#أحببت_منقبه
الحلقه_السادسه
هيثم:وين المدير
السكرتيره:كيف طلع
هيثم:امت بيجي
السكرتيره:ما اعتقد يرجع لانه لغى كل الاجتماعات اليوم
ياسمين:كيف يصير لازم يشوف الملف قبل مايوقع الصفقه
السكرتيره:😨ااءء..لو شي مهم توا نعطيه له ..وخدت الملف
ياسمين:😳ااءا
هيثم:خدا الملف..لا توا احنا نوصلوه له..ياريت تتصلي بيه وتعطيه علم وقوليله انه امر مهم
السكرتيره:ان شاءالله
*
سهام:خدوج وين ياسمين
خديجه:ف ملف ف شي ومشت بتعطيه لموظف معانا يشوفه
سهام:متاع شنو
خديجه:ماندريش الحق حاجات مافهمتهن
سهام:اها
*
ياسمين:اعتقد انه لو خليناه مع السكرتيره افضل
هيثم:ماشفتي ملامحها ف شي غلط
ياسمين:وتوا شن الحل
هيثم:انتي خليه عندك وبكرا جيبيه معاك وان شاءالله نحصلوا المدير
ياسمين:ان شاءالله
*
فرح:ها شن مستعده
اسراء:حاسه روحي متوتره
فرح:هههه غير لانك اول مره توا تشوفي لماتلقيه يمشي معاك تاخديها عادي
اسراء:ان شاءالله يصير اللي ف بالي
فرح:يصير يصير
*
وفات الوقت
سهام:بكرا مراجعة عمي خديتي اذن
ياسمين:ايه
سهام:مابتجي بكل ولاه
ياسمين:اي..وتذكرت الملف ..ااييي
سهام:خيرك
ياسمين:اركبي انتي..ومشت
*
سهام:معليش شويا بس توا تجي تذكرت انها ناسيه أأءء..المهم توا تجي..وقعدت
البنت:موعد الحافله مايتغير علاش ماتتذكر حاجاتها من الاول
سهام:والله ياعمري لو مش مرتاحه تقدري تشوفيلك حافله تانيه..وابتسمت ولفت
البنت:طارتلها وسكتت
*
ياسمين:سهام ركبت ولاه
خديجه:ايه
ياسمين:تمام هي سلام
خديجه:سلام
*
السكرتيره:ايوا هاهي طلعت
👤:تمام..وسكر
السكرتيره:لو سلمت الملف حنضيع انا😨
*
هيثم:طلع مع شاف ياسمين طالعه..ابتسم
ياسمين:عليك حشمه ديما متأخره عليه
وفجأه تطلع سياره تجري🚗
هيثم:ياسمين انتبهي
ياسمين:😳
هيثم:جبدها ف آخر لحظه
ياسمين:طاحت شنطتها من يدها
لفت السياره وبخفه واحد فتح الباب رفع الشنطه وهربو
سهام:ياسمين😱
ياسمين:😳خنبوا شنطتي
هيثم:مش مهم ..الاهم انتي ماصارلك شي
ياسمين:الحمدلله..شكرا لك
هيثم:هدا واجبي
سهام:ياسمين صارلك شي حاله باهي حسبي الله فيهم قريب قتلوك
ياسمين:الحمدلله ماصارلي شي ..خنبوا الشنطه بس
هيثم:لو فيها اوراق مهمه لازم تبلغي الشرطه
سهام:انتي ف العاده ماتحطي ف اوراقك المهه ف الشنطه
ياسمين:فيها مصحف واقلام وحاجات تانيه بسيطه
سهام:شنطه كبيره ترفع بنادم ع الفاضي😑هدا عليش خنبوها
ياسمين:ههه بالك ربي يهدي الخانب لما يشوف المصحف
هيثم:ضحك..
