الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت الثالث والثلاثين والاخير

البارت الثالث والثلاثين والاخير:

:
&
:
&

بسم الله..ولا اله الا الله..استغفرالله..الله اكبر..سبحان الله..صلو على من بكى شوقآ لرؤيتكم
________
بعد اسبوع
انتشر خبر حمل شموخ واللي كان ببداية اسابيعها
طلعت من المستشفى بعد اللي صار بيوم
وصرفو لها حبوب مثبته وحديد وسو لها ملف لمراقبة حالتها
واليوم كان ملكة حمد على منى
في بيت الجده
شموخ بملل:طيب والله ماني برايحه
رعد وهو يرشف من الشاهي:غصبآ عنك اصلا
قام قبل تعور راسه بلسانها
نزل على صرختها:خير ان شاءالله
استغفر بهمس وكمل ينزل ولقى الجده اللي جالسه جلس بجنبها بملل
الجده:وش بك
رعد تنهد:مافي شي
ابتسمت الجده بهدوء:ياوليدي هذا الوحام معروف بغثاه وانطر عليها معروف لاتوحمة عليك ينقلب الوحام بعدين
ناظر لها رعد بستغراب:شلون يعني
الجده:يعني الحين ماتدانيك بس تخلص من وحامها تقلب وتصير ماودها تفارقك ونفس حريمآ واجد يتوحمآ على اكله ولا خلص كرهوها ولاياكلونها
ابتسم رعد:عاد مطولين لين مايخلص وحامها شكلي بنام برى البيت بسبته هههههه
قامت الجده وهي تعدل عباة الراس:قوم بس وصلني لبيت البنت تاخرنه
قام رعد وهو يساعد جدته
متوجهين لملكة حمد
____
نروح لشموخ اللي كانت جالسه عسرير
وماودها تتحرك تخاف توقف ويطيح البزر ولا تمشي وتفر بلبزر ولا تركض مني بيوقف قلبها تحس بتجي للبزر كفوف بكل مكان
حطت المخده بحضنها وفوقها اللاب
وفتحت على منتدى سيداتي وصارت تبحث عن امور الحمل ومراحله وتقرأ بتمعن وتدقيق
لحتى وصلت للولاده
عضت اصابعها بخوف وهي تقرأ تجارب الامهات
ومن بينهم وحده كاتبه انه موية الجنين انزلت ولو ماوصلت بلوقت المناسب كان ممكن يصير له شي
سوت بحث عن شلون تعرف اذا بينزل المويه
وكان الجواب بوقت الطلق والغالب مايحس فيه لانه عباله
الام الحمل العاديه
همست بخوف:يويليي واذا صار لي شي ومحد عنديي
كملت تقرا وكانت اغلب التعليقات انه بوقت توصل شهرها ماتخلي زوجها يتركها عساس ممكن بأي وقت تولد همست بتفهم:اهاا حلو حلو
كملت تقرا لين ماحست انها فهمت
سكرت اللاب بتعب وهي تتمدد خذت نفس ولثواني همست:يوييليي انا بصير ام..!!!! امبييه بيصير عندي بزران واربيهم ويقولون لي ماما ويصيرون الناس ينادوني ام فلان واصير حرمه خلاص!!! ولا وقت المدرسه ادرسهم وبعدين يتخرجون وادور لهم عرايس..الله ودي كذا سريع اجي لوقت مااشوف احفادي هههههه(حطت يدها على بطنها وبهمس)احلى شي بلموضوع هو الاحفاد احسني عكس الناس ودي اشوف احفادي اكثر من عيالي ودي اصير جده بسرعه هههههه
انسدحت علجنب وهي تسكر عيونها محاوله تنام تريح شوي لحتى الليل عشان بس تقوم تسولف مع امل وعبير وتاخذ اخر اخبار الملكه
____
بوقت متاخر من الليل
دخل رعد وهو ينزل الشماغ
ماستغرب الهدوء بحكم الوقت
توجهه للغرفه ومثل ماتوقع كانت نايمه
ابتسم بهدوء لشكلها اللاب بجنبها ومو متغطيه ويدها ماسكه بلاب
توجه لها وهو يبعد اللاب بهدوء ويحطه علكومدينه
غطها بلبطانيه
توجهه لغرفة التبديل
غير لبسه وثم توجة لعندها شالها بخفه وهو يبعدها عن مكانه بما انها ماخذه نص السرير بنومه
تمدد بجنبها وصار وجهه بجهتها تأملها ببتسامه وبهمس:متحمس لوقت ولادتك..وقتها بنكون عايله ام واب وطفلنا ماراح نكون زوجين كل واحد يتيم من جهه وبس...(تنهد )
وقربها له دفن وجهه بشعرها وهو يستنشق ريحة شعرها الحلوه ابتسم بنعس لحتى نام بين احضانها
______
الصباح
قامت بانزعاج من الثقل اللي منحط على شعرها
ناظرت بستغراب لشعر رعد ووجه علمخده وشعرها تحته:يالله صباح خير..اوفف احسس بستفرغ(صرخت بقهر) باخيي وخرررر...
تحرك رعد بانزعاج:اوفف وش بكك
قامت شموخ بلوعه وهي تتوجه للحمام وتستفرغ
فز رعد وراها وبخوف:بسم الله وش بكك
صارت تكح بقرف وهي تغسل وجهها:اوفف ياخيي انت ماتترووش ريحتكك قرفتنيييي وبعدينن نعم نايم بجنبي ياخيي ابعدد...
ناظر رعد لها بصدمه:هي هيي...قلنه وحام بس خفي شوي
بعدت عنه طالعه لصاله وبيدها منشفه تمسح وجها
ناظر لها رعد بقهر:ترى متروش امس روحي افحصي خشمك احسن لكك
دخل للحمام بعصبيه وهو يصفق بلباب
____
الجده:هههههههههههه ماعليك قايله لك الوحام يدبل الجبد يجيب التعب انت ماعليك غير تتحمل عليها شوي ترى حتى صوتك تكرهه وتحسك تصرخ وانت تتكلم عادي
شرب رعد الشاهي وبقهر:اي شوي احترام وش تقولها بوجهي كذا
الجده:اللي يبي له بزر يتحمل كلها فتره وتعدي وتولد بسلامه
ابتسم رعد بحماس:هذا اللي مصبرني والله كله يمر فدا للحلو اللي شايلته
ابتسمت الجده وهي تكمل فطورها
نزلت شموخ وبحراج من رعد جلست بجنبهم وسمت بالله وبدت تاكل
الجده:اقول ترى عرس امل بعد شهرين
شموخ ببتسامه:الله يهينها اي ادري وقد اخترت وش بلبس
الجده:ديري بالك على عمرك وانا امك الحريم مايعطون خير
شموخ بهمس:ان شاءالله
الجده:الا وش بتلبسين
شموخ ابتسمت بحماس:لبس يطير العقل متحمسسه الف عشانه ههههه
الجده وهي تقرص بعيونها:تراك حامل خلي لبسك راكد
شموخ :ماعلي والله بلبس وبكشخ وترى مااني اول وحده تحمل ولا اخر وحده
لكز رعد شموخ برجلها من تحت الطاوله وهو يعطيها نظرات حاده
اشرت له بحواجبها يعني وش
ناظرت يده وهو يسوي علامة المقص"بمقصد لسانها الطويل
مسكت ضحكتها وهي تناظر لصحنها:احمم بس ماعليك جده بقرا المعوذات واللي كاتبه ربي بيصير
ابتسمت الجده بهدوء :اي هذا عين العقل
ناظرت لرعد بمعنه شرايك ولاحظت ابتسامته وهو يكبحها
وكملت فطورها
____
ببيت ابو عادل
امل علجوال:ايي واقول لك وتجي ذيك البنت وجات بتسحب بشعر عبير كل هذا عشانها ماخذه فهد.....لاا ياهبلهه مو لانها تصير بنت خالته وتحبه من زمان....ههههه سوري والله وش بك كلها هبله المهم والله وامسكها واعفشها من شعرها واللي نعمم خيير وش تبغين باختي....هههههههه اي والله ماتستحي على وجها فوق شينها قوات عينها تحسب اننه بمسلسل تركي ....المهم جهزتي للمخيم اليومم؟!!.....ههههههه ورعد هذا مايقول لك الا بوقت متاخر ...لاا ماعليك مابنطول بنرجع عليل..ايي....اجل اشوفك مناك..تشاوو
سكرت بنها ببتسامه وهي تكمل بترتيب لبسها
وصل لها مسج ناظرت للجوال بستغراب:ماامداه سكرته..
