الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت السادس عشر

البارت السادس عشر:

:
&
:
&

بسم الله..لا أله إلا الله...الله اكبر..استغفرالله..سبحان الله..صلو على من بكى شوقآ لرؤيتكم
____
رعد:الكل بمكانه ولا اسمع صوت وابدو بحل الاختبار
مسكت شموخ ورقتها وحلت اللي عرفته والباقي خلته فاضي ناظرت لرعد بترقب"اوفف وين الي يقول بساعدك مادرى عني وجالس يخربط بلاوراق اللي معه انا الغبيه اللي وثقة فيه وصدقته"ضغطت علورقه بقهر وهي تحس شوي وتبكي كملت تحل والكل يحل وكانت تسمع همسات من وراها ثنتين يغششون بعض بس مافهمت شي
همست بقهر:اي هم يغشون وانا قاعده كاني جدار لا حل ولا هم يحزنون
ناظرت لورقتها وبدت تقلبها للاسأله الفاضيه ناظرت لرعد اللي كان يخربط بورقه
رجعت تناظر ورقتها وهي تحس بتبكي
اما رعد قام بهدوء وصار يمشي يراقبهم قرب لصوب وحده واخذ ورقتها لثواني ورجعها لها وسوا نفس الحركه للبنت اللي بعدها
واللي بعدها وصار يختار بنات عشوائي وكانه يتاكد من شي
اللين ماوصل لشموخ
ناظرته بقهر وهي تتوعد فيه همست:ياكذاب
ابتسم بخبث وبهمس:افا ليش
اخذ ورقتها وهو يسوي انه يقلبها وبدلها مع الورقه اللي معه
رجع الورقه لها وكمل يمشي
ناظرته بقهر وهو ينزل لمكتبه الصغير بنص
فتحت ورقتها وهي تهمس:خلأعبيها اجوبه يمكن اخذ درج...(ناظرت بصدمه تناقلت نظراتها للورقه ولرعد)نزلت راسها وهي تبتسم بخجل وبهمس:يوو حرام عاد سبيته ههههههههه
صارت تقلب بلورقه واللي كانت محلوله تقريبا كلها صح بس انها تنجحها وهذا اهم شي لها
كان باخر ورقه مكتوب برصاص بخط خفيف"ذبحتيني بنظراتك شوي وتقتليني شوي شوي لاتبكي علينا عشان اختبار"
جات بتناظره بس رجعت تناظر الورقه وخاصه لكلمة ذبحتيني بنظراتك همست:تفكيره سليم بس انا ليش افكر شي ثاني اوف هههه حلوه الكلمه
بدت تقلب وبين كل ورقه تبتسم وشوي تمسك ضحكتها وهي مو منتبها لنظرات رعد اللي جالس يقلب باوراق وفي كل دقيقه يناظر لها ابتسم لشكلها ناظر للورقه وهو عاض على شفته السفليه احسن مايضحك من شكلها وغمازته بخده واضحه من قوة ماهو مبتسم رجع يناظر لها وهو ماسك نفسه لا يضحك
بعد مده اعلن انهاء وقت الاختبار وجمعو اوراق الاختبار
قامت شموخ من مكانها وتوجهة لمكان رعد واللي كان عند مكتب القاعه جالس ويشتغل علاب
وقفت بجنبه :امم رعد
ناظر لها بستغراب:ماطلعتي!
شموخ بتوتر:الا كنت بطلع بس وشسمه كنت بقول لك شكرا
ابتسم بهدوء وهو يرجع يناظر للاب:مابيننا
ابتسمت شموخ بهدوء:طيب باقي لي اختبار واخلص ان شاءالله بنروح لبريطانيا!
رعد وهو يناظر لها:هذا اللي اتفقنه عليه اتوقع
شموخ :طيب انا باقي لي محاضرتين وبرجع للبيت فا سلام
توجهة للباب وعيونه تراقبها اللين طلعت
تنهد وكمل شغله لشركه
___
نروح لعبير وامل
عبير وهي تعدل شعرها بلمرايه:عاد يووو الاختبار كان نار شرار لدرجة تخيلي في بنت صار لها شي ماتتوقعينه المهم تتوقعين شنو!!!هيييي املووو...
لفت لها وبقهر:امللل
ناظرت لها امل وهي مفهيه:هااه
رفعة عبير حاجبها وبقهر:هااه!! انا صار لي ساعه اكلمك واسولف لك وبلاخير هااه؟؟؟؟
امل رمت نفسها عسرير وهي تناظر للجدار:بعدين بعدينن
قامت عبير وهي تسوي شعرها كعكه عسريع وجلست بجنبها:اقول شرايك تقولين لي والحين شفيك؟ ولا تحسبيني غافله عنك من اول ماطلعنه من المول يوم وصلنه ساره لبيتها وانتي بس سرحانه ومدري بوش تفكرين؟؟!!
