الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت الثاني والثلاثين

البارت الثاني والثلاثين:

:
&
:
&

بسم الله..لا اله الا الله..استغفرالله..الله اكبر..سبحان الله...صلو على من بكى شوقآ لرؤيتكم
__________
بعد يومين
وبعد تأقلم الاوضاع بعد رجوع بطلتنه
في بيت ابو فهد
فهد بعصبيه :يايبهه المفروض امس رايح ومتقدم لهااا
ابو فهد:اسغفرالله ياولد وش اسوي عمك كان مشغول امس اروح اسحب فيه خلاص اليوم رايح مع جدتك بنتغدا معهم واقول له الزبده انت بس هد وش بك مرجوج صاير
فهد تنهد :قلت لك ماابيها تروح من ايدي وانا شاريها
ابتسم ابو فهد وهو يحاول يخفيها:اي طيب بس مو كذا كانك مطيور قوم بس لصلاة الظهر
قام فهد بهدوء مع ابوه متوجهين للمسجد وباله معاها وبليوم
اللي تكون فيه حليلته
_______
علظهر
دخل ابو عادل للبيت وهو ينادي على ام عادل
وصل له صوتها بصاله وقدامها شاهي وفصفص وتتابع برنامج:امرر يا ابو عادل
جلس ابو عادل علكنب بهدوء:ابو فهد اليوم هو وامي بيجون يتغدون عندنا احسبي حسابهم
ام عادل بستغراب وهي تبعد الفصفص عنها وتقصر على صوت البرنامج:ليش عسى ماشر؟
ابو عادل وهو يقوم:علمي علمك انا بروح اريح شوي صحيني قبل الغدا ولاتنسين ترتبين المجلس
ام عادل:ان شاءالله
قامت ام عادل وهي تنادي على الشغاله
تقدمة الشغاله لعندها:نعم ماما
ام عادل:روحي رتبي مجلس  وصاله وحطي بخور هذاك اللي جابته ماما كبير وغدا اليوم انا يسوي بس انتي رتبي طيب
الشغاله وهي تحرك براسها:زين ماما
توجة ام عادل لدرج وهي تصعد لفوق:لا اله الا الله..
تقدمة لغرفة البنات وهي تفتح الباب ونور:اصحو يابناات بسكن نووومممم
ناظرت بصدمه ولا كانها تكلمت ومكملين نوم:وقسمم بالله ان ماصحيتن ياويلكن يا اكياس النووممم الناس تصحى تعبد ربها وانتم نايمييينن
تكلمت امل بتعب:يااييمهه والله نايميين بعد صلاة الفجر خلينا نكمل نووم
ام عادل بغضب:ايي من الحش لي اخر الليل هذا عوايدكن كل ماصارة عزيمه
امل بهمس:استغفرالله..يايمه نسوللف يعني اكيد تصير مواقف حماس وشو اللي حش استغفرالله
ام عادل:اجل يله اشوف قداميي للحمام
قامت امل بتعب:شكو هذا بهذا..
ام عادل:انا مدري وش بتسوين بكرا مع ساميي لاصرتي ببيته
دخلت امل للحمام
وناظرت ام عادل لعبير اللي مكمله نوم ولا كانه صار شي
ام عادل:يااعبير اصحيي تعبتوونيييييي
تقلبت عبير بتعب وهمس:شويي....
ام عادل بتذمر:استغفرالله ابو فهد بيجي وعمتي بتجي وانا ولا كانه عندي بنتين طولي يفزون يساعدني بلمطبخ يرزن وجهن شوي يقهونن
فزت عبير من سمعت كلمة"ابو فهد" والتوتر لعب فيها وهي تمسك ببطنها بخوف"يممه لايكون جد بيخطبنيي" ناظرت لامها
:ي ييمه ليش جايين؟
ام عادل ناظرت لها:اي انا قايله لسوالف جاهزات...مدري جا ابوك وقال لي
وهي طالعه:عدلن شكلكن وانزلن ساعدني بلمطبخ
وكملت طالعه لبرى
طلعت امل من الحمام:زين صحيتي...وش بك؟؟
عبير بتوتر:اموولل شكله فهد جاي يخطبني اليومم
نطت امل لعند عبير بصدمه وحماس:كذاابه احلفيي شلون متى ويين والله؟؟؟
عبير برتباك:مدري مو هو قال لي ببريطانيا بلفندق انه بيخطبني وامي قالت انه جدتي وعمي ابو فهد بيجون اليوم وش بيجيبهم غير كذا مثلاا؟؟؟
امل بحماس:ههههههه والله وكبرناا هههه قومي اقول بس تسنعي وسوي يعنني قدام جدتي ههههه
عبير بضحك وهي تقوم بتتوجه للحمام:ترى جدتنا ياهبله وشافت كل اخبالنه
امل وهي تتمدد عسرير:مو ياهبله عشان اليوم يمكن جايه تقيم فيك ويوم تشوف انك تغيريتي شوي تهجد وتاخذك له
عبير وهي تدخل للحمام:يمكن
_______
في جناح رعد وشموخ
جالسه بحماس وهي تعدل البوبكورن
جلست رعد بجنبها غصب:اوفف اجلس شفيكك
جلس بجنبها وهو الموضوع بكبره مو داخل مزاجه ناظر لها بستفسار:الحين اعرف الناس تطالع افلام الرعب عليل او الافلام عامه بعد المغرب انتي شوضعك فلم رعب الظهر؟؟
شموخ ناظرة له بقهر:اوف شفيك بس تتحلطم وبعدين انا اخاف اطالع فلم رعب بليل
رعد وهو يرفع حاجب بنرفزه:اجل لاتطالعين بلمره ساحبتني معاك شكو؟
شموخ وهي تسبل برموشها:لا ياعمري مابحرم نفسي من الاكشن والرعب عشان اني اخاف اتابعه عليل وبعدين ترى وجودك بس عشان اذا خفت يعني لاتصدق مره
ابتسم وهو يناظر لها كيف تسبل بعيونها وتتكلم بدلع وبشكل يغري
قرب وجهه لوجهها وبينهم ١٠ سم بس وبهيام:اوكيي
ناظرت له بحراج وهي تبعد بعيونها عن عيونه:وشوو
رعد وهو عاجبه الوضع ويركي بيد علكنب وماحرك وجهه وببتسامه:كملي اسمعك
بعدت عنه بحراج وهي تناظر للبلازما:خلصت اللي عندي اصلا هه
ابتسم وهو يراقبها تاكل من البويكورن بتوتر من نظراته وترشف من البيبسي ثم تاخذ الجهاز وتشغل علفلم
ردت ناظرت له بحراج:وشوو بتظل كذا تناظر فيني ترى الفلم مناك مو هني
ابتسم وهو يوجهه نظره للفلم اللي بدا:حلالي اطالع فيه انتي شكو
ناظرت له بحراج ثم وجهة نظرها للفلم وهي تهمس بتحلطم:وشو شدخلني انا هي...