ابتسمت بحراج وهي تشوف انها من سامي"سلاام كيفك...اليوم جاي للمخيم خلينا نشوفك ياحلو.."
حذفت نفسها على ورها بصراخ وهي تلف يمين ويسار بحراج:هههههههههه واااه ههههههههههههههه
مرت عبير وهي تبوس يدها ظهر وقفى:الحمدالله وشكر
عدلة امل جلستها وهي تناظر لجملته مره ثانيه وبهمس:ارد ولا لا.!! لا وين ارد كاني خفيفه خلي يعني بس اقراها وبعدين لو برد شنو بكتب اوكي كاني وحده ما استحي ولا ان شاءالله كاني مو مصدقه اسكت احسن خلي هو يتخيل الرد على كيفه ههههههه
حطت الجوال على جنب وكملت ترتيب بغراضها اللي بتاخذهم ليوم واحد من كريمات واساسيات ثانيه
_____
تنهدت شموخ بملل:قلت لك ماابي
ناظر رعد لصورة الفستان اللي كان طويل و الفتحه توصل لقريب الفخذ والكتف عاري وبلون احمر ومخصر:اقوول لك ماتلبسين كذا انتي ماشفتي شنو صار لك بلعشاا
شموخ بملل:قضاء الله وقدره ماله دخل العين
رعد بعصبيه:واللي ببطنك وش ذنبه اذا انتي بايعه عمرك بكيفك بس انا ابي ولديي
شموخ بقهر :ياخيي كيفي بلبس وتشووف
قامت بعصبيه وهي تسكر اللاب وقفت وهي تعدل طرحتها ونقابها:انطركك بسياره يانفسيهه
نزلت تاركته بكيفه :والله كل سب على كيفه الله يرحم ايام قبل امشي والكل يهابني حتى عماني اكلهم بلساني اوفف والله لو مااني احبه كان ماسكت ....اوفف اصلا بيعطيني كف يسكتني هههههه
سكتت من شافته طلع وهو يفتح السياره
توجهة للباب وفتحته جلست بهدوء ولا كانه موجود بجنبها بعد ماجلس وهو يحرر السياره
وكلها ثواني وحركك متوجهه للمخيم
والهدوء كان الحدث الرئيسي بينهم
قاطعه صوت جواله
رد بهدوء:هلا عميي...يسرك الحال كيفك انت..الحمدالله...اي جدتي راحت قبلي مع فهد...تقول بتشيك على امور المخييم...ههههه لا ان شاءالله...تسلم يا الغالي...اشوفك على خير...ياهلا والله...
سكر منه وكمل بسواقته
ورجع الهدوء سيد الموقف
____
بلمخييم
كان عباره عن عدد من الخيام بوسط البر ويفصل بينهم بنص سيارات جهه لرجال وجهه للحريم
وطبعا يجلسون لين الليل ويمشون
قامت امل وهي تسحب بسوسن:امانه خلي نمشي حول المخيم شوي
قامت سوسن بتعب من حنت امل :يالله كاني
مشت امل بجنب سوسن وراحو بعيد شوي يسولفو شوي ويستهبلون شوي
لحتى جات لهم عبير تكمل استهبال معاهم
لفو البنات حجابهم من شافو سيارة رعد اللي وصلتهم من بعيد ووقفت بمكانها
راحو يمشون لجهتها بحماس
__
عند شموخ ورعد
تكلم رعد بتحذير:لاتركضين ولاتسوين شي غبي ياشموخ اعرفكك تجيك افكار غريبه
شموخ تنهدت بملل:ياخي حسستني قاتله متسلسله مطلعها من السجن وش بك ياخي مابسوي شي
جات بتروح بس مسكها وكانه تذكر:ايي صحح (بتحذير جديي)ياااوييييلككك بسس تتهاوشين مع اللي داخل ايآ كانو فاهمه؟؟؟
شموخ بقهر:طيب ليش تهوشني ليش ماتقول لي اي احد يهاوشك تعالي لي انا اهاوشه كله شاك فيني اني راس السبه
رعد تنهد لثولني:مو لانه لسانك طويل ماتمسكينه وماتصدقين احد يحذف لك كلمه تمسكينه من اول حياته لنهايتها تهزيئ تراني عارفك عدل
شموخ بزعل:طيب والله مابسوي شي..
بعدت عنه وهي تتوجه لداخل
ادخلت وسلمت وبعدها حطت الحلا اللي جابته معاها وصارت تسولف معهم وتتقهوه ونضمو معاها البنات
وماخلت القعده من نغزات ام نور وام شذى وطبعا شموخ كانت معطتهم طاف
طلعت لخيمه ثانيه كان فيها مرايه صارت تعدل الميك اب حقها
قاطعتها نور اللي دخلت وهي تناظر بلمرايه الثانيه وتعطي نظرات لشموخ
ناظرت لها شموخ من فوق لتحت بغرور:في شي يابزر؟؟
نور:هه عشانك متزوجه وحامل صرت بزرر ياالعجوز
ابتسمت شموخ علجنب بستهزاء:هه..عجوز؟؟ لا انتي كذا اثبتي انك بزر هههههه اصير عجوز عايشه وشايفه بحياتي ولا عقل بزر مايعرف شي بلحياة هههههههه تشاااوو
طلعت تاركه نور مقهوره
ردت للجلسه وهي تحس بملل
ارسلت لامل"بنتت خل نطلع ملييت وبعدين صار الليل يعني حماس"
ناظرت لها امل وببتسامه اشرت باوكي
وصحيح طلعت بعد ماسحبوها امل والباقي
وراحت تتمشى معاهم شوي ويجلسون شوي
قامت شموخ بملل:بنات امانه شرايكم نصعد هذاك الطعس(تقريبا جبل)
امل:ههههه عشان تلقين رعد ورانا ههههههههههه بايعه عمرك انتي
شموخ لثواني:ايي صح نسيت هههه تصدقون نسيت اني حامل والله احس كاني اول حرمه تحمل على وجه الارض لاتتحركين ولاتاكلين هذا ولاتسوين هذا حسيت بمعانات الحوامل
عبير شرقت بعصير بضحك:ههههههههههههههههههههههههههههههههه بموووتت ههههههههههه اي معاناات ياقلبيي انتي تووك حتى ماكملتي شهرر ماشفتي شيي ههههههههههه
ماتت امل ضحككك من استوعبت الوضع هي وسوسن:ههههههههههههههههههههههههههههههه
ناظرت لها شموخ بقهرر ثم للبنات:بدل ماتخففون علي...مالت بس اروح له بروحي احسن
صارت تمشي بتجاهه
ناظر لها امل وهي تمسح بدموعها:امبيه راحت له من جدها(بصراخ)شموووخخ نستهبل ارجعي يااهبلههه
وسوتها شموخ وصارت تصعده واللي براسها تسوييه
بس قبل تكمل تصعد وقفت بصدمه وهي تشهقق
البنات اللي وصلو لعندها ناظرو لها بستغراب
سوسن:وش بكك
شموخ نزلت بسرعه وبرتباك:بنات في خيمه جالسه تحترقق
امل ناظرت لمكان الخيام اللي كان بعيد بما انهم مبعدين حيل:من جدكك اخاف تتخيلين
شموخ برعب:مدريي منو عندها جوال بسرعه اتصلو على احد
سوسن:مدري اخاف مافي سيرفس لاننه بلبر
شموخ بنرفز:اوف اجل امشو بسرعه
وصحيح توجهو بسرعه لعند الخيام
ووقت ماصلو كانت النار ماكله الخيمه بكبرها والرجال حولها يطفونها والحريم واقفين على جنب بقلقق
ناظرت شموخ بتدقيق وهي تحس رجولها مو شايلتها:بناات في احد يشوف رعد مو قادره اشوفه
امل بقلق:هدي ان شاءالله مافي الا الخير
جلست بصدمه من سمعت صرخت فهد:ياجديي رعدد كان داخل ناايممم
جلست امل معاها بخوف وهي تحضنها:بسم الله عليك مافي شي ان شاءالله
شموخ لثواني حست بدوخه اجتاحتها
حتى سمعت سامي:فهدد الخيمه فاضيههه رعدد موجود بسيارتي طلع قبل تشتب كلها
تمتم الكل بلحمدالله
قامت شموخ:امانه امل قولي لزوجك ابي اشووف رعد تكفيين
امل برتباك:طي ..طيب
مشت لصوب سامي وهي تسحبه بحراج:حرمة رعد بتشوف زوجها ورني شكل سيارتك
ناظر لها وهو يمسح يده من غبار الحريق اللي طفوه بلقوه وببتسامه:ماتسلمين
امل بحرااج:لاا وبسرعه وينها
ابتسم وهو يلفها لصوب السيارات وصار فكه قريب من كتفها:تشوفين هاذيك هيي اللي على صوب
امل برتباك:ايي اوكي..شكرا
جات بتروح بس ثبتها لثواني وهو يطبع بوسه على خدها:يعني لازم انا اللي اسلم؟؟
ابتسم بس شافها راحت لصوب البنات بحراج
لف لرجال اللي كلنو مشغولين ولا انتبه لهم احد بما انهم كانو بلجانب المظلم
___
عند شموخ دلتها امل السياره
راحت لعندها بقلق وكان الباب مفتوح وواضح رعد اللي كان متمدد فيها همست بخوف:رعدد
فز وهو يعدل جلسته بستغراب:وش بكك
شهقت والدموع خدت مجراها وهي تشوف كتفهه واضح حرق بسيط:كتفك..
