#أحببت_منقبه
الحلقه_السادسه والعشرين
فتحيه:ياحسن ليش طاوعتها بعد كل اللي صار بتعيش معاه
حسن:كيف علاش؟!
فتحيه:بعد طلاقهم المره الاولى
حسن:سوء تفاهم وانحل
فتحيه:كان كل سوء فهم يتطلقوا عليه ماحد قعد متزوج
حسن:لا يام هما عرفوا من
ياسمين:حسن😳
حسن:اااء قصدي نا كنت ضاغط عليها لكن توا خلاص
فتحيه:شن داسيين عليا..وبعدين راجوا علاش ماحد قال انه تزوج
حسن:لا يام مش متزوج
فتحيه:شهقت كييف
حسن:لالا مش كيف مافكرتي
ياسمين:هدي بنت خوه ياروحي خوه ومرته توفوا ف حادت وهو تعلق بيها ورباها كأنها بنته
*
آيه:شويه بس
كريمه:تعال قعمز
هيثم:بنمشي
آيه:يااام تعاالي اسراء
كريمه:😨مشت بسرعه
إسراء:طايحه ع الارض وفاقده الوعي
كريمه:إسراء إسراء😨ياناري دم
آيه:لازم نرفعوها يام للمستشفى
هيثم:خش قامها وطلعوا
آيه:امي خليك مع ياسمين انتي..وطلعت
*
اخت سهام:شن صاير بينكم خبريني وشن دخل ياسمين
سهام:كله بسبب ياسمين مش حنخليها تبني سعادتها ع حسابي مابنخليها تعاودها
اختها:..؟!
*
حسن:انتي ماحكيتيش لامي عن أخته
ياسمين:لالا ليش نحكيلها قصه قديمه وانتهت والبنت توا متزوجه الحق ربي يستر عليها
حسن:شن قلتيلها
ياسمين:ولا شي قلتلها بيجي يخطبني والمشلكل اللي قبل انحلوا وحت انت موافق
حسن:ماحكيتي حت ع سهام
ياسمين:لا خواتك بس لانهم سمعونا ولا ماكان بودي نخبرهم مانبي نخليهم يكرهوها
حسن:شافلها وابتسهم
ياسمين:خيرك
حسن:فرحان بيك وبيطيبتك بس
ياسمين:☺
*
الدكتوره:ماتخافوا وضعها مستقر توا والحمدلله عطيتها شوي فيتامينات ومتبتات حمل
آيه:الحمدلله
الدكتوره:بس حاولوا ماتخلوها تتضايق او تنضغط نفسيا
آيه:ان شاءالله
هيثم:طمني امي نقالي نسيته
آيه:اي اهو بنتصل
*
كريمه:باهي الحمدلله..كويس ..الحمدلله..لالاماخبرته..اهو الباب اكيد هو..سلام..وفتحت الباب
علي:أهلين عمتي
كريمه:هلا ولدي
علي:وين إسراء من بدري نتصل عليها ماترد
كريمه:إسراء تعبت ورفعناها للمستشفى
علي:كييف خيرها
كريمه:ماتخافش توا كلموني وقالولي حالها باهي
علي:ف اي مستشفى
كريمه:ال ...
*
آيه:كلمتها وقالت بتخبر علي
هيثم:تمام
آيه:خش نشوفوها اكيد راقده
هيثم:هي
إسراء:بتعب أول ماشافتهم..هيثم
هيثم:بدون مايلتفت..نعم
إسراء:برحمة بوي ياهيثم لاقربت ياسمين ولاجيت شورها
هيثم:مش وقته هالكلام
إسراء:لا وقته لعند امت بتقعد كارهني لعند امت بتعاملني هكي حت مش قادر تشوف فيا
هيثم:كله مع الايام ينحل
إسراء:نعترف درت حاجات واجد غلط بس مستحيل ياهيثم مستحيل نمشيلها ونوريها صوره لينا
هيثم:قصدك ياسمين تكذب ؟!
اسراء:ااءء
هيثم:به لنفترض انك ع حق..الصوره تصورت من نقالك وانتي الوحيده اللي عندك هالصوره صح؟!
اسراء:..
هيثم:حت نا ماعنديش ويومها ماكانش معانا غير آيه اللي انا واياها مانعلموش اصلا انك استغليتي اللحظه وخديتي اللقطه
اسراء:صح لكن مانعرفش كيف وصلتها والله
هيثم:يكفي يا إسراء..وطلع
*
سهام:نبي نشوفك توا ضروري
ياسمين:اوك تفضلي
سهام:لالامش ف بيتكم برا
ياسمين:علاش
سهام:هكي اني نبي
ياسمين:اوك تمام
سهام:اوك سلام
*
آيه:صح وقتها كنت صغيره بس متذكره كل شي صار
إسراء:شن متدكره
آيه:كانت أول مره نشوفك تبكي بالدرجه هدي بكاء هستيري يومها كان معاك فرح نتدكر كنتي تقولي مانقدرش نتحمل وبنهبل متذكره صح
إسراء:😳
آيه:وانه هيثم ظالم واناني ف الوقت اللي خلاني نحبه مشى تزوجها
اسراء:..
