الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت الواحد والثلاثين

البارت الواحد والثلاثين:

:
&
:
&

بسم الله..لا اله الا الله..الله اكبر..استغفرالله..سبحان الله..صلو على من بكى شوقآ لرؤيتكم
__________
مر اسبوع
على موت جولي
:
يمر اشخاص بحياتنه كلمح البصر...
ولكن تبقى ذكراهم اكثر من غيرهم...
:
في مطار السعوديه الساعه١م
تمشي بخطوات اكثر مايقال عنها الهدوء
خلصو الاجرائات الاعتياديه
وعينها تتنقل على العائدين معاهم
من حضن اهله ومن سجد شكر لرجوعه لسعوديه بعد الغربه ومن هو حزين ويريد التجول اكثر ومن كان بسفر علاج وعاد خائب والبعض بشفائه
كملت تمشي معه لحتى طلعو من المطار
ركبت قدام وهي ترخي راسها على ورا وتسكر عيونها عساس انها نايمه
لدقايق حتى حست بسياره تحركة
الهدوء حولها صح
بس اللي ببالها ارهقها من ازعاجه
واللي هو التفكير
مزاجها تعبان لجل صديقتها
وانتقام ابوها وامها وصار
والشركه ورجعت لهم
شنو تسوي الحين
تحس بفراغ
وكانها نست هلحظه تفكر فيها
وهي بعد الانتقام وش تسوي! تسكر على نفسها
ولا تكمل حياتها وتعيش
تعيش...كلمه ماكانت ضمن قاموسها
فكل اللي كانت تسمعه(ليتك ميته مع اهلك..الله ياخذك..ان شاءالله نفتك منك..الخ)
ابتسمت لثواني بسبب الفوضه اللي تصير بتفكيرها
اخذها الوقت بتفكير حتى وصلو للبيت
انزلت معه ودخلت للبيت وكان بحالة فوضه تقريبا من الخدم المنتشرين
صادفت الجده اللي سلمت عليها وتحمدت لها بسلامه
تسألت شموخ بستغراب:عندكم اليوم شي؟
الجده ناظرت لها بستغراب لثواني وبضحك:هههههه شكله التعب ماثر عليك عاد قايل رعد انه بتنامون بطياره لاني مجهزه اليوم عشا لكم لسلامتكم وخفت تجون تعبانين
ابتسمت شموخ بتسليك وهي ودها تمسك رعد وتكفخه:لا عادي بس لانه ماقال لي فا استغربت
الجده وهي تمشيها لصوب الدرج:اجل يله روحي فوق وشوفي شغلك واذا ناقصك شي قولي لي وترى بيجون قريب٦ بس انتي لاتنزلين الا متاخر شوي
شموخ ببتسامه:ان شاءالله
طلعت شموخ الدرج بتعب
طلعت مفتاح جناحهم وهي تفتح الباب برهاق وقبل تفتحه انصدمت بلي ضربها من ورا ويد لتفت حول خصرها وراس شخص على كتفها جات بتلف بس وقفت من سمعت ضحكهم:وقفتو قلبي
بعدت عبير راسها من على كتف شموخ
اما امل فا فلتت يدها عنها:بسم الله على قلبك اقول شكلك تحفه وانتي منصدمه من موضوع العشا
فتحت شموخ جناحهم ودخلت وهم وراها عقدت حواجبها لثواني ثم ناظرت لهم:في احد دخل هنا؟
عبير وهي معقده حواجبها:امم اي اتوقع جدتي دخلت بروحها مع الخدم واشرفت عليهم ينظفون الغرفه
ابتسمت شموخ وهي تجلس:اها عشان كذا اشم ريحه حلوه
امل وهي تجلس قبالها:اي تلقين حاطه بخور ومعطره المكان
ابتسمت لثواني:زين كنت محاتيه ارجع اللقى المكان غبر ههه
امل:اقول وش به وجهك كذا قالب
شموخ ابتسمت لثواني بهدوء:ص...لا ولا شيي