ناظرت لها امل بتفكير ولثواني:اقول لك بس يبقى سر بيننا
عبير عدلة جلستها وبحماس:واصلا من متى بيننا اسرار غردي ياعمري غرديي
امل وهي الثانيه تعدل جلستها وبتفكير واحراج:اسمعيي الله يسلمك اول ماجينه بنوصل ساره لبيتها
نرجع لورا ليوم الطلعه وبوقت رجعة ساره لبيتها
امل لساره:ها سارونتي الحلوه ستانستي اليوم؟؟
ساره ببتسامه وهي تاكل ايسكريم :ايي وناسه حيييل
امل ابتسمت لها وجلست تناظر بشباك وتشرب من عصير الفرواله بعد مده
وصلو لبيت ساره نزلة مع ساره وهي تتوجه للباب
ناظرت لساره:يله سارونه طلعي جوالك وتصلي على اخوك قولي له انك عند باب البيت
ساره مسكت الايسكريم بيد وهي تحاول تفتح الشنطه:يدي كلها ايسكريم
امل:يوو خلاص انا اطلعه
فتحت الشنطه وطلعت الجوال فتحته وهي تدخل للهاتف وكان في رقمين نور وسامي
دخلت على سامي وحطت اتصال
قربته لاذن ساره:يله كلميه
ساره وهي تاكل من الايسكريم :انتي كلميه انا ماعرف
امل ببلشه:لا حبيبتي مايصير انتي كلميه هو اخوك مو اخوي
ساره بزعل:انا باكل ايسكريم ماعرف اتكلم واكل مع بعض
امل بتوتر جات بتتكلم بس كان يطلع صوت من الجوال
حطته على اذنها وبرتباك:االوو
سامي بستغراب:منو ؟
امل بتوتر:ا انا امل وهذا ترى ساره عند باب البيت قول لاي احد يفتح الباب ياخذها
سامي وهو يطلع من غرفته:يله شوي وتجي الشغاله
امل بهدوء وخجل:اوكي سلام
سكرت منه وجلسته وهي تدخل الجوال بشنطه
ساره ناظرت لامل:امل
امل ناظرتها ببتسامه:هلا
ساره وهي تاشر على عصير الفراوله:عادي اخذه انا احب الفراوله
امل ببتسامه عطتها العصير:مايغلى عليك
قطعهم الشغاله اللي فتحت الباب باست امل ساره بخدها مدت لشغاله اكياس كانو لساره:يلا سلام
ساره وهي كانت ماسكه ايسكريم بيدها وعصير بليد الثانيه وهي داخله:باييي
دخلت لداخل وهي تركض بفرح
استقبلها سامي اللي نازل من الدرج
ساره بفرح:ساامي
ابتسم سامي وهو يمشيها معه للكنب جلس وجلست بجنبه وهو يمسح بيده على شعرها:ها استانستي اليوم ؟
ساره:اي مرهه ونااسه حتى شريت اللعاب وملابس حلووه نفس الاميرات
ابتسم سامي براحه:شاطره
ساره مدت عصير الفراوله لسامي:هذا لك
اخذ العصير وببتسامه :والله
ساره ابتسمت وهي تعدل شعرها الطويل لورا:اي والله
رشف من العصير بس بعده وهو يشوف انه مشروب منه عقد حواجبه بستغرااب وهو يشوف الروج :ساره هذا مالك؟
ساره ابتسمت بخجل:لا هذا حق امل بس انا قلت لها ابيه عشان اجيب لك عصير هديه
ابتسم سامي وعينه عروج:والله
ساره ببتسامه:ايي
نرجع لعبير وامل
عبير بملل:انزين شنو يعني نزلتي كلمتيه بجوال وبعدين ركبتي شنو يعني
امل بحراج:لااا ياهبله كلمته كلمته بلجوال
عبير بملل:انزين
امل بحراج وقهر:يوو يعني افهمي انا كنت حاطه الجوال على اذني وقال الوو وانا كلمته وهو تكلم صوته كان عند اذني يعني يوووه خرا عليك افهمي يعني كان يكلمني انا وهو بس اللي نعرف شنو تكلمنه بينه يعني بروحه فشله اني كلمته يووووه انتي وش عرفك
عبير باست يدها وجه وقفى:الحمدالله وشكر بس
قامت وهي تكمل تعدل بشعرها تاركه امل مع افكارها الغريبه
____
مر يومين والكل منشغل بلاختبارات
رجعت شموخ للبيت بتعب وحطت راسها ونامت عساس تصحصح بما انه اليوم خميس و بيجتمعون عشان الجد
بعد الظهر دخل رعد وتوجه للغرفه بدل ثوبه وتمدد بجنبها ناظر للمخاد اللي بينهم ابتسم بسخريه:وحنى دايم على هلحال
مسك المخاد وحذفهم بعيد تغطى وهو يعطيها ظهره همس بقهر:ماني بجابرك علي مايحتاج جيشك ذا في كل مره
جلس يفكر لحتى نام
الصباح
مدت شموخ يدها لوجها وهي تبعد شعرها بإنزعاج همس:اوفف بعددد..حيوان..بفف
فتحت عيونها بنزعاج من اللي على رقبتها همست:اوفف من هالمخاد