ناظر لكتفه وابتسم:حرق بسيط اسبوعين ويروح كلها تبديل شاش ويختفي
قربت لعنده وهي تحضنه بدون تقرب لكتفه بخوف عليه:خوفتني عليك (شهقه)حسبتك متت واتيتم مره ثالثه اههىى..
ضمها له وهو يشد عليها:ماعليك قطو بتسع ارواح انا (وبمحاول تخفيف حزنها)وبعدين وين اللي تسب فيني ووخر عني اشوف طلع الصدق الحين(غمز لها بضحك)
خبت وجها بحضنه بحراج:هههههه شكله من الخرعه اختفى الوحام
ابتسم وهو يبعدها عنه ويمسح دموعها:طفو الحريق؟
شموخ بهدوء:اي
طلع من السياره:اسمعي خليك موجوده ورجعي مع جدي بروح مع سامي للمستشفى بس يشوفون الحرق ماقدر اسوق وكتفي كذا
ردت شموخ تبكي:شفتت قلت لكك يعورره ااههىىىى
تنهد رعد وهو يلعب بشعره من وره بانزعاج:يابنت الحلال والله مايعور وبعدين هذا هو سامي جاي يله روحي لا اشوف ظلك
همست وهي تمسح دموعها:طيب
وصحيح راحت
وصل لعنده سامي:كثر منها
ناظر له رعد بستغراب:وش؟؟
سامي ببتسامه:الحرقات ههههه قدرت اشوف حرمتي عشانها تسال عن مكانك متوسطه لحرمتك يعني هههههه
ابتسم رعد وهو يجلس بلكرسي اللي بجنبه:والله انك ماتستحي وش هببت
سامي:خله بلقلب وانا اخوك هههه المهم شلون كتفك؟؟
رعد ناظر لكتفه اللي ضرب بعمود الخيمه المحترق:يلسع بس
سامي:ماتذكر شلون احترقت الخيمه؟؟
رعد:الظاهر طفاية الدخان احد ضاربها بلغلط وانقلبت
تمتم سامي ب:اها..
______
مر على سالفه شهرين
وصارت شموخ بشهر الثالث
والجده كل ماقالت شي شموخ سكتتها وقالت انتي تغشينه بسبب بطنها اللي مو واضح كانها حامل
وترد شموخ بانه هي اساسا ضعيفه وعلى حسب ماقرأة انه الحمل الاول مايوضح الا بشهر الرابع يبدا يطلع لها بطن
وترد الجده بكلام ماله اصل والخ
والوحام خف بشكل قوي بنسبه لها وماصارت تتحسس من رعد ابد
واليوم هو اليوم الموعود بنسبة لابطالنه امل&سامي
ابتسمت شموخ وهي تناظر لنفسها كانت لابسه فساتها الاحمر وفتحت الفستان من تحت قريب للفخذ ولابسه الشبك علرجل ومختاره اللي مربعاته واسع يبين احلى
وشعرها مضبطته عساس مايجي على قدام ويزعجها بتسريحه ناعمه وميك اب انعم
وصبغ اظافرها خلته ابيض
مالبست كعب عالي ابد حاولت قد ماتقدر تختار كعب مناسب ومريح بنفس الوقت
صارت تقرا على نفسها وعلى طفلها المعوذات
ورعد جالس وراها يضبط بلشماغ بعصبيه بعد ماتجادل معاها لحتى لبسته غصب
طلع بعد ماهمس:لاتتاخرين
ناظرت له وبهمس:اوف ماحب كذا يزعل بس وش يعني مو حلو شكلي بعد عشر سنين يوم يشغلون شريط العرس مو لابسه ولا كاشخه
خذت عباتها ولبستها وخذت الطرحه بدون النقاب ولبستها
نزلت لتحت وقبل تطلع غطت وجها بطرحه
ومشت بشويش لعند السياره وركبت
شالت الغطى بما انه السياره مضلله
خذت جوالها وهي تدخل المحادثات وشافت الرساله اللي من امل
ابتسمت وهي تتذكر انها ارسلت لها"صباح الخير ياعروسه ههه لاتنسين المواضيع اللي سولفنه فيها امس ولاتخافي ولا تتوترين تخيلي يشوفون الشريط بعد سنين وقتها شكلك غلط وخايفه ومتوتره لاتتحسفين على يوم عرسك ياحلوه والفف الفف مبروكك والله يوفقك ويسعدك ياعمري"
وكان رد امل"اللهم اميين و بحاول اضبط نفسي لا جيب العيد واهله"
ابتسمت شموخ وهي ماسكه ضحكتها بهمس:هههه هلبنت ماتعقل
ناظر رعد لها بقهر كيف تسولف وتضحك ولا مهتمه له حتى
قبل تنزل سكرت جوالها
وعينه على يدها كيف ناعمه واظافرها المصبوغه بلابيض
مرر نظره لنحرها ولحد شفتها بلروج الاحمر المغري ناظر قدام وهو يذكر نفسه انه معصب منها:يله انزلي
شموخ:طيب...رعد
ناظر لها وهو مثل العصبيه:وش؟؟
قربت لعنده وباسته بخده قريب لشفته وبعدت عنه بحراج:اسفه لو زعلتك ماحب اشوفك زعلان مني بس والله بخاطري وامل صاحبتي اكثر من انها بس تقرب لك
ناظر لها وهو يحاول يكبح ابتسامته:احمم بس لعاد تعيدينها
ايتسمت شموخ بفرح:طيب
عدلة طرحتها وهي تغطي وجها وقبل تسكر الباب مدت له مزيل ميك اب وابتسمت تحت الغطا:ههه شفت اني زوجه مهتمه
ناظر لها بستغراب
كملت ببتسامه:امسح خدك ياعمريي
راحت تاركته مستغرب لثواني حتى ناظر بلمرايه طبعة شفتها على خده ابتسمت وهو يتلمسها لثواني:ليت كل يوم تصير موجوده
ابتسم وهو يمسحه:يازيني داخل علرجال كذا والله ان يمسطني جدي ويمسكونها العيال علي
بعد ماامسح وخلص
نزل
لرجال وصار يسلم عليهم وسلم على المعرس وصاحبه سامي بفرح له:اللف مبرووك
سامي ببتسامه:يباارك فييكك يااخوي
وصار الكل يجي ويسلم عليه ويبارك
لين ماجا وقت دخلته لعند العروس(امل)
توجهه لصوب البوابه مع الجد
وكان فهد واقف عندها
وقامو اخويا سامي يستهبلون حوله بانهم بيدخلون معاه ويبون يتميلحون عند البنات شوي
ناظر لهم سامي بانزعاج:ياعيال احسن لكم تروحون
واحد منهم:ياولدد خلنا ندور نصيبنه ههههههههههه
سحب سامي عقال فهد بانزعاج وهو يمسطهم فيه وصار كل واحد يمسك مكان الضربه وينحاش بضحك عنه:ههههههههههههههههههههههه ياولدد نبيي نتزووجج
ناظر فهد بصدمه لسامي:هيي عقالي
سامي بنرفز لسط فهد معاهم:فارق انت الثاني
مسك فهد مكان الضربه بصدمه:يلعنن شكلكك
ناظرر سامي له بصدمه:اوحح هههه وقسم بالله اسف عبالي واحد من اخويايي
اما رعد فلاتدورونهه مااتت ضحككك على شكلهممم كيف سامي يتاسف منه وفهد يعذره بانه معرس ومتوتر
____
اما عند امل
فا كان الوضع طبيعي
وهذا اللي خلى البنات يستغربونها
وجلست علكوشه بكل هدوء ولاكان واضح عليها اي خوف
ابتسمت شموخ :اكيد مسكت وصاتي لها
تسكرت الاضائه ودخل سامي لعندها وبدت المصوره تصورهم
وسلم الجد عليها وابوها وطلعو تاركين مجال لاهل المعرس
قامت اخت سامي وسلمت عليه وباركت له وهي تبكي وتصورت معاهم
واخذ سامي امل وطلعو