امل ناظرت لها بتمعن لثواني ثم وقفت:اوك اجل نخليك بس جينه نسلم عليك...(ناظرت لعبير)يله امشي نجهز للعشا يمكن نلقى لك عريس هههههههه
عبير وهي تمشي بجنب امل :ياهبله عريسي جاهز هههههههه
طلعو البنات تاركين شموخ اللي لثواني استغربت لكلمة عبير بس ماهتمت كثير
قامت متوجهه لغرفتهم شالت الحجاب من عليها والعباة
فتحت الكبت وهي تطلع بجامه دافيه
دخلت للحمام وهي تاخذ شور دافي عسريع
طلعت وهي تنشف شعرها بطلت التكيف على اعلى شي ناظرت للباب بستغراب"غريبه ماجا"
سكرت النور بعد ماضبطت المنبه عساعه٦
غاصت بدفى الفراش متناسيه كل شي حولها وتاركه الوقت يحل مابقى ولو بيدها نامت اكثر همست ببتسامه ناعسه:ودي ادخل بغيبوبه وارتاح....
_____
في نفس البيت
بس بمكان ثاني
جالس بلمجلس مع الجد ويسولف له
وهو وده يقوم يبدل ويرتاح شوي قبل وقت العشا
ناظر لساعه واللي كانت قريب ٤
الجد:الا اقول متى نشوف عيالك هاه
ابتسم رعد لثواني على هطاري ومر بباله شموخ ورد اللي كانت ممكن ترده"لما تحج البقر على قرونها تشوف عيال مني"
ابتسم وهو يرشف من القهوه ويستنشق ريحتها اللي تقعد الراس
ناظر له الجد بتمعن:انهبلت جالس تبوسم
ناظر له رعد بهدوء:ان شاءالله ياجدي انت بس ادع
قام من مكانه:انا رايح اريح شوي قبل مايجون المعازيم
وقف عند الباب وهو يلبس جزمته ووصلت له كلمة الجد اللي يرشف من الشاهي ويطالع لقدام:اي روح ريح وانا ابوك جيل خربان مدري وش يسوي فوق مايجيب العيال الا بطلعت الروح
شرق فهد بلمويه اللي كان يشربها بضحك وعينه على رعد:هههههههههه اخخ ياجديي ههههههههههههههههههه
وصلت له جزمته اللي تفادها من رعد:ههههههههه يسألك شدوبر(شنو تسوي=شتهيب) فوق انا شكوو هههههههههه
رعد وهو طالع:نشوف عيالك انت يالسخيف
طلع رعد لفوق عسريع وهو ماله خلق يقابل احد بعد
دخل لجناحهم والهدوء كان ساكنه
عقد حواحبه بستغراب وبهمس:وينها..؟
دخل لغرفتهم واستقبله برودة التكيف والظلام
مد يده لحتى لمس مفاتيح النور شغلهم بستغراب حتى شاف السرير اللي كانت شموخ مكوره فيه بلبطانيه البيضه ومايبين منها الا شعرها
ابتسم بهدوء:نايمه
رجع سكر النور من حس عليها انزعجت
شغل كشاف جواله وطلع له منشفه ولبس وتوجه للحمام ياخذ شور بعد ماخفف عتكيف وبهمس:ناويه تمرضنه الحبيبه
طلع بعد مده وهو ينشف بشعره
توجه لصاله وخصيصآ للمطبخ
سوا له شاهي وبهمس:كان سوت لي كوفي اقعد راسي فيه ...هذي حاله
اخذ شاهيه وراح جلس علكنب يرشف منه وعلى راسه المنشفه ينتظر تروح المويه من على شعره ويعطيها نومه ابو ساعتين
نزل الشاهي عطاوله اللي قدامه وقام بعد ماحذف المنشفه علكنب متوجه للغرفه والنوم ذابحه
دخل للغرفه وهو يسكر الباب وراه
توجه لجهه الثاني من السرير وهو يتمدد سحب البطانيه من عليها وهو ياخذ جزء منها
لاحظ انزعاج شموخ اللي رجعت سحبت البطانيه