نزلت عيونها لراس اللي كان نص بلمخد والنص الثاني عند رقبتها
واليد اللي كانت حول خصرها
توسعت عيونها بصدمه وهي تستوعب انه رعد صرخت برعب:يممممممهههههه
دزته عنها بس مافي فايده جثه هامده لاتحرك ولا حتى شوي
حطت يدها على كتفه اللي نصه بلمخد والثاني عليها وهي تحاول ترفعه عنها:هييي قوووم يا قليل الادبببب
رفعته لثواني وبعدت يدها:اوفف
مسكت راسه محاول تبعده عن رقبتها بس بدل لا يبعد صار بنص رقبتها همست بحراج:جيت بكحلها عميتها
ردت مسكته من كتفه وحاولت تطلع لانه مافي امل تتحرك
وصحيح طلعت بعد طلعت الروح جلست بحراج وهي تناظر له نايم ولا تحرك همست بقهر:اي اكيد مابيقوم عاجبه الوضع قليل الادب
قامت بقهر وهي تتوجه للحمام بعد مده طلعت وهي تنشف شعرها لبست لها بجامه قصيره على ماتتعدل للجمعه بعدها تلبس
جلست بعد ماسوت لها خفايف تاكلها
بعد ماخلصت اكلها غسلت يدها وتوجهة للغرفه تتضبط لانه ماباقي الا ساعه ونص ويجو الكل
ناظرت لرعد وبخبث:تستاهل ياقليل الادب مابصحيك خليك تدخل متأخر وتتفشل
حطت ميك اب خفيف مره بما انه الجد اكيد بيجمع بينهم وبين الاعمام والعيال
توجة لغرفة التبديل وقفت تناظر بلملابس بتفكير اخذت جينز اصفر مشجر بأخضر وابيض وطالع خطير بما انه لاصق ومع تيشير ابيض خامه شبه ثقيله فتحت الرقبه سبعه واضح بداية نحرها وجاي مديل قصيره بس ساتره من ورا
خذت شنطه ناعمه بلون الابيض من شانيل
بعد ماحطت منبه بعد ساعه لرعد
خذت عباتها وطلعت برى الجناح
نزلت وهي تحط عباتها بغرفة جانبيه عساس وقت مايجي الجد وعياله
دخلت وبصوت شبه عالي:السلاام عليكم
وقف الاغلب يسلم بعد ماسلمت جلست تسولف معهم ونظرات شهد شوي وتاكلها
ناظرت لها شموخ بتحدي وهي ترفع لها الحاجب
ارتبكت شهد وبعدت عينها عنها وهي ترشف من فنجان القهوه
ابتسمت شموخ بسخريه وكملت تسولف مع عبير
بعد مده
دخل الجد وقام الكل يسلم عليه
جلست شموخ بعد ماصبت له من القهوه
سولف معهم شوي وبعدها قال لهم انه بيدخل العيال يسولفون جميع
قامو البنات وتغطو وردو يجلسون مكانهم
همست شموخ لسوسن:اقول
سوسن وهي تقرب لها:همم
شموخ:مرت ابوك ذي متأكده انها لابسه عبات ههههه؟؟
سوسن وهي تناظر لشهد اللي عباتها كاشفه اكثر من ساتره:هههه لا وانتي الصادقه غلطة ولبست قميص نومها
ناظرت لها شموخ بصدمه وضحك ضربتها على كتفها:ههههه يا قليلة الادب من معلمك هلعلوم هه توك صغيره عيب
ناظرت لها سوسن بضحك وصدمه:اقول تراني اكبر منك وبعدين ههههههه يمه منك يامشلع الحب الحين انتي ورعد
شموخ بستخريه:هههه اي والله شلعنه ومره بعد هههههه
امل وهي تقرب لهم:اقول انتو وش بكم صار لكم كم يوم مع بعض وساحبين علينه
ناظرو شموخ وسوسن بعض صحيح صار لهم من وقت اللي صار وهم مره قراب من بعض
شموخ وهي تعدل جلستها:ههه تتوهمين بس صايرين شوي نستهبل ونضحك على مرت ابوها
امل:اها انزين دخلوني معاكم ههههههه امانه ماشفتو عباتها ههههه
شموخ:هههههه والله عاد تو نتكلم عنها استغفرو بنات ماني ناخذ ذنوب منها
سوسون ناظرتها بصدمه:استغفرالله احلفي بس ههههههههههه
دخلو الرجال وسلمو من بعيد الا اللي قامت وسلمت على عمها
جلس ابو احمد واحمد وابو فهد وفهد وابو عادل وعادل والجد
الجد بستغراب:اقول رعد وينه
لفت شموخ وجها وهي ماسكه ضحكتها وبهمس:احسن يستاهل
فهد:ماكان موجود بلمجلس
الجد بستغراب ناظر لجهة الحريم:اقول ياشموخ زوجك وينه
شموخ وبهدوء:نايم
الجد بستغراب:نايم؟؟ لي عسى ماشر فيه شي؟
شموخ"كاني زودتها":ماشر مافي شي بس لانه ضغط عليه بشغل
الجد:اي كلنه مشغولين قومي شوفي ليكون في شي مو من عوايده
شموخ"يوووو مالي خل...