وبس طلعو قامت شموخ مع البنات يرقصون وطبعا شموخ ماكان ترقص الا بمكان واحد وهي مغبونه ووده لو تردح ردح^_^
___
اما عند امل
فا كانت واقفه وهم يعدلون الغطى لها عساس بتطلع مع سامي بلسياره لبرى
سلم سامي على ابوها وهم يتمم له وصايته على بنته
وسلم على امل وهو يوصيها على سامي
لثواني حتى مسكت بيد ابوها وهي تصيح:يبهه خلاص برد بييتنه
ناظرو الكل لها بصدمه
ابو عادل:يا بنت اعقلي
حضنة امل ابوها:يبه امانه خلاص مابي اتزوج اصلا انا مو وجه زواج والله تكفى مابي امانه بروح بيتنه لاتخليني
مسكها سامي من يدها بفشل:ترى ما باكلك وفكي ابوك عنده رجال بيروح لهم
ابو عادل وهو يبعدها ويعطيها نظرات حاده:اعقلي يابنت ومابه الا الخير
ناظر بسامي:امنتك بنتي دير بالك عليها
ابتسم له:تامر ياعمي بنتك على العين والراس
طلع ابو عادل بسرعه قبل تدمع عينه باول فرحه من بناته اللي صارت عروس
اما سامي فا ناظر لها:ترى مااكل
امل بحراج وهي تحس بتبكي:ابي اميي
مسك سامي يدها وبصوت حنون:افا بس هذا وانا موجود
ناظرت ليده برتباك
ابتسم وهو يبوسها من جبينها:خل انادي العامله تساعدك تركبين السياره
امل برتباك وهي تحاول تهدي نفسها همست ب:طيب
_______
مرت ثلاث اشهر
والكل تعود على حياته
شموخ بشهرها السادس
امل هدت وربي هداها وصارت سنعه طبعا بدون تترك هبالها وتزور اهلها بدون تنام عندهم بحجة سامي مايقدر على فراقها*_^
اما عبير فا تقرر زواجها مع زواج سوسن وهتان اللي بعد ثلاث اشهر
نروح لشموخ
اللي ابتسمت وهي تشوف ورقة نوع الجنين:هههه مابنعلم يابابا شنو ببطننه لازم نسوي له سبرايز اول هههه
مشت بشويش وبطنها البارز سابقها
وقفت لثواني قدام المرايه
ملامحها الانوثيه برزت اكثر
وكانت لابسه فستان حوامل وردي وناعمه وشبشب ومسويه شعرها ظفيره فرنسيه وميكاب ناعم ناظرت بزعل:صرت دبه اوف حتى خصري اختفىى(مسحت دمعتها )يارب يرجع جسمي مثل اول ياارب
سمعت صوت الباب وببتسامه
توجهة للنور وسكرته ومشت بشويش لحد الطاوله
دخل رعد بستغراب وفتح النور وناظر بصدمه للبلالين اللي ماليه السقف والارض وبنص الطاوله البيضه عليه كبييره بلون البني
ناظر لشموخ وببتسامه:وش هلمفاجئه؟
شموخ ببتسامه:مو قلت تبي تعرف نوع الجنين؟؟
رعد ببتسامه وهو يقرب لعند الطاوله:وين اللي تقول ماابي اعلم احد
شموخ :انت غير ياقلبي
ابتسم وهو يبوسها من خدها:شرايك دايم تحملين اذا بتصيرين كل يومين تدلعيني
شموخ ببتسامه:شرايك ياقلبي تفتح الصندوق احسن ماشوتك من الشباك
تنهد وهو يفتح بلعبه:مانخلص من لسانك
بس اللي استغربه انه العلبه كانت فاضيه الا من ورقه
رفعه وكان مكتوب فيها"نوع الجنين على حسب لون لبسي*_^"
رفع نظره عسريع يتأكد من اللون واللي كان وردي
ابتسم بضحك:ههههههه بنت؟؟؟
شموخ ببتسامه:اي هههه بتجيك ام لسانين ثانيه
قرب لها وهو يحضنها بخفه ويقبل راسها:احلى ام اللسانين والله
ابتسمت بخجل:طيب وش رايك نطلع علاسبوع نقضي لها لانه ماشريت شي
رعد ببتسامه:هههههه اتخيل نشتري ملابس حق بزر يبنت احس بتضيع بيننه
شموخ بضحك:هههههههه تصدق من اول ماحملت لين الحين وانا كله علاب اشوف فيديوهات كيف اعتني بطفل ههههه لانه ابد ماعرف اتعامل مع البزران بس انفعتني حييل
ابتسم لها:زين اتفقنه على شي
شموخ بستغراب:وش هو؟؟
رعد:لاني انا بعد ماقد تعاملة مع بزر ههههههه
شموخ:هههه ياويلي على بنتيي الا تعال
رعد :وش
اخذت يده وحطتها عند بطنها
لثواني ناظر لها لصدمه
ردت ببتسامه:بنتك من الحين ترد عليك
ابتسم بصدمه:وش ذا
شموخ:ههههه ترافس ببطني
______
بيوم الثاني
كان يوم الجمعه المعتاده عند الجد
شموخ جالسه وبطنها سابقها وتتسولف مع البنات بعد ماراحو الرجال
امل:اقول شموخ وش اخبارك مع الحمل
شموخ:الحمدالله صح تعب بنومه يابنات ظهري يعورني ووزن ثقيل بس مشينه الحال احلى شي انه نزلو الغرفه لتحت مؤقتآ عشان ماضطر امشي بدرج
سوسن:اي احسن لك
عبير:طيب مايرفس؟؟
شموخ ببتسامه وحماس:الا يرسف تبين تجربين
قامت عبير بحماس
مسكت شموخ يد عبير وهي تحطها على بطنها بجهة اليمين لثواني حتى شهقه عبير بحماس:الله الله حسييت فيه حسييت برفسته بيدي
ابتسمت شموخ:هههههه انا اول مره يوم حسيت اتوقع ماهديت بطني الا بعد ثلاث ايام كل هذا عشان احس فيه بكل مره
قامو سوسن وامل بحماس
وحطت شموخ يده وحده وحده لحتى حسو برفسه:ههههه شكله بيطلع مثلك شمووخ هههههههه يتهاوش
سوسن:هههههه اتخيلو بس
عبير وامل :ههههههههههههههههه
شموخ:هههههههه بيجي حمااس
_____
مر شهرين على شموخ ودخلت الشهر الثامن
والحال مع الكل تمام
ونور انخطبت من واحد بديره ثانيه ووافقة بخوف مايجيها غيره
اما شذى على حالها
بنص الليل
صرخت بخفه:ايي بطنييي ايي بولدددد رعددد قوووم بووولدددددددد
فز رعد بصدمه:وشش تولدين تووك بثاامن
شمووخ بالم:ماقدر ماقدر بوولدد اااههههه
قام بسرعه وهو خايف من جد بتولدد
لبس ثوبه عسريع وساعدها تلبس عباتها
مشى معاها لحتى تركب السياره
حرك مستعجل وهي لحد الان تون بألم :ياربي ااااهههه
وصلو للمستشفى وناده علعامل يجيب الولچير
ساعدها تجلس
ودخل فيها
وبعد مده اكشفت عليها الدكتوره بعد ماهدت:دا طلق كاذب بيجي بنهاية الاسابيع هي تقلصات الرحم استعداد للولاده
وبتجي من عشرين دقيقه لثلاثين دقيقه وتروح وتستمر وتزيد بقوتها لما بيقرب وقت الولاده
دمعت شموخ:ياويليي هذا كله ومو طلقق الصدقي؟؟؟
الدكتور:هو الطلق الحقيقي اقولك شلون تتعرفي علي لما تحسي انك ميته تعالي بأه اولدكك
ناظرت شموخ بصدمه لدكتوره:اعوذ بالله منكك وش بكك انتيي بدل تهدينييي
الدكتوره:ههههه يابنتي لانه على كيدا حتيقي ليا كل يوم من هلأ لانه الطلق الكاذب بيستمر معاكيي بس انتي خلي معاكي ساعه واذا مرت نص ساعه وماراح اللام يعني طلق حقيقي