ياسمين:احم..نشكرك استاذ هيثم مره تانيه وهي بالاذن منك
صاحب الحافله:لو تبي تقدمي شكوى نمشوا للقسم
ياسمين:مايستحق عطلنا بما يكفي..هي ومشت للحافله
البنات:سلامتك سلامتك
*
اسراء:اوو ع المنظر الرهيب شكله هيثم بيتغدا معانا
كريمه:ع اساس قبل ماندير هك
اسراء:انبصر زعلت يا عسل
ايه:اسراء حطيلي رسوم
اسراء:حاضر ياعسل
كريمه:رايقين اليوم
اسراء؛هههه ديما رايقه
*
ياسمين:السلام عليكم
فتحيه:وعليكم السلام
ياسمين:كيف حال بوي اليوم
فتحيه:الحمدلله..هي خشي بدلي وصلي الغذا واتي
ياسمين:اي والله جيعانه..هي
*
👤:الشنطه مافيها اي ملف
السكرتيره:😨انا سمعتها كانت بتروح بيه
👤:اخلقيلي الملف من تحت الارض فااهمه والا ماتلومي الا نفسك..وسكر
السكرتيره:اووف شن درت بروحي انا بس
*
ايه:ماما الباب هيثم جا هيثم جا
اسراء:💓قلبها رعش احم
هيثم:اهلين بـ كبيدتي
آيه:هيثم..وحضناته
كريمه:هلا ولدي
هيثم:باس راسها..اهلا
كريمه:الغدا جاهز هي
*
ياسمين:امي عطيتي بوي دواه
فتحيه:اي عطيته
ياسمين:امم تسلم ايدياتك الغدا يجنن
فتحيه:صحه..بعد تكملي غسل مواعين تعالي ف موضوع نبيك فيه
ياسمين:ان شاءالله خير
فتحيه:خير ان شاءالله
*
هيثم:سلم ايديك رشده جتت ع الخاطر والله
كريمه:صحه
اسراء:صحه..وناضت تدخل ف الصفره
ٱيه:هيثم تعال انوريك ألعابي
كريمه:خلي الولد اكيد تعبان
هيثم:لالا عادي وطلع معاها للجنان
"الجنان كان كبير ومزروع كله منه ومظلل بالشجر "
اسراء:طلعاته هالمعانده
كريمه:ايه
اسراء:تطلعي برا
كريمه:ياودي ناعسه وبنمشي نرقد وخوك كان جا عطيه غداه
اسراء:ان شاءالله..وطلعت
ٱيه:ءهدي اسمهاا اميره وهدي منال👭
هيثم:وهدي👸
ايه:ماعندها
اسراء:جبتلكم عصير🍹🍷🍸..وقعمزت
*
ياسمين:شن ف
فتحيه:توا انتي كبرتي واصلا سننه الحياة انك تستقريي وتكوني اسره
ياسمين:...
فتحيه:عمتك فاطمه تبيك لولدها
ياسمين:😳
فتحيه:ماتقولي لا فكري قبل ني بوك مابنقعدولك طول العمر .. نبوا نشوفوك وانتي عروس وانهنوا عليك
*
اسراء:طلعت نقالها.📱.هي شوفو للكاميرا تشييز
ايه:تسيييز
هيثم:😄
اسرء:📱حلوه الصوره
هيثم:شن خطر عليك
اسراء:لقيت عندي صور للعيله كلها حت خالد
هيثم:هههه صار حت خالد
اسراء'هههه اي..هي وحده تانيه
ايه:هي وجت حظنتهم من خلف
هيثم:ف لحظه لف وجهه بيشد آيه
اسراء:لفت وجهها ف نفس اللحظه
هيثم:انصدم من اللقطه..كانت المسافه بينهم قريبه جدا
اسراء:قعدت نشوف فيه
هيثم:احم وناض
اسراء:احم ندخل الطواسي
هيثم:ماشي اني مروح سلام..ومشى
اسراء:ياربي🙈
*
أنت تقرأ
أحببت منقبه"مكتمله"
Tiểu Thuyết Chungالروايــه باللهجــه الليبيــه ،تحكــي عن بنــت منقبه مهتمه ببوهــا المريـض ،وكانت تبي تجيبلــه الدواء من الصيدليــه ،فجــأه تلتقى بشــاب وسيم، و يجمعهــم القدر أكثر من مــره ،ويقــع الشاب في حبهــا لحيائها وجمالها ،وتصير ظــروف واحــداث تحاول تفرقهـ...
