#أحببت_منقبه
الحلقه_التامنه عشر
ياسمين:لاحسين هدا شي تاني..يبيني نكسر الشر ونسمع كلام حسن وفوقها نبطل خدمه ونمشي نعيش معاه
سهام:بجديات😳
ياسمين:تعبت ياسهام تعبت ياريتني اني اللي متت بدال ابوي💔😔
سهام:استغفري الله
ياسمين:بـديت نفكر انه معاهم حق😔ممكن صح انا نفكر بأنانيه
سهام:😨💔شنوو لااا ماتقوليش هكي
كريمه:ان شاءالله ماعطلتك عن شي
هيثم:لا يام ماعطلتيني
كريمه:نتصل ي خالد مايرد ونبي نمشي ل اختي هنيه ضروري
هيثم:هي نرجى فيك
كريمه:آيه إسراء هيا اطلعوا
حنان:انا بنروح اليوم جايني راجلي بيروح بيا
فتحيه:باهي يابنتي اصلا كنت بنقولك روحي عيب مخليته كل هالفتره
حنين:حت نا قلتله يجيني لانه سلفتي ولدت وماحد مع عمتي توا وهيا تبي من يعانيها
فتحيه:سلميلي عليهم وباركي ل سلفتك
حنان:وينها ياسمين
فتحيه:مزال ماروحت
حنين:طلعي اختك من راسك وخليها ف حالها
فتحيه:شن ف
حنان:ولا شي غير حنين بسلامتها
كريمه:صحيت ياولدي
إسراء:نا نزلني عند فرح
هيثم:...
كريمه:سامحنا بنتقلوا عليك
هيثم:لا عادي
علي:ياودي مش معاك فيها..مجتمعنا وتعرفه بتتطلق وبتقعدلك
خالد:شن تقول ياراجل تبيه يخليها عند واحد طالع من الحبوس
علي:لو الراجل مش بريئ ماطلع بسرعه يعني واضح تلفيق التهمه وهو بيخرب ع اخته ع الفاضي
حسن:قصدك نخليها
خالد:لاماتخليها وكيف ماجا هو يجي غيره شنوا هو اللي خش للحبس مش هيا
علي:ربي يهديك ياخالد ليش حاقد عليه تقول الا قاتل بوك
خالد:انا الغالط اللي نبي مصلحته باهي..هي سلام
إسراء:هيثم اني اسفه ع اللي صاير
هيثم:...
إسراء:بجد سامحني مستعده نمشي ونوضحلها كل شي
هيثم:...
إسراء:هيثم وحطت يدها ع كتفه
هيثم:وقف السياره بقويه
إسراء:😨
هيثم:انا لو قاعد ماقطعت علاقتي بيك فهدا عشان امي يا إسراء لاني مانبيهاش تزعل
إسراء:ع خاطرها بتقطع علاقتك بيا؟! صدقني ياهيثم حتتخلى عنك عند اول ضيقه
هيثم:😏هع كان كلامك صح ماكانتش أمس معاي
إسراء:بيناتنا الايام ياهيثم وحتتأكد اني الوحيده اللي نحبك بصدق..وفتحت الباب ونزلت
هيثم:ضرب يده ف الدومان بقويه ومشى
خديجه:ياسمين ف بنت تدور فيك
ياسمين:😳من انا؟!
خديجه:اها مش منقبه راه ف قلت اكيد مش وحده من خواتك
ياسمين:تمام صحيتي ومشت
أحمد:علاش مصر تبي ترجعه
المدير:يا احمد انت تعرف انه هيثم من اكتر الموظفين كفائه وخسارته حتكون خساره كبيره للشركه
أحمد:لكن انت تخاطر بسمعه الشركه
المدير:هيثم بريئ وتأكدت من هالشي بنفسي..واللي زور الاوراق سيوره نعرفه ويطيح ف يدي
أحمد:اا احم احم
ياسمين:السلام عليكم
البنت:وعليكم السلام
ياسمين:تفضلي قالولي تسألي عليا
البنت:اها انتي ياسمين بالجوده...
.
.
.
( #الادمن : عارفتكم كله تبوا تعرفوا من هالبنت وشن دورها ف روايتنا😜 لكن ماافيش تابعوا الروايه وحتكتشوا بروحكم)
.
.
.
أنت تقرأ
أحببت منقبه"مكتمله"
قصص عامةالروايــه باللهجــه الليبيــه ،تحكــي عن بنــت منقبه مهتمه ببوهــا المريـض ،وكانت تبي تجيبلــه الدواء من الصيدليــه ،فجــأه تلتقى بشــاب وسيم، و يجمعهــم القدر أكثر من مــره ،ويقــع الشاب في حبهــا لحيائها وجمالها ،وتصير ظــروف واحــداث تحاول تفرقهـ...