ناظر لها بعتب وبهمس:شنو حتى على هذي محاشرتني؟؟
سحبها مره ثانيه وهو يعطيها ظهره
لثواني حتى حس فيها لاصقه بظهره وهي متكوره على حاله
ابتسم لثواني وبهمس:لاتشوف نفسها الحين وتنصدم ههههه
غمض عيونه لثواني محاول ينام
قام وهو يناظر لها لثواني:شنو بيصير يعني لو سويت كذا؟؟
رد تمدد بس هلمره قلب جهته لها
حوط يده حول خصرها وهو يقربها له
دفن وجهه صوب رقبتها وشعرها ببتسامه وهمس:مايضر استغلك شوي....
_______
بعد ساعتين وربع
سلمت الجده على ام سعود وهي ترحب فيها
ام سعود:الا وينها بنيتكم ماشفناها ولا رعد
الجده ببتسامه متوتره:موجودين يالله حيهمم
ام سعود وهي ترشف من القهوه:يحييك
قامت الجده وهي تفرك بيدها حتى شافت امل:تعاليي تعاليي
وقفت امل وهي تعدل بدلتها:هلاا
الجده:وينها شموخ ماجات
امل:يوووه ليكون ماصحت
الجده بعدتها عنها وهي تصعد لفوق تاركه امل تناظر لها بصدمه
وصلت لباب غرفتهم وهي تضرب بخفه استغربت انه محد رد عليها
حطت يدها على مقبض الباب وفتح معها استغربت لثواني انهم ماقفلو
ادخلت بستعجال وهي تنادي عليهم:شمووخ يمه؟؟
ناظرت لباب غرفتهم المسكر توجهة له وهي تفتحه
استغربت من الظلام حطت يدها علجدار وهي تتلمس المفتاح حتى افتحت النور
ناظرت لصوب السرير وهي تتقدم له وعينها على رعد اللي كان حاضن شموخ ونايم ومو باين وجهه اللي كان بين رقبتها ابتسمت لثواني:اي العالم تحت وانت نايم(وبصوت شبه عالي)رعدد...ياارعد اصحى..الناس قد وصلت وانت خامرن مكانك
تحرك رعد بانزعاج وهو يبعد يده العلويه عن شموخ
ويحرك شعره لثواني حتى فتح عينه وبصوت ناعس:هاا..
الجده وهي تسكر التكيف:قوم الساعه٦ والرجال قد جو وانت نايم هنا
بعد رعد يده من تحت شموخ وهو يجلس ويناظر حوله لثواني ثم ناظره لجدته:يله شوي نازل
الجده:اقول ماعندي هلكلام انا...قوم وانا بصحي شموخ على ماتلبس
ناظر رعد لشموخ لثواني وقام وهو يبتسم:ياجده شلون دخلتي؟؟
الجده وهي تروح لجهة شموخ:لاقيه الباب مفتوح لو داخل(ن) عليكم احد غيري وش بتسوي هاه
رعد قبل يدخل للحمام وبضحك:اللشطه بعصاتك
ضحكت الجده على كلامه:ههههههه اي مالك الا انا وعصاتي
دخل رعد لحمام وراحت الجده لشموخ وهي تحرك فيها:يابنت اصحي
شموخ بنعاس :فارق...
عقدت الجده حواجبها بنتقاد:يابنييه قووميييي شموووخخ
تحركة شموخ بتعب وبصوت باكي:ابيي اناااامم...
طلع رعد من الحمام وهو يناظر لوضعهم:ماصحت..؟
الجده بتعب وهي تجلس:مثل ماتشوف
تقدم رعد لعندها وهو يمسكها من يدها ويوقفها علارض ويمشيها معه وهي لين الحين مكمله نوم
دخل فيها للحمام وهو يفتح المويه ويعبي بيده ثم حطه بوجها
عفست شموخ وجها بعصبيه وهي تمسح وجها:اوففف..
اخذ رعد بيده مويه بعد ورمى على وجها
صرخت شموخ بقهر:صحيت خلااص اوف...
بعدت عنه بتعب وهي تمشي لحد السرير وترخي نفسها بنعاس:اوفف...الساعه كم
