عشقي_لكِ_كالمحيط
#البارت_الثاني
#بقلم_ساره_المجيد
#الناشربارق_العراقي
وخلصت العطلة ورجعنه للعراق ورجعنه للدوام ......ومرت ايام المدرسة ع خير واجتي امتحانات النهائية وكملنه الامتحانات ونجحنه الحمدلله كلنه ....
ومرت الايام والاشهر واجوي بيت خالتي حتى يخطبون مينا ل وسام وبابا وافق وتمت الخطبة ومرادوا يتأخرون كالوا شهر ونزوجهم لان محظرين كوولشي .... وفعلا وره شهر اتحدد يوم الزواج يوم الخميس .... وشفت اختي مينا عينها تلمع من الفرحه ..... رحنه اني وياها للصالون وشسورت شعري ومكيجت خفيف ولبست فستان اسود طويل بي فتحه من كدام اردانه شيفون طلعت اجنن 😁😁 ...... وبدت الحفلة وجانت ولا اروع اجوائها اتجنن وخلصت الحفلة وزفينا العرسان للفندق ورجعنه للبيت ......
ومرت الايام وكملت السادس العلمي وانقبلت كلية طب لان معدلي جان عالي الحمدلله ..... و داومت اول يوم كلية جنت استحي....... اشوف عالم الكلية عالم ثاني مو مثل المدرسة ..... اتعرفت ع بنية اسمها علياء ... حبابة وخوش بنية صارت صديقتي جنه نطب للقسم سوه ونحظر المحاظرات سوه ..... وهواي شباب صارحوني يريدون علاقة حب .... بس اني مجنت احب هل سوالف ولا خاله ببالي هل شغلات .... جنت اجي للكلية حتى ادرس وبس وخلصنه السنة ع خير والحمدلله نجحنه وجبت امتياز ...... وبدت سنة جديدة علينه وصرت مرحلة ثانية طبية وبعطلة نصف السنة كالعادة .... اجوي اهلي بالعطلة اخذونه للخارج ...
وبقينه 4 ايام فقط لان ببيتي ام امي اتوفت اضطرينه نرجع عسريع هل مرة ....
وبابا فعلا حجزلنه تذكرة طيران للعراق .......وحظرنه الجنط ....... وصلنه بابا للمطار مال الهند ... ودز ماما ويانه حتى توصلنه لبيت جدي وترجع ..... صعدنه بالطيارة واخذنه مقعد الدرجة الاولى .... كعدنه شفت شاب كاعد وبصفه مره كبيرة بالسن .... ولازم كتاب روايات ديقراة بيه ... وحاط هيدفون بأذانه وديسمع أم بي ثري ... الشاب شكلة يجذب بقيت صافنه عليه بهل اثناء هوه رفع راسه وشافني داباوع عليه .... ابتسملي اني راسا درت وجهي فشلت واستحيت ..... كلت اصخام شكد عيب هسه شيكول عليه بله سويت نفسي دالعب بتلفوني بلعبة جنت منزلتها ..... هوه كام من مكانه واتقرب يم الكرسي مالتي وكلي ... احمد من بغداد ادرس علوم بايو سنة رابعه ...
اني بقيت فاتحه حلكي 😯 هذا شبي شنو هل جرائه انوب ليشوفه اخوية لو امي شسوي ....
لينا .... اهلا اخي تفضل رايد شي ..
احمد ... لا بس ردت انطيج هاي الروايه حتى تلتهين بيها ... واحنه بالجو ...وغمزلي 😕 ...
لينا .. هذا شديحس شنو اتورطت وباوعت ع جهرتك عابت 😤 ...
انطلقت الطيارة بالجو وبدت المضيفه تجيبلنه المشروبات الغازية والكيك ..... اني بردت شوية صحتلها كتلها ممكن بطانية بردت عفيه ..... عاد جابتلي غطه اتغطيت بي ونمت .....
وره شوية حسيت الكاع ترتج من جواية فزيت من نومي لكيت العالم مرعوبة من خطر قادم بسبب الطيارة صار بيها خلل .... باوعت ملكيت الشاب بمكانه درت وجهي شفت ماما لازمه سبحه ودتسبح واخوتي يرجفون من الخوف ...... ركضت رحت يمهم المضيفه صاحت عليه رجاءا اكعدي لسلامتج الوضع مايطمن واربطي الحزام ..... ماما كلتلي اكعدي لينا ماما واربطي حزامج زين ان شاءالله ماكو شي وتفوت سلامات .....
