#ذنوب_بريئه
▪▪▪▪للكاتبة ام_علي ▪▪▪▪
🔼البارت التاسع عشر
والكل نزعوا اقنعت البهائم للوحوش الناس تحولوا
الى اشخاص لمنتهى العنف حتى زوجي الي من كثر الفرح بجى صار غير انسان وقرر يتزوج يمكن اني
ما احبه ولا حبيته بس زواجة حطمني وخله الشماته تضحك عليه مرت ايام حملي بصعوبه لمن الله سهل
وجرت ولد وسميناه أكرم لان على عينه الرزق والبركه حتى ضرتي الي اجت من كد القهؤ انهزمت
وطلبت الطلاق بس هو بقى رافض وتحول الى انسان دموي لمن فتح المخزن وقرر يسجني بي
جنت مثل الحيوانه مسجونه من قبل زوج مريض نفسيا في اسبيل اثبات رجولته كدام اهله وزوجته
الثانيه الي جانت تجيبله سوالف عني انه انتقص من رجولته وفد يوم انفتح باب المخزن وانصدمت بيها
ضرتي الي ساعدتني انهزم واخذ ابني لان هي عدها خلفه صارت تريد كلشي الها بسبب كلام زوجها الي جان يعيرها بجمالي ...
وفعلا انهزمت بطرك عمري واخذت ابني بعد مشاكل واشكال صارت خلافات رحت كعدت ويه بنت عمي
الي جانت اكبر مني ودارتني بيتها وحدها وماعدها اطفال وزوجها مدللها ويحبها وجان يجيها بين يوم
ويوم بقيت يمها طول ذيج السنين بعد مااخواني تبروا مني وزوج بنت عمي تكفل بيه اني وابني
وسوه عقد محكمه عليه عقد زواج بس حتى ماايكدر احد ياخذنا لان زوجي الاول طلكني غيايبا....
بنت عمي بقيت وياها وكملت دراستي الاعداديه ودخلت كليه وابني سجلته مدرسه وجان بصف ثاني
ابتدائي ذنيج السنوات حسيت الله عوضني ببنت عمي وزوجها الي جنت اسمي عمو لان اكبر مني بهواي ...
وفجأة ابني بلش يترك المدرسه ويرفض يداوم قررت اروح للمدرسه ومن رحت تفاجئت بمدير
المدرسه لان جانت ثانويه هو نفسه ظافر بيومها جنت لابسه تنوره سوده وقميص مقفل ومكياج خفيف ...
بقى صافن بالبداية بوجهي ومصدوم بعدين اتخذ طريقة الترحيب الرسميه وكعدت وجان المعاون
موجود وشرحت الهم ابني يتعرض لمضايقات والمدير تفهم الوضع وكذالك المعاون وحاولت بشتى
الوسائل اقنع ابني يرجع للمدرسه وهذا الشي خله ابني يرجع شهر مرتاح واني كذالك فرحت الا ان
كمت اسبح ابني اشوف جسمه ازرك وبلش الطفل ينعزل ونفسيته تتغير بس ماكان يكول اريد ابطل
وقررت ارجع للمدرسه واشوف والمدير (ظافر)جان اله غير كلام انه ابني يزعج الطلاب وهو الي ياذي
أنت تقرأ
ذنوب بريئة
Chick-Litامرأه تتحدى الظروف الفقر الوحده المعاناة الغدر لتحقيق هدفٍ سامي في الحياة عن ام عراقيه قاهره واولادها