وصل لها صوت الجده وهي توقف:الساعه٦ ونص قومي يله انا نازله لاتتأخرين
عدلة شموخ قعدتها وهي تبعد شعرها من على وجها وبعض الخصل المبلوله من المويه اللي جات على وجها وبستغراب لثواني من انه الجده عندهم همست بـ:طيب
طلعت الجده وهي تسولف على نفسها
اما شموخ فا غطت وجها بيدها لثواني وتأثير النوم لاعب فيها
قامت وهي تحاول تصحصح
تعدت رعد ودخلة للحمام
اما رعد فا راح لصاله ياخذ لبسه اللي وصى الخدم يكوونه ويبخرونه ومخلي الباب مفتوح لجل يدخلونه بس يخلصون ويحطونه
اخذ ثوبه من العلاقه ولبسه وهو يعدل شكله بلمرايه
توجه للغرفه وكانت شموخ جالسه قبال التسريح تحط مرطب
صار واقف وراها تقريبا مد يده للكبك(زينه بكم الثوب للرجال)وصار يركبهم
عدل نسفته وبعد ماتاكد انها تمام اخذ من العطر شوي
ناظر لها وهي تعدل شعرها:انا طالع لاتتاخرين بنزله
ناظرت له بهدوء:ماشاءالله عليكم تخلصون بثواني وحنى نعابل سنه بشعرنه
ابتسم بهدوء:مشكلتك ياحلوه
طلع تاركها تعابل بنفسها على قولتها
_____
تحت بصاله الرئيسيه
كانت اصوات الحريم وسوالفهم هي الحدث الرئيسي
جلست سوسن بجنب البنات بهدوء:اقول وش بهم عماتي من اول؟
امل بستهزاء:يدورون عروسة الغفلا حق احمد هههههه
عبير:هههههههههه مقروده والله اللي بتطيح فيه
ضحكو سوسن وامل على كلمة عبير:ههههههههههههههه
في جهه ثانيه قامت الجده
طالعه من الصاله وابتسمت من شافت شموخ نازله
لابسه تنوره سوده ضيقه لين الركبه بازرار بلون الاسود بحجم متوسط من بنص من بدايتها لين نهايتها وتيشيرت حرير ابيض بكمام نازله عن الكتف وقصيره وعقد ناعم علرقبه وشعرها مسيحته وماسكه جزء على قدام وجزء ورا بحركه بجهة الغره(القذله)
وبميك اب بسيط وناعمه لاقصى درجه
وكعب شبه عالي اسود
وخلخال ذهب برجل وحده
مسكتها الجده من يدها وهي تسمي عليها:اقري على نفسك
ابتسم شموخ بمجامله:قريت يايمه
الجده وهي تشم ريحة عطرها:ياحلو عطرك يهبل عود؟
شموخ:اي..ماشاءالله عليك عرفتي من ريحته
الجده:اي وانا امك
شموخ:طيب ادخل اسلم علموجودين؟؟
الجده:لا اصبري اول خنادي على رعد خالاته موجودين وعماته بيسلمون عليه اول خل يجي بعدها تدخلين تسلمين واصوت(وانادي)للبنات يطلعن يدخل وراك
شموخ بستسلام:طيب
دخلت مع الجده لغرفه
و وقفت قريب من المرايه تعدل بشكلها
اما الجده فا اتصلت على رعد
اللي قد سلم علرجال وخلص
تمم لها انه جاي
وصحيح ثواني
ودخل رعد لصاله اللي كانت فاصل بين المجلس وصالة الداخليه
صد بصدمه من شاف البنت اللي معطيته ظهرها بشعرها الغجري بطوله الفاتن وتعدل شكلها بلمرايه:يايمه الله يهداك
ضحكت الجد ولفة شموخ بستغراب:حرمتك ذي يامك
قلب وجه احمر من الاحراج وهو يرد يناظر لهم:ادري بس استهبل
لاحظ ابتسامت شموخ المستهزئه وهي تلعب بشعرها بطرف اصبعها بلع ريقه وهو يبعد عينه من عليها من زمان ماشافها كاشخه او لابسه لابس يوضح فيه معالمها الانوثيه
