كاره كل حضن بالكون
وبس حضنگ الاحبنه💕
طلعت سارة راحت صبوا الغدة وتغدوا وغسلت المواعين وراحت بدلت لبست فسات محجبات اشترته من طلعت وية رنا كلش حلو ونازك عليهة لونه اسود ولبست ويا ذهبي طلعت تجنن وملفته للنظر نزلت لابسة الحذاء واخر شياكة دتلبس الساعه بالطريق صادفتهة رند شايله التلفون ومخبوصه
رند.. اكلج بس ودي هذا العساف
سارة.. بس
رند... حبابة يولي
سارة.. جيبي
اخذته جانت شايله الشماغ كوته رند وخابرهة محمد راحت سارة هي تندل غرفته من ذيج المرة
دكت الباب
عساف.. ادخل
فتحت الباب شافته لابس الدشداشه وديسوي شعره على المرايه وممنتبه على الي فات
عساف.. فضينه عاد يارند موو تاخ... التفت واشافهة
عساف.. ها سارة وين رند
سارة.. وهي مدنكه... محمد خابرهة
عساف .. هاا شكرا حطي هنا وروحي
من دتحطه رفعت راسهة هو انتبه عليه دتطلع
عساف.. دقيقه شوو اشوفج
سارة.. وكفت ومدنكه
عساف.. رفعي راسج
سارة...رفعته
عساف ضل صافن على كميه الجمال الي كدامه
عساف.. هاي شطالعه حيشوفوج العالم كلهة والل...
حطت سارة ايدهة على حلكة
سارة.. حباب لتحلف
جان يبوس كف اديهة هي فزت ووخرت ايديهة
سارة.. بخجل.. هاي شسويت
عساف... ولج ساره ولج سارة عساف انتي شنو تطلعين هيج والعالم تاكلج اكل
سارة... شسوي للعالم يعني شلون اروح بعدين لتدخل بيه
عساف... اوف لو بيدي اضمج بصدري ومااطلعج بس اوف منج لو بس تحجين
سارة... بس ..
عساف. هاهية روحي شتسوين سوي مالي والي عليج
سارة.. عسا...
عساف... سارة طلعي
طلعت وبعينهة الدمعه ليش هيج حجه جانت تريدة يغار ويكللهة اضمج بكلبي ومااطلعج بعد بس اصبريلي راحت كملت اجت رنا وضلوا يبجون وراهة اجتي الزفه عساف ماكو ركبت رند وسارة وام رند بسيارة محمد وهي ادور بعيونهة عليه متعرف هو ديبادلهة العذاب كملت هوست الزفه ورجعوا باجر الصبح يرجعون للبيت كعدوا كلهم ديتعشون لان ماكلوا ببيت العريس
عساف... يمه
ام عساف... ها يمة
عساف... يمه من جنت اعصيج واتجاوز شتسويلي
ام عساف.. والله جنت احبسنك واضربنك شنو ابني يعصيني ويتجاوز علي عجل لويش اربي اذا ابني يسوي هيج
عساف باوع على سارة... هاا يعني كل واحد يعصي هيج لازم يسووله
ام عساف.. يي يمه ليش اكو حد عاصيك لو متجاوزن عليك
عساف.. تنهد... لا هيج هيج مهرة متقبل تتروض فشكلي حستعمل وياها هالسلوب
ام عساف.. لايمه الاناث يختلفن عاملهن بحب وحنان وهي تجيك
عساف... جربت وياها كلشي ماكو فايده انوبينه كامت ادور فرس
ام عساف... وي خلهة تولي بيعنهة وجيب غيرهة
عساف.. مشكلتي حبيتنهة ييمه حبيتنهة لو بس اتحس بحبي الهة جان تنازلت
ام عساف... خير ييمه انشالله
وسط هذا الحديث كل شوي عساف حط عينه بعين سارة الي من حجوا وهي فاتحه عينهة علية من خلص
