#أحببت_منقبه
الحلقه_الاولى
ياسمين:لو سمحتي نبي الدوا هدا
متاع الصيدليه:باهي باهي..ولاهيه مع الزباين التانيين
ياسمين:..(اووف تأخرت شن هالحصله خليها تسقدني)
الولد:يا اختي نبي المرهم اهوا
متاع الصيدليه:حاضر ياخوي..ومشت اتدورله
ياسمين:ياأختي حرام عليك ليا ساعه كل مره اتقولليلي باهي والله تأخرت حت اللي توا خشوا سقدتيهم قبلي
متاع الصيدليه:..علت صوتها تي قلتلك باهي خلاص شن ماف غيرك ف المحل
ياسمين:..طلعت بدون حت ماترد
(ياسمين كانت بنت خجوله جدا صوتها مايطلع تنحرج من ابسط شي ودمعتها بسرعه ماتنزل)
ف الصيدليه
هيثم:البنت اللي طلعت شن الدوا اللي تبيه
متاع الصيدليه:..لقتها ناسيه الوصفه..امم اهوا دوا قلب
هيثم:دوا قلب!! عارفه شن سرعة حاجتها ليه..من بدري نشوف فيها متحملتك وساكته لها قريب ساعه تراجي فيك
متاع:الصيدليه:ااءء..
هيثم:لو سمحتي عطيني الدوا والروشيته وبسرعه..وخداهم
ياسمين:اوووف عليك هبله نسيت الروشيته..ورجعت
هيثم:يعني ضروري تتصرف بلا تفكير ياغبي وين بتلقاها البنت توا..اووف لا وفوق هدا كله لابسه خمار يعني ضروري منها حرقه دمك هدي..
وهنا تلاقوا الاتنين ع الباب
ياسمين:..خشت
هيثم:..(هدي وحده متخمره..بالك هيا خليني نرجى نتأكد )
ياسمين:معليش خليت الروشيته هنا
متاع الصيدليه:بطرف خشمها..ف واحد خداها وخدا الدوا اللي فيها..ولفت وجهها
ياسمين:..(حي عليا وين بنلقاها وااك يا ياسمين ماتبطليش غباء)
هيثم:...(اي هيا خليني نرجاها فم الباب بيش نمدلها الدوا)
ياسمين:..طلعت من الصيدليه
هيثم:معليش اختي
ياسمين:😳..
هيثم:تفضلي اهوا الدوا والروشيته
ياسمين:لكن!!
هيثم:كنت حاضر وشفت اللي صار وخديت الدوا
ياسمين:..نزلت راسها وطلعت فلوس من الشنطه..تفضل
هيثم:لا واصلي..
ياسمين:لو سمحت اولا انا مانعرفك وتانيا وقفتنا هكي مش حلوه لهدا السبب ياتاخد الفلوس وتعطيني الروشيته والدوا وبارك الله فيك ولو ماتبيش تاخدهم عطيني الروشيته وبرضوا بارك الله فيك
هيثم:اوك اسف .. وخدا الفلوس ووعطاها الدوا والروشيته...
ياسمين:شكرا ومشت..
هيثم:ليا وااجد ماشفت بنت بحشمتها..
وهنا كل واحد مشى ف حاله .....
ف البيت
ياسمين:السلام عليكم
فتحيه:وعليكم السلام..خيرك هكي عطلتي شغلتيني عليك
ياسمين:سامحيني يا امي والله كله من متاع الصيدليه ربي يسامحها ويهديها
فتحيه:خيرها
ياسمين:خليني نعطي الدوا لبوي قبل ونجي نحكيلك
فتحيه:كيف رقد خليه
ياسمين:مانقدرش الدوا لازم يتاخد ف مواعيد تابته
فتحيه:باهي واهو دايره قهيوه وشوي كعيكات عطيه وتعالي
ياسمين:به..ومشت..بابا
محمد:امم😴
ياسمين:بابا نوض خود دواك
محمد:...وعى وخداه..صحيتي يابنتي تعبتك
ياسمين:ولو يابابا تعبك راحه..خلاص كمل نومك
محمد:ربي مايحرمني منك..ونفرح بيك كيف باقي خوتك
ياسمين:فرحانه بوجودي بينكم وبخدمتي ليكم..وغطاته..وشوي رقد طلعت لامها
فتحيه:رقد باتك
ياسمين:ايه
فتحيه:تعالي خبريني شن صار
ياسمين:غير نسلح عبايتي بس
أنت تقرأ
أحببت منقبه"مكتمله"
General Fictionالروايــه باللهجــه الليبيــه ،تحكــي عن بنــت منقبه مهتمه ببوهــا المريـض ،وكانت تبي تجيبلــه الدواء من الصيدليــه ،فجــأه تلتقى بشــاب وسيم، و يجمعهــم القدر أكثر من مــره ،ويقــع الشاب في حبهــا لحيائها وجمالها ،وتصير ظــروف واحــداث تحاول تفرقهـ...