الجده:اقول لك بتدخل تسلم علحريم وبعدها بنادي عليك تسلم على خالاتك وعماتك(عماته= خوات جده منهم الصغار)
رعد وعينه على شموخ بين كل ثانيه وثانيه:ابشري
طلعت الجده وهي تنادي على شموخ:يله تعالي
جات شموخ بتروح بس وقفتها يد رعد وعينه عليها
ناظرت له بستغراب:وش؟
رعد وعينه عليها ويحس مو قادر يركز بشي واحد كل شي يجذبه:احمم..شلبس هذا
ناظرت للبسها بستغراب:شفيه...ايي عشان عادي ...تدري مالي خلق وماصار لجولي وقت متوفيه وماكان لي نفس اساسا اكشخ خذيت اول شي قدامي
همس وجبهته لاصقه بجبهتها وانعدمت..المسافه..بينهم:كل هذا وعادي
تكلمت برتباك وهي تحس انفاسهم تتصادم:جدتك تبيني نتكلم بعدين
ثبتها من خصرها وهو داخل مزاجه الجو:وش بك مرتبكه
ناظرت لعيونه لثواني ثم بعدتها بحراج من قربه:من قال
قرب اكثر لها بس قاطعهم صراخ الطفل بـ:اميرتيييييي
بعد عنها بانزعااج:الله واكبرر عليييككك
ابتسمت شموخ لثواني من قهره
نزلة لمستوى عادل وببتسامه:عمر وروح وقلب اميررتك
ابتسم عادل بحراج وهو يحضنها:يالبيييه تهبليين
ضحكة شموخ بصدمه:ههههه من علمك هلكلام انت
بعد عادل عنها وهو يبوسها من خدها:العيال...ههههه شكلك مرره حلوو ومزززه
ماتت ضحك على كلمه وهي تقرص خدوده:لاا عييب هلكلاام
عادل بزعل:طيب بس انتي حلوه(ناظر لرعد)انا ابيك حقي... لي هو ياخذك داييم؟
سحب رعد شموخ لصوبه وبتحدي:زوجتي يعني حقي... اكبر وتزوج لك وحده
عادل ناظر له لثواني:لااااا...هي قالت انا زوجها لما اكبر مو انت ههههه انت خبل ماتعرف؟؟؟
ناظر رعد له بصدمه:هيي يابزر فارق يله اشوف
ابتسمت شموخ على شكلهم
بعدت عن رعد وهي تمسك عادل من يده وتطلع لسانها لرعد بلعانه:انت اللي روح(ناظرت لعادل وببتسامه)يله تعال ندخل داخل اسلم على حريم
ابتسم عادل وهو يناظر لرعد بخوف :يله
طلع عادل مع شموخ ببتسامه تاركين رعد بمكانه منقهر
______
ناظرت ام حمد لمنى اللي جالسه بهدوء بنعومتها:هذيي باخذها  بنت ام خالد لاحمد ولدي
ناظرت ام شذى للبنت بتمعن:اي حلوه وباين ماعندها لسان اخذيها عشان متى مابغينه نسكتها
ام احمد:خلاص اجل بعد مانتعشا بكلم امها اخذ رقمها وعاد بسال عن بنتها وبتعرف اني بخطبها
ام شذى:طيب زين تسوين
من جهه ثانيه
قامت منى وهي تروح لجهة المغاسل تعدل روجها بكل هدوء
ناظرت لحرمه تتوضى ببتسامه:يمه اساعدك
الحرمه:اي والله ماعرف وين المويه الدافيه اقلب فيها تطلع بارده
ابتسمت منى بهدوء وهي تساعد الحرمه
خافيه عن اللي بيجيها
_____
دخلت شموخ تسلم علكل بهيبتها المعتاده
"اقبلت فخامة الزين مغروره...من حلاها غطت الحفل وحضوره"
جلست بهدوء
وهي تبادل الكلام مع من حولها
اللي يسألها عن حالها
وعن السفره
وغيره من سوالفهم
وكلها دقايق حتى طلبت الجده من البنات يدخلون لصاله الجانبيه لانه رعد بيدخل يسلم
