أحببت منقبه"مكتمله"

الحلقه 21

#أحببت_منقبة
الحلقه_الواحد والعشرين
خالد:رفع يدها وباسها من كفها من الداخل
رحاب:ابتسمت..هي ياعمري نخليك توا..ومشت
هيثم:😳خااالد
خالد:توتر خير؟!
هيثم:شن كنت تدير معاها
خالد:وانت شن دخلك
هيثم:انت عارف انها متزوجه؟
خالد:ماتتدخلش ف حياتي
هيثم:نتدخل لما نشوفك تغلط
خالد:هيثم إلزم حدوودك..ومشى وخلاه
هيثم:شن اللي اتدير فيه ياخالد
*
ياسمين:ف الاول وفاة بوي صدمه وقعها حيقعد طول عمري حنستاحشه ودايما ح نتفكره..بس اقل شي بوي لما رحل ماقهرنيش ماخاني ولاخذلني صح خسارته صعبه بس متأكده من حبه ليا لكن خسارة هيثم تكسر لانه خذلني خسرت أعز اتنين ع قلبي الاول عند ربي والتاني يسامحه ربي💔
*
وفااتوا الايام
ياسمين:تحاول تبين للكل انها بأحسن حال
سهام:كل يوم تحكي مع هيثم لعند تعود عليها
اسراء:مابطلتش محاولاتها
جمال:يجهز ف اموره للفرح
خالد:كل يوم يغرق ويغرق اكتر مع رحاب
هيثم:يقنع ف نفسه انه نسى ياسمين
بعد شهرين
كريمه:هيثم نبيك ف موضوع
هيثم:ان شاءالله خير
كريمه:خير خير تعال
إسراء:شن ف زعما
*
رحاب:ياعمري تعالا قدام حوشنا استاحشتك
خالد:حاضر تأمري أمر بس قولي شن تبي
رحاب:امم خاطري ف شكلاطه
خالد:وأحلى شكلاطه لعيونك
*
كريمه:شوف ياهيثم الحال هدا مايصير فاتوا تلات شهور يكفي
هيثم:..؟!
كريمه:خلاص صار لازم تتزوج
هيثم:شنوو؟!
كريمه: ياهيثم العمر يمشي وياسمين موضوعها انتهى والله أعلم تكون تزوجت او شن صار فيها
هيثم:يام
كريمه:اسكت واسمعني انا مابنخليك تضيع عمرك ع حاجه انتهت فكر ف كلامي كويس وعروستك واتيه
*
خالد:اني قدام الباب
رحاب:لحظه بس توا نطلعلك
خالد:نحطهالك ونفوت
رحاب:ماتبيش تشوفني
خالد:أكيد نبي
رحاب:لحظه ياعمري
*
جمال:انت وين
هيثم:خش للبيت توا نجي
جمال:هي نرجى فيك..وسكر
إسراء:هيثم
هيثم:نعم!
إسراء:قعدت ساكته
هيثم:مستعجل يا اسراء عندي ماندير..ومشى
إسراء:ماصدقت طلقت الاولى💔بتتزوج التانيه
*
جمال:شوف من الاخير بنقولها لك
هيثم:شن فيه
جمال:شفت خوك قدام حوش رحاب وواضح يكلم ف حد
هيثم:عاارف خالد غارق غرقه
جمال:كيف تي متزوجه
هيثم:لازم انديرله حل اسمع شن بنديروا....
جمال:تمام
*
شهد:مرات تتحسس لو انتي قلتيلها خليني اني نقوللها ياعمتي هكي هدرزه بنات
فتحيه:خلاص باهي
شهد:خليك انتي..وناضت
ياسمين:أفضل علاج للحزن القُـرآنْ الكَـرِيمْ..ركبت سماعاتي وشغلت سورة البقره
شهد:ياسمين
ياسمين:نعم
شهد:علاش قاعده بروحك
ياسمين:ولا شي
شهد:الجو سحاب اليوم جو رومانسي صح ههه
ياسمين:عادي وخلاص
شهد:ناقصه حبيب بس
ياسمين:...
شهد:بجد ياسمين شن رايك خوي يدور ع مرا تاخديه ونبدوا عيله وحده مع بعضينا بصوت محمد هنيدي
ياسمين:ههه فوق ماقاعده معاكم بناخده واجد
شهد:اللي نعرفوه خير من الل مانعرفوه ولا شن رايك
ياسمين:تنهدت وسكتت
شهد:ياسمين ألو
ياسمين:انا عارفه انك تجسي ف نبضي وعارفه انه امي عندها علم وممكن قالتلك حت تخبريني
شهد:اا
ياسمين:رجاءا خاص ياشهد ماعاش حد يفتح معاي موضوع الزواج مضايقين مني مستعده من اليوم نرجع ل بيتنا
شهد:لا والله مش هكي ولو ماوسعك البيت نحطك ف عيوني لكن
ياسمين:بدون لكن رجاءا ياشهد لو كنتي تعزيني
شهد:حاضر
*
اسراء:امي يافرح بيتجلطني بتزوجه
فرح:باهي ماتقدري تفهميها انك تبيه
اسراء:تشرب من دمي
فرح:عليك حاله
*
شدى:ياسمين عارفه اني صغيره وعارفه انه اغلي كلامي مش موزون ونضايق ف الناس
ياسمين:ولايهمك ماحطيت ف بالي
شدى:عارفه لكن صدقيني ماكان قصدي واسمعيني كلنا عارفين انك تضحكي بس مجامله وتقعدي معانا بس مجاله لكن لعند امت
ياسمين:...