ابتسم بهدوء وهو يسمع همسها ثم اندمج بلفلم
بعد مده
تنهد بملل وهو يناظر لها مغطيه وجها بكتفه وتفتح ثواني وتسكر عشر دقايق قدام:بفهم انتي ليش مشغله الفلم اذا ماراح تتابعينه
شموخ وهي تهمس:اشش جالسه اتابع انا كذا
صرخت برعب من المشهد اللي صار من انقطعت يد البطله من سفاح بلغابه والدم صار بكل مكان:اااااااااااههه يممههههههههه
غطت عينها وهي تاخذ نفس بخوف واصوات صراخ البنت واصلها
ناظر رعد بملل للفلم:ترى مو صدق يعني جايبين يد صناعيه وداخلها لون احمر ومسوين انه دم
شموخ بخوف وهي ترجع تناظر للفلم:بس يخوفف
شهقت برعب وهي تحس بتستفرغ بعد مامسك السفاح بلبطله وقدام البطل دخل يده بفمها وقطع لسانها وقلبت عيون البطله لداخل من قوة الشهقه وطول صوت شهقتها اللي وكانها مخنوقه وتحول لونها للشاحب حتى طاحت ميته على صراخ البطل
دمعت شموخ برعب وهي تسكر عيونها:يممممهههههه حراامم اهىىىىى يممه تخييل لو يصير فيني كذا يمه والله اموت من الخوف اووفف حراام حتى قدام البطللل...(شهقت مره ثانيه)وهي تشوف السفاح يتقدم للبطل المربوط بشجره
مدت شموخ يدها للجهاز وهي تسكر الشاشه وتاخذ نفس بخوفف ورعب:يمهه والله ماعاد اشوف افلاام يمممهه اووه
رعد اللي كان مندمج:هيي ليش سكرتي شغليي بشوف
شموخ وهي تمسح بدموعها:حراامم علييك ماتت البطله وبيذبح البطل شلون تشوووفف وش انت ماعندك احساسس
رعد بصدمه:هيي انا شكوو ترى مو انا اللي مسوي الفلمم وبعدين ليش مسوينه عشان نتحمس معاه وش بك تحمسين الواحد وبلاخير تسكرينه
شموخ وهي ترجف من تتذكر شكل السفاح حذفت الجهاز على رعد وهي تقوم:شوفه بروحك بنزل تحت اشوف جدتك احسن ليي
رعد :هه خوافه روحي وانا بكمله
رجع يشغل علفلم
اما شموخ فا طلعت بسرعه وهي ماودها تسمع اصوات من الفلم
نزلت تحت وهي تشوف انه الصاله فاضيه دخلت للمطبخ وكان فاضي همست بستغراب:غريبه وينهم؟
وقفت لثواني وهي تضبط انفاسها بخوف من حست بصوت وحركه حست الضغط وصل مليون عندها مشت بخوف بس من حست بليد اللي صارت على كتفها صرخت برعب وهي تجلس علارض:ااااااااااااااااااااااااااااااااااااااااهههه
انصدم رعد وهو ينزل لها وهي مسكره على اذونها:بسم الله علييك هذا انا رعدد وش بكككك
شهقت ببكي وهي تناظر له وتكمل بكيي:ااههه خوفتنييي عباليي السفاح اهى
ابتسم بصدمه ورتباك من وضعها:هههه هبله وش بيجيبه هنا؟؟قومي بس
وقفها وهو يجلسها على اقرب كرسي
اخد كوب وصب لها مويه
مد لها من المويه رشفت منه شوي وغسل وجها بلباقي:فلم ياهبله لاتخوفين نفسك
شموخ وهي تتنهد براحه:مدري خفت اوفف الحمدالله...
ابتسم وهو يجلس بلكرسي اللي بجنبها:عشان كذا نزلت داري فيك تسوين فلم اكشن ههههههههه
ناظرت له بزعل:هيي لاتضحكك
قرص بخدها وهو يسلك لها:طييب طيب ههههه
_____
عدلت عبير جلستها بتوتر وهي تناظر لابوها
اللي كان ساكت لثواني حتى نطق:يابنتي الزواج سنة الحياة وكل بنت مردها لاجاها نصيبها لبيت زوجها و(تنهد)وعمك خاطبك لولده فهد وش قوولك!!