قطع عليهم رعد اللي تو داخل
سلم وتوجه للجد وهو يسلم عليه جلس بجنبه وبدى الجد يسأله اذا به شي ولا شي
ابتسم رعد :لا بس راحت علي نومه
الجد بستغراب:ايي
ناظر رعد لصوب الحريم وخاصه شموخ اللي من شافته يناظرها بعدت عينها عنه
ناظر فنجانه وهو يعض على شفته بتفكير"سويتيها وماصحيتيني  هه اكيد ماسوتها الا شايفه شي هههههههههه اقص يدي اذا ماكان لاني نايم بجنبها بدون المخاد"
اخذ جواله وهو يرسل لها"سويتيها يا الجنيه وماصحيتيني"
طلع صوت المسج ناظرت شموخ لرعد بستغراب وفتحت المسج وهي تقرئه عقدت حواجبها بقهر وهي ترسل له"مغيرك يا الجني موجنيه انا وبعدين مالي دخل فيك احسن من قال لك ماتنام عدل"
فتح رعد المسج وهو يقرئه ابتسم بخبث للفكره اللي جته وهو يهمس:انتي اللي جبتيها لنفسك
ارسل لها"قلتيها مانمت عدل منك اجل كل دقيقه قايم القى راسك بحضني ومره طايحه فوقي ومره ماسكه فيني وتبيني انام نفس الناس!!؟"
عند شموخ شهقت بصدمه وهي تقرأ اللي كاتبه لدرجة كان صوتها عالي
بس لحسن حضها الكل يسولف فا ماانتبه لها الا القريب
ارسلت له بحراج"يا كذااب انت اللي قمت ولقيت راسك عند رقبتي ويدك حولي وكتفك مدري وين ياقليل الادب"
سمع صوت المسج فتح المسج وابتسم وهو ماسك ضحكته همس:اجل هذا بلاك اللي خلاك ماتصحيني اوفف هههه ياليتني كنت قايم استمتع شوي راحت علي
ارسل لها"هه عادي زوجتي وحلالي هذا وانا ماخذيت كامل حقوقي ومعصبه كذا"
وصل لها صوت المسج فتحته وهي تقرأه وبقهر اكتبت له
"ياقليل الادب قال اش قال حقوق تدري شلون حقوقك اخذها بس هاه لا سمعت كلمة احبكك مني لك يعني بلمختصر لاحجت البقر على قرونها والوعد مايخلف"
وصل له صوت المسج بس قبل يفتحهه مسك يده الجد:رعد
ناظر له رعد بهدوء:سم
الجد وهو يقرب له:يابوك العيون عليكم من اولي تتراسل انت وحرمتك انت تبتسم من هني وهي تستحي من هني اثقل شوي
ابتسم رعد: صايدنا يعني
الجد ببتسامه:من زمان (وبجديه)المهم الحين خنقول لهم عن الموضوع وعن الحل اللي فكرت فيه
رعد وبجديه:مايحتاج الكل يعرف ياجدي اذا كان حلك بسيط
الجد بجديه وعينه على سوسن:لا وانا ابوك الكل لازم يعرف لانه الحل لوقت طوييل طوييل مره
___
بعد مده قصيره
الجد بصوت شبه عالي:اسمعوني كلكم
لتفت الكل للجد بستغراب الا من سوسن اللي شبكة يدها بيد شموخ بخوف وهي تضغط عليها
وابو فهد ماكان اقل من بنته
اما رعد فكان بترقب للحل واللي متوقعه
الجد وعينه على سوسن:الموضوع يخص سوسن مالي بطويله وبختصر الموضوع سوسن كانت طالعه وصدم فيها واحد مريض نفسي ومسك فيها ولا هدها
شهقو الحريم وبعضهم من بدا يهمس
الجد بصوته عالي:قلتت صووووت
سكت الكل بهدوء وترقب الا من بعض الهمسات الخاطفه
الجد وعينه مركزه على سوسن:ومارضه يهدها بسبب شبها بامه واللي هي كانت سبب حالته النفسيه بعد موتها ولما فكينه بينهم صار يصرخ اللين تشنج واخذو بلاسعاف ومن هناك راحت ومعها رعد وابو فهد وبعد يوم الدكتور عرض الحاله انه بسبب تذكر امه فيها صارت تصيبه تشنجات اذا تركها لانه يظن انها امها وفي حلين اما انه تبعد عنه وتصير في تشنجات لحتى الجلطه وبعدها ...الموت
شهقو الحريم للمره الثانيه
غمضت الجد عيونه وهو يتنهد:اما الحل الثاني تبقى مع سوسن وبكذا بيهدا وبيقدرو يعالجونه ويرد طبيعي كأي بشري الا من بعض الامور الصغيره مثل التعليم والفكر اللي بكم شهر يمدي يعرفهم وطبعا هلاموضوع مستحيل يصير انه نجلسها معه الا بلحلال
سوسن ضغطت على يد شموخ بخوف تنتظر الاجابه
الجد ناظر لسوسن:الموضوع يخصك والحل بيدك والحياة حياتك مو انا ولا ابوك ولا اعمامك وعيالهم اللي يتحكمون فيها والطريق طريقك وانتي اللي بتعيشي مو انا ولا غيري فا اختاري تتركيه وبدون ضمير يتعذب وتعيشي حياتك مثل كل يوم او توافقي على زواجك منه مع امرين اختاري واحد منهم واحد انك تتطلقي منه اذا رد بخير او تجلسي معه باقي عمرك ويكون شريك عمر لك يوم كامل تفكري بلموضوع ومحد بجابرك لانه الحياة حياتك
ابو فهد بشبه صراخ:يبهه شنوو اللي تتزوجه انهبلتووو ازووج بنتي للمجنووون
الجد وبصرامه وشبه صراخ:تعقببب ماغيرك المجنون وبعدين (وهو يقرص بعينه بعصبيه)يوم انك تتزوج ذيك البزر بدون شورنه ولا راينه ولا حتى اهتميت براي عيالككك ماقلنه لك شي قلت حياتي وكيفي وهذي هي بنتك حياتها وكيفها مو انت اللي تتحكم فيهاا تعقب اي تعقب ونص لاتناظر فيني كذا
انخرس ابو فهد بعد مامسك في الجد بليد اللي تعوره وهي زواجه من شهد ناظر ببنته بأمل انها ترفض
الجد وهو يناظر لسوس وبحنيه:ها يبنتي بتجاوبي علي الحين ولا نترك لك مهلتك يوم او يومين براحتك
سوسن وهي تناظر تحت بتفكير ناظرة لعيون ابوها ثم لشهد وبعدها لشموخ برتباك
شموخ بهمس:جوابك هو اللي تفكرين في بقلبك الحين مو عقلك اللي بقلبك هو جوابك شنو تحسين بقلبك
سوسن بهمس:راحمته مابي اتركه ويصير له شي بس اني اتزوجه!!
