12:00ليلاً
"قـاعده نرن علي معاذ ونلقا فيه انتظار من نـص ساعه"
انا :-اوووف ياربي اوووف
هبة اختي :- سجـى كنك!!
انا :-معاذ من بدري نرن عليه انتظار ;(
هبة :-ياحمارة انا كم مرة قتلك فوتيه...فوووتيه فووتيه مايحبكش افهمي
انا دمعت :-شن ندير نحبه والله العظيم نحبه ;(
"هبة جتني وضمتني"
هبة :-خلاص ليش البكاء توا...بالك مشغول
انا :-عارفتك تحايلي عليا...مش عارفه كنه
هبة :-توا لما يكمل مكالمته تشوفيه
انا :-باه
.
.
نسيـت نعرفكم ع روحـي...
اسمي سجـى م99 نقرا ثانيـه جامعه محاسبة....بيضه عيوني خـضر وشعري اسود طويل ومرتبـطة بـ معاذ م91 وع علاقه معاه من ثالثـه ثانـوي...
اختي هبـة م96 متخرجـة من اللغات ومخطـوبة من واحـد اسمه ابراهيـم....
عائلـتي تتكـون من بابا محمـد وماما أمنة..
عندي اخ واحـد اسمه مـراد م94 متـخرج من قـانون ومن بنت لبنت وبنات الجامعـه كلهن يجـارن وراه....دلوووع العيلة لانه الوحيد واللـي يبيها تجيه ومعاملتنا معاه انا واختي جـافة.....
.
.
.
"بعـد اكثر من 100 مكالمه رد عليا وهو متنرفز"
معاذ بصوت عالي :-كنننك الزح وانتي سكنتي؟
انا ببكاء:-حبيبي ليش معاملتك معايا هكي دايرتلك حـاجه نا ;(
معاذ تنهد :-اسس خلاص ماتبكيش كنت نحكي مع صـاحبي نحكوا ع موضوع زرده
انا :-باهي صاحبك ولك نص ساعه تحكي معاه
معاذ بعصبيه :-ردينااا عااد
"سكرت منه وقعدت نبكي ورقدت"
.
.
~~~~~~~~~
صبـاحاٌ...
"نـضت وعيوني متورمات من البكـاء خشيت للكـوجينه لقيت الكل قاعدين ويفطروا.."
انا :-صباح الخير
الكل :-صباح النور
"مشيت جهة الثلاجة وخذيت بريوش وشوكلاطه وقعدت ناكل"
ماما :-تعالي اشربي حليب شن تبي فيه بريوش
انا :-لاياماما معنديش نية...هي بابا ترفعني
بابا :-تمام عدي ولعـي السيارة كان تعرفي
انا :-هههه اها نعـرف
"خذيت مفاتيح السيارة وركبت فالسيارة ولعتها ورن فوني"
انا :-نعم شن تبي
معاذ :-خلاص حبيبتي كنت متعصب بس...نحبك ياطشتي
"ابتسمت تلقائيا ونسيت روحي اني زعلانه"
انا :-وانا نمـوت فيك
معاذ :-نعليا وخلاص نجيلي الرايق...نبي نشوفك اليوم!
انا :-تمام توا نرن عليك بعد المحاضره!
معاذ :-تمام ياقلبي...نحبك سلام
انا :-نمووت فيك...سلام
"سكرت منه وانا فرررحانه وجاء بابا مشينا للجامعه...خشيت للجامعه قابلوني شلة شباب يدحنسوا نزلت راسي ومشيت نجري ووصلت لهاجر وبسمة
هاجر :-وييين عاللبس والحركات
انا :-ههههههه بـارده...شن جوكن
بسمة وهاجر:-تمام الحمدلله
انا :-بنات يبي يجيني معاذ
بسمة :-اووف منـك ياسجى شن تبي فيه هالبارد
انا :-الله غالب حـب من 4 سنين وتبيني نفوته
هاجر :-اهاا صـح كلام سجى
بسمة :-حتى وكان وواضح عليه انه مش كويس
"خنقتني العبـرة وهنا فهممني وسكرن عالسيرة....خشينا للمحاضره وكانت الساعه 10...طلعنا الساعه 12 والصدددمة لقيت معاذ واقف مع بنت"
انا بعياط :-معاااااذ!!!!
معاذ تلبك :-اا هههه كنت نبـي نسألها عن قاعتكم بس...صح يارجاء
رجاء :-اها صح
"تنهدت براحه وقلتله"
انا :-هيا نمشوا
معاذ :-تعالي للكفيتيريا
انا :-بس مش جيعانه
معاذ :-اشششش فطورك عليا اليوم
انا ابتسمت :-هههه بـاه
"مشيـت للكافيتيريا وطلب حق الفطور ودفع"
انا بصدمة:-هييي واااجد هذا كله
معاذ :-مش خسارة في حبيبتي
انا :-معاذ تحبني؟
معاذ :-اكيد ياروحـي
انا :-نجك ليا
.
.
"فطـرنا ومعاذ مشا لصاحب الكافيتيريا وانا مقمعزه في الكرسي شفت من بعيد خوي مراد 😳😳..انصدددمت ودعيت لربي انه ماشافنيش وعيطت معاذ"
انا :-معاااذ خووي مراد جاء دير روحك ماتعرفنيش 😳😳
معاذ بخوف :-تمام باه
"جـاء خوي مرراد وكان واضح انه معصببب"
انا :-😳😳
.
.
يـــــتبــــع
رايكم فالبدايه؟❤❤
سرو الحاسي
أنت تقرأ
غلطة دمرت حياتي
غموض / إثارةرواية باللهجة الليبية للكاتبة سرو الحاسي تحكي ع"سجـى" البنت اللي غلـطت غلطة كبيرة فـ حبها لشاب دمر حياتها وخلاهـا تخسر اثمن شـئ عندها وتهرب ويصيرن معاها احـداث كثيرة وشيقة...زعما شنو يصير فيها؟..كله حتعرفوه مع احداث القصه...|❤لا اسمـح بنقــلـها ❌