ابتسمت عبير بحراج همست:الراي رايك
ناظر لها ببتسمه وبهدوء همس:والله وانا ابوك ماعتقد لي رايه بلموضوع بعد سالفة اختك(ناظر لها وبجديه)افهم انك موافقه؟
هزت عبير راسها بحراج ب أي ومازالت منزله عيونها
ابتسم بهدء:اجل الله يوفقكم
قامت بحراج طالعه لغرفتهم وبس دخلت قابلتها امل بصراخ والاحضان:وكلوووووويششششششش ههههههه واخييراا
ابتسمت عبير بين احضان اختها اللي تنط وتلف فيها
وهي تحس انها بحلم
______
علعصر
عند الجده اللي كانت جالسه
وعندها ام شذى وشموخ والجد وجالسين يسولفون وماتخلى الجلسه من نغزات ام شذى الكارهه لشموخ
دخل رعد وهو يسلم على جدته وجده ويجلس
قامت شموخ وهي تصب له من القهوه وتمد له من الحلا
جلست بهدوء وهي تسمع لسالفة جدتها
الجده:الا اقول الشغاله تقول انك ياشموخ مصرخه هي تهوجس(تتخيل) ولا صادقه؟
ابتسمت شموخ بفشله:الا هههه شفت فلم يخوف فا يوم نزلت تحت اخترعت لاني سمعت صوت فا صرخت
ابتسم رعد وهو يناظر لها تتكلم ويرشف من القهوه وعينه عليها ولا نزلها ثواني حتى تكلم:ههههه يمه شايفه لها فلم قاطعين يدين وحده وشالعين لسانها
ناظرت الجده بقهر:يويلي وش..
ماكملت كلامها الا بشموخ اللي قامت وهيي تتوجه للحمام بستعجال وتستفرغ
فز رعد وهو يروح وراها
قامت الجده بخوف:بسم الله علامها
دخل رعد للحمام ويده على ظهرها ووجها احمر وهي تغسله وعيونها مدمعه :كحح ااههى اكحح...
حرك يده على ظهرها بقلق:تحسين بشي...تبين طبيب؟؟
حركة راسها بـ لا
الجده اللي كانت تناظر لها:ماعليك مغير حايمتن كبدها من البلا اللي شايفينه
طلعت شموخ وهي تمسح فمها ورعد يناظر لها بقلق
الجد :عسى ماشر
الجده وهي تجلس:مافيها شي
ام شذى وهي تناظر لها بعدم اهتمام وبلعانه:ياسيتا شبي بخوورر
ناظرت لها الجده بغضب :قومي شبي بنفسك كان به شيي(كان في داعي له)
طلعت شموخ لفوق ورعد معاها
دخلت لجناحهم وهي تتمدد عسرير وتحس راسها يدور همست:بنام لي شوي
رعد بقلق:متاكده ماتبين طبيب؟
شموخ وهي تسكر عيونها :لاا...
قام وهو بيطلع بس وصله صوتها:لاتخليني...اخاف
ابتسم بهدوء وهو يخفف علنور
رجع جلس بجنبها وهو يتراكه ويناظر لها ويده بيدها لحتى نامت وغفى معها
_______
اليوم الثاني
بجمعة الجد الاعتياديه
ابتسمت شموخ بفرح:مبرووك ياعمريي
ابتسمت عبير بخجل:يبارك فيك
امل بهمس:المهم خلي بيننه لين مايخطبها رسمي ويملكون
شموخ ببتسامه:طيب ههههه فرحت لك
ابتسمت عبير
قاطعها الجد وهو ينادي عليها:شموخ تعالي
قامت وهي تعدل عباتها :هلا جدي
الجد ببتسامه:صبي لي من القهوه زينه من يدك
ابتسمت وهي تاخذ الدله والفنجال وتصب له مدة له:تفضل
الجد:زاد فضلك
مد رعد فنجال:صبي لي
ناظرت له بنزعاج:صب لنفسككك
ناظر لها بصدمه من كلمتها كذا تقول له و قدام الكل
قاطعتهم الجده اللي تضحك:اقول يمه شموخ شرايك تكشفين على نفسك شكلك حامل ومتوحمه على زوجكك
ناظرت شموخ للجده بصدمه:هاه
ناظر رعد لشموخ بصدمه وببتسامه:حامل؟
تكلم شموخ بصدمه:لاااا.. هههه شكوو ماتوقع
نزلة الدله برجفه وهي ترجع تجلس بمكانها متجاهله الجده اللي تصر على رعد يوديها
والكل بدا يهمس في مابينه
لمست بطنها لثواني ثم بعدتها وهمست:حامل...
_____
مر اسبوع
ونتشر خبر خطبة فهد لعبير
وحددو موعد الملكه واللي كان بعد اسبوع
اما رعد فكل يومين يصر على شموخ تروح تكشف وفي كل مره
ترد انها مو حامل وبطنها وهي تحس لو حامل او لا
وماننسى خبر خطبة حمد اللي صدم الكل ببنت ام سعود منى
وحددو ملكتهم بعد ملكة فهد باسبوع
في بيت ابو عادل
عبير بخوف:يايمه شفيك تخوفيني
ام عادل وهي تقرص ببنتها:افهمك لاتفشلينه
عبير بهمس:فلم رعب مو زواج..طيب يمه الكوافيره بتجي لي الحين فا باخذ شور قبل تجي
ام عادل وهي تقوم وببتسامه: الله يوفقك ويسخره لك
ابتسمت عبير بهدوء:اللهم امين
على طلعت امها دخلت امل وبصدمه شهقة:هيئ.. ماتروشتي الكوافيره جت
عبير بصدمه:كذابه
امل:والله ياهبله روحي بسرعه وانا بخليها تسوي لي اول بسرعه مو تتاخرين
عبير بتوتر:اوفف وش عرفني سنه على ماخلصت مع اللي جو يسون لي حمام مغربي
امل بقلة حيله:قلت لك غسلي مره وحده وراهم بس وش يفهمك انتي...المهم بدخلها للغرفه اللي تحت خلصي بسرعه وانزلي لنه
عبير وهي تاخذ منشفتها بستعجال:طييب
دخلت عبير للحمام وطلعت امل تسوي شكلها اول
_____
في بيت الجده
كان رعد جالس ويتقهوه ويسولف مع جدته:تاخرنه الناس تلقينها وصلت وهي مانزلة
الجده وهي ترشف من فنجالها:هذهي جايه وش بك مطيور عروحه
ابتسم وعد بهدوء:هههههه الا مطيور لشي ثاني
الجده وهي تنغز له بعيونها:وشهو يا قليل الخاتمه
ابتسم بضحك وهو يقوم وبيده سبحته:عجلو انا انتظركم برى هههههههه
طلع على صوت جدته تصارخ فيه
