انا عالم وانت عالم نلتقي كلش صعب💔
رند.. فتت حضنت سارة لزمت وجهة بأيدي
.... شبيج سارة هياتني شبيج
سارة.. حلمت حلم
رند... جان كابوس حياتي اني هنا
سارة... لا مجان كابوس بالحلم مريه كالت حي الجامعه اني متاكدة والله اكو هيج منطقه ؟؟
رند... ييي اكو بس ببغداد مو هين
سارة.. يارب يطلعون اهلي والله مليت اريد ارجع تعبت نفسيا تعبت والله وحضنت رند محد حاس بيه محد
رند هم حضنتهة وبجت وياها وصاحها عساف
رند.. طلعت وراحت لعساف... ولك عساف وهي بين التبجي وتضحك
عساف.. شبيج وشبيهة البنيه وش فيها صابها شي
رند.. لا سلامتها بس
عساف... بس شنوو احجي لتخبليني حبابه
رند.. رجعتلهة ذاكرتهة
عساف...من كالتهة حسيت شي اتجاها انكسر بداخلي
عساف ... شلون يعني *حاولت اسيطر على صوتي حتى رند متنتبه*
رند.... تكول حلمت مرة تكول حي الجامعه ببغداد
عساف.. حي الجامعه؟؟!
رند... يي
عساف..... انشالله خير
عساف...
عفتهم ونزلت جوة واني متكدر "ضايج" من الي سمعته
طلعت برة ضايج فول رحت على السيارة فتحتهة طلع الجكاير يي اني مو دائما ادخن دخنت شربت جكارة ورة جكارة شافني محمد
محمد... خير يا ابن عمي شنو الي حصلك
عساف.. ماادري
محمد... وضعك ابد ابد مو طبيعي احجي
عساف...اوف يا محمد اوووف
محمد... شبيك شجرالك
عساف... گللللبي يامحمد گلبي
محمد... خير شنو شصاير
عساف.. يول من شفتهة واني كلما اصفن اتذكر ملامحهة واتذكر عيونهة وخوفهة وكلشي مو بنيه ملاك والله ملاك ولك من اشوفهة اتمنى اضمهة الصدري ومحد يطلعهة اتمنى تصير بس الي ابقى كاعد واتأمل بعيونهة ولك والله مو عيون ولاكلشي بيهة مال انسان ورتني ور خلتني كلما اشوفه ابقى اتأمل بعيونهة اووف يمه الحكي وليدج
محمد.. سارة؟!
عساف.. شدراك باسمهة *كالهة وهو خازرهة*
محمد... وهل يخفى القمر رند تحجيلي عليهة وثانيا من بنات عمك سمعن ماابطلن دعي على البنيه كول هاهية باجر حتعقد عليهة