ابتسمت شموخ وبحنيه:اجل تزوجيه ماتبين تتركينه تزوجيه وتقدري تتركينه بعد مايصير بخير لانه بعدها رحمتك بتروح لانه تعافه او لو ودك تكملي هذا بعد زواجك ببين
سوسن ناظرت لشموخ لثواني
وكانت عيون رعد تراقبهم همس بتفكير:وش قاعد تقلبي عقلها فيه ياليته القرار السليم ياشموخ
سوسن ويدها بيد شموخ همست:مليني
شموخ بذكاء:طريقة كلامك
سوسن بخوف وبهمس:اي
ابتسمت شموخ بثقه وهمس:اوكي كل كلمه اقولها قوليها بس هااه بثقه
سوسن وبثقه وعيون فهد المصدومه تراقبها وهي تسرد كل كلمه تسمعها من شموخ:موافقه ياجدي
الجد ببتسامه:على زواجك؟
سوسن بشوي حيا:احمم ايي
الجد وبجديه:فكري عدل مابيزعجك كلام الناس بكرا؟ تزوجة اللي في حاله نفسيه او مثل ماقال ابوك تو(وهو يعطي ابوفهد اللي نزل راسه بخجل نظره)المجنون
سوسن بشويت ارتباك:اكيدد
ابتسم الجد وبفرح:اجل نقول مبروك؟
سوسن بحيا نزلت راسها
ابتسم الجد وهو يقوم:اجل علمبارك ههههه وبكرا بنكلمهم وان شاءالله خير وترى يابنتي بتكون ملكه بس مثل الخطبه لفترة علاجه ان تعالج وصار زين سوينه العرس واشهرنه زياده على شهرة الملكه احسن لك وللجميع
سوسن بحراج:ان شاءالله
الجد وهو يناظر لجهة الاعمام: يالله يا عيال للمجلس خلياخذون راحتهم واي صحح
ناظر لرعد وشموخ:رحلتكم بعد ثلاث ايام بعد ملكة سوسن وهتان اللي بتكون بعد يومين لبريطانيا
ابتسمت شموخ وهي تهمس:واخيراا انتقاميي
رعد ناظر لشموخ لثواني ثم للجد:ان شاءالله
طلعو العيال وفهد ماسك ابو ويتكلم معه عن موضوع سوسن الجديد عليه
____
اما عند الحريم
امل وعبير ماسكين سوسن من اول ويضربون فيها ويغمزون لها بضحك
امل:علينا عليناا اجل اي هاه قولي قولي عاجبك ها قولي مزيونن
سوسن بحراج:ههه شوي
عبير وهي تغمز:يممه يمهه يلكذب اجل شوي هاه قولي قولي عن الكذب
سوسن بحراج:صراحه احمم يجنن
امل بحماس:انزين طويل قصير دب ضعيف جسمه طوله
سوسن بحراج:يوووه بسس
عبير بحنه:امانه لاا مو بس امانه قولي بس جاوبي على هذول
سوسن بحراج :امم طويل وجسمه حلو شبه معضل شبه يعني وامم برونزي او افتح شوي
امل وهي تسوي انها ذابت بجنبها وعينها على سوسن:مايصير نتبادل؟؟
سوسن ضربتها بكتفها بحراج:يووه
عبير بضحك:ياقليلة الادب اجل تغارين من الحين هاه هههههههههههههه
شهد اللي كانت بجنبهم ضحكت بستخفاف:هه فرحانه بمجنونك
ضغطت سوسن على يدها بحزن وتوتر
شموخ ناظرتها وبكره وبصوت شبه عالي:على الاقل مجنون بعمرها ولا شايب اكبر من ابوها وعووو شلون تستحملين تجلسي بجنب شايب مع احترامي له لانه ابو سوسن ههههههه شكله عايفينك اهلك ههههه اما سوسن ياقلبي عليها ملت من كثر الخطاطييب وخذت هتان ياعمرييي جمال ومال وبيتعافا ويناديك خاله هااااههه يازينك بتعجزي عسريع وتصيري جده بكرا عيالهم ينادونك جده وانتي توك بزر مع انه حسافتن فيك لانه مو جدتهم يا السحليه بس عناد نعجز فيك سريع
شهد نزلة القهوه بقهر وقامت على صوت شموخ:غييرررااانههه هههه شوي شوي لاتطيحين وتتفشليين
ناظرت للكل وبهدوء:وصلو هلخبر للكل اللي بيتكلم عن سوسن وهتان الرد بيوصل له مني ومنها ومن اخته واللي مايطول العنب حامض عنه يقول هه قامت وهي تمسك بسوسن وامل وعبير معها وبصوت شبه عالي:يله يا عروستنه نروح نشوف لك فستان حلوو لمكلتك ياعروووسه كللووووووووووششششششش
طلعت برى الصاله وهي تحضن سوسن  وبهمس:هذا اختيارك وتمسكي فيه وكل من يكلمك عنه بسخريه عضيه على يده ولاتستحين وانا اختك لانه يستاهل التكفيخ هه