آيه:بعد مامشتي تغسلي ف وجهك فرح شدت نقالك وقالت جمله مافهمتها وقتها لكن علقت ف راسي
اسراء:تسمع
*
سهام:حنتصاافوا يا ياسمين حنتصافو
*
حنان:خيرك مصدومه
ياسمين:هدي سهام كلمتني تبي نشوفني
حنان:وشن الغريب هيا ماتعرف انك كاشفتها
ياسمين:اي لكن اسلولها ف الكلام غريب كأنها عارفه شي
حنان:بالك راجلها قاللها مش قلتي هو اللي كلمك
ياسمين:انا مافهمتش علاش تقولي نتلاقوا برا البيت!!
حنان:اسمعي فوتيها مرات حت شن مدايرتلك
ياسمين:حنان خيرك هدي سهام شن بتديرلي
حنان:والله زي مامشت وكدبت عليك انتي وراجلك تقدر تدير اي شي
ياسمين:لكن الحق نبي نشوفها لازم نريح عقلي من كميه الافكار اللي فيه
حنان:باه اقل شي اتصلي ب هيثم خبريه
ياسمين:ضربتله قداش مره ماردش ممكن مش جنبه
حنان:ابعتيله رساله
ياسمين:لالا قبل مانطلع نعاودله وخلاص مش موضوع مهم هو
*
آيه:قالت حتقعدي طول عمرك غبيه لو مسحتي هالصوره هيثم لازم ينكسر قلبه كيف ماكسر قلبك
إسراء:😳
آيه:فرح يا اسراء دارت كل شي
إسراء:اتصلي بيها وعطيني النقال
آيه:طلبت الرقم ومداته
فرح:هلا ايوته كيف حالك
إسراء:معاك اسراء يافرح..وشغلت السبيكر
فرح:خيره صوتك تعبان
إسراء:مش مهم بنسألك جاوبيني
فرح:نعمين
إسراء:انتي اللي مشيتي ل ياسمين وعطيتيها الصوره
فرح:ااءء
إسراء:فرح جاوبني إنتي اللي مشيتي ولا لا
*
سهام:صدقني ياجمال انت ظالمني
جمال:طلبت منك تبرير بس وانتي عجزتي عن تقديمه
سهام:تمام تمام انا حنتبتلك اني بريئه وانه كل اتهاماتك ظلم ف حقي
جمال:كيف؟!
سهام:تعال لبيتنا وحتعرف كل شي
جمال:تمام العصر نكون عندكم
سهام:تمام وانا نرجى فيك
جمال:سلام
سهام:سلام ياعمري
*
فرح:بصراحه اي ماتحملتش انه كسر قلبك
إسراء:وهيا شن ذنبها تكسري قلبها ليش يافرح
فرح:نسيتي انها خدت هيثم منك
إسراء:محدش ياخد حد من حد هيثم من الاول ماكانش ليا ولاعمره فكر فيا
فرح:لكن هو..
إسراء:أنا اللي عشمت روحي ف وهم ماليه اساس من الصحه
فرح:لكن لو ماخشت هيا
إسراء:لو ماخشت هيا حيكون ف غيرها وغيرها أفهمي أنا لما قلتلك بننسى حبي ليه كنت متأكده انه مش حيحبني
فرح:انا درت هكي عشانك
إسراء:عشااني كيف عشاني و بسببك هيثم وامي كرهوني مش طايقين حت يشوفوا فيا كلهم ينظرولي نظرة الانسانه السيئه اللي خربت علاقتهم
فرح:اسراء انا كنت نبي نساعدك
إسراء:ساعديني بأنك توقفي معاي وتواسسني .. مش هكي مش نبني سعادتي ع كذبه ولا تعاسة غيري صح كنت نبي هيثم يسيبها لكن كنت نبيه يسيبها لانه حبني مش بالكذب والخداع
فرح:انا مستعده نحكي كل شي ل هلك صدقـ..
إسراء:ماينفع كلامك توا مش حيصدقوني لانهم حيقولو اني اتفقت معاك
فرح:لكن..