قامت شموخ وهي تمسح بدموعها:الله يرحم امهاتنه بس والله تعبتتت(دمعت عيونها ببكي وهي تحس بكتئاب وخوف هل ألم اللي جاها اللي موطبيعي اللي حست وكانه عظامها تتكسر يطلع مو صدقي)ماابي اولدد خلاص اههى<<ياخي دمعت معاها
ابتسم رعد برتباك وهو يساعدها
لين السياره
وكانت هاديه الا من بعض الشهقات
وصلو للبيت وساعدها ترجع تنام وهو يقرا عليها ويسولف لها انها كل هتعب بيروح بس تشوف بنتها بين ايدها
_____
مر نص شهر واليوم هو ثاني يوم من دخولها لتاسع
وراحت لدكتوره مرتين بسبب الطلوق الكاذبه
اللي زادت عليها بشكل في كل مره بلييل تون بألم من الطلوق الخاصه برحم للاستعداد لعملية الولاده خاصه بلايام الاخيره
واليوم كان زواج سوسن &هتان وعبير &فهد قامت من الصباح تعدلت وسوت شعرها وميك اب ناعم لبست لها فستان ناعم مره واسع علبطن
واحلى مافي حملها انه بطنها كان صغير وشكله كيوت وكانها توها بسابع وحمدت ربها على هشي
لبست عباتها وطلعت مع رعد وهي تركب السياره
جلس رعد يصر عليها:يابنت مو لازم تروحين لزواج تراك بشهرك
شموخ بعناد:ماعليك ماولدت طول الليلل عشان اولد بلزواج وبعدين ذا زواج سوسن وعبير اثنيننهم
حرك راسه بقلة حيله:انا غاسل ايدي منك
وحرك متوجهه لقاعة الزواج
نزلها عند مدخل النساء وهو يوصيها على نفسها وبنتها
وهي تتمم له
دخلت وتوجهة لغرفة العرايس بما انها اساسا رايحه متاخر حيل ورعد رجع من الزواج عشان ياخذها ويوديها
دخلت لغرفه العرايس ببتسامه وبيدها بوكيهين ورد كانت طالبتهم من قبل
سلمت على سوسن وعبير وهي تهديهم الورد وببتسامه:والله احترت وش اجيب لكم وقلت الورد للورد مع اني استحيت شلون ورد يمسك ورد ههههه والف الفف مبرووك ياقلبيي
ابتسمت سوسن :ياعمري ياشموخ تسلمين والله انتي الورده..والله يوهن عليك
ابتسمت وهي تهمس ب:امين
عبير:لاتبكيني يابنت وبعدين كان ماجيتي لاتتعبين نفسك
شموخ ببتسامه:لا ماقدر اطوف زواجكم هههه يله اخليكم بدخل اسلم
سلمت عليهم وطلعت قابلت امل قدامها واللي كانت بشهرها الرابع
ابتسمت شموخ وهي تشوف بطنها البارز شوي:ههههه هلا والله
سلمت امل عليها:هههههه افا عليك مطقمه معاك بلحمل
مشت معاها ودخلت تسلم وعطت ام عادل هديه زواجهم مبلغ معين ثم جلست
وبجنبها امل اللي كانت من اول تسلم وتجي وتروح والحين وقت ترتاح
شموخ:شلون الحمل معاك
امل:والله حسيت فيك يابنت صاير اكل ثلج وحامي عليه بس الحمدالله راح وخلصت منه المشكله جا معي نقص حديد فا صايره اراجع عيادة الدم
شموخ:الله يعينك انا جاني نقص فيتامين سي بشهر السادس والحمدالله قدرت اعوضه وانتي عوضي الحديد ترى مايقدرون يولدونك اذا كان ناقص حيل
امل:ههههه هذي البلشه شكله ولد سامي مو ناوي يطلع
شموخ:ههههههه الا ماشفتي وش؟
امل:يقول يوضح بشهر الخامس الا تعالي لين الحين مصره ماتقولين شنو ببطنك
شموخ بضحك:هههههه ايي خلي مفاجئه
بدت الاغاني تصدح بلمكان والبنات يتمايلون على انغامها
بزواج اجمل عروستين سوسن وعبير
______
بسيارة عروستنه سوسن
كانت جالسه بجنب هتان بخوف
حست بيده اللي مسكت بيدها وشاده عليها وكانه يهديها ومايدري انه زاد بتوترها
همس لها:اشتقت لكك
ابتسمت بحراج"ابي اختفي يمهه احرااج"
ابتسم لخجلها ورجع همس:ماشتقتي لي؟مابهدك الا لما تردي
سوسن اللي تحس خلاص انتهيت همست بخجل:وش اقول لاتحرجني
ابتسم وهو يكمل بهمس:قولي اي ولا ترى ازيد بحراجك
همست بخجل:مابيي
ابتسم علجنب:يعني ودك نحرجك!
سوسن تحس بيغمى عليها خلاص:هتاان ترى ابكي
ابتسم وهو يشد على يدها:هههههه خلاص لاتبكيين
_____
بسيارة فهد وعبير
ابتسم ويده مشبوكه بيدها:مبروك علينا
عبير بهمس:يبارك فيك
ابتسم فهد:واخييرا صرتي زوجتي
ابتسمت بخجل
قرب فهد لعندها وباسها بخدها:ههههه بخاطري من زمان
نزلت راسها بحراج وتوترر:...
ابتسم وهو يتأمل فيها
_____
بسياره عند
رعد:ها شلونكك
شموخ:الحمدالله احسن بس احس نعسانه وظهري يعورني تعرف اخر شهر
ابتسم وهو يبوس باطن يدها:الله يهون عليك
ابتسمت بتعب:امين
وكلها مده ورجعو
بدلة ولبست لبس مريح ونسدحت تنام بتعب
انسدح بجنبها هو الثاني بعد يوم حافل وطويل
اليوم الثاني
قام رعد بقلق على شموخ اللي كانت تون طول الليل بلعاده كان لمدة نص ساعه ويخف الالم بس هلمره زاد
راح لها :شموخ امشي اوديك للمستشفى
شموخ بألم وهي تبكي:لاا اخاف كذب
رعد بقلق اكثر:يابنت وجهك احمر قومي بسس
ساعدها تقعد وبس اقعدت صرخت من الألم اللي جاها:ااااااااااااااااااهه بطنيييي ياربيي اههىىىىى ااااااااااااااهه ماقدر ظهريي..لثواني حست انها بتختنق بألم..ياربيي اااهىىى
ساعدها رعد تقوم وهو يسحب عباتها وطرحتها:بسم الله عليك قومي شكله ولاده
زادت بكي:ماقدر امشي ماقدر ااههىىىى
صارت تون بالم ورجلها مو قادره تشيلها
صرخت بخوف:يمههه المويه الجنيينن رعد اللحقق علي ياييممههههه ااهههىىىىى
ناظر بصدمه:هديي لاتوتريني معك
رفعها بسرعه وهو يفتح الباب ينادي على جدته:ياييمهههه
طلعت الجده بصدمه:بسم الله علامكك
رعد وهو طالع فيها برى لسياره:جيبي عباتك وتعاليي بتوولدد
فتح باب السياره بصعوبه وجلسها ورا
ارخى لها الكرسي
طلعت الجده بعجله وهي تجلس بجنبها وتسمي عليها:بسرعه ياررعدد
حرك رعد بقلق
سحبت الجده الشماغ اللي على كرسي وهي توقف فيه المويه:بسم الله علييك....ياولد ديري بالك عطريق
قامت شموخ تونن بالممم:اااااااااااااااااااااااااههه بمووووووووتت يااييييييمممهههه ااااااااااااااااااااااااااااااااااااااااااااهههه يااربييي ستركك ياربييي يالله ااااههىىى ااهه...
