"سكـرت هاجر منه وقعدت تبكي وتنتش في شعرها....حست روحها حقييره وانانيه...باعت صاحبتها وظلمت حد بزواجها ليه....باعت صاحبتها عشان مصلحتها ويستر عليها معاذ بس صار العكس.....ظلمت ولد عمها اللي تكـرهه...ظلماته وقعد هوا يأنب فيه ضميره يحساب روحه هو اللي تعدا علي هاجر ويبي يسترها💔"
"خـشت للكوجينه وخـذت موس وبحتت في الوريد....قطعاته بالموس وقعدت تعيط وخشت امها تصرررخ وتعيط...اما هاجر معاش فطنت لـ شئ واغمى عليها
هـاجـر ماتت 💔!
.
.
.
~~~~~~~~~~~~~~~~~~~~~~
صبـاحـاً....
"نـضت الصبح ع صوت عمتي شايله في يدها سفره الفطور...ابتسمتلها بألم وقالت"
عمتي :- هيا هيا سلم بنيتي افطري
انا ابتسمت :- تعرفي اوقات نحس انك آحن عليا من ماما!
عمتي ابتسمت :- صدقيني مفيش آحـن من حضن الام....صح حتى لو كانت الام قاسيه في اوقات لكن تخبي في حن مايعلم بيه الا ربي....هيا اللي تعبت 9 شهور وربت وسهرت الليل وياما دارت عشان تأمن المستقبل لعيالها....الام مفيش كيفها....نا امي ماتت وعمري 15 سنه...عشت مع باتي وخوي محمد لين ازوجت وكان زواج تقليدي بس مع العشره والوقت حبينا بعضنا....مات باتي ونا عمري 18 سنه وانا متزوجه....بعدها بفترة معاش جبنا عويل...اكثر من مره قلتله تزوج عليا وانا مسامحتك بس رفض....بعدها بسنين حملت وفرررحنا وااااجد....وانا في الشهر الثامن توفا راجلي 💔...عانيت وكم واحد في واحد طلبني بس رفضت....كنت وقتها مازلت صغيره عمري 25 سنه...جبت ولدي حسام وربيته وتعبت فيه لين كبر ولقيته في وقت الشده..."تنهدت"...الحمدلله ع كل حال
"قعدت نبحت فيها وعيوني مليانه دموع واضبطتها قعدت نبكي...حسيت بحاجه نزلت ع خدي بحتت لعمتي لقيتها تبكي...اول مره نعرف ان عمتي عانت لهدرررجه....الحاجات اللي صارنلها ماصارن لحـد 💔"
"بكيت معاها لين هديت عمتي وقعدنا نفطروا مع بعضنا...ساعدتني عمتي في تبديل دبشي ومشيت للحمام توضيت وصليت...."
.
.
.
~~~~~~~~~~~~~~~~~~~~~~
"ناضت هاجر لقت روحها في المستشفى ويدها مربوطه وبحتت فيها امها وتبكي"
امها تبكي :- لييييش ياهاجر ليييش درررتي هكي!!!
هاجر بحتت فيها بألم :-مليت من الحياة...خلااص نبي نمووت ياماما 💔...كلمووولي سجى اررررجوكم كلموها ليا ورررراس ماما كلميها
بوها يبكي :- احكيلنا يابنتي شن صارلك احكككي!!!!
هاجر تبكي وتعيط :-كلللللمووولي سجى كلموووووووووووها كلموووووووها
"خذت امها النقال بسرعه ورنت ع رقم سجى لقاته غير مستعمل"
امها :- غيـر مستعمل
"هاجر غطت وجها بيديها وقعدت تبكي"
.
.
.
~~~~~~~~~~~~~~~~~~~~
"توضيت وصليت الصبح وجاء حسام"
أنت تقرأ
غلطة دمرت حياتي
Mistério / Suspenseرواية باللهجة الليبية للكاتبة سرو الحاسي تحكي ع"سجـى" البنت اللي غلـطت غلطة كبيرة فـ حبها لشاب دمر حياتها وخلاهـا تخسر اثمن شـئ عندها وتهرب ويصيرن معاها احـداث كثيرة وشيقة...زعما شنو يصير فيها؟..كله حتعرفوه مع احداث القصه...|❤لا اسمـح بنقــلـها ❌