إسراء:انسي يافرح..وسكرت الخط وقعدت تبكي
آيه:إسراء
إسراء:خليني بروحي يا آيه
آيه:حاضر وبتطلع😳
*
ياسمين:ألو سهام وينك
سهام:جايه قريب نوصلك
ياسمين:اوك نرجى فيك ماتتأخريش
سهام:خمس دقايق
*
علي:كيف حالها إسراء
آيه:ااء كويسه لو بتشوفها خش
علي:تمام
آيه:قابلك هيثم
علي:من شوي طلع
*
أحمد:ياسمين
ياسمين:😳ااء
أحمد:بإبتسامه كيف حالك
ياسمين:الحمدلله..نستأذن..وبتمشي
أحمد:جا قدامها..علاش مستعجله
ياسمين:لو سمحت خليك بعيد عني
أحمد:توا مش واتقه فيا يا ياسمين
ياسمين:اللي يدخل شخص بريئ للحبس بس عشان بينهم مشاكل شخصيه ماينوثق فيه
أحمد:قدر يلعبلك بعقلك الاستاذ المحترم
ياسمين:الامر مايحتاج انه يلعب ب عقلي
أحمد:اكيد مايحتاج ماهو واخد دور البطل والجنتل مان بعد انقدك من اللي خطفوك مع انهم ماكانوا يبوا يقتلوك انتي
ياسمين:بخوف وخرت..أأء وانت كيف عرفت انهم مايبو يقتلوني
أحمد:ااءء الشرطه أأءء الضابط
ياسمين:لفت بتمشي
أحمد:مسكها من يدها وجدبها ليه
هيثم:ياسمين
ياسمين:😳ااءء هيثم
أحمد:ماف داعي اندسوا شي شفت بعينك
ياسمين:هيثم ماتصدقاش😢🙊
هيثم:ياسمين😠...
*
علي:حبيبي
إسراء:نعم
علي:علاش وافقتي عليا
إسراء:😳علاش تسأل
علي:هك فضول
إسراء:أولا لانك صديق المرحوم خالد..وانا موأكده انه خالد مستحيل يرضالي بشخص مش كويس وبعدين لما تكلمت معاك حسيتك انسان رازن ومتقف وعجبتني
علي:اللي فهمته من حديت خالد انك كنتي رافضه الزواج
إسراء:ممكن بناها الفكره بسبب رفضي ل جارنا
"نرجعوا 4 للورا
هيثم:انتي موافقه ع الزواج
إسراء:ماردتش
كريمه:خلاص ياهيثم يكفي..قوليله انك موافقه
إسراء:نزلت راسها اي زي ماقالت امي
هيثم'ماتنزليش راسك..شوفي فيا ماف حد ف هالدنيا يحقله يجبرك تتزوجي واحد ماتبيه..جاوبيني بصدق وانا نوعدك حنوقف معاك..صدقيني نوقف ضد الدنيا كلها ع خاطر سعادتك
إسراء:انفجرت بكاء
هيثم:حظنها خلاص خلاص
وتسكر موضوع الزواج لعند إسبوعين لما تقدم علي ل إسراء
خالد:الولد صاحبي وقدر
كريمه:انا مش حنتكلم كلكم طلعتوني غالطه ع القصه الاولى
هيثم:لايام مش هكي لكن الحق مايجيش تغصبيها
كريمه:به وخليها تقعد هكي
هيثم:توا انا نحكي معاها..ومشى
إسراء:كانت تلعب ع النقال
هيثم:سروو
إسراء:تفضل تعال
هيثم:من الاخير ف موضوع بنقوله لك
إسراء:شن هو
هيثم:علي صاحب خالد متقدملك ويبيك
إسراء:😳شافت لهيثم بقلق
هيثم:لالا ماتخافيش ماحد بيغصبك قلتها لك من قبل ونعاودها نوقف ضد الدنيا كلها ع خاطرك
إسراء:شفت لعيون هيثم وكميه الخوف والقلق اللي فيهم تأكدت أنه هيثم يحبني اي اي يحبني لكن مش زي ما انا إنحبه إيحبني حب أخ ل أخته تأكدت أنه ولا ممكن ف يوم هيثم حيشوفلي بنظرة زوجه وام أولاده
هيثم:نقوللهم انك مش موافقه
إسراء:لالا خليني نشوفه بالاول
هيثم:إبتسم..اي قرار تاخديه انا معاك فيه"
نرجعوا لوقتنا
علي:..
إسراء:😳
يتبع...
#Mimi_m
أنت تقرأ
أحببت منقبه"مكتمله"
General Fictionالروايــه باللهجــه الليبيــه ،تحكــي عن بنــت منقبه مهتمه ببوهــا المريـض ،وكانت تبي تجيبلــه الدواء من الصيدليــه ،فجــأه تلتقى بشــاب وسيم، و يجمعهــم القدر أكثر من مــره ،ويقــع الشاب في حبهــا لحيائها وجمالها ،وتصير ظــروف واحــداث تحاول تفرقهـ...