فزت الجده وهي تضرب بخدها:قوميي يابنت لاتناميين ..يارعد عجل البنت اغمى عليها لايصير باللي ببطنها شي
خذت الجده علبة المويه وهي ترش على وجهه شموخ
ثواني حتى صحت وهي تون مره ثانيه بألم وهي تشوف الموت بعيونها:اااااههه اااااههه ااه...
وصل رعد للمستشفى وهو ينادي الممرضه بانها حالة ولاده
ساعدوها تنزل وحطوها عسرير وصارو يدزون فيها والجده ورعد وراها
دخلو فيها لغرفه
وكان رعد والجده جالسين بعد مده طلعت الممرضه تنادي على رعد انه الدكتوره تبي
دخل رعد ومعه الجده
جلس وهو يناظر لشموخ اللي كانت نايمه وبتوتر:خير يادكتوره؟
الدكتوره:شوف يااخوي زوجتك نزل معاها موية الجنين وبعد ماسألناها عن الكميه وغير من هلامور وسجلنه البيانات نبي نتاكد منكم هل نزلة بكثره؟
الجده:اي يابنتي
الدكتوره:شوف هو اللي جاها كان مجرد انقباضات ماقبل الولاده وموية الجنين بما انها نزلت فا راح تجلس عندنا تحت الملاحظه ٢٤ ساعه واذا ماجا لها الطلوق وقتها بنستخدم الطلوق الصناعيه
رعد بستغراب:يعني ماكانت حالة ولاده؟
الدكتوره:هو وقت ماجاتها الانقباضات صادف انكسار ماء الجنين ومعروفه الم الانقباضات بشهر الاخير تكون قويه بشكل مشابه لطلق الحقيقي من مايصعب التفرقه بينهم فا بوقت الانقاباضات مثل ماقلت لك صادف انه موية الجنين انكسرت وسبب لها رعب ومع الألم فا شي طبيعي اللي صار معاها وهذا مؤشر انه بحلول اليوم او بكرا بتولد باذن الله
رعد تنهد براحه:طيب الحين يعني تجلس عندكم؟
الدكتور:اي نعم وبعد ووجودك ماله معنه فا مستحيل لحد الان تولد الا بعد طلوق صناعيه الا اذا جاها طلق وقتها نتصل فيك وتكون موجود
قام رعد:لا انا بودي الوالده وارجع لها
ابتسمت الدكتوره بتفهم:اللي يريحك
قام رعد مع الجده
وطلعو
وصلها البيت وهو يوصيها ماتقول لاحد لانه مو زين تولد والكل ينتظر...فا الافضل بدون احد يدري
طلع للغرفه واخذ الشطنه الكبيره اللي كانت توصيه شموخ يجيبها وقت ماتجيها حالة الطلوق
نزلها وحطها بسياره
وحرك متوجه للمستشفى
نزل من السياره تارك الشنطه مكانها
توجهة للغرفه اللي حاطين فيها شموخ وكانت نايمه بهدوء
جلس علكرسي اللي بجنبها وسكر عيونه يريح شوي
بعد اربع ساعات
دخلت الممرضه
قام رعد بقلق وهو يناظر شموخe:ما الامر؟؟
الممرضهe:فقط اطمئن على حالها
توجهة الممرضه وبدت تصحي شموخ وتسألها اذا تحس بأي طلوق وغيره
طلعت وجلس رعد وهو يقرب لها:ها كيفك
همست بتعب:الحمدالله
ابتسم وهو يمسك يدها:الله يهون عليك وخليك قويه
ابتسمت شموخ:غرور...
ناظر لها بعدم فهم:وش؟
شموخ ببتسامه همست:ابي اسمها يكون غرور
ابتسم :حتى بلاسم مغروره تبشرين يصير غرور وبستهبال تخيلي تطلع ولد شنو تبينه
شموخ ببتسامه بتعب:انت سمه
ابتسم وهو يسولف لها لحتى ساعتين ثم رجعت نامت بعد ماخلاها تاكل لها شي
بعد ثلاث ساعات دخلت الدكتوره:سلام عليكم
رعد اللي كان جالس:وعليكم السلام
فتحت شموخ عيونها بتعب
الدكتوره:هو مثل ماقلت لك ٢٤ ساعه ونبدا طلوق صناعيه بس حاليا مرت٩ ساعات وانا افضل نبداها من الحين لانه نخاف يصيب الطفل مكروب او اللتهابات بما انه المويه نزلت فا افضل شي نبداها من الحين
ناظر رعد لشموخ:ها تبين؟
شموخ لثواني تفكر:طيب بس اول ابي اتروش
الدكتوره ببتسامه:اكيد وبعدها نبدا
طلعت الدكتوره
وقام رعد يساعد شموخ ومعه الممرضتين:خلي انا اساعدك وش تبين فيهم(ناظر لهم بكره)
ابتسم بتعب:لاتقول تغار بعد وش كبر بطني
ابتسم وهو يساعدها توقف:الا قولي يزينه
اشر للمرضتين يطلعون:شنطتك جبتها مني طلعي لبسك وانا بوقف قريب من الحمام لاحتجتي شي ناديني
ابتسمت له بتعب:طيب
وصحيح قامت وطلعت لبسها ودخلت تتروش احسن ماتقعد مده بعد الولاده مو متروشه
طلعت بعد مابدلت وساعدها رعد ترجع تنسدح
وبس ريحت شوي دخلت الدكتوره بادين معها طلق صناعي
دخلوها لغرفة الولاده وكان رعد معاها
ملبسينها ملابس الولاده
الدكتوره:هو في اكثر من طريقه لطلق للصناعي اختاري اللي يناسبك
شموخ:ادري قريت عنه ابي البروستاغلاندين سمعت انه اكثر شي يستعملونها
الدكتوره:اي هي الاكثر شيوعآ بس تسبب نقص بلاكسجين عند الطفل بس انه هي الأأمن يعني
شموخ همست:توكلت على الله..(ناظرت لرعد وبدموع)رعد ادع لي واذا مت امانه لاتنساني
استغفر رعد بعتب:استغفرالله يابنت الحلال وش بك
شموخ ببكي:امانه رعد بنتي امانه عندكك ليوم الدين
ناظر لها بخوف:ماهو بصاير الا الخير
الدكتوره:تفضل برى وان شاءالله تتم عملية الولاده الطبيعيه بنجاح بس توقع على اوراق العمليه
باس رعد راس شموخ وهو يهمس لها:انا معاك خليك قويه مثل ماعهدتك يام اللسانين...استودعتك الله...
طلع يكمل اجرائات الولاده
وصحيح بدت الطلوق الصناعيه والولاده الطبيعيه
ورعد ينتظر بخوف ورتباك
ومو قادر يجلس بمكانه
لحتى طلعت الممرضه ببتسامه:الحمدالله ماما يجيب بيبي
ابتسم رعد بفرح: ياجعلني ماما انا طيب شلون ماما؟؟
الممرضه:الحمدالله وااجد زيين وبيبي بنتي بعد واجد زين وماشاءالله واااجد حلوووو حلوو وااجد
ابتسم بفرح وهو يسجد شكر لله
وقف وهو يحط بيدها خمسمية ريال:تستاهلين والله
ابتسمت الممرضه بشكر
رعد:طيب يقدر يشوف؟؟
الممرضه:لا والله بس يطلع غرفه يقدر بس بيبي يقدر
راح رعد معه الممرضه وصار يناظر بلجهال اللي ملفوف واللي تو والد وصار يناظر بتدقيق:هذيك بنتيي..لاا لاا اتوقع هذيك السمره على ابوها هههه يمكن هذيك البيضه لا لا هذي بطه وشموخ بطنها كان صغير ويينك ياغرور وينكك ياابوي انتيي...