شدى:عمى الله يرحمه عمرنا ماحننسوه ةزعلك عليه مابيرده ف ماتعدبيه ف قبره
ياسمين:الله يرحمه
شدى:وراجلك الله غالب ممكن ربي كاتبلك الاحسن منه لكن ماتسكري ع روحك وتقعدي هك مش من حقك تزعلي امك وتخليها تخمم عليك..وطلعت وخلتها
*
فتحيه:شن صار
شهد:هزت راسها ب لا
فتحيه:لاحول ولاقوه الا بالله
شدى:لالا تطمنوا الموضوع عندي
شهد:شدى شن درتي
شدى:توا تشوفوا خليكم واتقين
*
وفات اليوم
سهام:حسن؟!
حسن:اهلين سهام
سهام:خير ان شاءالله
حسن:جيت بنقدم استقالة ياسمين
سهام:😳كيف مابترجع
حسن:اي خلاص بتستقر غادي..هي نستأدنك
خديجه:كبستك من هدا
سهام:اخوا ياسمين
هيثم:كنت فايت وفجأه اسمعت سهام تتكلم ماقدرتش نمنع نفسي ومانسمع
خديجه:كيف حالها
سهام:هزت راسها مش عارفه..جا بيقدم استقالتها
خديجه:معاش بترجع
سهام:بتستقر غادي
خديجه:بتتزوج غادي😳
سهام:ممكن
هيثم:💔
*
حسين:قدمتها
حسن:اي
حسين:تمام شنو امت بتجي
حسن:ممكن نهايه الاسبوع
حسين:تمام
*
شدى:شهدد قولي ل خوك البارد يسكت عني
وائل:خلاص ماتزعلي ياعصا السباقيتي
شدى:بعد ماتكلمنيش.وناضت
شهد:خلي اختك
وائل:ههه تعالي نبصر والله..ولحقها
ف نفس اللحظه
ياسمين طلعت من الدار بتجيب اميه
وائل'😳ااء
ياسمين:😳🙊انصدمت ورجعت للدار
شهد:واائل تعال تعال معانا اخت راجلى ماتخش هكي طول
وائل:اها مانحساب
*
ياسمين:سامحني ياربي ماكنت ندري انه برا استغفرالله😖
*
هيثم:اللي قهرني اني ماقدرتش ننساك ولا قدرت نحب غيرك واليوم انصدمت انك بتكملي حياتك بدوني💔ياترى يحبك كيف ماحبيتك 😔💔ربي يهنيك معاه..من اليوم ماعاد يحقلي نحتفظ بصورتك..ومسحها
"" الـبارحه الـنَّفس مـخنوقه ومنغمه
وسراني الحزن اللي ف بالي
أشوف صورته بالجوال وأضمه
وأودعه وأمسح اللي له بـ جوالي""
*
وفات الوقت وف الليل
📱رن نقال
خالد:اهلين
رحاب:وهيا تبكي خالد انت وين
خالد:خيرك شن فيه
رحاب:خالد تربحك تعال ل بيتنا توا
خالد:شن صاير معاك
رحاب:بالله عليك تعال نرجى فيك وسكرت
خالد:طلع طول بدون مايفكر
*
هيثم:نسيت النافده مفتوحه ووقف يسكر فيها_خالد!!ان شاءالله مايطلع اللي ف بالي صح_ورفع النقال_ألوو_أسمع تقدر تجي توا_جيب الامانه اللي عندك_تمام_وسكر
*
خالد:الو وينك اني قدام الباب
الراجل:وقف وشد ع راس خالد سلاح ياواطي ياعديم الشرف طحت بين بيديا وضربه بوكس
خالد:انت!!