وصحيح قامو البنات يجلسون بصاله الجانبيه
دخل رعد وسلم على اهله
وجلس وبدو يسالون عن الحال والاحوال
وش سويت وشلون الجو والخ
ناظرت ام سعود لشموخ:قومي قهوي زوجك
ناظرت شموخ ببرود للخدمه الموجوده(خدمه تقهوي)"هذيل وش فايدتهم"
قامت بعد دقيقه من كلمتها وتوجهة لصوب القهوه اخذت فنجال وهي تقلبه بين يدها وبليد الثانيه الدله
تقدمة لعنده وهي تصب له
مدة له الفنجال:تفضل
اخذه منها بهدوء:زاد فضلك
ردت جلست بمكانها وهي تحط رجل على رجل
تناظر لهم يسولفون
وكلها دقايق واستاذن رعد
ودخلو البنات
بدا الكل يسولف
لين وقت العشا
_____
في بيت ثاني
بعد ماخلص العشا
ابو احمد:ها لقيتي البنت؟
ام احمد:اي واسمها منى حليوه وماعليها شر
ابو احمد:كلمتي اهلها؟
ام احمد:ايهه خذيت رقمهم وعلمتها بلعلم
ابو احمد :خلاص اجل نروح لهم نهاية الاسبوع باذن الله
ام احمد(ام نور):ان شاءالله
____
نور بغرفتها وعلجوال:سمعتي
شذى:وش؟
نور:امي بتاخذ منى بنت ام خالد اللي جدتها ام سعود؟؟ لاخوي احمد
شذى:هههههه وييي احلفي والله ان نجرم فيها
نور:هيي نعم مرت اخوي انتي شكو؟؟ المهم بعلمها انها تخاف مني عشان ماخلي اخوي يطلقها
شذى:ههههههه ياخبيثثه اي ياعمري طبيعي بتحترمك عساس ماتقولين لاخوها وتنهين مستقبلها ولا اخوك اذا طلق عاديي مايضره يتزوج ثلاث غيرها
نور وشذى:ههههههههههههههههههههه
_____
في بيت ام سوسن
فهد باصرار:يبه قلت لك انا ابيك بكرا تروح تخطبها انتظرت لين رجع رعد وصار اكثر من اسبوع
ابو فهد بحزم:يولد اثقلل شفيكك بكرا بروح لامي واقول لها وتاخذها لك ولا تبي شهد تروح(مرته)
فهد عفس وجهه:لا جدتي ...بس ختروح من الظهر
ابو فهد:طيب انت بس قول ان شاءالله
فهد بقلة صبر:ان شاءالله
____
في جناح رعد وشموخ
جالسه عتسريح تفك الحلق
بعد ماكانت جالسه مع الجده تسولف شوي
قامت بهدوء متوجه تغير ثيابها
وقفتها يد رعد:على وين
ناظرت له بستغراب:ابدل وين يعني بروح مثلا؟؟
ابتسم بهدوء وعينه بعينها:وانتي دايم لسانك طويل
ناظرت له وهي تمثل الصدمه:انا؟؟
ضحك بستمتاع وهو يسحبها من خصرها لحتى لصقت فيه وبهمس:في غيرك مني مثلا؟؟؟
ابتسمت بحراج:امم لاا
عجبه وضعها وهي متسايره معه:شكلنا بنسهر اليوم
همست بخجل:اساسا شبعت نوم
ابتسم علجنب وهو يقربها لها اكثر ووو......
.......................
...............
.........*_^
_________________________________
تم نوقف هنا ولاتنسون توقعاتكم.؟!!

وش بيصير بعد ماخلصنه من موضوعنه المهم؟

منى المقروده؟؟؟!

فهد وخطبتنه لعبير؟؟!

زواج امل وسامي قريب!!!!

سوسن وهتان وش بيصير بعد مايرجع من تعليمه.؟؟!!

شذى ونور واللي يخططون له للمسكينه؟؟!!'

مرت ابو فهد مختفيه.....!!

شموخ ورعد؟.!!!

دمتم بخير
____________________________________
شرايكم بلبارت الجمييل
عن نفسي عجبنيييي😻♥️