غلطة دمرت حياتي

الـحـلــقــة 5

"صبا مراد وضرربني كف بكل قوته"

ماما :-هيييييييي!!!!!

بابا :-مراد ماتمدش يدك ع اختك "ههه عليك الواعر"

مراد بعياط:-توووافقي عليييه والا مايصيرش خيررر فاااااهمه!!!

"خشيت لداري ونبكي لحقتني هبه واضبطتني وقعدت تهدي فيا...اما بابا وماما سمعوا كلام مراد ووافقوا وماخذوش حتى رأيي...فالليل رقدوا كلهم وانا قررت نهرب 💔💔"

"قعدت نبكي ونبكي وخشيت لدار بابا وماما وشفتلهم"

انا :-سامحووني سامحووني والله ماعمري واطيت روسكم وكانت غلطة مش بيدي

"تسلست بشويش وبست راس بابا وماما ونا نبكي وطلعت خشيت لداري...وتيت ساكو صغير وحطيت فيه دبشي وشفت لهبه وقعدت نبكي...كتبتلهم رساله"

"في كـل حرف من الرساله نبكي ويرتعش القلم في يدي...حطيت الرساله عالمكتبه وطلعت للشارع وكان مظلم ويخوف...قعدت نسمي بالله وخايفه ونمشي لمكان غير معروف"
.
.
(بابا وماما سامحوني لاني هربـت...والله العظيم ماغلطت ولا وطيت روسكم ولاحنـديرها فـ يوم من الايام...سامحوني ع كل شي درته وانا ماشيه لمكان مايعلم بيه غير ربي...غلطت غلطة بس والله العظيم مش بيدي والله...سامحووني..امانه سلمولي ع عمتي سكينة...سجـى)
.
.
"قعدت نمشي ونمشي ونخش كل مـرة في شارع...بعد تقريبا 3 ساعات من المشي واذن الفجـر...خشيت في شارع ضيق ويخوف وشافوني شابين قاعدين برا"

شاب 1 :-اوووو ويين ويين خشيتي لشارعنا

شاب 2 :-اكيده بنت ليل هيا نشوفوها كم تطلب

"قعدت نسمع فيهم ونجرري وهما يجروا وراي ومسكوني"

شاب 1 :-تؤتؤتؤتؤ ليش تهربي ماتخافيش ندفعولك راه

نا نبكي ونعيط :-وراااس امك ارررجوك اطلقني حوول ماعندكش خوات

شاب 2 :-ههههههه خواتنا مش بنات ليل يا###

"قعدت نجري ونبكي وطقيت باب وفتحتلي عزوز كبيره فالعمر وخششتني"

العزوز :-كنك يابنتي شن صايرررلك!!!

نا نبكي وبصوت متقطع :-فـ في اا اثنين يـ يجروا وراي

العزوز :-انتي شن طلعك مع الفجر

خش شاب :-يا امـ.ـ "ويشوفلي بصدمه"

العزوز :-احكيلي قصتك يابنتي نا زي امك

"حكيتلها قصتي وانا نبكي ونحلف ونردد والله مش بإيدي والله"

العزوز قعدت تبكي :-لاحول ولاقوة الا بالله

"الشاب قعد يشوفلي ومتأثر"

العزوز :-باهي لييش هرربتي ليش ماتحكيلهم ويسترك لييش!!!

انا نبكي بعبرتي :-حـ حكيت معاه وهزبني وسـ سكر في وجي وحتى وين يسكن مش عارفه وقفل نقاله