بعدن عنها وهي تلولش :مبرووك ياعروستنه مبروووك يا احلى عرووسه منه المال ومنك صالح العيال
ابتسمت سوسن بين دموعها لانها ثاني من بارك لها بعد جدها وبحيا:يبارك فيك ههه
حضنوها امل وعبير بفرح:ههههههه مبرووووك
امل بحماس:واخيراا تزوج احد من بناتنه لانعنس من بعد دلال ههههههههههه
ضحكت سوسن بخجل:يبارك فيكم
عبير بحماس:بشلععع ملكتك بررقص ههههههههه بخليهم يخطبووني هههههههه ابي اللحق على نفسي واعرسس
ياحظك بتجربي الزواج
سوسن بخجل:ههههه هيي
سحبتها شموخ لغرفه قريبه ودخلو بعد ماقالت لشغاله اللي جابت لها اللاب وصارو يتصفحو المواقع المشهوره يختارو شغل الملكه من لبس وغيره وصافقين الكل مع صفقة وتسكيرت الباب
_____
عليل الساعه ١٢ انتهى يوم الخميس بهدوء اعصاري
دخلت شموخ للجناح وهي تتوجه لغرفة التبديل غيرت لبسها وهي تلبس لها بجامه قصيره
رفعة شعرها بعد مامسحت الميك اب وحطت كريم مرطب ومرطب شفايف ومسكره خفيفه
تعطرت وشغلت تكيف الغرفه اللين تبرد
طلعت للصاله متوجهه للمطبخ على دخلت رعد
رعد وعينه عليها:بتسوين كوفي!؟
شموخ بدون لاتنظار له:اي تبي؟
رعد وهو متوجه للغرفه ومعطيها ظهره اما شموخ ردت عليه وهي معطيته ظهرها متوجهه للمطبخ همس بـ:اي
دخل للغرفه بلمقابل هي دخلت للمطبخ تسوي كوفي لها وله
تاركين الفجوه اللي بينهم على حالها
بعد مده طلع لصاله على دخلتها بيدها صينية الكوفي مع حلا بارد جلست وهي تمسك كوبها وترشف منه وبعدها تاكل من الحلا
وبلمثل ذاق من الحلا وبستغراب:جايبته من تحت؟
شموخ وبدون لاتناظره :لا مسويته
ناظر لها بستغراب:كيف ذي كيكه وداخلها شوكولاته السايحه تكذبي علي؟
ناظرته وبغرور:ليش طايحه من عينك وبعدين لمعلوميتك ترى مره سهل تسوي هلحلا مايحتاج كل هصدمه
رعد وهو ياكل منه وبقهر:انزين نتكلم ترى عادي مناقشه عادي وش بك كل دقيقه معصبه
شموخ بهدوء وهي ترشف من الكوفي الحار والتكيف يلفح بوجها وعينها علجدار وبهدوء همست:طيب
ناظر لها سرحانه بتفكير همس:ياترى وش تفكرين فيه الحين
كمل قهوته واكل الحلا تاركها مع سرحانها وتفكيرها اللي مايدري فيه غيرها
نزل الكوفي بعد ماخلص وهو يناظر لها بيكلمها بس ناظر لها بصدمه وبستغراب كانت تناظر لقدام وعلى سرحانها بس بعيون حزينه غالب عليها دموعها وبجديه:شمووخخ
ناظرت له وهي تو تنتبه:ه..هلا تبي شي؟؟
رفع حاجبه وبجديه:انتي اللي وش بك تبكين؟
شموخ بغرور:هه انا ابكي من قال
ابتسم بسخريه وهو يمسك فكها بيده ويقرب وجها لوجهه وعينه بعيونها:وهلدموع اللي بعيونك وش تكون غير انك تبكين؟؟
شموخ برتباك من حركته وقربه همست:بعد يدك واذا قلت انا مابكي يعني ما ابكي
ابتسم لثواني همس وعينه على عينها:وش تخفين من حزن ولا اقول السؤال الاصح ليش؟
شموخ برتباك وهمس:وش اللي ليش؟
رعد واللين الحين عينه على عينها وبهمس:بتنتقمين ليش؟ وش شايفه ووش سامعه شنو اللي غيرك انتي مو مثل الطفله اللي شفتها قبل ٨سنين اللي قبل كانت بريئه والابتسامه ماتفارقها طبعا قبل موت اهلك اقصد بس الحين
همست شموخ ببرود:الكل يتغير ومايبقى على حاله
رعد بهدوء وهمس وعينه بعينها يتأملها:هه ومتوقعه بصدق انه هذا سبب تغيرك؟؟(وعينه بعينها اللي اخفين الشي الكثير)شنو سبب تغيرك ؟
شموخ وهي تبعد يده ببرود وهي متماسكه قامت وهي بتمر من جنبه وبهمس:مايخصكك...
ناظر لها اللين ماختفيت لداخل الغرفه ناظر يده اللي كان ماسكها فيها وبهمس:منو انتيي...