الراجل:تحسابها ساهله تحساب الميه تمشي من تحتي ومش زابط.شباب تعالوا اربطوه
وركبوا ف سيارات ومشوا ل مكان بعيد
الراجل:والله لما نقتلك..اني توصل ف شرفي يا&%$@#
خالد:فك يديا وخليك راجل مش مستعين بكلابك
الراجل:عطاه بوكس..انت الكلب..بنخليك تتمنى الموت وماتذوقه ياكلب
*
ياسمين:كيف عادتي كل ليلة انوض ونصلي قيام الليل_عن كمية الراحه اللي فيها قريت مره انه البيت اللي فيه حد يصلي ف صلاةالقيام يشع منه نور وكيف ما أحنا نشوفواف نجوم السماء مضيئه الملائكه تشوف ف بيوتنا مضيئه ولو صار يوم وماصليت يطفى النور فـ تتسائل الملائكه عن صاحب هدا البيت وتدعوا الله ان يكون بيخير وتتيسر اموره عشان يرجعوا ويشوفوا النور كملت صلاتى وقريت شوي قرآن وبديت ندعي ل ربي ورغم عن عقلي إلا أنه قلبي نادا بـ إسمه سهوا وكالعاده كان له من دعائي نصيب
""اللهم البسه لباس العافيه واسعد قلبه واكفيه ماهمه وارزقه من اوسع كرمك اللهم اني أحببته فيك فلا تكلفني مالا أطيقه أربط على قلبي ولا تفتني ب أحد""
*
هيثم:سحب سلاحه ولا واحد يتحرك
خالد:😳هيثم
جمال:هات سلاحك انت وياه سالم أربط يديهم
سالم:تعالوا ياكلاب
الراجل:انت ماتتدخل هالحقير لازم يموت
هيثم:خليك ساكت خير مانقتلك انت
الراجل:هالـ&%$#! ع علاقه مع مرتي
خالد:نزل راسه
الراجل:صدقني حنقتلك وحنقتلها ياسافل كيف تلمس مرا متزوجه
خالد:😳انت شن تقول انا ماقربتها كنت نرجى ف طلاقها
الراجل:ع من تكذب اللي ف بطنها مش ولدي تحساب بتضحكوا عليا
*
حسين:واعيه مارقدتي
ياسمين:نضت نصلي ف القيام
حسين:تقبل الله منك
ياسمين:مني ومنك صالح الاعمال
حسين:اها صاار هدا سبب النور اللي ف وجهك
ياسمين:هههه اي نور الايمان
حسين:نحساب كريمات
ياسمين:هههه وانت شن عرفك بالكريمات
حسين:عاد اني خوك بحكم خدمتي المفروض انبيع ادويه..هدا المعروف ولاه
ياسمين:اي
حسين:لاكن انتم البنات حت من دوا الحساسيه والحروق خليتوه للتبييض تجي وحده تقولي نبي ونبي نقوللها عندك روشيته تقول لا مش ل مرض بنديره ع بشرتي
ياسمين:هههه
حسين:تجي وحده وبعد اسبوع ترجع بلون تاني اني ف نفسي نقول اكيد هدا نور الايمان اللي يقولو عليه
ياسمين:ههه حرام عليك قتلني ضحك
فتحيه:بسم الله خيركم الساعه 3
حسين:تعالي تعالي يانبع الحنان هدرزي معانا والله استاحشت ايام زمان وهدرزاتنا
ياسمين:قصدك ايام زمان وطرايحنا ههه
فتحيه:.."حسيت بفرحه بعد شفت ضحكة ياسمين اللي ليا شهور ماشفتها..الحمدلله ياربي"
*
خالد:😳..قعد مصدوم
هيثم:لا هو من حيث انك خايب والميه تمشي من تحتك ف ايه انت عار ع الرجاله..جمال جيبه
جمال:نزل واحد من السياره مضرووب ومربط
الراجل:صلاح😳شن درتوا فيه ياكلاب والله نقتلكم
سالم:طلع يعرفه؟!
الراجل:هذا ولد عمى ياكلاب
هيثم:هههه لا مابعدتوا يعني عيله وحده مع بعضيكم
سالم:عيله واطيه
جمال:نعرفك بغريمك اللي مرتك عايشه حياتها معاه
الراجل&خالد:انصدموا
هيثم:ولو تبي تتأكد شوف النقال الرسائل والصور وحدفه له
جمال:فك يده
الراجل:😨ااءء
هيثم:اخوي مادخله مرتك حاولت إتلبسها ليه لكن الحمدلله انا موجود
*
اسراء:لالا مش راقده
فرح:سن قااعده اتديري
اسراء:بصراحه قلقانه ع هيثم تخيلي مع 2 نشوف فيه طلع
فرح:مرات ماشي ل صحابه الاولاد عندهم هك حركات
اسراء:وانتي شن مسهرك
فرح:مكسده ع واحد تعرفت عليه امس
اسراء:ماعندي مانقول
فرح:ههه خليك ساكته احسن
*
خالد:يشوف ف هيثم بإستغراب
هيثم:حط السلاح ع راس الراجل..وحق لا إله إلا الله انت ولا حد من كلابك تقرب خوي والله ندفنكم انتم وحيين
جمال:نرفعوه الولد! يقتلوه وتقعد ف رقبتنا
هيثم:لا خليه اصلا الشرطه جايه
هيثم:شاف ل وجه خالد..راجواا
جمال&سالم:شن ف؟!
هيثم:عطا الراجل بوكس..هذي لانك مديت يدك ع خوي..ومشو
"خوي الزوود هو حزام الظهر
أبد مايطيح وظهره ماينكسر
الخوه جناح وتعلى البشر
مال الاخوان بالدنيا خسر
من الدنيا ظلمه يركض يضويلي
من أقول الحيل راقد هو يشد حيلي
من أطيح بعوز اشوف برووحه يجيني"
الراجل:فك يده بسرعه ياوااطي
خالد:..
هيثم:..
جمال:لااا..
يتبع..

#Mimi_m