ماحسيت بس شي حار ينزل واغمى عليه ...
شوية شوية فتحت عيوني وصداع فرد نوووب وكلشي ماذكر كل الي اذكرة انو انخطفت منيه اني شسوي هنا وين ابويه وين اني ماذكر كلشي
كمت واني اباوع لايدي ملفوفه بشاش ابيض تحسست راسي كام يوجعني شويه وفتحت الباب شابه تطلع بعمري
رنا.. هااه كعدتي
سارة.. اني وين وانتي منو😟
رنا... قبل يوم لكيناج ملكوحه بالزرع
سارة... هاااه
كعدت مثل وحدة يأسانة على الجربايه
راحت رنا اتصيح امهة
رنا.. ماما كعدت البنيه
ام رنا.. يي جاية يمة
راحت ام رنا على سارة
ام رنا... هاا يمة كعدتي
سارة... انتو منوو واني شجابني هنا
ام رنا... والله يايمه كعد الصبح ابني سامر ديطلع للزرع وشافج ملكوحه حطج بسيارة وراح على مضمد قريب لان يايمه ماكو مستشفيات هنا اقرب مستشفى على بعد نص ساعه وشفنه هواي دم منج فاخذناج للمضمد وكال فاقدة الوعي ونازفه حطلج مغذي ودم وجابج سامر .... يمه هسة اني اسألج انتي منو شسمج اهلج وين وشجابج لهنا
سارة... اني ماذاكر اسمي
رنا... شنوو😟 يعني شلون
سارة... مااذكر لااني وين ولااهلي منو ووين الي اذكرة انو خطفوني وجابوني وانهزمت ولكيت بيتكم وجيت ووزلكت وكعدت نفسي هنا
ام رنا... يعني متذكرين يايمه حتى اسمج
سارة.. لا
من شفت حالتي انكسر كلبي على نفسي اني وين وشجابني هنا شنو اسمي وين اهلي...
رنا... يله انتي ارتاحي واني حروح اسويلج شوربه
سارة ...ممشتهية
رنا... لا لازم تاكلين مو زين عليج صحتج وخاسرة هواي دم
عافتني رنا وحدي اني ارتجيت اباوع على ايدي ودموعي اتصب لان مثل البنيه الي وحدهة بظلمه والظلمه تلحكهة غمضت عيوني جان راسي فرد نوب يكوم يوجعني
اجت البنيه ماعرف اسمهة
رنا... واحلى شوربه جنت محضرتهة من الصبح خاف تكعدين وهاي هي
شافتني داتوجع
رنا... شبيج بيج شي دتوجعين اخابر سامر
سارة... راسي فرد
رنا... يي صح كال المضمد السامر انو اذا راسهة وجعهة هذا المسكن بس لازم تاكل لان تأثيرة قوي على المعدة
قدمت كاسة الشوربة اكلت شويه بعد ماكدر احسني فرد نوب مااشتهي اي شي
رنا... شو مااكلتي
ساررة... ممشتهية ...
رنا... صح معرفتج عليه.
سارة.يي يي تفضلي
رنا... اسمي رنا والي دخلت قبل شوية امي ابويه متوفي اصلنه من بغداد بس ماكو شغل الاخوية سامر فكال صديق الاخوية يجي هنا ويلزم هذا الحقل لشيخ من شيوخ الغربيه وهو معيشنا يجون لهنا بين فترة وفترة زيارة وااني وامي نخدهم كلش حبابين وودودين
سارة... شكد عمرج
رنا... اني١٩ كملت سادس ابتدائي وجينا لهنا وبطلت
سارة... حلوو 😊
رنا... اممم يعني متذكرين اسمج
سارة... لا😟😔
رنا... خلي انسميج... امممم شهد
سارة.. حلوو
رنا... يله حخليج ترتاحين
سارة راحت رنا حطيت راسي على المخدة ودموعي بدت تجري غريبه اريد اهلي حتى لو ماذكرهم اريد اهلي😢
.....
عساف
ثاني كعدت تا اتهير خابرني محمد
محمد... هلا عساف
عساف.. هلا محمد خير صاير شي
محمد... والله ياشيخ اجت وجبة دوة واني ببغداد تكدر تسير انته وتشوفهة
عساف... انشالله
محمد... اعتذر منك شيخ ادري بيك تريد تحدر للمزرعه بس شسوي ماكدر احدر للمنطقه اني هالحزة وامي مريضه بالمستشفى
عساف... خير انشالله شجرالهة الحجيه
محمد... والله ضغطهة نزل من جينا وجيت بيهة للمستشفى
عساف.. انشالله ماتشوف شرر عجل اني اتوكل اخليها الروحه لين باجر
محمد... تسلم شيخ ماتقصر
عساف.. ولو انته خووي وابن عمي
محمد... والنعم منك ومن اصلك
عساف... يله اخذ راحتك
راح محمد نزعت الدشداشة والغترة ولبست بنطرون وقميص ونزلت
ام عساف...ها يمة شو لابس هيج عجل مو راح تحدر على المزرعه
عساف... مو خابرني محمد
رند... من كال محمد كلبي نكز ووكلت... شبي
عساف... دحك على هاي الفطيرة مابيوووو شيي بس امو تعبانة وجتي وجبة دوة ورايح اشوفهة.. محتاجية شي
ام عساف... روح يمة مامحتاجه شي بس سلامتك يمة
عساف.. تسلمين عجل رايح اني مع ااسلامة
ام عساف ورند... الله معاك
عساف.. ركبت السيارة وخابرت على ولد الي يشتغل بالمزرعه ولد خلوق وحباب اسمه سامر هو عايلته عايشين ببيت قريب من بيتنا
عساف... هلا سامر
سامر... ياهلا بالشيخ...شلونك
عساف... زين مادمت بخير.تصلت عليك دابلغك اليوم لتنتظرني ماني جاااي على باجر
سامر... خير شيخ خوما شر ..
عساف... لاوالله ماكو شي
سامر... شوكت ماتجي هلة بيك شيخ.. ومن تجي اريد احجي وياك بموضوع
عساف.. خير خوما اكو شي
سامر..... لا ماترهم من اشوفك احجيلك
عساف... تأمر
سامر... ما يأمر عليكم ظالم..يله اترخص اني
عساف.. اخذ راحتك
راح سامر كملت الطريق وصلت وعرفت الادويه الواصلة وودهن للصيدلايات رجعت للبيت تعشيت لان النهار كلة على رجليه وتغديت هناك بالشركة فتعبان تعشيت ونمت....
كعدت ثاني.
انتهى البارت😍
اسفه على التاخير بس والله امتحانات 😭 شلونهة البارت🌚🌚
.
.
.
.
