ذنوب بريئة

الجزء الثاني

#ذنوب_بريئة

▪▪▪▪البارت السادس عشر▪▪▪▪

للكاتبة ام_علي

ام محمد .....

جنت امشي ورجلي  بعد ماتعيني حسب  مافمت من الطبيب  بسبب الضغط عليها وصار  سوفان بالفقرات

بس منو عندي او الي اني عندي يتامة بركبتي صح ساره تزوجت بس مايعني بعدها عن العدوان وهسه

حنين يريدون ياخذوها ومحمد الي صار مريض نفسي اخخ رجلي ماكدرت امشي احس رجلي كامت

تطك من يم الركبه كعدت على طابوكه بص الرصيف الي  جان متفلش مرت من يمي بزونة شارع كامت 

تتمسح برجلي تريد مني انطيها  اكل  بس كلشي ماعندي اووف ياجبر لو موجود جان هسه  ماخلاج

تعدين الايوكلج ...
شكد مشتاقتلك  ابو محمد الف  رحمه على روحك ....
تفضت عباتي  وكمت وصلت لبيت وداد ام الخيره..

كعدت  كتلها اجيتج كلساع اضايقج بس تحمليني فدوه لعينج ...

وداد~~صدك جذب خاله تدللين انتي..
بس خلي اكمل هاذي الكبه لف واجيب القرأن .

وداد جانت بنيه عمرها٢٥ سنة طولها  وسط حنطاويه ام بيت شاطره وبس هي وامها  عايشات ومستورات

ماعدهن رجال ولا من النوع  الي طابات وطالعات وداد جان عدها واحد من حواجبها بي اثر بسبب 

حادث  سياره بطفولتها بيني وبين نفسي جنت اريد اطلع الكلمة وارجعها ...

~~اكولج  خاله خلي اخطبج لمحمد ابني...صح انتي اكبر منه بشي ٤سنوات بس مامبين عليج والله هو

حباب وفقير وعلى نياته ماعنده حظ وحتى سوالف  نسوان وهيج شغلات ابد مو باله ولا يفكر بيها وانتي

من النوع  شاطره ونظيفه وحلوه والاهم شريفة وتكدرين بذكائج تعلمين محمد شلون يكون نفسه وتطلعي من وضعه النفسي التعبان واني متأكده راح يهواج...

وداد بخجل ~~والله ياخاله شوفت عينج شلون اترك امي وتعرفين ابويه انفقد باحداث التسعين وماعدها

احد  بس  اني واخويه ...
والاخ اخو مرته تركنا واخذ مرته واطفاله ومابقى ويانه  مالي نيه اتزوج واترك امي لحالها..

ام محمد ~~~اي ليش تذبين امج يا خاله جيبيها وياج احنه شعدنا...

وداد ~~افكر ان شاء الله..

ام محمد ~~اي فدوه بنيتي...
راحت غسلت ايدها واجت بيدها القران ومتوضيه وضوء  صلاه ولابسه  حجاب  ...
كعدت كدامي..

وداد ~~اكولج  خاله اني صار كم مره افتح القران علمود حنين وقسمتها يطلع يمي تنسعد واحسن

قسمه وعيشتها احسن عيشه بس اذا  انتي مثل ما تكولين امير مو خوش ولد ممكن يصير زين وحباب  هذا العلم يم الله...