_____
تمددت عسرير وهي تغطي وجها بلبطانيه مسحت دمعه غافلتها بنزولها
حست فيه يتمدد بجنبها وعلى همسه:ليش كنتي تبكين؟
شموخ بصوت خافت وبحده:مايخصكك
رعد وهو يناظر بسقف وبهمس:الا يخصني لاني لو ماعرفت مابنتقم لك لانتقام العدل
همست بحزن:محد حاس ولا بيحس بحساسي هه يحسبوني فرحانه بحياتي من حقي افرح بنتقامي من حقي ابكي من اشخاص اسلبو لي حياتي هه لما تكون عايش اكثر من ٩ سنين بين ناس مايحبونك وتسمع الشتايم من كل صوب حتى على اهلك المتوفين ومابيدك غير انك ترد عليهم بلمثل هه لما تكون تو راجع من مدرستك بدل استقبال حضن امك ولا مزح ابوك تستقبلك الشتايم وتصعد تنام بدون حتى تتغدا لما تجيب درجات عاليه ولا احد يفرح فيك وقتها من حقي اني انتقم من كل شخص حرمني هلاحاسيس من كل شخص سلب مني طفولتي راح اطلعها من عيونهم كلهمم
ناظر لظهرها لمده مايخفي صدمته انها تكلمت او شكت القليل من اوجاعها سرح بكلامها لمده
وللحظه ماقاوم رغبته بحتضانها وتهدئة قلبها الهائج
مد يده حول خصرها وقربها له اللين لصق ظهرها بصدره شدها له ودقنه على شعرها استغرب عدم محاولتها بلافلات منه
بعد عنها وهو يحط ظهرها على ارض سرير ابتسم بهدوء وهو يشوفها نايمه
مد يده من تحت ظهرها وشدها لصوبه وظل يناظر لها مد يده وهو يبعد شعره من على وجها همس ببتسامه:ياترى لو شافتني معها بهلوضع وش كانت بتسوي؟
ظل لمده يناظر لها وسرحان بالكلام اللي قالته وكيف انها عاشت ذا كله ومازالت صلبه تردع من يهاجمها لحتى نام وراسه مرتكي على راسها ومحتضنها
______
الساعه٣ الفجر
قامت بنزعاج من اليد المحتضنتها فتحت نص عينها بصدمه بعدت يده وهي تعدل جلستها ناظرت حولها وكان الظلام سائده ناظرت له وكان غارق بنومه بعدت شعرها من على وجها بانزعاج وهي عاقده حواجبها همست: طوفتها مره يحسب بطوفها المره الثانيه
ردت تناظره عدلة جلستها ومسكته وهي تدز فيه ناويه تطيحه من على السرير وبعد جر وسحب وصلت لحافة السرير ناظرت لوجهه الشبه منزعج وهي مبتسمه بخبث همست:تو الناس ماجاك الازعاج الحقيقي
واخيرا دفته على صوت ارتطامه بلارض وتأوهه بألم جلس بألم ويده على راسه ناظر لها بقهر:مجنونه؟؟؟؟
شموخ ابتسمت بتشفي:تستاهل اجل من قال لك تبعد المخاد ولا بعد (بحراج)ماسك فيني هاه قليل ادبب
وقف رعد وهو يحرك بيده على راسه بألم ناظر لها وهو يضحك بسخريه:ينقال اني زوجك
شموخ وبقهر:وينقال انه بيننه اتفاق
رعد وهو يرجع لمكانه بسرير ناظر لها قبل يلف نفسه بلبطانيه:وقلت لك اتفاقك مو موافق عليه
ناظرت له بقهر وهو يغطي وجهه بلبطانيه:خسيسس
رعد بهمس:اشش ونامي وبسك سب احسن ماللغي ام الرحله
عضت على شفتها بقهر وهي تناظر له اخذت باقي البطانيه واعطته ظهرها بكره محاوله ترجع تنام
_____
الظهر الساعه ١٢
بيوم الجمعه
قامت شموخ بنزعاج على صوت جوالها مدت يدها للكمودينا واخذت الجوال وهي تفتح نص عينها "سوسن"
تمددت لثواني لاحظت عدم وجوده همست:قايم من اول؟
ردت على سوست وبنزعاج:ماننام يعني؟؟؟
سوسن بضحك:ههههه سوريي وبعدين في احد ينام لظهرر؟ وقومي بس ورانا مشاوير
شموخ بملل:اي انا للاسف..ويعدين وين نروح؟؟
سوسن:مشاوير الملكه ياحضي خنروح نقضى لنا
شموخ وهي تقوم من عسرير متوجهه للحمام:اوكيي نتقابل بمول(...)
سوسن:اوكي لاتتاخرين ترى بيجون معنا..
شموخ وهي تقاطعها:لاتقولين نوره وشذى؟
سوسن:هههههه بسم الله خكمل لاا عبير وامل
شموخ وهي تتثاوب:ايي قولي من اول المهم يله بروح اتجهز
سوسن يضحك:انزين بس لاتنامين وتسحبين ههههههه
شموخ:ههههه لا ماعليك يله سلامم
سكرت منها وهي ترمي الجوال عسرير دخلة للحمام ومعها منشفتها
بعد مده طلعت وتوجهة لغرفة التبديل لبسة لها لبس مريح صلت الظهر وبعدها لبست العبايه عدلة طرحتها ونقاب
توجهة للمطبخ اخذت عصير وشربته دفعه وحده
طلعت كروسان وسخنته جلست وهي تاكل منه وتقلب بجوالها
بعد مانتهت منه
طلعت وهي تنزل من السلم وهي تتصل برعد همست بنزعاج:اووف رعدد(وقفت بنزعاج)وعوو بقول رد قلت رعد سلامات تف تف وش يبي حتى بلسانيي
ناظرت للجوال وبقهر:المهم اووف متى يردد
بنفس الوقت رعد:الوو
شموخ ببتسامه:ووه حسبت مراح ترد
رعد :هه ماشاءالله واضح الفرحه
شموخ :احم المهم ابيك توديني
رعد بستغراب:على وين الهمه
شموخ جلست عكنب:للمول بنروح نجهز للملكه
رعد بتفكير:اوكي اجل بنزل معك
شموخ بستغراب:سلامات؟؟ بروح مع البنات
رعد:اي بجلس في كوفي ولا شي اللين ماتخلصين يروحو هم وحنى نكمل نتقضى للسفره
شموخ بتفكير:اي صحح نسيت بس احس ماله داعي لانه بنتاخر مره!
