#أحببت_منقبه
الحلقه_الحاديه عشر
اسراء:عادي قبل ع النت واليوم اتصال يضايقك؟!
هيثم:وقت تاني يا اسراء بنرقد وتاعب هي سلام..وسكر
اسراء:💔سكر ف وجهي
هيثم:سامحيني لكن شعورك لازم يختفي
*
ياسمين:اني نعست نكملوا هدرزه ف الشركه
سهام:ان شاءالله تصبحي ع خير
ياسمين؛تلاقي الخير وسكرت وكيف بترقد...تذكرت حق الورقه ..ومشت جابتها وبدت تقرا📄
"سامحيني ماعنديش نقال هدا علاش كتبت ف ورقه انا نكون مرت الراجل اللي بيخطبك..ياوخيتي ماتوافقيش راه اني عايشه ف جحيم توقعت ماعندك علم من وقت سمعته قال انه عن طريق خوك لهدا قلت نخبرك وبالله عليك ماتحكيش لحد اني خبرتك والله الا يدبحني راجلي"
ياسمين:حي😳
*
وفاتت الليله والنهار
ياسمين:ياناري طلع متزوج ومبهدل مرته
سهام:مرات كذابه غير ماتبيك تاخديه
ياسمين:لالا واضح من تعامل امه وبعدين معاها حق راه راجلها
سهام:باهي شن الحل
ياسمين:بنقوله طلعت وحده من الموظفات تعرفه وهو متزوج ومانبيه واصلا امي وابوي مستحيل يوافقوا
سهام:جاتك من ربي
ياسمين:اي والله
*
جمال:تي خيرك هاليومين مش عاجبني
هيثم:تبي الحق حاس روحي طايح طيحه
جمال:ياساتر شن ف
هيثم:ملاحظ ع اسراء حركات غريبه
جمال:كيف يعني
هيثم:اتصالاتها هدرزتها جاياتها لعندي وحركاتها لما نكونوا بروحنا
جمال:ايوا عاد
هيثم:صار قداش من موقف وانا كل مره انقول لالا نتخايل
جمال:تصير ممكن اهتمامك بيها خلق عندها شعور انها تحبك
*
خديجه:ياسمين دكتور احمد يبيك
ياسمين:😳ان شاءالله خير
خديجه:ممكن روتينيات ف الشغل ماتخافيش
ياسمين:اوك لحظه بس نكمل الملفات ونمشيله لانه المدير يبيهم توا
خديجه:ماعندك مشكله اصلا هو ف مكتبه
سهام:تلعب ف حواجبها اووه
ياسمين:وحق لا اله الا الله تحلي فمك تشوفي مايصرالك
سهام:هههه ماقلت شي اللطف
*
هيثم:تي حب شن هدي ..
جمال:عارف بتقول هيا زي اختي لكن ف النهايه مش اختك والبنات بصفه عامه عاطفيات
هيثم:توا شن الحل
جمال:الحل انك توقفها عند حدها قبل لايزيد الامر سوء
هيثم:كيف تبيني نقوللها ماتحبيني انا مانحبك وهيا ماقالت شي
جمال:هدا اللي نقصده تتكم انت قبل ماتتكلم هيا
هيثم:والمعنى
جمال:قوللها انك حاط عينك متلا ع حد او مش مفكر تتزوج او حت انها اختك والجو هدا يعني
هيثم:مايهون عليا نكسر بخااطرها
جمال:لو سكتت حتكسر قلبها مش بس خاطرها
هيثم:زعما
جمال:انا هدا الحل متاعي وانت حكم عقلك
هيثم:ان شاءالله خير
*
خديجه:قصدك مازال مامشيتي
ياسمين:حيي نسيت بكل..ومشت
أحمد:شاف ل الساعه..خيرها ماجت
ياسمين:خبطت الباب
أحمد:تفضل
ياسمين:السلام عليكم
أحمد:وعليكم السلام
ياسمين:آسفه عطلت..لهيت ف الملفات
أحمد:ماف مشكله قعمزي..شني مرتاحه معانا
