الرعناء والأشيب

كلمة من الناقل والكاتب

كلمة من الناقل سما ،
السلام عليكم  ورحمة الله وبركاته ،
قصة اختي من زمان ببالي اطرحها وعرضتها على غير كاتبه بس طلبت مني ما تخفي بعض المعلومات وخفت ، و نسيت السالفه ومن  قريت قصص زهراء عجبني هي تكتبها ، اسمي مو الحقيقي عمل رائد  اسمه مستعار ، مكان فيصل اسمه  مستعار عمل رضوان اسمه مستعار حتى اني مو اختصاصي كلشي راوغت بيه الكاتبة حتى تضيعه عن المعارف ، لا اعلنت عن اسمي ولا دخلت الكم من صفحتي  وحتى سالفة معرفة رائد بأسرار اختي اني ما مسؤلة عنها اني عرفت بعدين من اميرة ، اميرة تتصرف وكأن نوفة بتها ترة هي الي خلت لينا تتعرف عليها وهي الي قبلت ، اني اخت صغيره لا احل ولا اربط من عرفت سكتت بأمر من اميرة وهم خوفي من نوفة
توجب اكول هيج لأن البعض اتهمني اني اكره اختي وفضحتها ،والبعض بنا هذا الاستنتاج من خلافنا اني و نوفة اريد اعرف انتم ما تتعاركون ما تصالحون جامدين كلشي تتصرفون صح ماعدكم انفعالات شفتها اصيح على امي وهي دوم اتصيح وتتجاوز وامي تسكت ترة عنها ابسرعه  ،بس تعصبت كلش انفعلت واتعاركت وياها ، امي من اخذت والدي الكاتبة ما ملتفته لهذا الشي  عمرها ١٧ سنة صغيره ، حتى اميرة شبت وياها وصارت صديقتها وترة امي ما زالت صغيره مو عجوز بس هي تبين  اكبر من عمرها من الامراض . وهم فكرها مال نسوان قبل بفكرها المرة لازم تتزوج اهم شي من تشب الزواج الدراسة عدها شي ثانوي منا من يجي العريس المناسب ، نوفة ترى هي زوجتها فيصل حتى تتطمن عليها ، بفكرها اذا ظلت بنفس الدائرة يطيح بختها ،  من اترملت هم سعت بالزواجه وتلح وتقنع ، ومن تطلكت هم تلح ظلت اهواي طبعها لحوح واشيل هم الواحد ترة حتى ويانا ، حبها تضهره بالاحاح و التأنيب اذا  نغلط ، بس ويه اخوي الصغير كلش رقيقة  ،ويانا الله وكيلكم ملحه و عدم رضا وهذا شي احبه لأنها امي وتخاف علينا ،
القصة كومه طلبت من زهراء توقفها وحتى زعلت مني ، ومن تطلكت نوفه كلت الها هاي هي وقفيها وزعلت وحتى أتأخرت ايام طويله عنكم تتفاوض وياي ، وانتم السبب استلمتو نوفة دعاوي  وهي مريضة حاليا اصلا من غير دعاويكم ، نوفة مريضه قرحه بالمعدة بسبب المسمنات و رائد يراجع بيها وبابا هم وامي من عرفت بسبب المسمنات شسوت بيها اكلت كلبها اكل ، ورائد بالرايحه والجاية يدردم عليها هاي الاحداث جديده بأثناء الكتابة صارت والكاتبة مقررة ليلة رجوع رائد و نوفه  تنهي فما اطرقت الها
رضوان اخوية قصته مثل ما كالت الكاتبة تصلح قصة وحدها، عن اخ اشلون واجه فضيحه اخته ، اخ ابو غيره بين اصحابة و أصدقائة الجيران انفضح امرة اكو مواقف تبجي   من ضرب نوفه رضوان اعز صديقه اله ابعدها عنه ، و بعدين من انفضحنا بالمنطقة  اتخلى عن رضوان يشوفه يديرله الوجه ، الكاتبة كان ببالها اسوي جزء ثاني اله خاص بيه وما ركزت وياه بس مصارت عدها فرصة وانتم ما شجعتوها من عرضت الفكرة ،و اشلون تاب وبطل سوالف طيش الشباب مال البنات ، و حب وحده استقر عليها رادها وما صارت قسمته ، احلام  ، وبعد طلاكه صار ضايع فكريا بس يريد يتزوج انعجب بشكل بت جيرانه وما قبلت بعرضه ، جان فاتحها تكيه يريد ياخذه الحلوة و ياخذ لمياء هذا مخططه لأن لمياء  ما تارسه عينه بس يكول خطيه ظاله تعاني اهلها قاسين وياها عاد اخذها واداريها وتخلف الي  بس محابها يدور هم شكل مقبول ،  اميرة ما وافقته ومن انرفض ساعدته و خلته يأسس حياة جديده ويه لينا ،
هذا الرسالة كتبتها سما منفرده و شفهية بالاتصال واني دونتها الكم اقصد اني زهراء هههههه
المهم
خل اعرفكم على نفسي
زهراء من كربلاء ، هوايتي الكتابة متزوجه و عندي بنت و ولد ،
الكتابة عندي هواية يعني اشوكت  ما فرغت اكتب وكل قصة من اكتبها انبه الجمهور واكول الهم على وقت فراغي ماعندي وقت محدد مع الاسف البعض يجرح بكلمة ما تحترمين جمهورج وهذي اخر قصة نقرأها الج ، ليش القصة راح اظل سنوات بالمكتبة  مالتي خو تخلص اذا معدكم صبر و اقروها ليش تدخلون بين الكاتب و احروفه اتركوه يكتب و يبدع ، لأن بينا حالة الهواة ما نعرف نكتب اذا  ما ننشر ونشوف أراء الأصدقاء  والاهل ، الي يحب يقرة ويتاني اهلا وسهلا بيه الي ما يحب ينتظرها تكمل  لا يجرح الكاتب بتهديده اله ، والي مجرد ينتظر ويعاتب بمحبة لا هذا معزته بالقلب ،  ونظام الكروب الي دخلتكم بيه
انشر بيه مقتطفات صارلي سنوات اكتب ترة وانشر بيه نصوص والاعضاء تحب هذي الفقرة ليش دخلتوا تحجون عليه ورافضين الفكرة زين اتعدو المقتطف لا تقروه اذا يثيركم لحد الجزع!
نجي للبارحة صارت عراقيل كومه أخرتني عن موعد التسعة اعتذر بس اني لأن انطيت كلمه انفذ ما اترك واخذوها قاعدة ، و رجاء رجاء خفوا على الكاتبات البارحة دخلت لقصة مو الي لكاتبه غيري ، اهاين عليها ، ومن نعترض تكولون ضريبة النجاح والله ضجت عليها لأن ضريبة النجاح مو الاهاين اعتقد !كلامي للبعض مو العامة ،
انشالله سلطان زمانه اكتبها الكم عبارة عن جزء واحد يتكلم عن رجوع سلطان لا اكثر ولا اقل ، واغيب عنكم واضهر من جديد بقصة جديدة ❤اقوى و اطور
شكرا خااااااص وكبير لمن ساند
شكر كبييييير لمن قدر وابدئ اعجابه بالتصويت
شكر جزيييييل و مع امتناني لمن كان يعلق على كل فقرة ترة مسوية الكم متابعه الكم واعرفكم واحبكم اهواية
شكرا لمن نقد بطريقة وصلت لشغاف قلبي دون احراج ،
لا شكر لمن قرأ وهدد 😆😆😆
زهراء العراقية