#أحببت_منقبه
الحلقه_ما قبل الأخيـ{30}ـرة
هيثم:وين ياسمين
آيه:الكبيره ولا الصغيره
هيثم:الاتنين
آيه:الكبيره مشت اتدور ف الصغيره
إسراء:خفنا تمشي بجنب الحديد تعرف انت مش تابت
هيثم:توا نشوفهم..ومشى
آيه:إسراء مديلي الصحون
هيثم:ياسمين لاا😨..
الصغير:حركت الحديد وجا طايح
ياسمين:دفتها بسرعه وجت مكانها
الكل:😱😱
هيثم:ياسمين ومشى يجري
الصغيره:تبكي
ياسمين:هـ هـ ـيـ ـثـ ـم الـ ـصـ ـغـ ـيـ ـره
هيثم:يام
كريمه:ماتخافش ماصارلها شي
هيثم:ياسمين خليك معاي ياسمين
ياسمين:داخت
هيثم:رفع ياسمين ومشوا جري للمستشفى
*
كريمه:ان شاءالله مايصيرلها شي
آيه:سبحان الله قريب ماقتلت روحها ع خاطر الصغيره
إسراء:صح الصغيره بسبب ياسمين حالها باهي
كريمه:ان شاءالله نسمعوا الاخبار الطيبه عنها
*
هيثم:طمنيني يادكتوره
الدكتوره:حاليا مش باين عندنا شي ف الصور حنرجوا المريضه لعند تصحى
هيثم:يعني؟!
الدكتوره:حتقعد تحت المراقبه
هيثم:نبي نشوفها
الدكتوره:اسفه بس ممنوع
*
وفات اليوم وياسمين ف العنايه والصبح
كريمه:هيثم شن صار
هيثم:ولا شي نرجى فيها توعى جيت ندوش ونبدل
كريمه:باه اقعد ارقد واني نمشي
هيثم:لالا يام خليك حت عمتي كلمتني وقلتلها ماتجيش لانه الزيارات ممنوعه
كريمه:ربي يلطف بيها
هيثم:وين الصغيره
كريمه:راقده
هيثم:به..وخش يتدوش
*
حسين:شن وضعها توا
فتحيه:قالو مستقر
حسين:بكرا باذن الله نكون عندكم
فتحيه:مايستحق مانعين الزيارات خليك غادي حت مرتك محتاجتك بروحها مريضه
حسين:به وين حسن
فتحيه:ف المستشفى
*
كريمه:باه كول حاجه
هيثم:مانبيش بنشوف الصغيره وينمشي
كريمه:باه
هيثم:خش للدار وباس الصغيره
ياسمين:بابا جيت
هيثم:صباح النور
ياسمين:لفت راسها تشوف خلف هيثم
هيثم:خيرك
ياسمين:وين خالتوا
هيثم:تنهد خالتوا مريضه يابابا ف المستشفى
ياسمين:..
هيثم:هي بابا كملي نومك انا بنمشي
*
حنين:كيف وعلاش ماخبرتوني
فتحيه:تبهدلنا واندهبت شيرتنا
حنين:وكيف حالها توا
فتحيه:ماخبرنا قالوا مستقر وخلاص
*
مايكل:جمال هاتفك لم يكف عن الرنين أرجوك أريد النوم قليلا
جمال:اعتذر منك سوف اخفض الصوت
مايكل:حسنا شكرا لك
جمال:حط نقاله صامت..ورفع باكوا الدخان وطلع
*
وبعد سااعات
الدكتوره:الحمدلله ع سلامتها المريضه وعت
حسن:الله يسلمك
هيثم:نقدروا انشوفوها؟!