جلس على العتبه وهو يطلع دخان ويشب له وحده
دخن منها وبيده الثانيه الجوال
ارسل لشموخ"مطوله.!؟"
نفخ الدخان لحتى وصل له صوت المسج
دخل وابتسم بهدوء"مو عشان كذا رايحه معاك ياعمري عشان اطول *_^ اجل وش فايدتك ههههه"
جا بيكتب لها بس حس بليد اللي انحطت على كتفه ناظر لليد والاظافر المصبوغه بلاحمر ابتسم:لا تو الناس كان نمتي بعد
انزلت وهي تاخذ الدخان من يده وتكسرها بنص وبنعومه والغطى مغطي وجها :تو تو تو وش مضايق حرم شموخ ومخلي يدخن
وقف ببتسامه وهو يتوجه لسياره:ناس مو راضيه تحلل
جلست بلمرتبه الخلفيه على صوت تشغليه لسياره وبنعومه:والله ياعمري قلتها واقولها لك مره ثانيه مابحلل لانه ادري مو حامل ومو اي شخص يمشي شموخ الا برايها
ناظر لها وهو رافع حاجب وبجديه:والله شكلي كنسلت فكرة تحليلك يبي من يكسر غرورك ذا
شموخ بتحدي:اكيد بس بعد مااكسر تفاهتك ذي
جا بيسحبها بس قاطعتهم الشغاله اللي فتحت الباب وساعدت الجده تجلس قدام
الجده وهي تناظر ليد رعد الممدوده:كملو بعد تهاوشو وفضحونه فهليل
لف رعد بعصبيه وهو يضرب يده عدركوس محاول يخفف عصبيته
وصله صوت شموخ:بشويش ياعمري عسياره جعلها (وبمد) بعدويينك
ناظر لها من مراية الاماميه لسياره تنهد وهو يستغفر ربه والجده تهدي فيهم شوي وتصرخ فيهم شوي وكلا لاهي بعالم ثاني تاركين كلامها مردود على شبابيك السياره ثم لها
وقف السياره ونزلة شموخ وهي تساعد الجده اللي تصر على انها تنزل بروحها بخوف انه شموخ حامل ويصير باللي ببطنها شي وهي مصره انه المشاكل اللي بينهم لانه شموخ متوحمه على رعد
قاطعهم رعد:شمووخ تعاليي
ناظرت للجده اللي دخلت توجهة للشبابك الامامي وببرود:نعم
تنهد وهو يناظر ليدها "ابي اعرف بس وش اللي مغيرها مره حلوه ومره تطلع جنونها ولسانها اللي متبري منها":انتبهي لنفسك ترى ابي ولدي
ناظرت له وباصرار وهي تمد بلكلام :يصير خير لهلكلام لاكان بوقتهه اوفف
راحت تاركته ماسك بعصابه لاينزل ويهاوشها او بلمعنى الاصح يتهاوش معاها قدام الكل
_______
دخلت عند البنات وببتسامه:سلااام
امل وهي تقوم وتحضنها:هلا هلا ..هلا والله بام..(ماكملت كلمتها الا على ضربة شموخ لها)اخخ ههههههه افا من مزعل ام..اخخ ايي ايي والله امزح فكييي هههههه
جلست شموخ وهي تعطي لها نظرات وتقرص بعينها:عيديها ماراح تحسين بيدك
امل وهي تجلس وتمسك بيدها:اعرف الناس تستانس وانتي لاا
شموخ وهي تتنهد:اوف مدري ياخي مابي اسكتي لا اصيح الحين وتخرب كشختي
ابتسمت امل وبحماس:اي صح شلي بس خنشوفك
ابتسمت شموخ وهي تقوم وتنزلي عبايتها وكانت لابسه فستان اسود ضيق علاق وقصير لين الركبه :شرايكك
امل بتقيم:امم حلو بس ليش اسود
شموخ وهي تجلس:نغير شوي هههه المهم عروستنه وينها
امل:ههههه لاتذكريني جات الكوافيره وهي بعد ماخلصت والحين اتوقع تحط لها اللمسات الاخيره
شموخ:الا على طاريها وقفي خشوف كشختك
وقفت امل وهي تعدل فستانها الازرق ماسك من الخصر بس
وقصير:شرايك بس مااغري
شموخ بتقيم:تو تو تو لا يشوفك سامي وتنامين ببيته
قلب وجه امل احمر بحراج:هييي ههههه بس تخيلي ويطلع لنا ابوي مع عقاله ويمسطنه فيه ههههههههه
شموخ:ههههههههه وقسمم بتصيرون على كل لسان وقتها ههههههههههههه
_____
ام عادل للجده:ماجا الشيخ اللي بيملك؟
الجده وهي ترشف من الشاي :هذا هو يقولون جاي بطريق رايح يجيبه رعد
ام عادل بتوتر:الله يوفقهم ان شاءالله
تمتمت الجده بهدوء:اللهم امين
طلعت ام عادل لصاله وكملت تسلم على المعازيم اللي كانو اقاربهم من قريب بما انها ملكه وترد على تبريكاتهم
وبدا الحضور يزيد وطلعت امل تشغل بدي جي ناويه تفلها وهي فرحانه لاختها وكل ماشافت اخت سامي سوت فيها الثقيله
طلعت شموخ مع امل وصارو يرقصون والكل عينهم عليهم مع كم بنت طلعو بجرائه يختمون الرقص معهم
ابتسمت شموخ وهي تضرب كتفها بكتف وحده وصارو يرقصو بمهاره مع بعض
خلصت الاغنيه وبدت ثانيه وبدو البنات يرقصو
اما الحريم فاصارو يسحبون بلبنت اللي رقصت مع شموخ ويسألون عنها
جلست شموخ ببتسامه وبجنبها امل وهي تاخذ نفس بخنقه:اوهه هههه تعبتت
امل ببتسامه:حماس ياخي ابوس اللي اختار الاغاني هههههههه
جلست بجنبهم سوسن :هههه يله تعالي بوسيني ههههههه
ابتسمت امل وهي تلف لها وببتسامه باستها من خدها:ياجلعنيي بسس الدي جي الحلو هههههه الا تعالي وينك انتي  تاخرتي
سوسن:هههههه الله لايوريكم كله من فهد ضيع شماغه واصر الا ادوره معا ومغير يصرخ ملكتي وملكتي كانه ماملك غيره ههههه
ابتسمت امل براحه:الله يريحك مثل ماريحتيني الحمدالله والله يسعدهم يارب
ابتسمت شموخ وهي تلعب بلخاتم اللي بيدها ببتسامه هاديه
قاطعها الشخص اللي نط عليها وصار يحضنها شهقت بصدمه:يمهه...
