الرعناء والأشيب

مقتطف من قصة جديدة

أستعمار

فقد اعصابة أدم  صاح وبراكين نارة بارزة عروق رگبته و اعيونه يطلع منها شرر سنوات و ضرب جفة بالباب
-ادري يا صكارهم هاي النسوان ظالة مكومه ليش هاي لييييش
ليييش
اخر صيحه صارت بوجهي لانه اتقرب عليه بصورة هجومية كفحت انفاسه وجهي
- اني ادري
جاوبني بنفس النبرة
- لك هاي المومسات هم اهواي شنو الي بيها عجبه وهيج نزل راسنا جبيركم ،حط روسنه كلنا بالوحل ومات
- أدم اهدأ نصي صوتك منا البنات لا تسمع هيج كلام عيب
-خل يسمعن ابوهن شسوة بينا عمنا جبيرنا شنو سوة قابل ما يدرن
-ما اعتقد يدرن مزوجة قبله بهاي الطريقة عاد من تجي يمنا لا يحتقرنها بالزايد
كعد على القنفة ويحك ويفرك بجبينه متوتر كأنه ما يريد ينفجر اكثر ويكبت المضموم عنا سنين  ومصنع كل هاي الايام بوجه الهادئ  الرزين فقد صوابه من انمست اهم شي هو يداري عليه كل هاي السنين السمعه  بالمنطقة و البيت
جنا بالهول الجبير صاير كأنه قاعه كبيرة جدا كام افتر حول الميز الزجاجي و راح للاستقبال واني وراه امشي بشكل عفوي ،

باوع لصورة عمي
- ليش . لو كايل الي جنت ساعدتك ليش
هيج ليش  لا بيها جمال ديانا و لا عظمة زليخة
وحده سربوته ملحه شروكية ! معيدية جربة رخيصه
كان صوته ناصي عكس حدته يزئار بينه وبين الصورة المعلكه على الحايط وايده  منتجي بيها على الحايط والثانية يحك بيها لحيته

تذكرون من نشرته الاعلان اهنا وحذفته ،  تذكرته هسة وحبيت اعيد عليكم المقتطف التفاعل حلو عليها كبداية الحمدلله عجبتكم  موجودة بالمكتبة اسمها استعمار  ونزلت اول ٧ بارتات