ذنوب بريئة

الجزء الاول

#ذنوب_بريئة

▪▪▪▪ للكاتبة ام علي ▪▪▪▪

🔼البارت الاول

كل انسان يمر بكثير ضروف بحياته .. منهة تخلي قوي ويواجه اصعب الضروف ..ومنهة تضعف ارادته ...واحيانا يحتاج يتخذ قرارات جدا صعبة بحياته ممكن يكون مجبر عليهة وممكن من باب العاطفة...

ام محمد~~ سنة 1993 جنت حامل بطفلي الرابع وتعبانه من الحمل روحي كاضية من التعب بس اذب روحي وين

ماجان راسا انام وما ادري بالدنية بعد ...خطية ابو محمد خوش رجال من يشوفني تعبانه هو يداري الجهال اكلهم نومتهم ميكعدني ولا يثكل عليه...

حسيت على صوت التلفون الارضي يرن فزيت من نومتي واتعوذت من الشيطان.. مدري فزيت من الحلم الشفته مدري من رنه التلفون...

باوعت ع الساعه يا هاي نص الليل صاير ساعه 3 ونص يارب سترك منو يتصل هالوكت ... التفتت على ابو محمد لكيته يشخر ومحاس بالدنية.. و اني بطني لخشمي واصلة ومبية اكوم من مكاني يارب دخيلك عيني شراح يوصلني للتلفون ...ابو محمد يمعود فدوة كوم التلفون يرن

ابومحمد~~اي اي نامي عوفي

ام محمد~~ يا هذا ماواعي اصلا ..  شديت حيلي وكمت للتلفون بس كلبي مقبوض التلفون ميرن بهيج وكت الا اكو شي ياستار رفعت السماعه ... الو

ام فراس~~ولج خيتي الحجية ماتت امنه ماتتت ولج راحت الحنينة ام محمد راحتت

ام محمد~~لالا شنو هالحجي شبيهة امي مو ذيج الجمعه شفناهة مشتكت من شي لج صدك تحجين انتي ...ردت عليه وصوتهة مخنوك من العبرة

ام فراس~~لو تلحكي تشوفيهة لو لا راح ياخذوهة الولد للمغيسل

ام محمد~~ اني هنا حسيت على روحي وراسا عيطت وبديت ادك والطم واصرخ وفقدت بعد... ورة شوي لكيت ابو

محمد شايلني ومخليني ع الفراش بالكاع ومغسل وجهي  والجهال يتبجاون يمي كعدت ممصدكه بالخبر واكول بلكي

كابوس وامي مبيهة شي بس لكيت ابو محمد متصل على اهلي ومفتهم السالفه منهم .. لبست عباتي وبدلت ملابسي

لبست اسود واخذنة ابو محد بذيج الفجرية دنودع امي.. اتاذيت كلش على فراكهة ربتنه ايتام واحنه لحمه حمرة وما

عافتنه اشتغلت كلشي علمود تخلينه احسن عيشة عايشين ومنحس بيتم ابونه الله يرحمه كبرتنة وزوجتنه وماقصرت ويانه بكشاية ..

مدستوعب شلون بعد ماشوفهة شلون ادخل البيت وما الكاهة شلون ييمة تعوفين مكانج هيج خالي مكلتي بناتي منو الهن .. الطريق كله ابجي واحجي وية روحي....شفت العالم ملتمين دخلت اصيح واعيط يبو يبوووو

ام فراس~~دخلت ام محمد تصرخ وتعيط وتلطم وهية حامل ميصير هيج تسوي خاف يصير بيهة شي كمت اركض عليهة شبكتهة وضلينه نتباجه اني وياهة