ناظرت لعادل اللي محوط خصرها:شمووخخخ...
ابتسمت وهي تلعب بشعره:عيونهاا
بعد عادل عنها وببتسامه:كنت ادور عليك(وبدهشه)الله شكلك حلووو
شموخ ماتت ضحك عليه:ههههههههههههههه والله؟؟
ابتسم عادل بخجل:ايوا
امل:اقول روح لمجلس الرجال وانتو امشو معاي بروح لعبير امي تقول الشيخ وصل
قامت شموخ وهي تقرص بخدوده وتبوسهم:بايي
ابتسم وهو يمسك خده:بايي
صار يركض لداخل المجلس صدم بابو فهد :ايي
ابو فهد وهو يمسك بكتفه:بشويش ياولد
عادل وهو يوقف ويعدل ثوبه:طيب
راح داخل للمجلس ببتسامه وعيون رجال عليه
ناظر رعد للرجال اللي كانو يهمسون ويناظرون لعادل
ناظر له بتدقيق لحتى لاحظ الروج اللي على خدوده
شد على يده بقهر وهو متاكد انه روجها
اشر على عادل اللي راح له:نعم
رعد وهو يمسك بيده:منو بايسك انت.؟
ناظر له عادل بستغراب:هاا
رعد :منو بايسك على خدك اقول
عادل ببتسامه:اييي هذي الاميره
ابتسم رعد بقهر:الاميره هاا...تعال معي بس
اخذه معه للمغاسل وهو يمسح بخذه وبعصبيه:اي شاطره تبوس بلبزران بس هذي شغلتها
عادل وهو واقف بستغراب:ليشش
رعد وهو ينشف خده:ولا شي يله روح ولا عاد اشوفك تقرب لمجالس الحريم فاهم
عادل بزعل:طييب
راح عادل اما رعد فا طلع جواله وهو يرسل لها"كان عبيتي وجهه كله ليش بس خده؟؟؟"
_____
عند البنات
ابتسمت شموخ وهي تخوف عبير:ياويلك عاد يوم يسكرون الباب عليكم وتصيرون بغرفه وحده وبروحكم ويقرب لك شوي شوي وو بووو هههههههههه
صرخت عبير بقهر:هييييي وجعع لاتخوفينيي اووف خلاص ماابي اروح
امل:اقول جب بس كل يومين فهد وفهد والحين ماتبين
عبير قلبة حمره بحراج وهي تناظر لسوسن:هيي..
ابتسمت سوسن:عادي عادي هههههه المهم شنو شعورك هههههه بعد ماصرتي حرم فهد
ابتسمت عبير بحراج:هههه مدري احس شي عادي يعني وقعت صح بس ماحس تغير شي
امل:انتظري تدخلين عنده وتعرفين شلون التغير يصير
وصل لشموخ مسج فتحته وهي تقرا عقدة حواجبها لثواني بستغراب ثم ابتسمت بخبث وهي تكتب"كييفييي احب البزران وماقدر لازم ابوسهم ولو في مكان غير خدهم بعد كان بسته "
ابتسمت بحماس لحتى وصل لها رده"اذا لهدرجه تحبينهم جيبي لك واحد.."
ضغطت علجوال لثواني
سكرته بدون لاترد
وهي تتصنع الابتسامه لعبير اللي راحت مع امها
لجل تقابل فهد
_____
عليل
بعد ماخف عدد المعازيم
ابتسم رعد وهو يناظر لفهد اللي شاق الابتسامه:لا ماشاءالله المعرس مستانس واضح الشوفه دخلت مزاجك
فهد بفرح:شرايك يعني
رعد قام:يالله الله يهنيكم
فهد:بتروح؟
رعد:اي الاهل ينتظرون
ابتسم فهد بضحك:ماتوقعت يجي هليوم اللي تقول هلجمله
رعد:افا ليش طايح من عينكك
فهد:ههههه لا بس ماتوقعتك تتزوج
رعد:هههههه وبلاخير اول من عرس بينكم انا يله اشوفك على خير
فهد:تلقى الخير هههه
طلع رعد وشعل سيارته حرك وهو يوقفها قدام الباب
طلعت شموخ وهي تركب قدام
عقد رعد حواجبه:امي وينها؟
شموخ:جدتك بتقعد شوي
حرك متوجهه للبيت
وبس وصل نزل بعد مافتح لها الباب وتوجه للمجلس دخلت وهي مو مهتمه وبهمس:خل يزعل يحسب بروح اراضيه هه
توجهة للجناح غيرت فستانها وجلست وهي تمسح ميك ابها
نزلة المزيل بتعب وهي تتوجه لسرير تمددت بتعب :اوف نعسانه
سكرت عيونها لثواني حتى رفعت يدها وحطتها على قلبها عقدت حواجبها وهي تحس بضربات قلبها سريعه استغفرة بهمس ورجعت تغمض عيونها ولازالت تحس بضربات قلبها
ارفعت نفسها وهي تجلس وتاخذ نفس حست انه الضربات راحت ارجعت نسدحت وردت حست بضربات قلبها اسرع قامت بخوف وهي تلبس جزمتها(يكرمكم)طلعت لصاله وهي تاخذ جوالها وترسل لرعد"تعال فوق ضرورييي"
_____
عند رعد اللي كان متمدد بلمجلس
وصل له مسج ناظر لجواله وابتسم بسخريه:توها تحس...