شاف الممرضه نفسها راحت لعربه صغيره كان فيها مثل النور يدفي البزر اللي ماكان لابس غير حفاظته
بحجم صغير بيضه بشكل مو طبيعي ومايل للحمار وشعر كثييف بشكل واسود ومتبتبه شوي
ناظر لها وهو يهمس:سبحان الله من خلق
راح لعند الباب وطلعت له الممرضه غرور
ناظر لها بتوتر اول لقاء بينه و بين بنته شالتها الممرضه بعد مالفتها بلبس كانت شموخ معطتهم اياه
مدتها لرعد اللي ارتبك:ماعرف اشيلها
جلس على كرسي واخذه منها وكانت صغيره بين يدينه
رفعها له وهو يشم ريحتها الحلوه باسها بخدها وهو وده ياكلها
قرب لاذنها وصار ياذن فيها بهمس
وبس خلص رجع باسها واعطاها للممرضه وهو وده مايهدها بس في ناس غاليه على قلبه تنتظره
طلعت بعد مااخذ لها صوره
دز بقروب العايله"انطر تبريكاتكم هههه"
دخل للبايو وحطه صوره وشوش عليها وكتب بلحاله ابو الغرور كله
سكر جواله وتوجه للغرفه اللي كانت فيها شموخ
دخل وشافها مسكره عيونها وواضح على وجها الارهاق
تقدم لعندها وباس راسها
وبهمس:يعطيك العافيه ومبروك ماجانا..
جلس بجنبها وهو يناظر لها لحتى غفى بجنبها
______
ببيت سامي
امل:ساااميي قووومممممم حرمة رعد ولدت قووومم
قام سامي بصدمه:والله وش جابت
امل:مدري شكلها بنت هههه قوم امانه خنروح
وصحيح الكل تلقى الخبر وهلو بتبريكات لاول حفيده بلعايله غرور
وشموخ قامت بعد مانامت لها شوي واكلها رعد غصب
وسوسن جات لها من الصبح وصارت تساعدها من الحمام لغيره من الامور هذي
وصل الكل لعندها وامتله الجناح ورد لين خارجه وحلا وهدايا والكل فرحان
ابتسمت شموخ براحه وهي تناظر لبطنها:الحمدالله
الجده:الا شموخ ليش ماسميتيها على امك اعرف انه اسمها دلع
ابتسمت شموخ بهدوء:مافي شبيه لامي حتى بلاسم
ابتسم الكل بحزن وهم يترحمون عليها
نادت شموخ على سوسن بتعب بسبب صوتها المختفي
جات لها سوسن:هلا
شموخ وشوي وبتبكي:طلبتك بشوف بنتي ماشفتها
ابتسمت سوسن بفرح:تبشريين
طلعت وقالت لرعد وصحيح كلم رعد الممرضه واصر يدخل ويشوف لقاء الام وبنتها وكان مجهز الكامره اللي ماخلى شي ماصوره حتى العيال صورهم
دخل وهو يصور شموخ ببتسامه على دخلت الممرضه ببنتها
ابتسمت شموخ وهي تمد يدها تبي تاخذها
شالتها الممرضه وهي تمدها لشموخ وبس حطتها بحضنها صارت غرور تبكي وشموخ بكت معاها:اهه ياروح امك انتي لاتبكينن ياربيي ااااههىىى
ابتسم رعد بفرح وسوسن تهدي فيها بانها خرعت البنت وشموخ كل دقيقه تبوس فيها وماودها تبعدها عن حضنها وكل ماقالو بنشيلها صرخت فيها بانها بنتها وهي جابتها محد يمسكها غيرها
ناظرت لبنتها وبهمس:جمالك يسحر يابنت من وين جايبته هاه هههه...بتكبرين ونصير ربع نسولف مع بعض بتصيرين اهلي وامي وابوي وكل ناسي ربي يحفظك يارب...
باستها ومدتها لسوسن بعد عناد طويل ومررتها سوسن للكل وردت لشموخ بجيب مليان ابتسمت شموخ لثواني وبهمس:يمه غرور لاتعلمين احد بس ترى كنت انطر هلحظه اجمع فلوس من وراك هههه
تكلمت الممرضه :ماما سوي يرضع بيبي مال انتي
ناظرت شموخ رعد بحراج لثواني ثم للممرضه:هااه
ضحك البعض على ردة فعلها
اما هي فا نزلت راسها بحراج
طلع رعد هو الثاني منحرج
وسلم الكل عليها وطلعو وجلست معاها ام عادل اللي جابت من خلطات النفاس
وحلفت تجلس معاها وتساعدها
وساعدتها ترضع ببنتها وهي مية حيا
__________
بعد شهرين
طلعت شموخ من الاربعين
بعد تعب وتعيب
وبنتها صار عمرها شهرين وكل يومين جايين العايله كلها يلاعبون فيها وهي تعصب فيهم بأنهم ملعوها
واكبرهم اخبلهم رعد اللي كان بياخذها معاه للمجلس عند اخوياه لين عصبت عليه انه مو لعبه وكل دقيقه يبوس فيها لدرجة يخليها تقوم من نومها وترجع شموخ تسهر معاها وتنيمها وهاكذا
في جناح رعد وشموخ
جالسه شموخ وهي تناظر نفسها بلمرايه ببتسامة فخر
بعد مكانت بلاربعين لين ماطلعت منه كانت تهتم بجسمها ورجع مثل ماهو واحسن بما انه معروف الجسم بعد الولاده اذا اهتميتي فيه يزين
قاطعها رعد اللي دخل ببنته اللي كان يمشي فيها:شموخ ترى جون بيجي اليوم لسعوديه
ناظرت له شموخ بفرح:الله وحتى ليون ولده؟؟؟!!!
ابتسم رعد:ايي وترى جاي بيعتمر
لثواني تقدمت شموخ لرعد:طلبتككك
ناظر لها بشككك:وشش
شموخ والدمعه بعينها:هذا ولد جولي الوحيد الله يرحمها امانه تكفى ابي ارضعه بما انه غرور اول بنت لنا فا اللي تحتها بيصيرون كلهم اخوانه تكفى يارعد لاتردني ماابي يعيش مشتت ابي يكون له اخوان مسلميين علاقلل مثله
ناظر لها رعد:بس كم عمره الحين
شموخ بسرعه:توو مكتمل سنه حتى لا بعد تو مادخل سنه بكامل غير انه اساسا والد مبكر
رعد اخذ نفس:تبينه يكون ولدك؟؟
شموخ وعيونها تدمع:هذا اقل شي اسوي لعز من عرفت بهدنيا
ابتسم وهو يبوس راسها:اجل لك اللي تبينه وانا بكلم ابو
ابتسمت شموخ بفرح وهي تحضن رعد بخفه عشان بنتهم:احببككككككككككككككك
ابتسم :هههههههههه اي وقت المصالح يطلع الكلام الحلو
ابتسمت بخجل وهي تاخذ بنتها وبدلع:اكيد ياعمري ههههه
حطت بنتها اللي نامت
ولفت لرعد وهي تحوط رقبته وعينها بعينه:بس ترى صدق احبكككككك
ابتسم وهو يحوط خصرها:وش ناويه علي
ابتسمت ببرائه:مو ناويه على شي
ابتسم وهو ضايع بجمال عيونها:صدق والله ...........................
......................