رعد بتفكير:اجل خليهم هم على صوب وحنى بصوب لانه مافي وقت الا اليوم
شموخ:امم اوكي بس انا بعد ابي اشوف شنو يشترو وكذا يعني خلينا قريب معهم
رعد :طيب المهم انا بلمجلس بطلع احرر السياره بس تجهزي اطلعي
شموخ وهي توقف:اساسا جاهزه من اول
رعد:ماشاءالله واثقه اني بوديك؟
شموخ وهي تطلع وبضحك:هههه شفت كيف
ابتسم وهو يسكر منها:اوكك طالع لك
سكر منها وطلع وهو يشوفها قريب من السياره شغل السياره وركبت بجنبه وهو يحررها
شموخ:طيب شنو بنشتري يعني اقصد للسفر؟
رعد:انا تقريبا عندي كل اللي ابيه بس انتي من شنط وملابس لانه شتاء عندهم بارد
شموخ بتفكير:امم اوكي هههه اجل بعد بشتري لي شنط ماركه وساعات وعطور وميك اب وامم ملابس وكل شي بلمختصر بفلسك هههههههههه
ناظر رعد لها بصدمه وهو يضحك:ههههههه انهبلتي؟؟
ناظرت له شموخ بحراج:احمم من قال؟؟
رعد وهو يحرك السياره متجه للمول:ادري عنك انا؟؟
بعد مده من الهدوء وقف قدام المول وقبل ينزلو ارسلت شموخ لهم انه رعد بيكون معاها
نزلت ونزل معاها وهي تمشي بجنبه:احس الوضع غلط هه
ناظر لها بستغراب:شنو!
شموخ وهي تناظر له:امم يعني كيف امشي معك ههههه احس شي غريب
ناظر لها رعد بهدوء:والله ماغيرك الغريب الصباح شكل والليل شكل ثاني
وقفت وهي تناظر له:نعم؟؟
ناظر لها ببرود:ينعم الله عليك ؟! عندك شي تقوليه!
ناظرت له بقهر :اي عنديي
قبل تكمل كلامها قاطعوها البنات اللي نادو عليها
ناظرت لهم وببتسامه سلمت عليهم
امل:امم اول خناخذ كوفي وبعدين نشتري
شموخ وهي تعطي رعد نظره:اوكي والحساب على رعد(ناظرته وبدلع وهي ترمش بعيونها)مو حبيبي
ناظر لها بصدمه ضحك بسخريه:هه
ناظرت لهم شموخ وهي تمشيهم:يله سريع قبل يصير الكوفي زحمه
سوسن وهي تهمس لها:وااو صراحه
امل بهمس:حسبت انه نظرته رصاصه
عبير وبهمس:ومصوبه لك هههه ياويلك ماقعدتي تلعبي الا على رعد والله يدفنك بمكانك اجل مو حبيبي ههههههه وقف قلبي يوم قلتيها احس مايصلح هههههههه
شموخ بعدم مبالات:ماعليكمم منه
ناظر لها رعد وهو يشوفها تمشي معهم همس:حبيبي اجل؟ هه
دخلت للكوفي واخذت طلب البنات ووقفت بصف بجنب رعد وكان شبه مزدحم من بنات وعيال
بعد مده وصلت لاول صف وهي تقول طلبات البنات
رعد اللي كان واقف وراها قرب لعند الطاوله وصار ظهرها شبه لصق فيه :وواحد ايس وايت موكا
ناظرت له بقهر:اقول بعد عني شوي وتلصق
ناظر لها:هه عادي زوجتي
بقهر ناظرته:زوجتك بلبيت مب هنا
ابتسم بخبث:نقول انه هذا عرض؟؟
شموخ بحراج ورتباك:توو قليل ادبب
بعدت عنه وتوجهة للبنات بقهر
جلست وهي تعطي نظرات ناريه
امل وهي تهمس:وطلع الشرار من عينيها
عبير بتكمله:واعطاها نظرته الويل
امل بهمس:وييللكك منيي الوعد بلبيتت
عبير بتكمله:اعطته نظرت اللي نشووف هه
ناظرت لهم شموخ بقهر:سلامات انتي وهي؟؟
سوسن بضحك:من اول يناظرونكم وبترجمون اللي تسوونه او تقولونه بدون لايسمعون وش هو على مزاجهم يحطون الجمل هههههههه
عطتهم نظره اخرستهم ولكن ماتماكلت نفسها وضحكة:ههههههههههه وااوو وضعكم كيف خفتوو
امل ناظرت لها بقهر:لاتكلميني زعلت عليك
شموخ:اوب اوب ههههههههه مفرووض انا اللي اقول كذا
امل:ههههه ماعلينا المهمم جا فارسك الاسود
ناظرت شموخ لرعد وبيده القهوه همست:حلوه فارسي الاسود..!!!!
____________________________
تم نوقف هنا ولاتسنون توقعاتكم

شهد وشموخ ومناوشاتهم!!؟

امل وسامي والموقف اللي صار؟؟!

سامي وساره وعصير الفراوله؟!!

الجد والحل حقه؟؟

سوسن وموافقتها هلحل وكيف بتعيش بوضعه؟!

شموخ ورعد وتطور علاقتهم؟؟

سفرتهم لبريطانيا واللي طال انتظارها؟؟

دمتم بخير
____________

علقو بلبز تقدير لتعبي
كاتبه فوق ٤٠٠٠الاف كلمه ونصص