قام وهو ياخذ عقاله وشماغه
صعد لفوق ودخل للجناح
عقد حواجبه بستغراب من شافها جالسه بهدوء وتناظر ليدها:وش بك؟
شموخ ناظرة له وبرتباك:مدري جيت بنام بس ضربات قلبي سريعه واحس مو قادره اتنفس
ناظر لها بخوف:طيب وش مجلسك قومي اللبسي عباتك اوديك للمستشفى
شموخ بخوف:طيبب
وهو متوجه للباب:انا بروح اشغل السياره عجلي
قامت شموخ اخذت اول عبايه لمستها ولفت الطرحه والنقاب جات بتطلع بس رجعت وهي تاخذ جوالها ونزلت ركبت قدام بتعب نزلت نقابها وهي تركي راسها على ورا
ناظر لها رعد :تحسين بشي؟
شموخ بهمس:لاا بس احس مخنوقه شوي
مد رعد يده لطرحتها من فوق ونزلها لين خشمها :خليك كذا طيب
حرك سيارته وتوجه لقرب مستشفى
وكلها مسافة الطريق ووصلو
نزل ونزلت معه
توجهة معه لداخل واخذ رقم
مسكت بيده بتعب
همس لها:تبين ولچير(كرسي متحرك)؟؟
شموخ بتعب:اي
اشر لعامل:محمد تعال
تقدم العامل:نعم بابا
رعد:جيب ولچير بسرعه
راح العامل وكلها دقايق وجابه
ساعد شموخ تجلس فيه
شكرالعامله وعطاه حقه
دزها لقدام قريب من الغرفة اللي بتكشف فيها
ناظر لها وواضح عليها التعب
ناظر لرقم وكان قدامه اثنين زفر بقهر
ناظر لشخص اللي طلع من الغرفه
قرب من الباب :اسمح لي الاهل تعبانين حيل
الرجال اللي كان بيدخل ببتسامه:مسموح وماتشوف شر
همس رعد وهو داخل:الشر مايجيك
دخل وكان دكتور مصري
وقف الولجير قريب كرسي المريض
الدكتور وعينه علجهاز:المريضه شموخ فيكي اي
شموخ ناظرت له:مادري اليوم رجعت للبيت جيت بنام بس ضربات قلبي كانت سريعه
طلع الدكتور السمعات وقربها لتحت رقبتها:خذي نفس..زفير..مره ثانيه
بعد السماعه وبجديه:وريني وجهك شوي
عدلة طرحتها وناظر الدكتور لها لثواني:عامل ازاي(كيف حالك)
شموخ بتعب وهي مستغربه رده.. بتنفس بطيئ:الحمدالله
لو ماقام الدكتور كان قام رعد عليه من نظراته واسألته
قام الدكتور من مكانه بسرعه وهو يمسك مسكة الكرسي فتح باب كان بجنب مكتبه:يادكتورر حسااامم
دخل فيها لداخل ورعد راح وراهم بقلق وشموخ جلست تبكي
دخلو لغرفه كلها اسره زرقه
الدكتور بعجله وقف الدكتور :لاززم تدخل غرفة الانعاش ضربات القلب قويه عندها ووجها مايل للشحوب انا شاكه انه في ميه(مويه) قريبه للقلب
جات السستر وساعدة شموخ وجلستها على سرير من اسرة الانعاش
ركبة لها جهاز مساعد لتنفس
اخذت يدها ولفتها بضاغط اليد وقاست ضغطها
ردت شالته وشرحت لدكتور ضغطها
الدكتور جا بيتكلم بس وقفه رعد اللي سحبه من يده بعصبيه:هيييي اكلمككك اناا جدار عندكك سافهنيي اشرح لي وش فيها حرمتيي
الدكتور برتباك:اوو اسمح لي واللهي بس كان لازم استعجل شوي حرمتك ضربات القلب مثل ماقلت للدكتور سريعه والوجه شاحب وانا شاك انها مويه على قلب وهذا شي خطير ممكن يوقف قلبها فا اعطيتها جهاز تنفس يساعدها وبضربها بابرة  تنزل المويه من خلال انها حتروح للحمام لاكثر من مره وهذا بيسبب الام طفيفه بظهر بس مشان تنزل الميه لانها خطييره اوي لو وصلت للقلب وبعدها بنشوف شو بيصير
رعد اخذ نفس وناظر لها:طيب وش سبب المويه ذي
الدكتور:هي لها اسباب كثير بس الشائعه تكتر اكل ليمون او الاشياء الحامضه وفقر الدم الانيميا بس حتى مش متاكدين يعني بعد الابره حانكشف عليها
رعد:طيب الحين شنو بيصير
الدكتور:بس تاخذ الابره لين مااناقش الحاله مع دكتور حسام و اا صح هي عتغمض تنام شويه وتفوق شويه بسبب تاثير الابره ماتخفش يعني
جلس رعد علكرسي اللي بجنبها وهمس ب:طيب
ناظر لها وبيدها الابره
شموخ بهمس وهي تبكي:شنو فيني
ابتسم بهدوء محاول تطمينها:مافيك شي بس شكلك مكثره حمضيات
جات بترد بس سكرت عيونها بتعب
بعد مده ساعدتها الممرضه تروح للحمام لاكثر من مره
ورجعت مكان سريرها بعد ماصحصحت شوي
ناظرت لرعد اللي يتكلم مع الدكتور
رجع لها وجلس بجنبها:ها كيفك
شموخ وهي تحس كلها ترجف:خايفه امانه شنو فيني
ابتسم بتسليه:يقولون لازم تشيل شعرها كله عشان يحتاجون يكشفون على الدماغ
ناظرت له برعب:كذاابب
ابتسم بهدوء:امزح معك ياهبله