............*_^
_________
بعد ست سنين
سامي:لولو ليش كذا يابابا
لولو وهي تحط اصبعها بفمها بزعل:تبيي
سامي بصدمه:انا جب
ضحكت لولو بمرح:هههههههه بابا تبيي
جا نايف بعصبيه:هيي لاتقولين لبابا جب
ابتسم سامي وهو يبوسه:لاتهاوش اختكك عيبب
وصلهم صوت امل:منوو مهاوشش بنتييي
همس سامي بضحك:ياويلنا جتنا ماما هههههه
___
ببيت ثاني
سوسن:تعالو ياماما سويت شبس
تقدمو وجدان وجود بفرح
وجلسو ياكلون
راحت سوسن وجلست بجنب هتان المنغمس بشغله:ماتبي تعشا
ناظر لها وببتسامه :وفي شي من يدك ينرفض
ابتسمت بخجل:ههههه لاا
ابتسم بحب لها:اموت على الحيا اللي فيك
_____
فهد:طالعه على خالتهااا يابنت تعاليي
املل:اننن مابيي بكسر جوالك احسن ماتوديني بقاله
ضحك على شكلها:بودييك انتي بس تعالي
طلعت عبير الحامل بشهرها الخامس:وش فيكمم
فهد:هههه بنتك تهددني بجوالي
عبير وهي تجلس:يالله انا ليشش سميتها امل ههههههه
امل بدلع:باباااا ابي بقااللههههه
فهد اللي مات عليها:ههههه طيب امشي يله ماقدر عليك انا
_____
حمدد:استغفرالله بسسس بسس سكتييييهه
منى ناظرت له :شفيك ياعمري شفيك ياقلبيي انتت بزر لازم يصيح
حمد ناظر لها :طيب ابي انام انا
منى:حياتي تحمل شوي وبينام تبي اسوي لك قهوه ولا ودك بس ينام اجلس الشغاله عنده ونطلع للبحر
ابتسم حمد بتفكير:الثانيه احلى
ابتسمت منى وهي تكمل تنيم ببزرها
هذا الحل الوحيد معه خروف درجه اوله امسكيه ولا يطلع من البيت دلعيه ووكليه يسمع لكك
_____
اما نوره تزوجت وعقلت وماصارت تماشي شذى بعد ماشافت حياتها الزوجيه ولحد الان ماعندها عيال بس انها باول حملها
اما الجده فا توفت قبل ثلاث سنين بعد مازوجت احفادها كلهم وارتاحت
كان البيت فاضي ومظلم بدونها
بكو من قلب والجد دخل بحزن ولو ماسفرو يغيرون جو كان لحقها
ماننسى اخت سامي اللي كبرت وصارت بلمتوسط وكل ماتذكرت مصايبها تضحك زياده وتذكر امل وسامي فيها
________
صرخت شموخ بفرح:يويوو
ركض ليون لصوب شموخ بفرح وهو يحضنها:مامااا
ابتسمت وهي تبوسه من خده:عمري انا اللي بيدخلون المدرسه ياحياتييي
ابتسم ليون اللي مسك بيدها وصار يمشي معاها متجهين للمدرسه
مسكت بيد غرور:ماما انتي السنه الجايه بعد تروحين مدرسه
غرورe:لاا احب الروضه
شموخ:تكلمي عربي وانت تكلم انجليزي شفيكم قلبتو الجنسيات هههههههه
قاطعها رعد اللي جا لعندهم وبيده لعبه مغلفه مدها ل ليون:هذي هديتك لانك بتروح المدرسه
مد لغرور لعبه:وهذي عشان ماتبكين
مد لشموخ ورده:عاد لزوم لاكبركم ترى لايغركم تنهبل اكثر منكم
غرور وليون اللي مافهمو شي كملو يمشون بفرح للمدرسه اللي ببريطانيا
اما شموخ فا اخذت الورد ببتسامه:هههههه تسلم ياعمري
ابتسم وهو يشبك يده بيدها
بس قاطعهم الولد اللي دخل بينهم ومسك بابوه قبل يطيح
ضحكت شموخ على شكله وهي ترفعه باسته من خده:عمريي عبودييي ويازيينهم
ابتسم عبودي٢سنتين وصار يبوس بخدها
مدته لرعد:اخذه امانه لايشيل احجابي نفس اخر مره
ابتسم رعد:هههه احمدي ربك انه ماكان في احد
ابتسمت شموخ وهي تناظر لغرور وليون اللي لف ينادي عليها:مااماا ياماامااا(e)تعاليي هناللك العاب هنااا ياامييي
ابتسم وهي تدعي بقلبها لاعز صديقاتها جوليا وبصوت عاليe:انا قادمه (وبلعربي) ياقلب امككككك
________
بعد ماخلصت مراسم دخول الابتدائي طلعت شموخ مع رعد وغرور وعبودي الصغير
استغربت انه ماخذها لريف
وكان العشب الاخضر مالي المكان من كل الجهات
ناظرت له بستغراب:على وين
ايتسم وبيده الكامره ويصوره:تشوفين
وكلها ثواني ووصلو
نزل وكان متوجهه للعشب الاخضر مع شموخ وانصدمت وهي تمسك فيه من شافت بقره كبيره لها قرون
ناظرت له بصدمه:شنو هذا
رعد شبك يدها تارك غرور وعبودي يلعبون بلعشب:تذكرين يوم قلت لك متى يتعدل لسانك
شموخ بستغراب:اي!
رعد بخبث:وقلتي لما تحج البقر على قرونها
ناظرت شموخ للبقره وبصدمه:ههه يامجنون شنو ناوي تسويي
رعد اشر للعامل اللي جايبين الا كبيره ارفعو فيها البقره وبدون يأذونها قلبوها بخفه لين وقفت على قرونها ببتسامه وهو يصورها:ها ان شاءالله يتعدل لسانك
ضحكت شموخ بصدمه وهي تناظر للبقره:هههههههههههههه اساسا مايحتاج معقلني من زمان
ابتسم وهو يمشي معها بعدل ماعدلو البقره اللي كملت تاكل بلعشب ولا كانه صار شي
لين وصلو لبحيره صغيره ابتسم وهو يحضنها ويهمس:تذكرين الجمله اللي قلتها لك
شموخ ببتسامه:وتتوقع بأنسانها يا اميري المجهول؟؟
ابتسم لثواني:ههه حلو اميرك طيب اسمعي
شموخ ببتسامه:هلاا
رعد:احبككككككككك
شموخ ابتسمت بخجل:وانا امووت فيييكك
____________________________________
:
&
:
&
:

تمت بحمدالله
بدأت ٢٠١٨/١/١٣
انتهت ٢٠١٩/٢/١
صباحآ الساعه٨:٢٠
وشكراا بحجممم السمااااء✨💜 للي ساهم بنجالح مولودتي الثالثه

ماوصيكم بتعليقات ابغاا اسطر طويله كذا امل من كثر مااقرأها والله ببكي ماني مصدقه😭😭
احبككممم ربيي يوفقكممم
اقلامي قد جفت هنا لاستودعكم الله
وقد اعود يوما ولكن على شكل كتاب باسم(بنت &بلادي)
لاتنسوني من دعائكم

___
اشكر كل من كان معي بهثلاث سنين اللي كتبت فيها
اشكر صديقاتي اللي كانو متابعاتي بلبدايه(هيون،روضه،ارياف،شهد،حنين،فطوم،امل،سخاء،سوسن،سماح)
واللي كانو معاي بكل كومنت من اول روايه ماانساكم مابي اقول احد وانسا احد بس اشكركم على هثلاث سنين الحلوه
واسفه لاني باخر روايه كنت منضغطه وطولت بتنزيلها
اتمنى لي ولكم حياة حلوه مابقطع بلستوري ببثركم احتمال انزل مرات كتابات يعني مابقطع بذن الله كحساب♥️♥️احبكمممم بحجمممم المسااااء😭😭😭♥️♥️♥️ يالله والله مدري وس اقول ببكييي♥️♥️♥️😭
الحمدالله يارب
#النهايه#رواياتي#روايه#روايتي#روايتي_الثالثه#كتابتاتي#كاتبه#قصص#روايات_غرام#اخر_بارت_من_روايتي
#كويت#سعوديه

طبعا تقريبا٧٠٠ كلمه
والكلام اللي فوق هذا لمتابعيني واكيد بنزله لانه يستاهلون
اما انتو شكرا مره لاهتمامكم لقرائة روايتي
واتطلع لرايكم وشكرا مره ثانيه♥️♥️♥️♥️♥️