ياسمين:اكيد الشركه جدا منظمه
أحمد:ناض..وبيسكر الباب
ياسمين:ااءء لوسمحت ياريت يقعد مفتوح
أحمد:واضح عليه انه تضايق..مش واثقه فيا
ياسمين:لالا حشاك لكن هكي افضل
أحمد:تمام اللي يريحك
ياسمين:تفضل دكتور
أحمد:نبيك تشوفيلي الملفات اهما
ياسمين:خدتهم..حاضر وناضت
أحمد:وين
ياسمين:لمكتبي انشوفهم ونرجعهم لك
أحمد:ااءء علاش مش هنا
ياسمين:نكملهم ونجيبهم لك..نستأندك..وطلعت تلاقت مع
هيثم:هز راسه
ياسمين:😳احم..وفاتت
أحمد:ضرب يده ع الطاوله
*
اسراء:وجعني خاطري كيف سكر عليا الخط
فرح:مرات تعبان وبيرقد
اسراء:لكن مش بالطريقه اهيا لحظه توا نبعتلك تسجيل المكالمه
فرح:باه
اسراء:🎵
فرح:ممكن ناعس تحسيه استغرب اتصالك بس
اسراء:اووف يافرح انخنقت
*
سهام:بابتسامه كنه دكتور احمد
ياسمين:اقسم بالله مانيش ناقصه مصايب
سهام:اسمله خيرك
ياسمين:الواضح الدكتور ع خاطر دخلني للشركه بيمنني بيها ومتاع جو بياخد وجهه
سهام:معقوله
ياسمين:اووف حسيت صورته انهزت قدامي
سهام:احكيلي بالتفصيل
ياسمين:غير راجي اندقق ع الملفات ونعطيهم له
وفاات الوقت وكل حد روح
ف البيت عند ياسمين
حسن:ها شن فكرتي
ياسمين:شافت لامها
فتحيه:وقت جيتنا شن قلت ع الراجل محترم وخلوق ولاه
حسن:اي صاحبي ونعرفه
حسين:وعلاش ماقلت انه متزوج
حسن'ااءء..وشن فيها
فتحيه:كيف شن فيها بتزوج اختك ع ضره
حسن:شرع ربي
فتحيه:والله يمشي يتزوج حت عشره لكن مايكذبش ويقول مش متزوج لعند نسألوا عليه يطلع متزوج
حسن:ومن اللي كذب هو عاطيني العلم
فتحيه:امه كذبت وبعدين انا شفتها كيف تعامل ف المرا والله انا بنتي عزيزه وماهي زايده نعطيها ل وحده هكي
حسن:يعني شنو
حسين:واضحه ماف نصيب
حسن:طارتله وطلع
ياسمين:اتضايق يام
فتحيه:خليه يتطربق كان الراجل كويس ومرته هيا اللي عفنه ماقلت شي لكن يطلع الراجل والام احرف من بعض لايابنتي ماك زايده عليا
*
كريمه:ع سيره الموضوع اللي فتحته لك يومها
هيثم:يام انا
كريمه:غير اصبر نتكلم..ماصارش من البنت طلعت مخطوبه
هيثم:اها أحسـ..وفجأه تدكر كلام جمال
كريمه:نشوفلك غيرها
هيثم:ماتشوفيلي الحق يام انا حاط عيني ع وحده معاي
كريمه:والله من ومن عيت من
هيتم:الحق يام ماعرفت البنت محافظه وماعندها خلطه بحد
كريمه:باهي باين عليها كويسه
هيثم:المهم يام وقت نزبط وضعي نخبرك
أنت تقرأ
أحببت منقبه"مكتمله"
General Fictionالروايــه باللهجــه الليبيــه ،تحكــي عن بنــت منقبه مهتمه ببوهــا المريـض ،وكانت تبي تجيبلــه الدواء من الصيدليــه ،فجــأه تلتقى بشــاب وسيم، و يجمعهــم القدر أكثر من مــره ،ويقــع الشاب في حبهــا لحيائها وجمالها ،وتصير ظــروف واحــداث تحاول تفرقهـ...