قاطعهم حالة جديده دخلت وصار سرير الحاله بجنبهم وكانت بنت ملفوف على خصرها شماغ بطريقة غريبه وكانها مضروبه فيه وشعرها قصير
وترجف بشكل فضيع
على دخولها كشف الدكتور عليها
دخلو وراها شابين بعمر العشرين
واحد بثوب بدون شماغ
والثاني ببدله وكان واضح عليهم العصبيه
الولد:لااتمسكهاا خلهاااا
الدكتور بنرفز:هوا في ايي بنت حتموت ابعدد
الولد الثاني اللي لابس البدله اتصل جواله ورد بعصبيه:الوووو......بلمستشفى...شنوو(وبصراخ قوي)ليششششش مو رجالل عندكمم هااهههه شايفينه مو رجال والله ماتعيين خيير
سكر الجوال بعصبيه
الدكتور ناظر لهم وللشماغ اللي حول خصرها لثواني:لو سمحتو اطلعو برى لا انادي عليكم السكيوريتي والبنت حتدخل غرفه خاصه وبشراف الشرطه اطلعو برىى
صرخ الولد بعصبيه:وشش وششش وش قلتت اقولل ابعدد بسس
تدخلو السكيوريتي وصارو يدفون فيهم لين برى
تقدم الدكتور
لعند البنت اللي ترجف بقوه واللي يشوفها يقول انه مستحيل تعيش:يابنتي راحو خلاص بسك تمثيل
وقفت البنت لثواني لحتى وضح صوت بكيها وبترجي:يادكتور تكفى بيذبحونيي والله بيذبحوني انا ماسوييت شيي ماسويت شيي
الدكتور:لا حول ولا قوة الا بالله...ماتخفيش والله انتي بحماية الشرطه
اشر للممرضه:دخليها لغرفه خاصه ومحدش يقرب ليها
تحركة الممرضه بمساعدة وحده ثانيه ودفو بسريرها لغرفه من غرف المستشفى
ناظرت شموخ بصدمه للبنت وحالها
ابتسم رعد يوم شاف رجفتها راحت:ها اشوفك الحين طخيتي
شموخ بخوف:والله من بعد حالتها
قاطعهم الدكتور:تفضلي معايه حتروحي لغرفه لحتى نكمل معك باقي الفحوصات الحمدالله انتي تعديتي مرحة الانعاش
ابتسم رعد وساعدها تقوم وتجلس علولچير
وتحركو لعند الغرفه اللي بتجلس فيها
تمددت على السرير وبهمس:بنام شوي
رعد:طيب
جلس بجنبها علكرسي وغمض عيونه بتعب
بعد اربع ساعات
دخلت عندهم الممرضه بعدها الدكتور :سلام عليكم
رعد تنهد بتعب:وعليكم السلام
الدكتور:بس حناخذها تسوي فحص اشعه علقلب
ساعد شموخ اللي كانت شبه نايمه تجلس علولچير
وصارت الممرضه تدف بكرسيها
اما شموخ فا فتحت عيونها لثواني وحست فيهم يشيلونها
وردت سكرت رجعت فتحتهم وكان تمشي بممر وناس من حولها اللي جالس بتعب واللي يركض ردت سكرت وفتحت وكانو واقفين ياخذون دور وقدامها ولد ماسك بيد امه ويناظرها سكرت عيونها مره ثانيه وفتحت ولقت نفسها واقفه وماسكه جهاز اشعة القلب بعد ماصحصحت شوي همست:رعد متى نخلص تعبت وانا واقفه
وصل لها صوته:شوي
ردت سكرت عيونها لثواني وفتحت وهمست بتعب والدنيا مسوده حولها:خلصنه
وصل لها صوته البعيد:اي
ابتسمت براحه وتركة المسكات وماحست الا بسواد وشكل السقف
تحرك رعد بسرعه من شافها بتطيح بمساعدة الممرضه
رعد بخوف:شفيها
الممرضه بتوترe:لقد اغميه عليها
رفعها رعد بسرعه وهو يحطها على الوچير ودف فيها للغرفه اما الممرضه فصارت تضرب على خدها وتنادي على اسمها
فاصحت شموخ وهي تحسهم ينادون باسمها اجابة بخمول:هااا
وصلو لغرفتها وساعدها تتمدد على سريرها ومد لها مويه
جا الدكتور بسرعه وهو يكشف على ضربات قلبها:لا الحمدالله مش مشكلة القلب
ناظر لجنب السرير ثم للممرضهe:الم اخبركي ان تضعي لها مغذي بعد تلكك الابرره
الممرضه بصدمهe:اوو انا اسفه لقد نسييت
الدكتورe:نسيانك هذا كان سيقتلل المرييضضهه اذهبي واحضريه بسرعه
راحت الممرضه وثواني وجابته وحطو لها مغذي وجابو لها وجبه تاكلها
جلس رعد بتعب بس قاطعته ممرضه ثانيهe:اولا هي سوف تجلس هنا ليوم كامل من اجل كيس الدم وتخرج بعدها واحضرت نتائج التحليل اللذي طلبته والنتائج اجابيه
ابتسم بصدمه:حقاا
ناظرت له شموخ بتعب:وشو ذا وش ايجابي
مدة الممرضه الملف لرعد وطلعت
ناظر لها وهو ناوي يشوف ردة فعلها:يوم قبل بشيلونك سحبو منك دم للفحوصات وودوك للاشعه وسألتني لو حامل او لا عشان تلبسك ستره لو حتمال حامل تحمي الجنين من الاشعه
شموخ بخوف من المجهول:طيب
رعد بحذر وعينه عليها:خذت من الدم وحللت حمل والنتيجه ايجابيه...يعني انتي حامل
ناظرته له بهدوء ونزلت دمعه من عينها
تقدم رعد لعندها وبقهر:لهدرجه ماتبين مني عيال هه