رجعت كعدت وجان يجي الولد وبيده طفل خلاه بحظنه وكعد ..... جان الطفل يبجي وديسكت بي ... كله لتخاف حبيبي هسه نوصل لبيتنه والبصفه اثاري جانت امه للشاب خله الطفل يمها وكام راح جاب جنطه بيها لعبة نطاها للطفل حتى يسكته ..... بس الوضع صار افضع الطيارة كامت تهتز وعلى غفلة جان اسمع صوت أنفجار صار من صفحتي .... باعوت من الشباك لكيت الجناح مشتعل نار ..... كمت اعيط وابجي المضيفه انرعبت من الموقف الي صار ركضت ع الكابينه مال الطيار ... وراها حجه الطيار ويانه كال استعدوا وربطوا الاحزمة زين ....الطيارة انفجر محركها وهسه باقين ع 3 محركات ان شاءالله يوصلنه ..... واحنه كلنه متنه من خوفنه واتشاهدنه ع روحنه .... وراها صار عطل بالمحركات الباقية والطيارة هبطت للارض ماعاد تكدر تطير اكثر .... نزلت نزله سريعه والكل كام يعيط ويصيح واني لازمه نفسي وابجي والشاب ابتله بالطفل خطية الموقف جان مرعب جدا ..... جوانه جان المحيط الهندي ..... اسمع الطيار يتصل ع برج المراقبه نداء استغاثة وبدون فايدة محد يكدر يساعدنه بس الله .... الطيارة بقت بالنزول من الارتفاع الي جانت بي حسيت روحي طلعت من الهبطه مال النزول ...... والصياح مال الركاب ماسكت بقوا يصرخون وامي حاظنه اخوتي وتقراة ايات قرانية ..... واني اعيط وابجي لحد ما ارتطمت الطيارة بمياه المحيط .... وطبت جوه بطن المحيط وفقدنه الوعي ونص فقدوا حياتهم بسبب الصدمه ....راسي انرطم بالشباك وانشك وكمت انزف .... وراها صحيت من الصدمه شفت المي ديتغلغل لداخل الطيارة كمت اعيط وباوعت ع امي واكعه بالكاع رحت عليها اصحي بيها متجاوبني كمت ادك والطم امي متحجي مدري شبيها اخوتي واكعين وفاقدين الوعي ..... وراها شفت الشاب كعد والطفل الي بيده ساكت ميتنفس ولا اله صوت ..... انرعبت من شدت الموقف .... المي وصل لحد ركبتنه كوه نمشي والمي ثلج بارد جان.... لان شتاء ....كتله خما بي شي الطفل باوع عليه وعينه غركانه بالدموع .... كال مات وراها كام يصيح ويلطم ع وجها ..... حييل انقهرت عليه الموقف يقهر بجد .... رحت مرة لاخ ع امي اصحي بيها كوه حركتها وكعدتها ع الكرسي .... بس ماكو متجاوبني امي ياربي فدوة شبيها امي اجه رجال كبير بالعمر جاس نبضها وراها غطه وجها كال الباقاء لله .... اني سمعت هيج كمت املخ بوجهي واعيط وابجي لااااا كولشي ولا امي لتكول هيج جذب امي مابيها شي هسه تكعد .....صحوا اخوتي وخواتي ع صوتي وشافوني حاظنه امي وابجي اتخبلوا ..... شبكوها وكاموا يبجون ويايه ...
الولد الي بالطيارة شالونه من جثة امي وغطوها بطانية وخلوها ع الكرسي امدده .... والطفل هم جفنوا وخلوا بصف امي وام احمد هم اتوفت وخلوها بصف امي ...... وكاموا يحجون شلون نفتح باب الطيارة حتى نكدر نطلع لا نموت غرق .... كتلهم اشلون احنه منعرف نسبح حتى لو طلعنه حنموت غرق اني واخوتي 😭😭 ... احمد كال لتخافين كل واحد يشيل واحد منكم ونسبح بلكت اكو جزيرة شي نوصل يمها ..... وفعلا الشباب حاولوا يفتحون باب الطيارة وكدروا يفتحوها ومن انفتحت الموج مال المي اتدفق داخ هيكل الطيارة ......وغطت كل الطيارة وغركنه احمد اجه عليه شالني والشباب عسريع شالوا اخوتي .... وطلعنه من الطيارة واحنه حابسين انفاسنه منكدر نتنفس ..... كدرنه نصعد لسطح المحيط واستنشقنه الهوه لحد ما امتلئت رئتنه .... لوهله حسيت روحي رادت تطلع .... شنو هذا اليوم غير اكشر عمري مراح انسه هذا اليوم ابد .... ولو ميتين احنه لو عايشين .... بقوا الشباب لازمينه ويسبحون وهناك جان انشوف ......
يتبع .....
#سارة_المجيد🎀
أنت تقرأ
عشقي لك كالمحيط بقلم ساره المجيد الناشربارق العراقي
Fantasíaالقصة خياليه فتاة بالعشيرن من عمرها تقع في حب شاب في مكان لايخطر ع بال احد وتحدث لهم امور غريبة ومفاجئات اغرب .. تابعوا القصة بقلم_سارة المجيد 😘😘 الناشربارق العراقي