الدكتوره:المريضه مزال تعبانه شوي واحد منكم بس يخش مانبوش نرهقوها
حسن:خلاص خش انت
هيثم:صحيت
*
فتحيه:الحمدلله ياربي..وكيف صحتها توا
حسن:ماشفتها الدكتوره قالت واحد بس يخشلها
فتحيه:اها وهيثم خش
حسن:اي..بنسكر ماعنديش شحن طمني خواتي وحسين
فتحيه:ان شاءالله
*
هيثم:ياعمري
ياسمين:بتعب .. يـ يـ ـاسـ ـمـ ـيـ ـن شـ ـن حـ ـا لـ ـهـ ـا الـ ـصـ ـغـ ـيـ ـره شـ
هيثم:بخير ماتخافيش عليها انتي بس اشفي
ياسمين:هزت راسها
الدكتوره:يا استاذ خلاص
هيثم:باس راس ياسمين وطلع
*
كريمه:كلمتني عمتك فتحيه والحمدلله ياسمين وعت
آيه:الحمدلله ياربي شن حالها
كريمه:ان شاءالله خير
آيه:بنكلم إسراء من أمس ع أعصابها
كريمه:باه انا بنشوف الصغيره
*
شمس:اا مايا
مايا:نعن
شمس:مايا اريد أن ان
مايا:ماذا
شمس:لاعليك انسي الامر
مايا:هيا اخبريني
شمس:كنت أريد السؤال عن أمر ولكنه ليس مهم انسي الأمر
مايا:حسنا
شمس:سوف أعود للمنزل نلتقي ف الغد
مايا:حسنا وداعا
*
وفات اليوم وجا اللي بعده
هيثم:الحمدلله تحسنت صحتها وإحتمال كبير بكرا يطلعوها
جمال:باه الحمدلله سلامتها ان شاءالله
هيثم:الله يسلمك
جمال:هي مانعطلش عليك نكلمك وقت تاني
هيثم:ان شاءالله..وسكر
حسن:هيثم
هيثم:نعم
حسن:روح ارتاح لك يومين مارقدت
هيثم:لالـ..
حسن:مافيش لا ياسمين لما تروح حتكون بحاجه ليك بصحتك مش وانت مرهق
هيثم:تمام الظهر نرجع
حسن:لالا المغرب تعال واصلا هيا عطوها منوم يعني جيتك ع الفاضي
هيثم:تمام
*
حنين:قلت ل راجلي يرفعني من امس مارجعت قالي العصر
حنان:انا مشى للخدمه قلت ل بكرا وخلاص
حنين:مرات بكرا مايصيرلي مشي
حنان:اليوم هو اللي مابتفيديها وبكرا ضروري تمشي
حنين:مش عارفه كيف ع عمتي مابنقدر نخليها
حنان:كلمي سلفتك
حنين:اسمله هالمكلوبه لالا الحق غير تدير وجبتها سادها فكيني منها توا نشوف حماتي راويه كان قدرت تجي
حنان:اي حت هو حل
*
ياسمين:جدتي نبي بابا
كريمه:بابا ف المسـ..
هيثم:فتح الباب وخش
ياسمين:بابا بابا
هيثم:حبيبتي..ورفعها
آيه:ووو ع منظرك الرهيب دير خير ف روحك وأرقد
هيثم:هههه شكرا ع المدح
كريمه:خلي خوك..نحطلك حاجه تاكلها
هيثم:ءاي والله جيعان
آيه:مابعدك عاد يومين لانوم لا اكل
كريمه:الحمدلله ياسمين تحسنت وتطمنا عليها
هيثم:الحمدلله
كريمه:هي توا انحطلك تاكل
ياسمين:بابا انت مريض
آيه:ياخواتي سلمها اللي خايفه ع بوها
هيثم:لالا انا كويس..وفجأه فقد توازنه وف آخر لحظه مسك ف الكرسي قبل مايطيح
*
إسراء:علي نبي نمشي للمستشفى نتطمن ع ياسمين
علي:انتي مش متحمله ريحة المستشفى بتمشي اتدوخي زي امس
إسراء:قلبي مش مطمني ضروري نشوفها بروحي
أنت تقرأ
أحببت منقبه"مكتمله"
Ficção Geralالروايــه باللهجــه الليبيــه ،تحكــي عن بنــت منقبه مهتمه ببوهــا المريـض ،وكانت تبي تجيبلــه الدواء من الصيدليــه ،فجــأه تلتقى بشــاب وسيم، و يجمعهــم القدر أكثر من مــره ،ويقــع الشاب في حبهــا لحيائها وجمالها ،وتصير ظــروف واحــداث تحاول تفرقهـ...