مسحت شموخ دمعتها:لاا والله مو كذا بس انا خايفه..خايفه يصير مثلنا
جلس وبستغراب:مثلنه؟
شموخ بقهر وهي تناظر له:اي مثلنه يوم اهلي ماتو عماني مارحموني وانت تدري وانت حتى وانت ولد ماسلمت ظهرك كله اثار ضرب اخاف اذا صار لنه شي منو بيشوفه منو بحرص عليه ماابي يعيش مثلنه
رعد لثواني حس براحه: لاننه عشنه هشي ماراح نخلي عيالنه يجربونه...وبعدي جدي موجود وجدتي موجوده وبنات عمي ماتحبينهم؟ هم بعد موجودين وبعدين الاعمار بيد الله محد يدري متى يومه ولاعاد اسمع منك هلكلام...انا طالع شوي
قام طالع تاركها تفكر بكلامه
_______
ببيت ابو عادل
عبير وهي ماسكه الضحكه:شلونك بعد امس
امل وهي تعدل شعرها بتعب:متكسره المهم اسالي الدكتور متى اطلع
عبير:بس يخلص المغذي تطلعين
دخلت ام عادل:يبنات تدرون حرمت رعد موجوده بلمستشفى
امل بصدمه:والله عسى ماشر
ام عادل:الظاهر تعبت عليهم وطاحت
عبير:انا قلت لكم في وحده عينها حاره وعطت امل وشموخ يوم يرقصو كل وحده وحده ههههههههه
دخلت الممرضه وهي تشيل الابره:خلاص يقدر يطلع
قامت امل وعبير ماسكه بيدها:يمه بنروح لها شوي
ام عادل:بسرعه واما انا بجي لها العصر فشله ادخل ويدي فاضيه ولا انتن مابكم حيا
مسكت عبير ضحكتها ومشت مع اختها
اسالو ابوهم اللي اتصل على رعد وقال له مكان الغرفه
توجهو البنات لصوب غرفتها ودخلو:سبرااييزز
ناظرت لهم شموخ بصدمه:وش جابكم هنا
عبير وهي تدخل وتسكر الباب:هههه امل امس تعبت وجابوها
شموخ ناظرت لها بصدمه:والله عسى ماشر
امل:اقول ترى حتى انتي اخخ بس الله لا يوريك
جلست عبير:تخيلي من اول مارحتي شغلو بعد اغنيه ورقصو الا الهبله امل راسها عورها وتمشي عند امي وتصرخ يمههه والا تطيح مغمى عليها ويمسكونها الحريم يقال يساعدونها ويجرون بشعرها ويكبون على وجها مويه كل وحده مستلمه جزء من شعرها تجر فيه واللي شوي وتقص فستانها نصين والله فلمم هنديي ههههههه عاد بعدين دخل سامي وشلها ياحرام الحمدالله انه سوسن غطت وجها لايخترع
امل:هييي
عبير:ههههه وجابوها هنا وانا شاكه من عين وحده والله اجل اثنينكم تطيحون لا اله الا الله
شموخ ببتسامه:يمكن...المهم بنات
امل وعبير:عيونهم
شموخ بهدوء:انا حامل
امل :...
عبير:....كذاااااااااابههه
امل:يمه بتصيرين ام يايمه بسم الله هههههههه لااا مايصلح يمه شموخ ههههههه
ابتسمت شموخ بحراج:هييي وشو مايصلح اصلا حاصل له اللي يقول لي يمه
عبير:يويلي بدينه غرور انتي حتى على عيالك مغتره
شموخ:هههههههه اكيد
امل:والله كنت شاكه والظاهر انك متوحمه على ابو العيال(وبغمزه لعبير)ههههههه
عبير:ههههه اخخ مايصلح هههههه
ابتسمت شموخ بهدوء:تدرون اول ماكنت ابي خفت شوي
امل:بلعكس شوفي من النواحي الايجابيه بتصيرين ام بيصير لك ناس تحبك وتضحي عشانك بتتغير حياتك وروتين حياتك
والاحلى بتكونين اسره ام واب وطفل عايله بلمختصر
ابتسمت شموخ بهدوء:عايله...الحمدالله
امل:المهم امي ولله بتذبحنه لو تاخرنه بنجيك علعصر ان شاءالله وقولي اللي بخاطرك ونجيبه
شموخ:اي ابيي
عبير :وشو
شموخ وهي تبلع ريقها:ابي انناس معلب اخخ حدي ابيه
امل:هههه بدينه وحام يوصل لك ان شاءالله
طلعو امل وعبير
على دخلت رعد:ها ان شاءالله استانستي
ابتسمت بهدوء:اي...وبعد الحمدالله
رعد وهو يجلس:وش!
شموخ ببتسامه وهي تناظر له:لاني حامل
ابتسم وهو يمسك يدها بستهبال:اي هذي حرمتي مو
اللي اولي شكلهم امبدلينها
شموخ بصدمه:هييي
رعد:ههههه امزح
_________________________________
وتم نوقف هنا لاتنسون توقعاتكم

وش بيصير بعد ملكة عبير وفهد؟!!

ملكة حمد اللي بعد اسبوع؟!!

سوسن وهتان؟!

امل وسامي؟!!

الحرمه ام عيون ههه؟؟!

شموخ وخبر حملها وش بيصير؟.!!

منى المقروده خطيبك حمد؟؟!!

وليون ولد جولي ؟!!!

رايكم بلبارت؟!!

دمتم بخير
__________________________________
للمعلوميه متابعين روايتي اللي بحسابي الاصلي كانو معاي سنه ونص وانا انزل ببارات هروايه سنه ونص وانتو بمده قصيره ومرات انزل جمله وهم ينطرون البارت فا لاتبخلون بتعليقات