غلطة دمرت حياتي

الـحـلــقــة 8

حسام :-لو مثلا مثلا طلبتك توافقي؟

انا انصدمت :-كييف!!! وانـت؟

حسام :-هههه ماتاخذيش كلامي جد لكن سؤال بس

انا :-هه بنت حالتها كي حالتي المفروض تستر روحها وخلاص...خلاص مستحيل ناخذ واحد نحبه او ع علاقه او اي شي....اصلا من بيرضا فوحده كيفي 💔

حسام :-انا

انا انصدمت وشفتله :-كـ كيف انت شنو

حسام تنهد :-حتى نا عندي قصة

انا :-شنو احكـي؟

حسام :-زمان حبيـت بنت ونا نقرا في اخر سنه من الجامعه...خطبتها وكنت فرررحان والدنيا مش سايعتني وجاء اليوم اللي...اللي رنوا علينا هلها وقالوا خلاص البنت معاش تبي وفسخت الخطبه...هه طلعت انخطبت لولد سيدها كان يقرا فأمريكا وسيبتني عشان الفلوس....في يوم ولد سيدها سيبها وردتلي اتعذر وتبكي وتقول ان باتها اللي جبرها عليه....سكرت عليها بكل ومحيتها من حياتي...والله حبيتها حب مايعلم بيه غير ربي "وتنهد بألم"

"قاعده مصدومة ونبحتله ودموعي ينزلـوا ع انه كيف يحكي وخانقته العبرة"

انا :-صدقنـي ماتستاهلكش والف بنت غيرها اتمناك....فعلا لو ربي بعد عنا شئ حيعوضنا بأحسن منه...انت لولا ماصار معاك هكي مستحيل حـ تعرف انها طماعه ولمصلحتها وبس...ربي بعدها عنك عشان يعوضك

حسام :-ونعم بالله..

"قعدنا نهدرزوا وكل حد خش رقد..."
.
.
~~~~~~~~~~~~~~~~
صبـاحـاً....
"نـضت الصبح ع المنبه اللي دايرته توضيت وصليت الصبح ولقيت عمتي تفطر في الكوجينه"

انا :-صباح الخير

عمتي ابتسمت :-صباح النور شنو مبكرة اليوم

انا :-ههههه اها درت منبه

عمتي :-سجى تقدري تواعي حسام غير نا كرعيا يوجعن في

انا :-بـ به

"مشيت تسلست بشويش لدار حسام وخشيت وكان منظره يهبلللل وهو راقد...قعمزت جنبه قعدت نتأمل فيه...ملامحه...حنيته...عصبيته...كل شي فيه...وانا سرحانه ونتأمل فيه ناض"

انا :-ااا اسفـه بـ بس عمتي قالتها لي

حسام :-ههههه كنك خايفه

انا :-لـ لا شي مش خايفه قـ قالتلك عمتي نوض عندك شغل

حسام بنعاس:-هممم باهي خليني راقد شوي

انا :-لالا نوض نوض.."وقعدت ندربك عالدولاب"

حسام اثاوب :-را نجي نمسكك راه

"مشيت هربت وحسام قعد يضحك وكيف كان يتأمل فيها حتى هو بس داير روحه راقد..."
.
.
.
~~~~~~~~~~~~~~
عنـد هاجر
"ناضت توضت وصلت الصبح لقت امها في الكوجينه"