ذنوب بريئة

الجزء التاسع

#ذنوب_بريئه

▪▪▪▪للكاتبة ام علي▪▪▪▪

🔼البارت التاسع

دخلت للبيت وكل وحشه...
يا وحشة الاحباب وحشه
وياخلوة الدار وحشه
ولدفو نظرة عيونك وحشه
لا اهل لاجار ولاعمر بعدك الا وحشه..

جنت ملفوفه بالعبايه كعدت على الدجة مالت الباب وبلشت اون الى ان استفرغت كلشي وحسيت بس الهوه ومثل الحنضل طلع حتى من خشمي فتت لجوه اجتني ساره محضره دشداشه كودري سوده..

ساره~~~البسي هاي الدشداشه ماما ...

اشرت بيدي مااكدر اتحرك لبستني وعيونها تصب ومبين وجها مورم لاطمه و حنين تباوع من بعيد ودموعها تصب...

اخخخ ياجبدة الحيين ملسه
وشما يطول الحين تنسه

ربي ساعدني على ضيم الفراك ...

مرت ايام الفاتحه اختي ام فراس تجي حالها حال الغربه جان بودي اكوم اشرب من دمها هي وام رعد مااعرف صافات اثنينهم وصداقتهم من شوكت ماعرف يتهامسون بس لابيه حيل لاعندي خلك احجي كدام الناس رغم هذا كله جانت ساره تباوع وتجي مرات تهمس باذني ...يمه خل نطردهم فلك طرها لخالتي ...
بس ام مهند جان الها غير كلام...
ام مهند~~~عيب بيبي حلوكنا متروسه دم نكعد نطرد بالعالم وهاي خلاتج ماعليج بمشاكل الكبار...
ساره~~~بيبي ابويه مات بسببهم وشوفي يتهامسون على امي ..

ام مهند ~~مالج غرض بيبي هسه خل تخلص  الفاتحه وربج يفرجها وساعتها الكلام يختلف..

اذا هسه نحجي الناس شراح تكول مامؤدبات بنات جبر ...

خلصت الفاتحه وماعرفت من اجى منو راح شصار جنت بعالم وحدي بعيده عن الكل ..

افكاري بعالم اسمه جبر يمكن حتى الغفوه والنومه تصير واني كاعده على حيلي لمن ثالث يوم وزعوا البنات فتشة الحلك جانت لفه بيها لحمة دجاج مسلوكه وشوية تمره جنت مااقبل اكل بس ثالث يوم جبرتني ام مهند اعض اللفه الاكدرت اكلها وخليت ايدي تحت راسي وغمضت عيني...

ام محمد ام محمد....
~~جبر ياهلا بريحة هلي تعال اشمك تعال اخخخ يمه ردت روحي كالوا متت وانته يمي

اي اني متت بس روحي وياكم وديري بالج على روحج والبنات حمودي وورده وام حمودي الغاليه اني زين اهم شي انتي ماارضى عليج اذا ما وكفتي على حيلج..

يمه يمه ~~~بسم الله الرحمن الرحيم..
شبيج ماما~~~ساره
شفتج غافيه وتعيطين باسم بابا وكصتج عركت خفت عليج لان اختنكتي...

ام محم~~~ليش كعدتيني يايمه ليش..
اوففف شفت ابوج فدوه اروح لتراب كبرك ابو محمد ...
تصدكين!!الحلم واضح...
واجت حنين وكعدت يمنا وعيونها مورمات ولابسه ربطه سوده صغيره وتسمع شأسولف..

شفت ابوكم وجهه جنه كمر ولحيته شحلاتها ولابس دشداشه بيضه ويضحك  حتى سنونه طالعات ويه الضحكه ...