني زوجك يعني
شموخ:بس اتفق..
رعد وهو يعطيها ظهره:اقول نامي احسن ماكنسل سفره
ناظرته بقهر:اوف وانت كل كلمه والثانيه تقول اكنسل سفره
عطته ظهرها هي الثاني وغمضت عيونها بقهر وهي متحسفه على اللي سوته ومنقهره انه كسرها اكثر من مره
_____
مرت ثلاث ايام والكل مشغول بتحضير بلاختبارات
واليوم الاربعاء
ناظرت عبير ابوها بصدمه:يبه مو من جدكك
ابو عادل:وش فيك احسن من الغريب وانا ابوك
امل ناظرتها وهي ماسكه ضحكتها:احمم اي صح ترى احسن من الغريب
ناظرتها عبير بقهر وردت تناظر ابوها:انزين انت بتقعد عندي اكيد صح؟
ابو عادل:لا وانا ابوك انا مشغول بخلي عادل يقعد معاك انتي وفهد وبعدين هو شاطر ودارس ويعرف للمحاسبات حقة الشركه وبيشرح لك عدل بس ترى بيجيك يوم الجمعه لانه مشغول اليوم والخميس تعرفين جدك مايرضى الا الكل موجود
قامت عبير وهي تهمس:ان شاءالله
طلعت لفوق ولحقتها امل وهي تضحك:ههههههه ياحراام
عبير وهي منفسه:فارقي عني بررح انام حدي نعسانه
_____
عند شموخ:اوكي...بكرا علمغرب....اي اي لاتتاخر...سلام
سكرت وهي تبتسم بخبث:مو انا اللي تعكرون مزاجي ان ماعكرت وبطيت مزاجكم مره وحده ماكون شموخ
حطت الجوال علكمودينه وهي تتقلب بسريرها وتفكر ببكرا الي هو يوم الخميس
وصحيح اليوم الثاني
يوم الخميس
علمغرب
وخاصه
بصاله الكبيره اللي يتصدرها الجد وعلجنب الرجال والجنب الثاني الحريم
بين سوالف الجد قطع عليه الشغاله اللي مدت له ملف خلفه ابتسامة شموخ
خذا الجد الملف والصمت عم المكان بستغراب
طلع اللي بداخل الضرف وهو منصدم من الصور اللي فيه وكانت لحمد داخل لشقق مشبوهه وكل مره مع بنت
وقف بصدمه وهو يصرخ:حممددد
وقف حمد بخوف ورتباك:سم جدي
الجد بعصبيه:الحقنيي علمكتب وابوك بيلحقني بعقاله
وقف ابو حمد بصدمه وهو يجهز عقاله:سم يا الغالي العقال جاهز
كمل الجد كلامه:تعال يارعد انت معي تمسك لي هلعتوي وتحل لي هلموضوع احسن مايفضحنى
اختفى صوت الجد بعد مادخل المكتب والكل منصدم ومستغرب وام نوره قامت بخوف قريب من مكتب الجد بخوف على ولدها وهي تدري مابتسمع شي بسبب العازل اللي بلجدار والباب
بدو الحريم يهمسون مابينهم
وشموخ ابتسمت بخبث وهي تهمس(يستاهل عشان يعرف مره ثانيه شلون يفكر يقرب لي اصلا يحمد ربه اني مافضحته بسوشل ميديا كله وبس علمت جده عل وعسى يربي هلفار المنتهي)
وفهد وابو عادل قاعدين بهدوء ينطرون الجد يطلع وكل واحد يفكر وش المصيبه اللي شافها الجد
بس هيهات
ماكانو يفكرون ابد بلمصيبه اللي جايتهم
قطع عليهم صوت الباب ودخول ابو سوسن :سلام عليكم
رد الكل السلام وقامت سوسن بفرح بتسلم عليه بعد ماكان مسافر بس وقفت بصدمه من اللي بجنبه :ي يبه منوو ذي
ابو سوسن وهو يرمي القنبله وعينه على بنته وولده:سلمي على مرت ابوك شهد (ناظر شهد)هذي بنتي سوسن (وهو ياشر على فهد)وذاك ولدي فهد
شهد وهي تناظرهم وهي تاكل بلعلك وعينها على فهد:تشرفنا انا شهد مرت ابوكم
_____________________________
نوقف هنا لاتنسون توقعاتكم

وش بيصير بلاختبارات..؟!

رعد وشموخ واللي بينهم.؟!!

امل وسامي وسالفه السايق.!!؟

عبير فهد والاختبار.!!؟

حمد والصور والجد وابوه؟؟!!

سوسن وفهد ومرت ابوهم شهد،؟!'

ووش تتوقعون يصير بعدين،!!!!

ودمتم بخير
_______________________________________

علقو ولا مابنزل بارتات بعد<<<مشتغله عصبيه ولا ترى انا طيبه😂♥️