ماذا افعل بدنيا لاتوجد بها تفاصيلك...
رند.. سارة التلفون
سارة.. منو
رند.. هسة تعرفين
سارة... الوو
.... / مبروك يابه
سارة.. هااه عساف
عساف... يي عساف مبروك يكولون كاعد ادورين عريس
سارة باوعت لرند وخزرته
سارة.. ويعني
عساف... بنتي برودج هذا بطلي لااكسر راسج فاهمة. وليش عيني ادورين عراريس دازج تتونسين لو ادورين عراريس حضرتج
سارة... اول شي اني مو باردة بس انته الي تخليني احجي وياك هيج ثاني شي كيفي اعتقد انته مو والي عليه علمود..
عساف.. لا اني الوالي عليج وغصب ما على خشمج فهمتي لو لا والسانج كضي زين ترة اجي انهيج مو تسوين علاقات ويه الرايح والجاي شعندي ديري بالج ع روحج
وقفل التلفون سارة ضلت صافنه على تهديدة
سارة... لج رندددددد
رند... والله معلييه هو كال شكو ماكو وكتله
سارة... اوف منج ناقصني
رند... بنتي اعترفي انتي تحبي
سارة ضلت صافنه على حجيهة
سارة.. شدخربطين انتي
رند... شوفي ترة اعرف بي يحبج وعاشكج ومن انتي جيتي لهنا هو يروح لغرفتج ينام وقبل الكل يكعد وانتي عليش هالمكابر مالتج اعترفي
ساررة... رند متعرفين شي انتي
رند.. شلون ماعرف واني اشوف اخويه يحب وحدة وهي رافضته
سارة... اني مرافضته بس محد يفهمني محد..
عافته وراحت للغرفه بس حجايه رند ضلت ببالهة معقوله لهاي الدرجه واصل بحيث مينام اله بغرفتي واني ماكو سارة شبيج انتي غبيه الرجال كال اني احبج بس ليش رافضه يي صح رافضه لان مستقبلي ماعرفة شلونه ولااعرف اذا جنت اله او لا ماريد اوهمة او هو مو وهم الحقيقه هاي انو اني احبه واعشقه واعشق تفاصيله بس خايفه من المستقبل انو ميبقى وياي واني مجرد انو حسة موجود ارتاح بس المن اشكي والمن اكول محد يفهم الي بداخلي
نزلت جوة خاله ام عساف تباوع وتبسم رجعتلهة الابتسامة ورحت للمطبخ حضرت الغدة وية البنات وهنة يتهامسن هاي الي تكوللهة عطرة الي سبقه وذيج تكول لو عندي منه احطة بباكيت خير شنو معقوله سامر فات بس اكيد هنة شايفاته مو مال هيج شويه واسمع صوته
عساف.. تعالي مرتي
عساف...
من راحت واني كارهو للبيت ماعرف شجرالي من انام ماعرف اله اشوفهة هي ماكو اروح لغرفته وانام على سريره اوف ياريحه الجنه كل مكان بيوو يذكرني بيهة رغم هي ماتريدهة لعلاقتنه وحبنا بس اني مافرضت نفسي عليهة العالم كلهة تعشگ جسد اني عشگت كلشي طفولتهة وبرودهة وعصبيتهة وملامحمة وحجيهة كلشي بيهة يخبل... يوم زفت رنا فكلت عيب اروح انطيها هديا بالطريق خابرت رند حجيت وياها وكالتلي على حجي سارة اني شياطين الدنيا كلهة نطتت كدامي حجيت وياها واني كوة صاك على عصبيتي عليه انوبينه عليه برودهة حجيت وياها وكملت سديته رحت وصلت حجيت ويه امي وفرحت من كالتلي امي شحاجيه وية المريه والي طاش بينهم انو هي مرتي فرحتي لا توصف صعدت للغرفه مالتي غيرت ملابسي ونزلت شفتهة واكفه بالمطبخ حبيت اكمل لعبت امي
عساف... تعالي مرتي
سارة اندارت عليه
عساف ابتسملهة
سارة اشرت بصبعهة عليه وعليهة بس بسرعه
عساف.. يي تعاي لو اجي اشيلج
سارة انكلب لونهة من الابيض للاحمر من الخجل والبنات كلهة يباوعن عليه وهي صافنه مشت عليه
سارة.. بصوت ناصي.. شدسوي
عساف.. العب غير
لزمهة من ايده وراح للربعه صح فتحلهم البيت بس الربعه ممنوع احد يدخلهة فاتوا
هي نترت ايده
سارة.. عساف شدسوي
عساف.. مو مريتي الي ادور عراريس
سارة.. ياخي بالغلط طلعت بس جنت اريد اكسرر جو المشاحنات بين امك والحجيه
عساف... يعني تعترفين انو انتي غلطانه
سارة... ييي بس ليش حضرتك شنو حتعاقبني مثلا
عساف... وهو يقترب منهة.. يي عندج مانع
سارة... شلون يعني
عساف... مو هسة خليهة بعدين اطلبج
سارة.. انشالله يله وخر عيب من العالم
عساف.. سوالهة طريق وهي مشت
عساف.. سارة
التفت عليه
عساف.. اعرفي شغله وحدة انتي الي ومتصيرين ولاحتصيرين الغيري
سارة ابتسمت بخجل وراحت
عساف.. وج اعترفي عاد مو شعلتي گلبي والله
انتهى💜
سوري كلش باجر ووعد منا للجمعه كل يوم انزل باجر يعني بارت باجر والاربعاء والخميس والجمعه سوة وراهة حنرجع على تنزيل بين يوم ويوم والقصه مابقى بيهة شي
شنو توقاتكم؟؟
احبكم