سارة.. استاذن اني اروح شوي اكعد بالحديقه
ام عساف.. روحي يمه
رند... شبيج
سارة.. مبيه شي
رند.. هسة الحكج بس اكمل
سارة.. على راحتج
راحت سارة كعدت على كراسي موجودات مال عرس بعدهن كعدت وضمت رجليهة لصدرهة وبجت حست احد قريب
سارة بعد متكدر تكبت بداخلهة... ليش رند ليش ليش اني حتى بالحب مالي حظ حتى من حبيت حبيت واني ماعرف منو اني وين اهلي وين حياتي خايفة اخطوا اي خطوة اتجاه حياتي وارجع ١٠٠خطوة مترددة اني اتجاه كلشي بحياتي كلشي حتى عساف يي احبه بس اخاف من كلشي اخاف يتركني او يأذيني وخايفه اطلع محجوزة لاحد من يم اهلي واكسر كلبه ماريد اكسر كلب احد وراية ماريد اخلي على امل انو اني الة ماصاير الغيرة ومن ترجع ذاكرتي اطلع محجوزة مثل مانتي محجوزة لمحمد اطلع محجوزة لاحد خايفه رند خايفه
.... انتي بس نطقتيهة هاهية
سارة... خالة😶
ام عساف.. يي اني ادري بيج تحبينه واليوم عينج ادورله وتباوعيلة بغيرة من يمر من البنات لتخافين ابني عاشكج وياويلج من عشگ الزلم وج يمه عساف ماطولهة حبنج انسي كل خوف الدنيا عساف كلبه طيب ترة بس هو خايف اي خطوة يتجهه اتجاهج وتتجاهلي عساف مثل ابو هم من حط عينه عليه جابني من نص بغداد واجه على عناد اليرضه والي ميرضه ييمه عشك الزلم صعب واذا انكسر كلبه ماضنته يعود وابني متأمل بيج بالحياة كمت اشوفه بالبيت من جيتي قبل سنتين من اجه لهنا ورجع رجع هايم ويكول يمه عيونهة توكف عشيرة على تك رجل ولج يمه عساف ناطرج لاتخلينه يروح من ايدج لحكي عليه واذا جنتي خايفه ييمه من المستقبل ترة الي كاتبة ربج يصير كومي هسة كومي احجي ويا وكوليلهة الي بداخلج واوعدج اذا نزل منج دمعه انه الزمنه بالعصا ع ظهرة يله
سارة خجلت من كلام ام عساف كلش بس ضل الواهس هاه صح اخاف يعوفني واخاف ميريدني استاذنت منهة ودخلت
رند... هاه هسة داطلع وشفت اني يمج.. شبيج
سارة.. لا مابيه شي وين عساف
رند.. صعد لغرفته ليش
سارة.. تمام
عافتهة حتى مسمعت ردهة
دكت الباب
عساف... ادخل
دخلت لكته مدد ولابس تراك
سارة. احم احجيي وياك
عساف.. تفضلي كام ضلت واكفه
سارة... اه عساف ماعرف شكول.. ونكلب زجهه احمر ودنكت
عساف.. دقيقه دسد الباب
سارة... ماعرف شاكول بس
عساف رفع وجهة بيده
عساف.. بس شنو احجي
سارة.. اني..
عساف.. اششش عيونج دتحجي بس خلي اتأملهن
بقى يباوع بعيونهة ماحست اله هي دصارع علمود تاخذ نفس
يي باسهة يمكن كال جزء من مشاعرة اتجاهه
سارة... اح..
عساف.. احبك انطقيهة
سارة... احبك
انتهى
واني هم احبكم جفاف ادري اني هم بجيت والله سوري بس الجهاز جان عطلان وسويته اعوضكم حرجع على النشر بين يوم ويوم احسن القصه قربت نهايتهة😊😊
يله كومنتاتكم الحلوة😊❤
